ലയ

ലയ
ജനനം	13 January 1981 (1981-01-13) (42 വയസ്സ്) വിജയവാഡ, ആന്ധ്ര പ്രദേശ്
തൊഴിൽ	അഭിനേത്രി കുച്ചിപ്പുഡി നർത്തകി
സജീവ കാലം	1992–2010 ,2018
ജീവിതപങ്കാളി(കൾ)	ഗണേഷ് ഗോർട്ടി ​ (m. 2006)​

ലയ ഒരു ഇന്ത്യൻ അഭിനേത്രിയും കുച്ചിപ്പുടി നർത്തകിയുമാണ്. അവർ പ്രധാനമായും തെലുങ്ക് സിനിമകളിലെ അഭിനയത്തിനൊപ്പം മലയാളം, കന്നഡ, തമിഴ് സിനിമകളിലും പ്രശസ്തയാണ്. ഭദ്രം കൊടുക്കോ (1992) എന്ന സിനിമയിൽ ബാലതാരമായി ആദ്യം പ്രത്യക്ഷപ്പെട്ട ലയ പിന്നീട് സ്വയംവരം (1999) എന്ന ചിത്രത്തിലൂടെ നായികയായി രംഗത്ത് വന്നു. മികച്ച നടിക്കുള്ള നന്ദി അവാർഡ് തുടർച്ചയായി വർഷങ്ങളിൽ മനോഹരം (2000) ഉം പ്രേമിഞ്ചു (2001) എന്നീ ചിത്രങ്ങളിലെ പ്രകടനങ്ങളിലൂടെ കരസ്ഥമാക്കി.

സ്വകാര്യ ജീവിതം

ആന്ധ്രാപ്രദേശിലെ വിജയവാഡയിലെ ഒരു തെലുങ്ക് ബ്രാഹ്മണ കുടുംബത്തിലാണ് ലയ ജനിച്ചത്. വിജയവാഡയിലെ നിർമ്മല ഹൈസ്‌കൂളിൽ പഠിച്ചു. അവരുടെ അമ്മ വിജയവാഡയിലെ നിർമല ഹൈസ്‌കൂളിൽ സംഗീത അധ്യാപികയും അച്ഛൻ ഡോക്ടറും ആയിരുന്നു. സ്‌കൂൾ പഠനകാലത്ത് ഏഴ് തവണ സംസ്ഥാന ചാമ്പ്യനായ അവർ ചെസിൽ ദേശീയ തലത്തിൽ രണ്ടാം സ്ഥാനവും നേടി. പിന്നീട്, ഹൈദരാബാദിലേക്ക് താമസം മാറുകയും ക്ലാസിക്കൽ നർത്തകിയായി ഒരുപാട് സ്റ്റേജ് ഷോകളിൽ പങ്കെടുക്കുകയും 50 ലധികം സ്റ്റേജ് ഷോകളിൽ അവതരിക്കുകയും ചെയ്തു. കമ്പ്യൂട്ടർ ആപ്ലിക്കേഷനിൽ ബിരുദം നേടിയ ലയ 2006 ൽ ഡോ. ശ്രീ ഗണേഷ് ഗോർട്ടിയെ വിവാഹം കഴിച്ച അവർ കാലിഫോർണിയയിലെ ലോസ് ഏഞ്ചൽസിൽ സ്ഥിരതാമസമാക്കി. ദമ്പതികൾക്ക് ഒരു മകളും ഒരു മകനുമുണ്ട്.

ഫിലിമോഗ്രാഫി

മലയാള ചലച്ചിത്രങ്ങൾ

വർഷം	ചലച്ചിത്രം	കഥാപാത്രം	ഭാഷ	കുറിപ്പുകൾ
2005	ആലീസ് ഇൻ വണ്ടർലാന്റ്	സോഫിയ	മലയാളം	അരങ്ങേറ്റ ചലച്ചിത്രം
2005	തൊമ്മനും മക്കളും	പൂങ്കാവനം	മലയാളം
2005	ഉടയോൻ	മായ	മലയാളം
2006	രാഷ്ട്രം	സെലിൻ	മലയാളം

അവാർഡുകളും നാമനിർദ്ദേശങ്ങളും

നന്ദി അവാർഡ്

• പ്രത്യേക ജൂറി അവാർഡ് - സ്വയംവരം (1999)
• മികച്ച നടി - മനോഹരം (2000)
• മികച്ച നടി - പ്രേമിഞ്ചു (2001)

ഫിലിംഫെയർ അവാർഡ് സൗത്ത്

• നാമനിർദ്ദേശം ചെയ്യപ്പെട്ടത് – മികച്ച നടിക്കുള്ള ഫിലിംഫെയർ അവാർഡ് – തെലുങ്ക് – പ്രേമിഞ്ചു (2001)

 

ബാഹ്യ ലിങ്കുകൾ

• ഇന്റർനെറ്റ് മൂവി ഡാറ്റാബേസിൽ നിന്ന് ലയ