കുറുപ്പ് (ചലച്ചിത്രം)

കുറുപ്പ്
സംവിധാനം	ശ്രീനാഥ് രാജേന്ദ്രൻ
നിർമ്മാണം	ദുൽഖർ സൽമാൻ
തിരക്കഥ	ഡാനിയേൽ സായൂജ് നായർ കെ എസ് അരവിന്ദ്
അഭിനേതാക്കൾ	ദുൽഖർ സൽമാൻ ഇന്ദ്രജിത്ത് ശോഭിത ധുലിപാല ഷൈൻ ടോം ചാക്കോ വാലിഡ് റിയാച്ചി
സംഗീതം	സുഷിൻ ശ്യാം
ഛായാഗ്രഹണം	നിമിഷ് രവി
ചിത്രസംയോജനം	വിവേക് ഹർഷൻ
സ്റ്റുഡിയോ	വേഫാറർ ഫിലിംസ് എം സ്റ്റാർ എൻറ്റർടൈമെൻറ്റ്
റിലീസിങ് തീയതി	2020
രാജ്യം	ഇന്ത്യ
ഭാഷ	മലയാളം
ബജറ്റ്	₹35 കോടി

ശ്രീനാഥ് രാജേന്ദ്രൻ സംവിധാനം ചെയ്ത 2020ൽ പ്രദർശനത്തിനെത്തുവാൻ പോകുന്ന ഒരു മലയാളഭാഷ ചലച്ചിത്രമാണ് കുറുപ്പ്. കുപ്രസിദ്ധ പിടികിട്ടാപ്പുള്ളി സുകുമാരക്കുറുപ്പിൻറ്റ ജീവിതകഥ ആസ്പദമാക്കിയാണ് ഈ ചിത്രം ഒരുക്കിയിരിക്കുന്നത്.ദുൽഖർ സൽമാനാണ് ചിത്രത്തിലെ നായകൻ.വേഫാറർ ഫിലിംസിന്റെ ബാനറിൽ ദുൽഖർ സൽമാൻ തന്നെ നിർമ്മിക്കുന്ന ഈ ചിത്രത്തിന്റെ ഛായാഗ്രഹണം നിമിഷ് രവിയും ചിത്രസംയോജനം വിവേക് ഹർഷനും കൈകാര്യം ചെയ്യുന്നു.മൂത്തോൻ എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ശോഭിത ധുലിപാലയാണ് ചിത്രത്തിലെ നായിക.ഇവരെ കൂടാതെ ഇന്ദ്രജിത്ത് സുകുമാരൻ, സണ്ണി വെയ്ൻ,ഷൈൻ ടോം ചാക്കോ,വിജയരാഘവൻ,പി ബാലചന്ദ്രൻ,സുരഭി ലക്ഷ്മി, ശിവജിത് പദ്മനാഭൻ തുടങ്ങിയവരും ചിത്രത്തിൽ അഭിനയിക്കുന്നുണ്ട്. ജിതിൻ കെ ജോസ് കഥ ഒരുക്കിയിരിക്കുന്ന ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേൽ സായൂജ് നായരും കെ എസ് അരവിന്ദും ചേർന്നാണ്.കമ്മാര സംഭവം എന്ന ചിത്രത്തിലൂടെ ദേശിയ പുരസ്‌കാരം നേടിയ വിനേഷ് ബംഗ്ലാൻ കലാസംവിധാനം നിർവഹിച്ച ഈ ചിത്രത്തിന്റെ സംഗീത സംവിധാനം കൈകാര്യം ചെയ്തത് സുഷിൻ ശ്യാമാണ്1984-ൽ റിലീസ് ചെയ്ത എൻ.എച്ച് 47 എന്ന ചിത്രത്തിലും സുകുമാരക്കുറുപ്പിൻറ്റെ ജീവിതകഥയാണ് പറഞ്ഞത്.

അഭിനേതാക്കൾ

• ദുൽഖർ സൽമാൻ...സുകുമാരക്കുറുപ്പ്
• ശോഭിത ധുലിപാല
• ഇന്ദ്രജിത്ത്
• ടൊവിനോ തോമസ്...ചാക്കോ
• ഷൈൻ ടോം ചാക്കോ
• വാലിഡ് റിയാച്ചി
• മനോജ് ബാജ്പേയ്
• ആനന്ദ് ലാൽ
• സുരേഷ് ഒബ്റോയ്

നിർമ്മാണം

ചിത്രത്തിന്റെ ഷൂട്ടിങ് 2020 ഒക്ടോബറിൽ ഒറ്റപ്പാലത്ത് ആരംഭിച്ചു. ദുൽഖർ സൽമാൻ പ്രൊഡക്ഷൻസിന്റെ ബാനറിൽ സെക്കന്റ് ഷോ എന്ന ചിത്രത്തിന് ശേഷം ശ്രീനാഥ് രാജേന്ദ്രനും ദുൽഖുർ സൽമാനും ഒന്നിക്കുന്ന ബിഗ് ബജറ്റ് ചിത്രമാണ് കുറുപ്പ്. സെക്കന്റ് ഷോയ്ക്കും കൂതറയ്ക്കും ശേഷം ശ്രീനാഥ് രാജേന്ദ്രൻ സംവിധാനം ചെയ്യുന്ന ചിത്രം കൂടിയാണിത്. കൂതറ പുറത്തിറങ്ങി അഞ്ച് വർഷമാവുമ്പോഴാണ് ശ്രീനാഥ് അടുത്ത പ്രൊജക്ടുമായി എത്തുന്നത്. അഞ്ച് വർഷത്തോളമായി താൻ ഈ പ്രോജക്ടിന് പിന്നാലെയാണെന്നു ശ്രീനാഥ് രാജേന്ദ്രൻ ഫേസ്ബുക്ക് പോസ്റ്റിലൂടെ പറഞ്ഞിരുന്നു.1980കളിലെ ഗ്രാമാന്തരീക്ഷം പുനർസൃഷ്ടിക്കുന്ന ചിത്രത്തിലേക്ക് അഭിനേതാക്കളെ ക്ഷണിച്ചു കൊണ്ടുള്ള കാസ്റ്റിംഗ് കോൾ പുറത്തു വന്നിരുന്നു.1984ൽ ജനുവരി മാസത്തിൽ നടന്ന ചാക്കോ വധക്കേസിലെ ഒന്നാം പ്രതിയാണ് സുകുമാരക്കുറുപ്പ്. ഇയാളുടെ ജീവിതം പശ്ചാത്തലമാക്കിയാണ് ചിത്രമൊരുക്കുന്നത്.കേരളം, അഹമ്മദാബാദ്, മുംബൈ, ദുബായ്, മംഗളൂരു, മൈസൂരു എന്നിവിടങ്ങളിലായി 105 ദിവസങ്ങൾ കൊണ്ടാണ് ഷൂട്ടിങ് പൂർത്തീകരിച്ചത്.

റിലീസ്

ഈ ചിത്രത്തിന്റെ ഔദ്യോഗിക ഫസ്റ്റ് ലുക്ക് പോസ്റ്റർ 2020 ജനുവരി 1-ന് പുറത്തിറങ്ങി.നീളൻ കോട്ടിട്ടും സ്റ്റൈലൻ കൂളിംഗ് ഗ്ലാസും ധരിച്ച്, കയ്യിൽ സിഗരറ്റ് പാക്കറ്റ് പിടിച്ച് നടന്നു വരുന്ന കുറുപ്പിൻ്റെ മാസ് ലുക്കാണ് പോസ്റ്ററിലുള്ളത്. 2020 മെയ് 24-ന് ചിത്രത്തിന്റെ സെക്കന്റ് ലുക്ക് പോസ്റ്ററും റിലീസ് ചെയ്തു. ദുൽഖർ സൽമാന്റെ ജന്മദിനത്തിൽ,ഈ ചിത്രത്തിന്റെ ഒരു സ്നീക്ക് പീക്ക് വീഡിയോ പുറത്തിറങ്ങിയിരുന്നു.

സംഗീതം

ഈ ചിത്രത്തിന്റെ സംഗീതം സംവിധാനം ചെയ്തിരിക്കുന്നത് സുഷിൻ ശ്യാമാണ്.

അവലംബം

• https://www.asiavillenews.com/amp/article/dulquer-salmaan-keralas-most-wanted-criminal-sukumara-kurup-biopic-movie-6627