സിന്റൽ ദ ഗെയിം

വിക്കിപീഡിയ, ഒരു സ്വതന്ത്ര വിജ്ഞാനകോശം.
സിന്റൽ ദ ഗെയിം
Sintel The Game Logo Small.png
വികസിപ്പിച്ചവർ ജൊനാഥൻ ബുറെഷ്, നോഹ് സമ്മേഴ്സ്, മാൽകം കോർലിസ്, ഡേവിഡ് ബാർക്കർ, ജെയിംസ് റെയ്മണ്ട്, ഡേവിഡ്, കാർലോ
യന്ത്രം ബ്ലെൻഡർ
പതിപ്പ് ആൽഫ 1.1
തട്ടകം ബ്ലെൻഡർ ലഭ്യമായ എല്ലാ പ്ലാറ്റ്ഫോമുകളിലും
രീതി ഒരു കളിക്കാരൻ
മീഡിയ തരം ഡൗൺലോഡ്
ഇൻപുട്ട് രീതി കീബോഡ്, മൗസ്

സിന്റൽ എന്ന ചലച്ചിത്രത്തിനെ അടിസ്ഥാനമാക്കിയിട്ടുള്ള ബ്ലെൻഡർ ഗെയിമാണ് സിന്റൽ ദ ഗെയിം. 2010ൽ ബ്ലെൻഡർ ഫൗണ്ടേഷൻ പുറത്തിറക്കിയ ചലച്ചിത്രമാണ് സിന്റൽ. ബാല്യകാല സുഹൃത്തായ ഒരു വ്യാളിയെ അന്വേഷിച്ച് യാത്ര പോവുന്ന സിന്റൽ എന്ന പെൺകുട്ടിയാണ് ഈ ഗെയിമിന്റേയും ആധാരമാക്കിയ ചലച്ചിത്രത്തിന്റേയും ഇതിവൃത്തം.

അന്വേഷണത്തിനിടയിൽ സിന്റൽ ഗാർവേ എന്ന പ്രദേശത്തെത്തുന്നു. സിന്റൽ ഗാർവേ പ്രദേശവാസികളെ അവിടുത്തെ ദുഷ്ടന്മാരായ കാവൽക്കാർക്കെതിരെ സംഘടിപ്പിക്കുന്നു. ഗാർവേയിലൂടെയുള്ള സിന്റലിന്റെ യാത്രയാണ് ഈ ഗെയിമിലുള്ളത്.[1]

സാങ്കേതികം[തിരുത്തുക]

പൈത്തൺ സ്ക്രിപ്റ്റുകളുപയോഗിച്ചാണ് സിന്റൽ ദ ഗെയിമിൽ നിർമ്മിത ബുദ്ധി, തലങ്ങൾ, കഥാപാത്രങ്ങളുടെ സ്ഥാനം എന്നിവ കൈകാര്യം ചെയ്യുന്നത്. ഇവയിൽ ചിലതെല്ലാം ബ്ലെൻഡർ ഫൗണ്ടേഷന്റെ തന്നെ യോ ഫ്രാങ്കീ! എന്ന ഗെയിമിനു വേണ്ടി എഴുതപ്പെട്ടതാണ്. ബ്ലെൻഡർ ഉപയോക്താക്കൾക്ക് ഈ ഗെയിമിലേക്ക് തലങ്ങൾ കൂട്ടിച്ചേർക്കാം. .ബ്ലെൻഡ് ഫയൽ ഫോർമാറ്റിലുള്ള തലങ്ങളാണ് കൂട്ടിച്ചേർക്കാനാവുക.[2]

തലങ്ങൾ[തിരുത്തുക]

തലം ഗുഹാമുഖം.

മൂന്നു തലങ്ങളാണ് ഈ കളിയിലുള്ളത്. ആദ്യ തലമാണ് തുറമുഖം. കപ്പൽ കാവൽക്കാരോട് ഏറ്റുമുട്ടി ഒരു പ്രത്യേക പെട്ടി സ്വന്തമാക്കുക എന്നതാണ് ഈ ഘട്ടത്തിലെ ലക്ഷ്യം.[3] ശേഷം സിന്റൽ യാത്ര തുടരുകയും ഗുഹാ മുഖ തലത്തിലെത്തുകയും ചെയ്യുന്നു. ഈ തലത്തിൽ ഒരു പസിൽ നിർദ്ധാരണം ചെയ്യുകയും ഗുഹാ കാവൽക്കാരനെ പരാജയപ്പെടുത്തുകയും വേണം.[3] അവസാന തലമാണ് മരുഭുമി. മരുഭൂമിയിൽ ഭീമൻ ഒച്ചുകളെ പരാജയപ്പെടുത്തുക എന്നതാണ് ലക്ഷ്യം.[3]

അനുമതി[തിരുത്തുക]

ഗെയിമിലെ ചിത്രങ്ങൾ, മോഡലുകൾ, ലോജിക് എന്നിവ ക്രിയേറ്റീവ് കോമൺസ് ആട്രിബൂഷൻ 3.0 അൺപോർട്ടഡ് അനുമതി പ്രകാരമാണ് നൽകിയിട്ടുള്ളത്. എന്നാൽ പൈത്തൺ സ്ക്രിപ്റ്റുകൾ ഗ്നു ജിപിഎൽ അനുമതി പ്രകാരമാണ് പ്രസിദ്ധീകരിച്ചിരിക്കുന്നത്.[4]

അവലംബം[തിരുത്തുക]

  1. "'Sintel: The Game' Alpha Finally Available for Download". Ubuntu Vibes. ശേഖരിച്ചത് 12 October 2013. 
  2. Website, Sintel The Game. "Sintel The Game Website". ശേഖരിച്ചത് September 10, 2012. 
  3. 3.0 3.1 3.2 Website, Sintel The Game. "Sintel The Game Site (Level Updates)". ശേഖരിച്ചത് September 10, 2012. 
  4. Sintel The Game Website, Licensing Page. "Sintel The Game Licensing". ശേഖരിച്ചത് September 10.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)

പുറം കണ്ണികൾ[തിരുത്തുക]

"https://ml.wikipedia.org/w/index.php?title=സിന്റൽ_ദ_ഗെയിം&oldid=1946151" എന്ന താളിൽനിന്നു ശേഖരിച്ചത്