ദമന്, ദിയു
വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്ത്യയിലെ ഗുജറാത്ത് സംസ്ഥാനത്തോട് ചേര്ന്ന് സ്ഥിതി ചെയ്യുന്ന ദമന് എന്ന ചെറു പ്രദേശവും,ദിയു എന്ന ഒരു ദ്വീപും അടങ്ങുന്ന കേന്ദ്രഭരണപ്രദേശമാണ് ദമന് ദിയു എന്നറിയപെടുന്നത്.(ഗുജറാത്തി: દમણ અને દિવ, മറാഠി: दमण आणि दीव, പോര്ച്ചുഗീസ് : Damão e Diu) ഇത് 20o22’N, 20o27’N അക്ഷാംശങ്ങള്ക്കും 72049’E,72054'E രേഖാംശങ്ങള്ക്കും ഇടയില് സ്ഥിതി ചെയ്യുന്നു. ഗുജറാത്തിന്റെ തെക്കന് അതിര്ത്തിയില് സ്ഥിതി ചെയ്യുന്ന ദമന് വടക്ക് ഭഗവാന് നദിയാലും തെക്ക് കലെം നദിയാലും ചുറ്റപ്പെട്ടിരിക്കുന്നു. ഇതിന്റെ വിസ്തീര്ണം 72 ച.കി.മി ആണ്. ദിയു എന്ന ചെറിയ ദ്വീപ് കാംബേ ഉള്ക്കടലില് വേരാവല് തുറമുഖത്തിനടുത്ത് സ്ഥിതി ചെയ്യുന്നു . കത്തിയവാറിലെ ബാരെണ് തീരത്തു നീന്നും 8 മൈല് ദൂരെയായി പാറക്കെട്ടുകള് നിറഞ്ഞ ഒരു ചെറിയ ദ്വീപാണിത് [1]. "ദിയു" എന്ന വാക്കിനര്ഥം ദ്വീപെന്നാണ്.
[തിരുത്തുക] ചരിത്രം
എ.ഡി രണ്ടാം നൂറ്റാണ്ടു മുതല് കൊങ്കണ് വൈഷയയുടെ ഏഴു ഭാഗങ്ങളിലൊന്നായ ലതയുടെ ഭാഗമായിരുന്നു ഇത്. അശോകന്റെ ശിലാ ശാസനങ്ങള് (273-136 ബി.സി) ഇവിടെ നിന്നും കണ്ടെടുത്തിട്ടുണ്ട്.
ദ്യൂ ദ്വീപിന് സൈനികപ്രാധാന്യം ഉണ്ടെന്ന് കണക്കാക്കിയ പോര്ച്ചുഗീസുകാര് 1535-ല് ഇവിടെ ഒരു കോട്ട പണിയാനുള്ള അനുവാദം നേടി. ദ്വീപിന്റെ കിഴക്കന് തുമ്പത്ത് അവര് കോട്ട പണിയുകയും ചെയ്തു. 1538-ല് ഈ കോട്ട തുര്ക്കികള് ആക്രച്ച്ചു. തുടര്ന്ന് 1546-ല് ഗുജറാത്തില് നിന്നും ആക്രമണം ഉണ്ടായെങ്കിലും ഇവയെയെല്ലാം പോര്ച്ചുഗീസുകാര് വിജയകരമായി പ്രതിരോധിച്ചു[1].
1559-ല് പോര്ച്ചുഗീസുകാര് ദമനും പിടിച്ചെടുത്തു. 1947-ല് ഇന്ത്യയുടെ സ്വാതന്ത്രലബ്ധിക്കു ശേഷവും ഗോവയോടൊപ്പം ഈ പ്രദേശങ്ങള് പോര്ട്ടുഗീസ് അധീനതയിലായിരുന്നു. ("ഗോവ" കാണുക). 1987 ല് ഗോവ സംസ്ഥാനമായപ്പോള് ഈ രണ്ടു പ്രദേശങ്ങള് കേന്ദ്രഭരണപ്രദേശങ്ങളായി തുടര്ന്നു.
[തിരുത്തുക] സാമ്പത്തികം
വിനോദസഞ്ചാരവും, വ്യവസായവും ആണ് ഇവിടുത്തെ പ്രധാന വരുമാനമാര്ഗങ്ങള്. ഇന്ത്യയുടെ 40% പ്ലാസ്റ്റിക് ഉല്പന്നങ്ങള് ഇവിടെയാണ് ഉത്പാദിപ്പിക്കുന്നത്. നെല്ല്, പഞ്ഞപ്പുല്ല്, പയര് വര്ഗങ്ങള്, നാളികേരം തുടങ്ങിയവയാണ് പ്രധാനകൃഷി. 2004ലെ കണക്കുകള് പ്രകാരം മൊത്തം ആഭ്യന്തര ഉത്പാദനം 15.6 കോടി ഡോളര് ആണ്.
[തിരുത്തുക] അവലംബം
| ഇന്ത്യയിലെ സംസ്ഥാനങ്ങളും കേന്ദ്രഭരണ പ്രദേശങ്ങളും | |
|---|---|
| അരുണാചല് പ്രദേശ് | ആന്ധ്രാപ്രദേശ് | ആസാം | ഉത്തര്ഖണ്ഡ് | ഉത്തര്പ്രദേശ് | ഒറീസ്സ | കര്ണാടക | കേരളം | ഗുജറാത്ത് | ഗോവ | ഛത്തീസ്ഗഡ് | ജമ്മു-കാശ്മീര് | ഝാര്ഖണ്ഡ് | തമിഴ്നാട് | ത്രിപുര | നാഗാലാന്ഡ് | പഞ്ചാബ് | പശ്ചിമ ബംഗാള് | ബീഹാര് | മണിപ്പൂര് | മധ്യപ്രദേശ് | മഹാരാഷ്ട്ര | മിസോറം | മേഘാലയ | രാജസ്ഥാന് | സിക്കിം | ഹരിയാന | ഹിമാചല് പ്രദേശ് | |
| കേന്ദ്രഭരണ പ്രദേശങ്ങള്: ആന്തമാന് നിക്കോബാര് ദ്വീപുകള് | ചണ്ഢീഗഡ് | ദാദ്ര, നാഗര് ഹവേലി | ദാമന്, ദിയു | ഡല്ഹി (ദേശീയ തലസ്ഥാന പ്രദേശം) | പുതുച്ചേരി | ലക്ഷദ്വീപ് | |
