മഹാശ്വേതാ ദേവി

വിക്കിപീഡിയ, ഒരു സ്വതന്ത്ര വിജ്ഞാനകോശം.
മഹാശ്വേതാ ദേവി
ജനനം (1926-01-14) ജനുവരി 14, 1926 (88 വയസ്സ്)
ധാക്ക, ബ്രിട്ടീഷ് ഇന്ത്യ
തൊഴിൽ സാഹിത്യകാരി, സാമൂഹ്യപ്രവർത്തക
ദേശീയത ഇന്ത്യൻ
രചനാ കാലം 1956-
രചനാ സങ്കേതം നോവൽ, ചെറുകഥ, നാടകം, ഉപന്യാസം
വിഷയങ്ങൾ ഇന്ത്യയിലെ "വിമുക്ത്‌ ജാതി"[1] ആദിവാസികൾ
സാഹിത്യ പ്രസ്ഥാനം ഗണനാട്യ
പ്രധാന കൃതികൾ ഹജാർ ചൗരഷീർ മാ (1084-ന്റെ അമ്മ)
ആരണ്യേർ അധികാർ
തിത്തു മിർ


ഒപ്പ്

ഒരു ഇന്ത്യൻ സാമൂഹ്യ പ്രവർത്തകയും സാഹിത്യകാരിയും ആണ് മഹാശ്വേതാ ദേവി (ബംഗാളി: মহাশ্বেতা দেবী).

ജീവ ചരിത്രം[തിരുത്തുക]

മഹാശ്വേതാ ദേവി1926-ൽ ബംഗ്ലാദേശിന്റെ തലസ്ഥാനമായ ധാക്കയിൽ സാഹിത്യ പശ്ചാത്തലമുള്ള, ഹിന്ദു ബ്രാഹ്മണ കുടുംബത്തിൽ ജനിച്ചു. ജുബൻശ്വ [2] എന്ന തൂലികാനാമത്തിൽ അറിയപ്പെട്ട പ്രശസ്ത കവിയും നോവലിസ്റ്റുമായിരുന്ന മനിഷ് ഘടക് ആണ് പിതാവ് . മഹാശ്വേതയുടെ അമ്മ, ധരിത്രി ഘടക്കും അറിയപ്പെടുന്ന ഒരു എഴുത്തുകാരിയും സാമൂഹിക പ്രവർത്തകയും ആയിരുന്നു. സ്കൂൾ വിദ്യഭ്യാസം ധാക്കയിൽ പൂർത്തിയാക്കിയ മഹാശ്വേതാദേവി വിഭജനത്തെ തുടർന്നു പശ്ചിമബംഗാളിലേക്ക് കുടിയേറുകയും,ശാന്തിനികേതനിലെ വിശ്വഭാരതി സർ‌വ്വകലാശാലയിൽ ഉന്നത പഠനത്തിനായി ചേരുകയും ചെയ്തു. അവിടെ നിന്നും ഇംഗ്ലീഷ് സാഹിത്യത്തിൽ ബിരുദം പൂർത്തിയാക്കുകയും,ശേഷം കൽക്കട്ട സർവകലാശാലയിൽ നിന്ന് അതെ വിഷയത്തിൽ ബിരുദാനന്തര ബിരുദം നേടി. പിന്നീട് പ്രശസ്ത നാടകൃത്തും ഇപ്റ്റയുടെ സ്ഥാപകരിൽ ഒരാളുമായ ബിജോൻ ഭട്ടാചാര്യയെ വിവാഹം കഴിച്ചു[3]. ആ ബന്ധത്തിൽ ഉണ്ടായ മകനാണ് പ്രശസ്ത ബംഗാളി എഴുത്തുകാരൻ ആയ നാബുരൻ ഭട്ടാചാര്യ. 1959-ൽ മഹാശ്വേതാദേവി വിവഹമോചിതയായി.

പ്രവർത്തന മേഖല[തിരുത്തുക]

1969 - ൽ ബിജോയ്ഖർ കലാലയത്തിൽ അദ്ധ്യാപികയായി ജോലിയിൽ പ്രവേശിച്ചു. ഇതേ കാലയളവിൽ പത്രപ്രവർത്തനവും സൃഷ്ടിപരമായ എഴുത്തും നടത്തിയിരുന്നു. മഹാശ്വേതാദേവിയുടെ പ്രശസ്തമായ കൃതികളിൽ പലതും പശ്ചിമബംഗാളിലെ ആദിവാസികൾ, സ്ത്രീകൾ, ദളിതർ തുടങ്ങിയവരെ കേന്ദ്ര കഥാപാത്രമാക്കിയുള്ളവയാണ്. അവയിലേറെയും ആദിവാസികൾ അനുഭവിക്കേണ്ടി വന്ന ക്രൂരമായ അടിച്ചമർത്തലുകൾ, ജാതിപരമായ ഉച്ചനീചത്വങ്ങൾ, അഴിമതിക്കാരായ ഉദ്യോഗസ്ഥർ തുടങ്ങിയവയെ വരച്ചു കാട്ടുന്നുവയാണ്.ബീഹാർ, മധ്യപ്രദേശ്, ഛത്തീസ്‌ഗഢ് തുടങ്ങിയ പ്രദേശങ്ങളിലെ ആദിവാസികളുടെ ക്ഷമത്തിനായി പൊരുതുന്ന സാമൂഹ്യ പ്രവത്തക കൂടിയാണവർ.

ബംഗാളിലെ ഇടതുപക്ഷ ഗവണ്മെന്റിന്റെ വ്യവസായിക നയങ്ങളെ എതിർത്ത മഹാശ്വേത, വ്യവസായിക ആവിശ്യങ്ങൾക്കായി, തുശ്ചമായ വിലയ്ക്ക് കൃഷി ഭൂമി ഏറ്റെടുക്കുന്നതിനെ വിമർശിക്കുകയും കാർഷിക സമരങ്ങൾക്ക് നേതൃത്വവം നൽകുകയും ചെയ്തു വരികയാണ്. ബംഗാൾ ഗവണ്മെന്റിന്റെ സിംഗൂരിലെയും നന്ദിഗ്രാമിലെയും വിവാദനയങ്ങളെ എതിർക്കുന്നത്തിൽ മഹാശ്വേത ശ്രദ്ധേയമായ പങ്കു വഹിച്ചിരുന്നു.[4]

പ്രധാന കൃതികൾ[തിരുത്തുക]

  • "ഝാൻസി റാണി" (1956 - ൽ ) ആദ്യ കൃതി
  • ഹജാർ ചുരാഷിർ മാ (1975 - ൽ). ഈ നോവൽ "1084 ന്റെ അമ്മ" എന്ന പേരിൽ കെ.അരവിന്ദാക്ഷൻ മലയാളത്തിലേക്ക് വിവർത്തനം ചെയ്തിട്ടുണ്ട്.
  • ആരണ്യേർ അധികാർ (1977 - ൽ ) ഈ നോവൽ " ആരണ്യത്തിന്റെ അധികാരം" എന്ന പേരിൽ ലീലാ സർക്കാർ മലയാളത്തിലേക്ക് വിവർത്തനം ചെയ്തിട്ടുണ്ട്.[5]
  • അഗ്നി ഗർഭ (1978 - ൽ )
  • ഛോട്ടി മുണ്ട ഏവം ഥാർ ഥീർ (1980 - ൽ )
  • ബഷി ടുഡു (1993 - ൽ )
  • തിത്തു മിർ
  • ദ്രൌപതി - ചെറുകഥ
  • രുധാലി ( 1995 - ൽ )
  • ബ്യാധ്ഖണ്ടാ (1994 - ൽ ) ഇത് "മുകുന്ദന്റെ താളിയോലകൾ" എന്ന പേരിൽ ലീലാ സർക്കാർ മലയാളത്തിലേക്ക് വിവർത്തനം ചെയ്തിട്ടുണ്ട്. [6]
  • ദി വൈ വൈ ഗേൾ - ഇത് "ഒരു എന്തിനെന്തിനു പെൺകുട്ടി" എന്ന പേരിൽ സക്കറിയ മലയാളത്തിലേക്ക് വിവർത്തനം ചെയ്തിട്ടുണ്ട്.[7]

പുരസ്ക്കാരങ്ങൾ[തിരുത്തുക]

  • 1979: കേന്ദ്ര സാഹിത്യ അക്കാദമി പുരസ്കാരം "ആരണ്യേർ അധികാർ" എന്ന നോവലിന് ലഭിച്ചു[8]
  • 1986: പത്മശ്രീ
  • 1996: ജ്ഞാനപീഠം - ഇന്ത്യയിലെ ഉന്നതമായ ഒരു സാഹിത്യ പുരസ്കാരം
  • 1997: മാഗ്സസെ അവാർഡ് [9]
  • 2006: പത്മ വിഭൂഷൺ - ഭാരതത്തിലെ രണ്ടാമത്തെ ഉയർന്ന സിവിലിയൻ ബഹുമതി. [10]
  • 2011: ബംഗാബിഭൂഷൺ - പശ്ചിമബംഗാൾ ഗവണ്മെന്റിന്റെ ഏറ്റവും ഉയർന്ന സിവിലിയൻ ബഹുമതി. [11]

അവലംബം[തിരുത്തുക]

  1. http://www.socialjusticehry.gov.in/list_tribes.htm
  2. Sunil Sethi (15 February 2012). The Big Bookshelf: Sunil Sethi in Conversation With 30 Famous Writers. Penguin Books India. pp. 74–. ഐ.എസ്.ബി.എൻ. 978-0-14-341629-6. ശേഖരിച്ചത് 5 October 2012. 
  3. "മുഖാമുഖം" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 745. 2012 ജൂൺ 04. ശേഖരിച്ചത് 2013 മെയ് 07. 
  4. നന്ദിഗ്രാമിലെ വിഷയങ്ങളെക്കുറിച്ചുള്ള മഹാശ്വേതാദേവിയുടെ അഭിപ്രായം
  5. ആരണ്യത്തിന്റെ അധികാരം- തിരുവനന്തപുരം സ്റ്റേറ്റ് ലൈബ്രറിയുടെ വെബ്സൈറ്റ്ലെ വിവരമനുസരിച്ച്
  6. മുകുന്ദന്റെ താളിയോലകൾ - സ്റ്റേറ്റ് ലൈബ്രറിയിയുടെ വെബ്സൈറ്റ് റിസൾട്ട് അനുസരിച്ച്
  7. കേരള സംസ്ഥാന ബാലസാഹിത്യ ഇൻസ്റ്റിറ്റ്യൂട്ട്
  8. 1979- ലെ കേന്ദ്ര സാഹിത്യ അവാർഡ്‌
  9. http://www.rmaf.org.ph/Awardees/Biography/BiographyDeviMah.htm
  10. ഹിന്ദുവിലെ ലേഖനം - 2006 - ൽ പത്മഭൂഷൺലഭിച്ചവർ
  11. ഹിന്ദുവിൽ വന്ന ബംഗാബിഭൂഷൺ അവാർഡിനെക്കുറിച്ചുള്ള ലേഖനം

പുറത്തേക്കുള്ള കണ്ണികൾ[തിരുത്തുക]

Commons:Category
വിക്കിമീഡിയ കോമൺസിലെ മഹാശ്വേതാ ദേവി എന്ന വർഗ്ഗത്തിൽ ഇതുമായി ബന്ധപ്പെട്ട കൂടുതൽ പ്രമാണങ്ങൾ ലഭ്യമാണ്:
Persondata
NAME മഹാശ്വേതാ ദേവി
ALTERNATIVE NAMES
SHORT DESCRIPTION
DATE OF BIRTH 14 ജനുവരി 1926
PLACE OF BIRTH ധാക്ക, ബ്രിട്ടീഷ് ഇന്ത്യ
DATE OF DEATH
PLACE OF DEATH
"http://ml.wikipedia.org/w/index.php?title=മഹാശ്വേതാ_ദേവി&oldid=1905160" എന്ന താളിൽനിന്നു ശേഖരിച്ചത്