പെരുന്ന സുബ്രഹ്മണ്യസ്വാമിക്ഷേത്രം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പെരുന്ന സുബ്രമണ്യസ്വാമി ക്ഷേത്രം

കോട്ടയം ജില്ലയിലെചങ്ങനാശ്ശേരി താലൂക്കിൽ പെരുന്ന ഗ്രാമത്തിൽ സ്ഥിതിചെയ്യുന്ന പെരുന്ന സുബ്രഹ്മണ്യസ്വാമി ക്ഷേത്രം കേരളത്തിലെ പുരാതനക്ഷേത്രങ്ങളിലൊന്നാണ്. ഈ ക്ഷേത്രത്തിലെ പ്രധാന പ്രതിഷ്ഠ, താരകാസുരനെ വധിച്ചശേഷം അത്യുഗ്രഭാവത്തിൽ നിൽക്കുന്ന സുബ്രഹ്മണ്യനാണ്. കൂടാതെ ധാരാളം ഉപദേവതകളും ഉണ്ട്. ഭാരതത്തിന്റെ രാഷ്ട്രപിതാവായ മഹാത്മാ ഗാന്ധി ദർശനം നടത്തിയ ക്ഷേത്രമാണിത്. 1937-ൽ നടത്തിയ കേരളസന്ദർശനത്തിനിടയിലാണ് അദ്ദേഹം ഇവിടെ വന്നതും സുബ്രഹ്മണ്യനെ ഭജിച്ച് ദിവസങ്ങൾ കഴിച്ചുകൂട്ടിയതും.

ഐതിഹ്യം[തിരുത്തുക]

പെരുന്ന ദേശത്തെ പ്രസിദ്ധ ബ്രാഹ്മണകുടുംബമായ താമരശ്ശേരി ഇല്ലത്തെ കാരണവർ തികഞ്ഞ സുബ്രഹ്മണ്യഭക്തനായിരുന്നു.

ക്ഷേത്രത്തിനെ കുറിച്ച്[തിരുത്തുക]

പെരുന്നയിൽ എം.സി. റോഡിൽ നിന്ന് അല്പം മാറിയാണ് ക്ഷേത്രം സ്ഥിതിചെയ്യുന്നത്. ക്ഷേത്രത്തിലേയ്ക്ക് കടന്നുവരുന്നവർക്ക് തമിഴ് ശൈലിയിൽ തീർത്ത കിഴക്കേ ഗോപുരം കാണാം. പ്രധാനമൂർത്തിയായ സുബ്രഹ്മണ്യസ്വാമി കിഴക്കോട്ട് ദർശനമായി അത്യുഗ്രഭാവത്തിൽ കുടികൊള്ളുന്നു. താരകാസുരവധത്തിനുശേഷമുള്ള ഭാവത്തിലാണ് ഇവിടെ പ്രതിഷ്ഠ. അതിനാൽ ആയുധമായ വേൽ തലകീഴാക്കിപ്പിടിച്ചിരിയ്ക്കുന്നു. ഉപദേവതകളായി ഗണപതി, ശിവൻ, അയ്യപ്പൻ, ശ്രീകൃഷ്ണൻ, നാഗദൈവങ്ങൾ എന്നിവർ കുടികൊള്ളുന്നു.


മയിൽ വാഹനനായ സുബ്രഹ്മണ്യന്റെ പേരിലുള്ള ഈ ക്ഷേത്രത്തിൽ സംരക്ഷിച്ചു വളർത്തുന്ന മയിലുകൾ ഇവിടെയെത്തുന്നവർക്കൊരു വിശേഷ കാഴ്ചയാണ്.

ക്ഷേത്ര ആചാരങ്ങൾ[തിരുത്തുക]

വഴിപാടുകൾ[തിരുത്തുക]

ഇടിച്ചുപിഴിഞ്ഞപായസവും തുലാപായസവും പഞ്ചാമൃതവുമാണ് പ്രധാന വഴിപാടുകൾ. കൂടാതെ അഭിഷേകവും നാരങ്ങാമാല ചാർത്തലും പ്രധാനമാണ്.