കുടജാദ്രി
| കുടജാദ്രി ಕೊಡಚಾದ್ರಿ | |
|---|---|
 | |
| Highest point | |
| Elevation | 1,343 m (4,406 ft) |
| Coordinates | 13°51′39″N 74°52′29″E / 13.86083°N 74.87472°ECoordinates: 13°51′39″N 74°52′29″E / 13.86083°N 74.87472°E |
| Geography | |
  Kodachadri Location in Karnataka | |
| Location | കുന്ദാപുര ഉഡുപ്പി ജില്ല, കർണാടക, ഇന്ത്യ |
| Parent range | പശ്ചിമഘട്ടം |
| Climbing | |
| First ascent | ചരിത്രകാലം |
| Easiest route | നാഗോഡി വഴി |
കർണാടകത്തിലെ സഹ്യപർവ്വതനിരകളിലെ 1343 മീറ്റർ ഉയരമുള്ള ഒരു കൊടുമുടിയാണ് കുടജാദ്രി (കൊടചാദ്രി). കൊല്ലൂരിലെ പ്രശസ്തമായ മൂകാംബിക ക്ഷേത്രം കുടജാദ്രിയുടെ താഴ്വരയിലാണ് സ്ഥിതിചെയ്യുന്നത്. കുടജാദ്രി പ്രകൃതി പൈതൃക സ്ഥലമായി കർണാടക സർക്കാർ പ്രഖ്യാപിച്ചിട്ടുണ്ട്.[2] കർണാടകത്തിലെ ഏറ്റവും ഉയർന്ന പതിമൂന്നാമത്തെ കൊടുമുടിയാണിത്. മലയ്ക്കു ചുറ്റുമുള്ള മഴക്കാടുകൾ എല്ലാ സമയവും മഞ്ഞുമൂടിക്കിടക്കുന്നു. മലകയറുന്ന സാഹസികർക്കായി ഒരു ഉത്തമ സ്ഥലമാണ് കുടജാദ്രി.
ഉള്ളടക്കം
സസ്യ ജീവ ജാലങ്ങൾ[തിരുത്തുക]
മൂകാംബിക ദേശീയ ഉദ്യാനത്തിന്റെ മധ്യത്തിലായി സ്ഥിതി ചെയ്യുന്ന കുടജാദ്രി, ജൈവവൈവിധ്യ പ്രദേശമായി കണക്കാക്കപ്പെടുന്നു. വംശനാശഭീഷണി നേരിടുന്ന നിരവധി സസ്യജന്തുജാലങ്ങളുടെ ആവാസ കേന്ദ്രമാണ്. ശക്തമായ കാറ്റ് കാരണം കൊടുമുടി തരിശായി കിടക്കുന്നു. അടിത്തട്ടിലെ കട്ടിയുള്ള വനമേഖല, താഴത്തെ നിലയിൽ നിന്ന് കൊടുമുടിയെ അദൃശ്യമാക്കുന്നു. കൂടാതെ, മറ്റ് നിരവധി ചെറിയ കൊടുമുടികളും കുന്നുകളും കൊടുമുടിക്കുചുറ്റും നിലനിൽക്കുന്നു. കരിങ്കുരങ്ങ്, പാണ്ടൻ വേഴാമ്പൽ, കോഴിവേഴാമ്പൽ, പറുദീസ ഫ്ലൈകാച്ചർ, കടുവ, പുള്ളിപ്പുലി, ആന, കഴുതപ്പുലി, കാട്ടുപോത്ത്, മലമ്പാമ്പ് എന്നിവയും മറ്റ് പല ജീവികളും ഉൾപ്പെടുന്നു.
പേരിനു പിന്നിൽ[തിരുത്തുക]
സംസ്കൃതത്തിലെ കുടകാചലം എന്ന പേരു ലോപിച്ചാണ് കുടജാദ്രിയായത്.
സ്ഥലം[തിരുത്തുക]
കൊല്ലൂരിലെ മൂകമ്പിക ക്ഷേത്രത്തിന്റെ പശ്ചാത്തലത്തിലാണ് കുടജാദ്രി രൂപം കൊണ്ടത്.[3] കൊല്ലൂരിൽ നിന്ന് 21 കിലോമീറ്റർ അകലെയും ഹൊസനഗര താലൂക്കിലെ നാഗോഡി ഗ്രാമത്തിൽ നിന്ന് 15 കിലോമീറ്റർ അകലെയുമാണ് കുടജാദ്രി സ്ഥിതിചെയ്യുന്നത്. കർണാടകയിലെ സാഗരയിൽ നിന്ന് 78 കിലോമീറ്ററും 42 കിലോമീറ്ററും ജില്ലാ ആസ്ഥാനമായ ഷിമോഗയിൽ നിന്ന് ഹസിരുമാകി ഫെറി വഴി കോഡാചദ്രി കൊടുമുടിയിലെത്താൻ വ്യത്യസ്ത റൂട്ടുകളുണ്ട്. എന്നിരുന്നാലും കനത്ത മഴയെത്തുടർന്ന് കാലവർഷത്തിൽ കൊടുമുടിയിൽ എത്തുന്നത് വെല്ലുവിളിയാണ്. 500 സെന്റിമീറ്റർ മുതൽ 750 സെന്റിമീറ്റർ വരെ മഴ പെയ്യുന്നു. ഒരു വർഷത്തിൽ എട്ട് മാസവും ഇവിട മഴ ലഭിക്കുന്നുണ്ട്.
ഗതാഗതം[തിരുത്തുക]
കുടജാദ്രിയിൽ എത്തിച്ചേരാൻ പ്രധാനമായും രണ്ടു വഴികൾ ഉണ്ട്. ഒന്നു റോഡു മാർഗ്ഗം. ഇതു ഏകദേശം നാല്പതു കിലോമീറ്ററോളം വരും. ജീപ്പ് ആണു പ്രധാന വാഹനം. ജീപ്പുകാർ മുന്നൂറ്റിഅൻപത് രൂപയോളം ഇതിനായി വാങ്ങാറുണ്ട്. രണ്ടാമതായി ഉള്ളത് വനപാതയാണ്‌. സീസണിൽ ഇതു വഴി ധാരാളം കാൽനടയാത്രക്കാരുണ്ടാകും. കൊല്ലൂരിൽ നിന്നും ഷിമോഗക്കുള്ള വഴിയിൽ ഏകദേശം എട്ടു കിലോമീറ്ററോളം ബസിൽ യാത്ര ചെയ്താൽ വനപാതയുടെ തുടക്കമാവും. അവിടെ നിന്നു ഏകദേശം നാലഞ്ചു മണിക്കൂർ കൊണ്ട് കുടജാദ്രിയുടെ നിറുകയിൽ എത്താം. പ്രകൃതി രമണീയമായ അംബാവനം ഏവരെയും ആനന്ദ ഭരിതരാക്കും. കാനന മധ്യത്തിൽ മാറിപ്പാർത്ത മലയാളി കുടുംബങ്ങളുള്ള ചെറിയ ഗ്രാമം ഉണ്ട്, ഇവിടെ വഴിയരികിലെ ഒരേ ഒരു വിശ്രമകേന്ദ്രം ഈ ഗ്രാമത്തിൽ താമസിക്കുന്ന ഒരു വ്യക്തിയുടെ ചായക്കടയാണ്. വൈവിധ്യമാർന്ന വൃക്ഷങ്ങളും ചെങ്കുത്തായ മലനിരകളും തികച്ചും നയനാനന്ദകരമാണ്‌. ഹിഡുമനൈ വെള്ളച്ചാട്ടം വഴി കൊടജാദ്രിയിലേക്ക് ഒരു കാനന സാഹസികപാത ഉണ്ട്, ഇവ കുത്തനെയുള്ളതും അപകടം നിറഞ്ഞതുമാണ്.
- ഏറ്റവും അടുത്തുള്ള പട്ടണം: കൊല്ലൂർ - 20 കിലോമീറ്റർ അകലെ.
- മൂകാംബിക പ്രകൃതി കാമ്പ് കൊല്ലൂരിന് 4 കിലോമീറ്റർ തെക്കാണ്
- ഏറ്റവും അടുത്ത വിമാനത്താവളം: മംഗലാപുരം - 147 കിലോമീറ്റർ അകലെ.
താമസ സൗകര്യം[തിരുത്തുക]
അമ്പലത്തിൽ തന്നെ താമസ സൌകര്യം ലഭ്യമാണ്. 300 രൂപ സാധാരണ രീതിയിൽ ആറ് പേർക്ക് താ‍മസിക്കാവുന്ന ഒരു മുറി ലഭിക്കുന്നു. കൂടാതെ ഭക്ഷണവും ഇവിടെ തന്നെ ലഭിക്കുന്നു.
മൂകാംബിക ക്ഷേത്രവുമായുള്ള ബന്ധം[തിരുത്തുക]
കൊല്ലൂരിലെ പ്രശസ്തമായ മൂകാംബിക ക്ഷേത്രം കുടജാദ്രിയുടെ താഴ്വരയിലാണ്. കുടജാദ്രി ഗ്രാമത്തിലെ ആദിമൂകാംബിക ക്ഷേത്രം ശ്രീ 'മൂകാംബിക ദേവിയുടെ 'മൂലസ്ഥാനം' ആയി കരുതപ്പെടുന്നു. ശ്രീ ഭദ്രകാളി ക്ഷേത്രം കുടജാദ്രി മലമുകളിൽ കാണാം. ശങ്കരാചാര്യർ ഇരുന്നു ധ്യാനിച്ച സ്ഥലമാണ് കുടജാദ്രി മലകൾ, മലമുകളിൽ ശങ്കരാചാര്യരുടെ ശങ്കര പീഠം എന്നിവയും കാണാം.
ചിത്രശാല[തിരുത്തുക]
അംബാവനം
അംബാവനം
സർവ്വജ്ഞ പീഠത്തിലുള്ള ശങ്കരാചാര്യരുടെ പ്രതിഷ്ഠ
കുടജാദ്രി
കുടജാദ്രിയിലേക്കുള്ള ജീപ്പ് പാത
കുടജാദ്രിയിലേക്കുള്ള ജീപ്പ് പാത
കുടജാദ്രിയിലേക്കുള്ള ജീപ്പ് പാത
സർവ്വജ്ഞപീഠം
ശങ്കരാചാര്യന്റെ ശങ്കരപീഠം കൊടജാദ്രി മലമുകളിൽ.
ഇതും കാണുക[തിരുത്തുക]
അവലംബം[തിരുത്തുക]
- ↑ http://www.karnataka.com/kollur/kodachadri-trek/
- ↑ Kaggere, Niranjan (2012). "Kodachadri now a Heritage site". Times of India- mobile e paper. ശേഖരിച്ചത് 5 October 2012.
- ↑ C.V., Raghavendra Rao (11 April 2011). "Now, tourists can visit Kodachadri hills". Bangalore: The Times of India. ശേഖരിച്ചത് 12 August 2012.
പുറത്തേക്കുള്ള കണ്ണികൾ[തിരുത്തുക]
- കുടജാദ്രിയിലെ ഇരുമ്പ് സ്തംഭം
- ഉടുപ്പിയെക്കുറിച്ചുള്ള വിവരങ്ങൾ
- Trekking Kodachadri in winter
- Kodachadri trek
- Trekking in Kodachadri
- South Canara Trip
വിക്കിമീഡിയ കോമൺസിലെ Kodachadri എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്.
കർണാടകത്തിന്റെ ഭൂമിശാസ്ത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക.
