സഹ്യാദ്രി കാട്ടെലി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

സഹ്യാദ്രി കാട്ടെലി
Rattus satarae.jpg
Scientific classification
Kingdom:
Phylum:
Class:
Infraclass:
Superorder:
Order:
Suborder:
Superfamily:
Family:
Subfamily:
Genus:
Species:
R.  satarae
Binomial name
Rattus satarae
Hinton, 1918


മുറിഡേ കുടുംബത്തിലെ ഒരു എലിയാണ് സഹ്യാദ്രി കാട്ടെലി[2] (Sahyadris forest rat); (ശാസ്ത്രീയനാമം: Rattus satarae).

പശ്ചിമഘട്ടതദ്ദേശവാസിയായ ഈ എലി അവിടെത്തന്നെ മൂന്ന് ഇടങ്ങളിലായി വേർതിരിഞ്ഞുകിടക്കുന്നു.മഹാരാഷ്ട്രയിലെ സതാറ, തമിഴ്‌നാട്ടിലെ നീലഗിരി, കർണ്ണാടകയിലെ കുടക് എന്നിവിടങ്ങൾ ആണവ.[1]

വംശനാശഭീതി[തിരുത്തുക]

2000 ചതുരശ്രകിലോമീറ്ററിൽ കുറഞ്ഞ പ്രദേശത്തുമാത്രമേ ഇവയുള്ളൂ എന്നതിനാൽ ഇവ വംശനാശഭീഷണി നേരിടുന്നുണ്ടെന്നാണ് കണക്ക്. തുണ്ഡവൽക്കരിക്കപ്പെട്ട ഈ പ്രദേശം തന്നെ ചെറിയ പരിസ്ഥിതിമാറ്റങ്ങളെപ്പോലും മറികടക്കാൻ ശേഷിയില്ലാത്തവയുമാണ്. ആവാസവ്യവസ്ഥയുടെ ഗുണം കുറഞ്ഞതും മുതിർന്ന ആണെലികളുടെ എണ്ണത്തിലുള്ള കുറവും ഇവയ്ക്ക് ഭീഷണിയാണ്. പരിസ്ഥിതിമാറ്റം അതിവേഗം ബാധിക്കുന്ന ഇനവും ആണ് ഈ എലികൾ. അധിനിവേശസസ്യങ്ങളും, കാടു തോട്ടമാക്കി മാറ്റുന്നതും, മരം മുറിക്കുന്നതുമൊക്കെ ഇവ നേരിടുന്ന പ്രശ്നങ്ങളാണ്.[1]

അവാസവ്യവസ്ഥ[തിരുത്തുക]

ഉത്തരപശ്ചിമഘട്ടത്തിലെ 700 മീറ്ററിനും 1200 മീറ്ററിനും ഇടയിൽ ഉയരമുള്ള നനവാർന്ന ഇലപൊഴിയും കാടുകളിലും നിത്യഹരിതകാടുകളിലും മാത്രമേ ഇവയെ കണ്ടിട്ടുള്ളൂ. മരങ്ങളുടെ മധ്യത്തിലോ മുകളിലോ ഉയർന്ന ഇറങ്ങളിലോ മാത്രമേ ഇവ താമസിക്കാറുള്ളൂ. വല്ലപ്പോഴും മാത്രം താഴെയിറങ്ങുന്ന ഇവയുടെ ഭക്ഷണം പഴങ്ങളും പ്രാണികളും ആണ്.[1][3]

രൂപം[തിരുത്തുക]

നല്ല നീളമുള്ള വാലുള്ള ഇവ കാഴ്ചയ്ക്കുള്ള സാമ്യം മൂലം ആദ്യം കറുത്ത എലിയുടെ(Rattus rattus) ഒരു ഉപസ്പീഷി ആണെന്നാണ് കരുതിയിരുന്നത്. എന്നാൽ ഡി എൻ എ പഠനങ്ങളിൽ നിന്നും അവ വ്യത്യസ്തസ്പീഷിസുകളാണെന്നും ഒരേയിടത്ത് ജീവിക്കുന്നുണ്ടായിട്ടും തമ്മിൽ കലർപ്പുണ്ടാകുന്നില്ലെന്നും കണ്ടെത്തി. ഒരേ ആവാസവ്യവസ്ഥയിൽ വസിക്കുന്നതുകൊണ്ടുള്ള സാമ്യം മാത്രമാണ് ഇവയ്ക്കു തമ്മിൽ എന്നാണു വിലയിരുത്തപ്പെടുന്നത്.[4]

ഇതും കാണുക[തിരുത്തുക]

അവലംബം[തിരുത്തുക]

  1. 1.0 1.1 1.2 1.3 Molur, S. & Nameer, P.O. (2008). "Rattus satarae". IUCN 2013. IUCN Red List of Threatened Species Version 2013.1. ശേഖരിച്ചത്: 3 July 2013.
  2. P. O., Nameer (2015). "A checklist of mammals of Kerala, India". Journal of Threatened Taxa. 7(13): 7971–7982.
  3. Musser, GG & Carleton, MD (2005). Superfamily Muroidea. In Wilson, DE & Reeder, DM (eds.). Mammal Species of the World. 3rd ed. JHU Press.
  4. Pagès, Marie; മറ്റുള്ളവർക്കൊപ്പം. (2011). "Morphological, chromosomal, and genic differences between sympatric Rattus rattus and Rattus satarae in South India". Journal of Mammalogy. 92 (3): 659–670. doi:10.1644/10-MAMM-A-033.1.

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=സഹ്യാദ്രി_കാട്ടെലി&oldid=2690254" എന്ന താളിൽനിന്ന് ശേഖരിച്ചത്