മഡോണ ആന്റ് ചൈൽഡ് വിത്ത് റ്റു മ്യൂസിഷൻ ഏയ്ഞ്ചൽസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Madonna and Child with Two Musician Angels എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
Correggio, madonna col bambino tra due angeli musicanti.jpg

1514-15 നും ഇടയിൽ അല്ലെങ്കിൽ 1515-16 നും ഇടയിൽ ചിത്രീകരിച്ചതാകാമെന്നു കരുതുന്ന അന്റോണിയോ ഡാ കോറെജ്ജിയോ ചിത്രീകരിച്ച ഒരു എണ്ണച്ചായാചിത്രമാണ് മഡോണ ആന്റ് ചൈൽഡ് വിത്ത് റ്റു മ്യൂസിഷൻ ഏയ്ഞ്ചൽസ്.

ചരിത്രം[തിരുത്തുക]

ചിത്രത്തിന്റെ പുറകിൽ ഫ്ലോറൻസിലെ ഗ്രാൻഡ്-ഡുക്കൽ ഗാലറിയുടെ പതിനാറാം നൂറ്റാണ്ടിലെ മോണോഗ്രാം കാണപ്പെടുന്നു. 2523 എന്ന തിരിച്ചറിയൽ നമ്പർ കാണിക്കുന്ന ഈ ചിത്രം അക്കാലത്ത് ഗാലറിയുടെ കൈവശമുള്ള പട്ടികകളിലൊന്നും ഉൾപ്പെടുത്തിയിട്ടില്ല. പതിനേഴാം നൂറ്റാണ്ടിലെ ചിത്രസംഗ്രഹ പട്ടികകളിലൊന്നിലും ഈ രചനയെ വ്യക്തമായി കണ്ടെത്താൻ‌ കഴിയില്ല. എങ്കിലും അന്ന മരിയ ലൂയിസ ഡി മെഡിസി 1691-ൽ ഇലക്‌ടർ‌ പാലറ്റൈൻ‌ ജോൺ‌ വില്യവുമായുള്ള വിവാഹശേഷം ഡ്യൂസെൽ‌ഡോർഫിലേക്ക്‌ കൊണ്ടുവന്ന ചിത്രമായിരിക്കാം എന്ന് ഊഹിക്കപ്പെടുന്നു . 1717 ൽ ജോൺ വില്യം മരിച്ചതിനുശേഷം ഈ ചിത്രം ഫ്ലോറൻസിലേക്ക് തിരികെ കൊണ്ടുവരപ്പെട്ടു. ഈ ചിത്രത്തെക്കുറിച്ചുള്ള ആദ്യത്തെ ഔദ്യോഗിക പരാമർശം 1798-ൽ ഫ്ലോറൻസ് ഗാലറിയുടെ ചിത്രസംഗ്രഹപ്പട്ടികയിലാണുള്ളത്. മഹാന്മാരായ ഇറ്റാലിയൻ കലാകാരന്മാർക്കായി നീക്കി വെച്ച സലാ ഡേ മാസ്ട്രി ഇറ്റാലിയാനി എന്ന ഹാളിലാണ് ഈ ചിത്രം എന്ന വിവരവും അതിലുണ്ട്, 19-ആം നൂറ്റാണ്ടിന്റെ പകുതി വരെ ചിത്രം അവിടെത്തന്നെ കാണപ്പെട്ടു. പതിനെട്ടാം നൂറ്റാണ്ട് മുതൽ ചിത്രത്തിന്റെ നിരവധി പകർപ്പുകൾ ഉണ്ടായെന്നത് അതിന്റെ ജനപ്രീതിക്കു സാക്ഷ്യം വഹിക്കുന്നു. പിന്നീടെപ്പോഴോ ഇതൊരു ടിഷ്യൻ ചിത്രമാണെന്ന ശങ്ക ഉയർന്നിരുന്നു. പക്ഷേ ജിയോവന്നി മൊറേലി ഈ ചിത്രം യുവ കൊറെജ്ജിയോയുടെ ആദ്യകാല സൃഷ്ടികളിലൊന്നാണെന്ന നിഗമനത്തിലെത്തി. "അതിസൂക്ഷ്മമായ രചനാ ശൈലിയും വ്യക്തവും തിളക്കമുള്ളതുമായ നിറങ്ങളുടെ സാന്നിദ്ധ്യവും നിഗമനത്തെ പിന്താങ്ങി .

ഗ്രന്ഥസൂചിക[തിരുത്തുക]

  • (ഭാഷ: Italian) Giuseppe Adani, Correggio pittore universale, Silvana Editoriale, Correggio 2007. ISBN 9788836609772

പുറത്തേക്കുള്ള കണ്ണികൾ[തിരുത്തുക]