ബിഗ് ബ്രദർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Big Brother
Theatrical release poster
സംവിധാനംസിദ്ദിഖ്
നിർമ്മാണം
  • സിദ്ദിഖ്
  • ജെൻസോ ജോസ്
  • ഫിലിപ്പോസ് കെ.ജോസഫ്
  • മനു മാളികയ്ക്കൽ
  • വൈശാഖ് രാജൻ
രചനസിദ്ദിഖ്
അഭിനേതാക്കൾ
സംഗീതംദീപക് ദേവ്
ഛായാഗ്രഹണംജിത്തു ദാമോദർ
ചിത്രസംയോജനംകെ.ആർ. ഗൗരിശങ്കർ
വിതരണംഎസ്സ് ടാക്കീസ്
സ്റ്റുഡിയോ
  • എസ്സ് ടാക്കീസ്
  • ഷാമാൻ ഇൻറ്റർനാഷണൽ
  • വൈശാഖ സിനിമ
റിലീസിങ് തീയതി2019 ഡിസംബർ
രാജ്യംഇന്ത്യ
ഭാഷമലയാളം
ബജറ്റ്25 കോടി

2019ൽ പ്രദർശനത്തിനെത്തുന്ന ഒരു മലയാളഭാഷ കോമഡി ത്രില്ലർ ചലച്ചിത്രമാണ് ബിഗ് ബ്രദർ (English : Big Brother). സിദ്ദീഖ് രചനയും സംവിധാനവും നിർവഹിക്കുന്ന ഈ ചിത്രത്തിൽ മോഹൻലാലാണ് നായകൻ. വിയറ്റ്നാം കോളനി, ലേഡീസ് ആൻഡ് ജെൻറ്റിൽമാൻ എന്നീ ചിത്രങ്ങൾക്ക് ശേഷം സിദ്ദിഖും, മോഹൻലാലും ഒന്നിക്കുന്ന മൂന്നാമത്തെ ചിത്രമാണിത്.[1]എസ് ടാക്കീസ്, വൈശാഖ് സിനിമ, ഷാ മാൻ ഇന്റർനാഷണൽ എന്നീ ബാനറുകൾ സംയുക്തമായി നിർമ്മിക്കുന്ന ചിത്രത്തിന്റെ നിർമ്മാതാക്കൾ സിദ്ദിഖും, ജെൻസോ ജോസും, വൈശാഖ രാജനും, ഫിലിപ്പോസ് കെ. ജോസും, മനു മാളികയ്ക്കലുമാണ്. തെന്നിന്ത്യൻ താരം റെജീന കസാൻഡ്രയും ഈ ചിത്രത്തിലുണ്ട്. സച്ചിദാനന്ദൻ എന്ന കഥാപാത്രമായി മോഹൻലാൽ അഭിനയിക്കുന്ന ഈ ചിത്രത്തിൽ അദ്ദേഹത്തിന്റെ നായിക മിർണ മേനോനാണ്. അർബാസ് ഖാൻ, ചെമ്പൻ വിനോദ് ജോസ്‌, അനൂപ് മേനോൻ, വിഷ്ണു ഉണ്ണികൃഷ്ണൻ, സിദ്ദിഖ് തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്ന ഈ ചിത്രത്തിന്റെ സംഗീതവും പശ്ചാത്തലസംഗീതവും നിർവഹിക്കുന്നത് ദീപക് ദേവാണ്. ബോളിവുഡ് താരം അർബാസ് ഖാൻ ആദ്യമായി അഭിനയിക്കുന്ന മലയാള ചലച്ചിത്രം എന്ന പ്രത്യേകതയും ഈ ചിത്രത്തിനുണ്ട്.[2]25 കോടിയാണ് ഈ ചിത്രത്തിന്റെ ബജറ്റ്.[3]

അഭിനേതാക്കൾ[തിരുത്തുക]

ഫസ്റ്റ് ലുക്ക് പോസ്റ്റർ[തിരുത്തുക]

ഹാഫ് സ്ലീവ് ഷർട്ടും പാന്റ്‌സുമിട്ട് മോഹൻലാൽ മതിൽ ചാടിക്കടക്കുന്ന പോസ്റ്ററാണ് പുറത്തു വന്നത്. മോഹൻലാലിന്റെ ഔദ്യോഗിക ഫേസ്ബുക്ക് അക്കൗണ്ടിലാണ് ഫസ്റ്റ് ലുക്ക് പോസ്റ്റർ പ്രത്യക്ഷപ്പെട്ടത്.

നിർമ്മാണം[തിരുത്തുക]

തന്റെ അടുത്ത മലയാള ചിത്രം മോഹൻലാലിനൊപ്പമാണെന്നും അത് 2019 ഏപ്രിലിൽ റിലീസ് ചെയ്യുമെന്നും 2018 മെയ് മാസത്തിൽ സിദ്ദിഖ് ദ ന്യൂ ഇന്ത്യൻ എക്സ്പ്രസിന് നൽകിയ അഭിമുഖത്തിൽ വെളിപ്പെടുത്തി. പിന്നീട് ബിഗ് ബ്രദർ എന്ന് പേരിട്ടിരിക്കുന്നതായി മാധ്യമങ്ങൾ റിപ്പോർട്ട് ചെയ്തു . ആക്ഷനും നർമ്മവും ഉള്ള ഒരു വലിയ ബജറ്റ് ചിത്രമാണിതെന്നും ഉടൻ തന്നെ നവംബറിൽ നിർമ്മാണം ആരംഭിക്കുമെന്നും സിദ്ദിഖ് വെളിപ്പെടുത്തി.2018 ഒക്ടോബർ 9 ന് ഒരു ടൈറ്റിൽ പോസ്റ്റർ പങ്കിട്ടുകൊണ്ട് മോഹൻലാൽ തന്റെ സോഷ്യൽ മീഡിയ വഴി ഒഫിഷ്യൽ ദ്യോഗികമായി പ്രഖ്യാപിച്ചു. 2019 ഏപ്രിൽ 24 ന് ചിത്രത്തിന്റെ പൂജാ ചടങ്ങ് നടന്നു, തുടർന്ന് സംഗീത സംവിധായകൻ ദീപക് ദേവിന്റെ റെക്കോർഡിംഗ് സെഷനും. 2019 മെയ് മാസത്തിൽ തിരക്കഥയുടെ അവസാന ഡ്രാഫ്റ്റ് സിദ്ദിഖ് പൂർത്തിയാക്കി.

ചിത്രീകരണം[തിരുത്തുക]

പ്രിൻസിപ്പൽ ഫോട്ടോഗ്രാഫി 2019 ജൂലൈ 11 ന് എറണാകുളത്ത് ആരംഭിച്ചു . ചിത്രീകരണം 2019 ജൂൺ 20 ന് ആരംഭിക്കാനിരുന്നതാണ്. ഇട്ടിമാണി:മെയ്ഡ് ഇൻ ചൈന എന്ന ചിത്രത്തിലെ ജോലി പൂർത്തിയാക്കിയ ശേഷം ജൂലൈ 1 ന് മോഹൻലാൽ ഈ ചിത്രത്തിന്റെ ഷൂട്ടിംങ്ങിൽ പങ്ക് ചേർന്നു.

അവലംബം[തിരുത്തുക]

"https://ml.wikipedia.org/w/index.php?title=ബിഗ്_ബ്രദർ&oldid=3239357" എന്ന താളിൽനിന്ന് ശേഖരിച്ചത്