അമൃതം ഗമയ
| അമൃതം ഗമയ | |
|---|---|
 Poster designed by P. N. Menon | |
| സംവിധാനം | ഹരിഹരൻ |
| കഥ | എം.ടി |
| തിരക്കഥ | എം.ടി |
| നിർമ്മാണം | പി.കെ.ആർ പിള്ള |
| അഭിനേതാക്കൾ | മോഹൻലാൽ തിലകൻ ഗീത പാർവ്വതി വിനീത് ക്യാപ്റ്റൻ രാജു |
| ഛായാഗ്രഹണം | എസ്.സി പാഡി |
| ചിത്രസംയോജനം | എം.എസ്. മണി |
| സംഗീതം | എം.ബി. ശ്രീനിവാസൻ |
നിർമ്മാണ കമ്പനി | ശിർദ്ദിസായി ക്രിയേഷൻസ് |
| വിതരണം | ശിർദ്ദിസായി റിലീസ് |
റിലീസ് തീയതി |
|
| രാജ്യം | ഭാരതം |
| ഭാഷ | മലയാളം |
1987ൽ ഷിർദ്ദിസായി ക്രിയേഷൻസിന്റെ ബാനറിൽ എം.ടി. വാസുദേവൻ നായർ കഥ, തിരക്കഥ, സഭാഷണം എന്നിവ രചിച്ച് ഹരിഹരൻ സംവിധാനം ചെയ്ത ഒരു കുടുംബചിത്രമാണ്അമൃതം ഗമയ. പി.കെ.ആർ പിള്ള നിർമ്മിച്ച ഈ ചിത്രത്തിൽ മോഹൻലാൽ, തിലകൻ, ഗീത, പാർവ്വതി, വിനീത്, ക്യാപ്റ്റൻ രാജു തുടങ്ങിയവർ പ്രധാനവേഷങ്ങളിൽ അഭിനയിച്ചു. ഈ ചിത്രത്തിന്റെ സംഗീതം നിർവ്വഹിച്ചത് എം.ബി. ശ്രീനിവാസൻ ആയിരുന്നു. യൌവ്വനത്തിളപ്പിൽ പറ്റിപ്പോയ ഒരബദ്ധം ജീവിതം മുഴുവൻ വേട്ടയാടുന്ന ഒരു യുവഡോക്റ്ററുടെ നീറുന്ന ഓർമ്മകളാണ് ഈ ചിത്രത്തിന്റെ കഥാതന്തു. ഹരിഹരന്റെ മികച്ച ചിത്രങ്ങളിലൊന്നായി ഈ ചിത്രം വിലയിരുത്തപ്പെടുന്നു.[1][2] അതുപോലെതന്നെ ഈ ചിത്രത്തിൻറെ തിരക്കഥ എം.ടി. വാസുദേവൻ നായരുടെ മികച്ച തിരക്കഥകളിലൊന്നുംകൂടിയാണ്.[3]
അഭിനേതാക്കൾ
[തിരുത്തുക]| ക്ര.നം. | താരം | വേഷം |
|---|---|---|
| 1 | മോഹൻലാൽ | ഡോ.പി.കെ ഹരിദാസ് |
| 2 | പാർവ്വതി | ശ്രീദേവി |
| 3 | തിലകൻ | കുറുപ്പ് |
| 4 | ഗീത | ഭാനു |
| 5 | വിനീത് | ഉണ്ണി |
| 6 | ക്യാപ്റ്റൻ രാജു | സുകു |
| 7 | ബാബു നമ്പൂതിരി | ഇളയത് (ഉണ്ണിയുടെ അച്ഛൻ) |
| 8 | സുകുമാരി | ഹരിദാസിന്റെ അമ്മ |
| 9 | കമല കാമേഷ് | ശ്രീദേവിയുടെ അമ്മ |
| 10 | രാജ്യലക്ഷ്മി | ശാരദ |
| 11 | കുണ്ടറ ജോണി | ഡോ.രാജൻ തോമസ് |
| 12 | കുഞ്ഞാണ്ടി | കാക്ക |
| 13 | ദേവൻ | രഘു |
| 14 | കുതിരവട്ടം പപ്പു | കുമാരൻ |
നിർമ്മാണം
[തിരുത്തുക]എം.ടി. വാസുദേവൻ നായർ- ഹരിഹരൻ ടീമിന്റെ മികച്ച കൂട്ടുകെട്ടുകളിലൊന്നാണ് അമൃതം ഗമയ.[4] ഇവർ മോഹൻലാൽ- ഗീത ജോഡി യിൽ പഞ്ചാഗ്നി എന്നൊരു ഹിറ്റ് സിനിമ പുറത്തിറക്കിയശേഷമാണ് ഈ ചിത്രം നിർമ്മിച്ചത്. പഞ്ചാഗ്നി (1986) എന്ന സിനിമ ഒരു വനിതാപ്രധാനസിനിമയായിരുന്നപ്പോൾ അമൃതം ഗമയ പ്രധാനമായും ഡോ. ഹരിദാസ് എന്ന മോഹൻലാൽ അവതരിപ്പിച്ച കഥാപാത്രത്തിന്റെ മനോവികാരങ്ങളിലൂടെയാണ് സഞ്ചരിക്കുന്നത്. ഉപനിഷത്തുകളിലെ പവമാനമന്ത്രത്തിന്റെ ഭാഗമായ മൃത്യോർ മാം അമൃതം ഗമയ (അർത്ഥം: മരണത്തിൽ നിന്ന് എന്നെ അമരത്വത്തിലേക്ക് നയിച്ചാലും) എന്ന വരിയിൽ നിന്നാണ് ഈ ചിത്രത്തിന്റെ തലക്കെട്ട് സ്വീകരിച്ചിരിക്കുന്നത്.[5]
സംഗീതം
[തിരുത്തുക]എം.ബി. ശ്രീനിവാസൻ ആണ് ഈ ചിത്രത്തിന്റെ സംഗീതം നിർവ്വഹിച്ചത്. ഈ ചിത്രത്തിൽ ഒരു ഗാനം പോലും ഇല്ല.[5]
അവലംബം
[തിരുത്തുക]- ↑ Kumar, P. K. Ajith (9 August 2017). "Celebrating a fine half century of filmmaking". The Hindu. Retrieved 30 December 2017.
{{cite news}}: CS1 maint: deprecated archival service (link) - ↑ Anima, P. (31 January 2014). "Conquering Mind and Eye". The Hindu. Retrieved 30 December 2017.
{{cite news}}: CS1 maint: deprecated archival service (link) - ↑ "Screenplays for ever". The Hindu. 26 September 2014.
- ↑ Prakash, Asha (13 February 2015). "Drugs, not new in Malayalam Cinema". The Times of India. Retrieved 30 December 2017.
{{cite news}}: CS1 maint: deprecated archival service (link) - 1 2 ശങ്കർ, അനൂപ് (2 September 2017). "അമൃതം ഗമായ: നാശത്തിൽ നിന്ന് ജീവിതത്തിലേക്ക്". Deepika. Retrieved 30 December 2017.
{{cite news}}: CS1 maint: deprecated archival service (link)
പുറത്തേക്കുള്ള കണ്ണികൾ
[തിരുത്തുക]ചിത്രം കാണുക
[തിരുത്തുക]അമൃതംഗമയ 1987