കോഴിക്കോട് ജില്ല

ഇംഗ്ലീഷ് വിലാസം

https://ml.wikipedia.org/wiki/Calicut_district

ഇത് കോഴിക്കോട് ജില്ലയെക്കുറിച്ചുള്ള ലേഖനമാണ്. കോഴിക്കോട് പട്ടണത്തെക്കുറിച്ചറിയാന്‍ ഈ ലേഖനം കാണുക

കോഴിക്കോട് ജില്ല
അപരനാമം:
{{{ബാഹ്യ ഭൂപടം}}}
ഭൂമിശാസ്ത്ര പ്രാധാന്യം	ജില്ല
രാജ്യം	ഇന്ത്യ
സംസ്ഥാനം	കേരളം
ആസ്ഥാനം	കോഴിക്കോട്
ഭരണസ്ഥാപനങ്ങൾ	{{{ഭരണസ്ഥാപനങ്ങൾ}}}
{{{ഭരണസ്ഥാനങ്ങൾ}}}
വിസ്തീർണ്ണം	{{{വിസ്തീർണ്ണം}}}ചതുരശ്ര കിലോമീറ്റർ
ജനസംഖ്യ ([[{{{സെൻസസ് വർഷം}}}-ലെ ജനസംഖ്യാ കണക്കെടുപ്പ്|{{{സെൻസസ് വർഷം}}}]]) പുരുഷൻ‌മാർ സ്ത്രീകൾ സ്ത്രീ പുരുഷ അനുപാതം	28,79,131 13,99,358 14,79,773 1057
ജനസാന്ദ്രത	1228/ച.കി.മീ
സാക്ഷരത	92.24 %
കോഡുകൾ   • തപാൽ   • ടെലിഫോൺ	673 XXX +91 495, +91 496
സമയമേഖല	UTC +5:30
പ്രധാന ആകർഷണങ്ങൾ	{{{പ്രധാന ആകർഷണങ്ങൾ}}}
{{{കുറിപ്പുകൾ}}}

കോഴിക്കോട്‌, കേരള സംസ്ഥാനത്തിന്റെ വടക്കുവശത്തുള്ള ഒരു ജില്ലയാണ്‌. ഇന്ത്യയുടെ തെക്കുപടിഞ്ഞാറന്‍ തീരപ്രദേശത്താണ്‌ ഈ ജില്ലയുടെ സ്ഥാനം. വടക്ക്‌ കണ്ണൂര്‍ ജില്ല, തെക്ക്‌ മലപ്പുറം ജില്ല, കിഴക്ക്‌ വയനാട് ജില്ല, പടിഞ്ഞാറ്‌ അറബിക്കടല്‍ എന്നിവയാണ്‌ കോഴിക്കോടിന്റെ അതിര്‍ത്തികള്‍. കേരളത്തിലെ മഹാനഗരങ്ങളില്‍ ഒന്നായ കോഴിക്കോട്‌ നഗരമാണ്‌ ജില്ലയുടെ ആസ്ഥാനം. കോഴിക്കോട്, കൊയിലാണ്ടി, വടകര എന്നിവയാണ് ജില്ലയിലെ മൂന്നു താലൂക്കുകള്‍.

നിരുക്തം

കുലശേഖര സാമ്രാജ്യത്തിന്റെ നാശത്തിനു മുന്‍പുള്ള കാലഘട്ടത്തില്‍ കോഴിക്കോടും സമീപ പ്രദേശങ്ങളും പോര്‍ളാതിരി രാജാവ് ഭരിച്ചിരുന്ന പോളനാടിന്റെ ഭാഗമായിരുന്നു. ഏറാള്‍ നാട് (എറനാട്ട്) നെടിയിരുപ്പിലെ ഏറാടികള്‍ സമുദ്രവാണിജ്യം നേരിട്ടു നടത്തുവാന്‍ പോര്‍ളാതിരിയെ യുദ്ധത്തില്‍ പരാജയപ്പെടുത്തി പോളനാട് പിടിച്ചെടുത്തു. പോളനാട്ടില്‍ വേളാപുരം എന്ന സ്ഥലത്ത് ഒരു കോട്ടയും വലിയ മാളികയും (കോയില്‍/കോവില്‍) കെട്ടി അവരുടെ ആസ്ഥാനം നെടിയിരുപ്പില്‍ നിന്ന് കോയില്‍കോട്ടയിലേക്കു മാറ്റി. ഇവിടുത്തെ രാജാക്കന്മാര്‍ പൊതുവില്‍ അറിയപ്പെട്ടിരുന്നത് സ്വാമിതിരുമുല്പാട് എന്നായിരുന്നു - പിന്നീട് സ്വാമിതിരുമുല്പാട് എന്നത് സാമൂതിരി എന്ന് ചുരുങ്ങി. കോട്ടയാല്‍ ചുറ്റപ്പെട്ട കോയില്‍ - കോയില്‍ക്കോട്ടയാണ് പിന്നീട് കോഴിക്കോടായത്. അറബികള്‍ ഈ നഗരത്തെ 'കാലിക്കൂത്ത്' എന്നും ചൈനക്കാര്‍ 'കലിഫോ' എന്നും യൂറോപ്യന്മാര്‍ 'കാലിക്കറ്റ്' എന്നും വിളിച്ചു.

ചരിത്രം

വാസ്കോ ഡി ഗാമയുടെ വരവിനു മുന്‍പുള്ള കോഴിക്കോടിന്റെ ചരിത്രം വളരെ അവ്യക്തമാണ്. ഇബ്നു ബത്തൂത്ത, അബ്ദുള്‍ റസാഖ്, നിക്കോളോ കോണ്ടി എന്നീ വിദേശ സഞ്ചാരികളുടെ യാത്രാവിവരണക്കുറിപ്പുകളെയും മറ്റു സാഹിത്യരചനകളെയുമാസ്പദമാക്കിയാണ് അക്കാലത്തെ ചരിത്ര രചന നടത്തിയത്. ഇവ കൂടുതലും ഊഹങ്ങള്‍ മാത്രമാണ്. എന്നാല്‍ വാസ്കോ ഡി ഗാമയുടെ വരവിനുശേഷം ഉള്ളതിന് വിശ്വസനീയമായ രേഖകള്‍ ഉണ്ട്.

ആദിവാസികളായ വില്ലവരെയും മ്മീനവരെയും മറ്റും തോല്പിച്ച യാദവന്മാരും നാഗന്മാരും ആദ്യമായി കേരളത്തില്‍ കുടിയേറിയത് മലബാറിലെ ഈ പ്രദേശങ്ങളിലാണ്. ഇത് ക്രി,മു. ആയിരം അണ്ടോടടുത്ത് എന്നാണ് എന്നു കരുതുന്നു. പുരാതന കാലം മുതല്‍തന്നെ സഞ്ചാരികളുടെ പറുദീസയായിരുന്നു കോഴിക്കോട്‌. ചൈനീസ്‌ സഞ്ചാരിയായ സെങ്ങ്‌ ഹി പോര്‍ട്ടുഗീസ്‌ നാവികനായ വാസ്കോ ഡി ഗാമ എന്നിവരുടെ ആഗമനത്താല്‍ ശ്രദ്ധേയമാണ്‌ കോഴിക്കോട്‌. ഇവര്‍ക്കു മുന്നേ തന്നേ അറബികളും തുര്‍ക്കികളും റോമാക്കാരും ഇവിടങ്ങളില്‍ എത്തിയിരുന്നു. കൊടുങ്ങല്ലൂര്‍ കേന്ദ്രീകരിച്ച് നിലനിന്നിരുന്ന വ്യാപാരത്തിന്റെ ഭാഗമായി കോഴിക്കോടും ചില്ലറ വ്യാപാരങ്ങള്‍ നടന്നിരുന്നു.

കോഴിക്കോടിനെപ്പറ്റി എട്ടാം നൂറ്റാണ്ടിനു ശേഷം മാത്രമേ ചരിത്രത്തില്‍ കൂടുതല്‍ പ്രതിപാദിച്ചുകാണുന്നുള്ളൂ. എട്ട് മുതല്‍ പന്ത്രണ്ട് നൂറ്റാണ്ടുകള്‍ വരെ കോഴിക്കോടിന്റെ ആധിപത്യം പോര്‍ളാതിരിമാര്‍ക്കായിരുന്നു. ഇവരുടെ കാലത്ത് തൊഴിലധിഷ്ടിതമായും ജാതിവ്യവസ്ഥക്കധിഷ്ടിത്മായും സാമൂഹ്യജീവിതം ക്രമീകരിക്കപ്പെട്ടു, അതിനുമുന്ന് വിവേചനരഹിതമായിരുന്നു ഒട്ടുമിക്ക സമൂഹങ്ങളിലും വ്യവസ്ഥിതികള്‍. ഗോത്രപ്രമാണിമാര്‍ ഭൂവുടമകളായും നാടുവാഴികളായും ഉയര്‍ത്തപ്പെട്ടു. മറ്റുള്ളവര്‍ അവര്‍ക്കു വിധേയരായി കൃഷി ചെയ്തു കഴിഞ്ഞു വന്നു. സാമൂതിരി കോഴിക്കോടിന്റെ അധിപതി ആയതോടെ അറബികളുടെ സഹായത്താല്‍ വാണിജ്യകേന്ദ്രം എന്ന നിലയില്‍ കോഴിക്കോടിനു പ്രാധാന്യം ഏറി. മറ്റു രാജക്കാന്മാരെ തോല്പിക്കാന്‍ സാമൂതിരിക്ക് മുസ്ലീങ്ങള്‍ നല്ല സഹായം ചെയ്തു വന്നു. അങ്ങനെ കൊച്സി വരെയുള്ള പ്രദേശങ്ങളുടെ അധിപനായി സാമൂതിരി മാറി.

സാമൂതിരിയുടെ കാലത്ത് വിദേശികളും സ്വദേശികളുമായി നിരന്തരം യുദ്ധം തുടര്‍ന്നിരുന്നു. അതു കൊണ്ട് കാര്യമായവികസനങ്ങള്‍ നടന്നു കാണുന്നില്ല. എങ്കിലും സാംസ്കാരിക രംഗത്ത് രേവതി പട്ടത്താനവും വിദ്വല്‍ സദസ്സുമെല്ലാം സാമൂതിരിമാരുടെ സംഭാവനകളാണ്. ഹൈദരലിയുടെ മൈസൂര്‍ പടയുടെ മുന്നില്‍ അവസാനം സാമൂതിരി അടിയറവു പറഞ്ഞു. പിന്നീട് വന്ന ടിപ്പു സുല്‍ത്താനും കോഴിക്കോടില്‍ വലിയ മാറ്റങ്ങള്‍ വരുത്തി. മതപരിവര്‍ത്തനത്തിലും പീഡനത്തിലും ഭയന്ന് നിരവധി സവര്‍ണ്ണജാതിക്കാര്‍ തെക്കോട്ട് പലായനം ചെയ്തു. സവര്‍ണ്ണ ജാതിക്കാരുടെ പീഡനങ്ങളേറ്റിരുന്നവരും ജാതി ഭ്രഷ്ട് ഉണ്ടായിരുന്നവരും എന്നു വേണ്ട ഒട്ടനവധി പേര്‍ ഇസ്ലാം മതം സ്വീകരിച്ചു.വസ്ത്രധാരണത്തിലും മാറ്റങ്ങള്‍ വന്നു. ഇവിടെ നിലവിലുണ്ടായിരുന്ന പല അനാചാരങ്ങളും, ബഹുഭാര്യത്വം, ബഹുഭര്‍ത്ത്വത്വം, മാറുമറക്കാനുള്ള അധികാരം തുടങ്ങിയവ നിര്‍ത്താന്‍ ടിപ്പു സുല്‍ത്താന്‍ നിയമങ്ങള്‍ കൊണ്ടുവന്നു. കോഴിക്കോട് ഗതാഗത യോഗ്യമാക്കിയത് ടിപ്പുവാണെന്നു പറയാം. പാലങ്ങളും ചുരങ്ങളും നിര്‍മ്മിച്ചു. ഭൂവുടമകള്‍ ഭൂനികുതി നല്‍കണമെന്ന നിയമം ആദ്യമായി നടപ്പില്‍ വരുത്തിയത് ടിപ്പു സുല്‍ത്താനാണ്.

1792 മുതല്‍ 1805 വരെ മലബാറിന്റെ ഭാഗമായിരുന്ന ഇവിടത്തെ ഭരണം ബോംബെ കമ്മീഷണരുടെ കീഴിലായിരുന്നു. 1805-ല് മലബാര്‍ മദ്രാസ് പ്രൊവിന്‍സിലെ ഒരു ജില്ലയാക്കി. കോഴിക്കോട് താലൂക്ക് ഒട്ടാകെ പന്ത്രണ്ട് സബ് ഡിവിഷനുകളും മുപ്പത്തൊന്ന് അംശങ്ങളും 128 ദേശങ്ങളും ആയി വീഭജിച്ചു. ഇന്ത്യ സ്വതന്ത്രമായപ്പോള്‍ ഈ താലൂക്കില്‍ കോഴിക്കോട്, ചേവായൂര്‍, കുന്നമംഗലം, കൊടുവള്ളി, എന്നിങ്ങനെ 4 ഫര്‍ക്കകളും 72 അംശങ്ങളും ഉണ്ടായിരുന്നു. നല്ല കൃഷിക്കാര്‍ തറവാട്ടുകാരായി. സാമ്പത്തികശേഷിയുള്ള സവര്‍ണ്ണകുടുംബങ്ങളിലെ ആള്‍ക്കാരെയാണ് അംശം ഭരിക്കാന്‍ ഏല്പിച്ചിരുന്നത്. 1961-ല് ഭരണഘടനയുടെ പുന: സംഘടനവരെ ഈ കീഴ്‌വഴക്കം തുടര്‍ന്നു. 1957 ജനുവരി 1-ന്‌ കോഴിക്കോട്‌ ജില്ല രൂപീകൃതമായി. കാലക്രമത്തില്‍ ഈ ജില്ല വീണ്ടും വിഭജിച്ച്‌ മലപ്പുറം, വയനാട്‌ എന്നീ ജില്ലകള്‍ക്ക്‌ രൂപം കൊടുത്തു.

സംസ്കാരം

1572 ലെ കാലിക്കറ്റ് പോര്‍ട്ട് - പോര്‍ട്ടുഗീസുകാരുടെ കാലത്ത് വര്‍ച്ചത്, ജോര്‍ജ്ജ് ബ്രൗണ്‍ ഫ്രാന്‍സ് ഹോഗെന്‍ബെര്‍ എന്നിവരുടെ ചിവിയേറ്റ്സ് ഓര്‍ബിസ് ടെറാറും എന്ന അറ്റ്ലസില്‍ നിന്ന്

കേരളത്തിന്റെ തെക്കന്‍ ജില്ലകളില്‍ നിന്നും വ്യത്യസ്തമായ ജീവിതശൈലിയും സംസ്കാരവുമാണ്‌ കോഴിക്കോട്‌ ജില്ലയിലെ ജനങ്ങള്‍ പിന്തുടരുന്നത്‌. മുസ്ലീം സംസ്കാരത്തിന്റെ സ്വാധീനം കൊണ്ടാവാം ഇവിടത്തെ ജനങ്ങളുടെ സംസാരിക്കുന്ന മലയാളത്തില്‍ അറബി ഭാഷയുടെ കലര്‍പ്പുകാണാം. നൂറ്റാണ്ടുകള്‍ക്കു മുന്നേ തന്നെ വ്യാപാരങ്ങള്‍ നടന്നിരുന്നതിനാല്‍ പല രാജ്യക്കാരുടെയും സംസ്കാരവുമായി ഇഴുകിച്ചേര്‍ന്നാണ് കോഴിക്കോട് രൂപം പ്രാപിച്ചത്. പാര്‍സികള്‍, ഗുജറാത്തികള്‍, മാര്‍വാഡികള്‍, തമിഴര്‍, തെലുങ്കര്‍ എന്നിങ്ങനെ ഒട്ടനവധി ദേശക്കാര്‍ ഇന്നിതിനെ സ്വന്തമാക്കിക്കഴിഞ്ഞു. നാടുവാഷികളും രാജാക്കന്മാരും നമ്പൂതിരിമാരെക്കോണ്ട് ഒട്ടനവധി ക്ഷേത്രങ്ങള്‍ അഥവാ തളികള്‍ നിര്‍മ്മിച്ചു. ക്രിസ്തുമതക്കാരുടെ ആഗമനത്തിനു മുന്നേ തന്നെ ജൈനമതക്കാര്‍ കോഴിക്കോട് ഉണ്ടായിരുന്നു, പോര്‍ത്റ്റുഗീസുകാരുടെ വരവിന് ശേഷമാണ് കൃസ്തീയദേവാലയങ്ങള്‍ നിലവില്‍ വന്നത്. സുറിയാനി കൃസ്ത്യാനികളും പിന്നീട് വന്നു ചേര്‍ന്നു. സാമ്പത്തിക വിദ്യാഭ്യാസ മേഖലയില്‍ ഇവരുടെ സംഭാവനകള്‍ എടുത്തു പറയത്തക്കതാണ്.

ആനന്ദമതം, ആര്യസമാജം, ബ്രഹ്മസമാജം, സിദ്ധസമാജം, ആത്മവിദ്യാസംഘംഎന്നിങ്ങനെ എല്ലാ പ്രസ്ഥാനങ്ങള്‍ക്കും ഇവിടെ വേരോടിയിട്ടുണ്ട്. അയിത്തത്തിനും ജാതിസ്പര്‍ദ്ധക്കുമെതിരെ നവോത്ഥാനപ്രവര്‍ത്തനങ്ങള്‍ക്ക് ഇവ സഹായകമായി.

വടക്കന്‍ പാട്ടുകളുടെയും മാപ്പിളപ്പാട്ടുകളുടെയും നാടാണ്‌ കോഴിക്കോട്‌. മലയാളികളുടെ സംസ്കാരവുമായി ബന്ധമില്ലാത്ത ഗസല്‍ സംഗീതത്തോടും ഈ ജില്ലാനിവാസികള്‍ക്ക്‌ പ്രത്യേക അഭിനിവേശമുണ്ട്‌. അതുപോലെ തന്നെയാണ്‌ ഫുട്ബോളും. ഈ കളി ഇവിടത്തെ ജനങ്ങളുടെ ജീവിതത്തിന്റെ തന്നെ ഭാഗമാണെന്നു പറയാം. ഫുട്ബോളിന്റെ ഭൂപടത്തില്‍ ഇന്ത്യയുടെ സ്ഥാനം അപ്രസക്തമാണെങ്കില്‍ക്കൂടി ലോകോത്തര താരങ്ങള്‍ക്കെല്ലാം ഇവിടെ പ്രബലമായ ആരാധകവൃന്ദമുണ്ടെന്നത്‌ ആരയും അത്ഭുതപ്പെടുത്തും.

ഭൂമിശാസ്ത്രം

കോഴിക്കോട് ജില്ലയുടെ പടിഞ്ഞാറ് ഭാഗം തീരദേശപ്രദേശമാണ്. നിരവധി ബീച്ചുകളുള്ള ഈ പ്രദേശം മത്സ്യബന്ധനത്തിനും പ്രശസ്തമാണ്. കിഴക്ക് പ്രദേശം സഹ്യപര്‍വ്വതത്തിന്റെ ഭാഗമാണ്. ഇങ്ങനെ വളരെ അധികം വൈവിധ്യമുള്ള ഭൂപ്രകൃതിയാണ് കോഴിക്കോട് ജില്ലയുടേത്.

വിദ്യാഭ്യാസ സ്ഥാപനങ്ങള്‍

• നാഷനല്‍ ഇന്‍സ്റ്റിറ്റ്യൂട്ട് ഒഫ് ടെക്നോളജി, കോഴിക്കോട്‌, ചാത്തമംഗലം. (നേരത്തേ കോഴിക്കോട്‌ റീജിയണല്‍ എഞ്ചീനിയറിങ്ങ്‌ കോളേജ്‌ REC)
• കോഴിക്കോട് മെഡിക്കല്‍ കോളേജ്‌
• ഇന്ത്യന്‍ ഇന്‍സ്റ്റിറ്റ്യൂട്ട് ഒഫ് മാനേജ്‌മെന്റ് ഐ. ഐ. എം
• ഫാറൂഖ് കോളേജ്
• മലബാര്‍ കൃസ്ത്യന്‍ കോളേജ്

കൂടുതല്‍ വിവരങ്ങള്‍

കോഴിക്കോട് ജില്ല വെബ്സൈറ്റ്
കോഴിക്കോട് ജില്ല - കേരള സംസഥാന ഔദ്യോഗിക വെബ്സൈറ്റില്‍ നിന്ന്