ലിനെൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
[പ്രവർത്തിക്കാത്ത കണ്ണി]ചാവുകടലിനടുത്തുള്ള കുമ്രാൻ ഗുഹ 1 ൽ നിന്ന് കണ്ടെടുത്ത ലിനൻ തുണി
ഫ്ളാക്സ്[പ്രവർത്തിക്കാത്ത കണ്ണി] സ്റ്റെം, ഫൈബർ, നൂൽ, നെയ്തതും കോർത്തതുമായ തുണിത്തരങ്ങൾ

ചെറുചണ എന്ന സസ്യത്തിന്റെ നാരുകളിൽ നിന്നും ഉണ്ടാക്കുന്ന ഒരുതരം തുണിയാണ് ലിനെൻ (ഇംഗ്ലീഷ്: Linen (/ˈlɪnən/))അഥവാ ശണവസ്ത്രം .

വളരെ ശക്തവും ഈർപ്പം ആഗിരണം ചെയ്യപ്പെടുന്നതുമായ ലിനൻ തുണികൾ പരുത്തിയെക്കാൾ വേഗത്തിൽ ഉണങ്ങുന്നതാണ്. ഈ സ്വഭാവസവിശേഷതകൾ കാരണം, ചൂടുള്ള കാലാവസ്ഥയിൽ ലിനൻ ധരിക്കാൻ സുഖകരമാണ്. ഇതിന്റെ മറ്റൊരു സവിശേഷതയാണ് ചുളിവുകൾ വരാനുള്ള സാധ്യത.[1] ഹോം ഫർണിഷിംഗ് ഇനങ്ങൾ ഉൾപ്പെടെ മറ്റ് പല ഉൽപ്പന്നങ്ങളും ലിനൻ ഉപയോഗിച്ച് നിർമ്മിക്കുന്നുണ്ട്.

ലോകത്തിലെ ഏറ്റവും പഴക്കം ചെന്നവയെന്ന് കരുതപ്പെടുന്ന ലിനൻ തുണിത്തരങ്ങളുടെ ചരിത്രം ആയിരക്കണക്കിന് വർഷങ്ങൾ പഴക്കമുള്ളതാണ്. തെക്കുകിഴക്കൻ യൂറോപ്പിലെ (ഇന്നത്തെ ജോർജിയ ) ഒരു ഗുഹയിൽ നിന്ന് കണ്ടെത്തിയ ചായം പൂശിയ നാരുകൾ സൂചിപ്പിക്കുന്നത്, കാട്ടുചെടികളിൽ നിന്ന് നെയ്ത തുണിത്തരങ്ങൾ 30,000 വർഷങ്ങൾക്കുമുമ്പേ ഉപയോഗത്തിലുണ്ടായിരുന്നു എന്നാണ്. മെസൊപ്പൊട്ടേമിയ [2], പുരാതന ഈജിപ്ത് എന്നിവയുൾപ്പെടെയുള്ള പുരാതന നാഗരികതകളിൽ ലിനൻ ഉപയോഗിച്ചിരുന്നു, കൂടാതെ ലിനൻ ബൈബിളിലും പരാമർശിക്കപ്പെടുന്നുണ്ട്. പതിനെട്ടാം നൂറ്റാണ്ടിലും അതിനുശേഷവും യൂറോപ്പിലെ നിരവധി രാജ്യങ്ങളുടെയും അമേരിക്കൻ കോളനികളുടെയും സമ്പദ്‌വ്യവസ്ഥയിൽ ലിനൻ വ്യവസായത്തിന് ഒരു പ്രധാന സ്ഥാനം ഉണ്ടായിരുന്നു.

പരുത്തി, ഹെമ്പ്, അല്ലെങ്കിൽ മറ്റ് ഫ്ളാക്സ് കുടുംബത്തിൽ പെടാത്ത നാരുകൾ എന്നിവകൊണ്ടു തുണികൾ നിർമ്മിക്കുമ്പോൾ പോലും, അവ ഒരു ലിനൻ നെയ്ത്ത് ഘടനയിലുള്ള തുണിത്തരങ്ങളാണെങ്കിൽ അവയെ "ലിനൻ" എന്നും വിളിക്കാറുണ്ട്.

ഉപയോഗങ്ങൾ[തിരുത്തുക]

ഏപ്രൺസ്, ബാഗുകൾ, തോർത്തുകൾ (നീന്തൽ, ബാത്ത്, ബീച്ച്, ബോഡി, വാഷ് ടവലുകൾ), നാപ്കിനുകൾ, കിടക്ക വിരി (ബെഡ് ലിനൻ), മേശവിരി, റണ്ണേഴ്സ്, കസേര കവറുകൾ, പുരുഷന്മാരുടെയും സ്ത്രീകളുടെയും വസ്ത്രങ്ങൾ എന്നിങ്ങനെ ലിനൻ ഉപയോഗിച്ച് നിരവധി ഉൽപ്പന്നങ്ങൾ നിർമ്മിക്കാം.

ഇന്ന് തുണിത്തരങ്ങളിൽ വെച്ച്, സാധാരണയായി താരതമ്യേന ചെറിയ അളവിൽ ഉൽ‌പാദിപ്പിക്കുന്നതും വിലയേറിയതുമായ തുണിത്തരമാണ് ലിനെൻ. പരുത്തിയും മറ്റ് പ്രകൃതിദത്ത നാരുകളുമായി താരതമ്യപ്പെടുത്തുമ്പോൾ ഇതിന്റ്റേത് നീളമുള്ള നാരുകൾ (വ്യക്തിഗത ഫൈബർ നീളം) ആണ്. [3]

ടേബിൾ കവറുകൾ, ബെഡ് കവറുകൾ, വസ്ത്രങ്ങൾ എന്നിവയ്ക്കായി നൂറ്റാണ്ടുകളായി ലിനൻ ഫാബ്രിക് ഉപയോഗിച്ചിരുന്നു. ശണനൂൽ നൂൽക്കാനുള്ള ബുദ്ധിമുട്ട് മാത്രമല്ല, വളരെയധികം ശ്രദ്ധ ആവശ്യമുള്ള ഫ്ളാക്സ് പ്ലാന്റിന് കൃഷിചിലവും ലിനന്റെ ഗണ്യമായ വിലക്ക് കാരണമാകുന്നു. കൂടാതെ, ഫ്ളാക്സ് നൂൽ ഇലാസ്റ്റിക് അല്ല, അതിനാൽ നൂലുകൾ പൊട്ടാതെ നെയ്തെടുക്കൽ പ്രയാസമാണ്. ഇക്കാരണങ്ങളാൽ പരുത്തിയെ അപേക്ഷിച്ച് ലിനൻ ഉൽപ്പാദിപ്പിക്കുന്നതിന് ചിലവേറിയതാണ്.

കിടക്കവിരി, തോർത്ത്, മേശവിരി, അടുക്കള തുണി തുടങ്ങിയവയെ സൂചിപ്പിക്കാൻ " ലിനൻ " എന്ന കൂട്ടായ പദം ഇപ്പോഴും ഉപയോഗിക്കുന്നുണ്ട്. പരമ്പരാഗതമായി ഇവ ലിനെനിൽ തന്നെ നിർമ്മിച്ചിരുന്നുവെങ്കിലും, ഇന്നിവ പരുത്തിയോ മറ്റ് സസ്യനാരുകൾ കൊണ്ടോ നിർമ്മിക്കുന്നു.എങ്കിലും ലിനെൻ എന്ന പേര് ഈ അർത്ഥത്തിൽ പ്രയോഗിച്ചുവരുന്നു.. മൃദുവായ അടിവസ്ത്രങ്ങൾ, ഷർട്ടുകൾ, ഷെമീസുകൾ, അരക്കെട്ടുകൾ, അടിവസ്ത്രങ്ങൾ ( ലിനൻ ഉള്ള ഒരു കോഗ്നേറ്റ്), വേർപെടുത്താവുന്ന ഷർട്ട് കോളറുകൾ, കഫുകൾ എന്നിവയെല്ലാം സൂചിപ്പിക്കാൻ "ലിനൻസ്" എന്ന പദം ഉപയോഗിക്കാറുണ്ട്. ഇവയെല്ലാം ചരിത്രപരമായി മിക്കവാറും ലിനനിൽ നിന്ന് നിർമ്മിച്ചവയാണ്. സംയോജിത തുണി വസ്ത്രങ്ങളുടെ നേർത്ത ആന്തരിക പാളി (ഉദാഹരണത്തിന് ഡ്രസ് ജാക്കറ്റുകൾ) പരമ്പരാഗതമായി ലിനൻ കൊണ്ടാണ് നിർമ്മിച്ചിരുന്നത്. ലൈനിംഗ് എന്ന പദം അത്തരത്തിൽ ലിനെനിൽനിന്ന് ഉദ്ഭവിച്ചതാണ്. [4]

ഫ്ളാക്സ് നാരുകൾ[തിരുത്തുക]

അന്തർലീനമായ[പ്രവർത്തിക്കാത്ത കണ്ണി] ടിഷ്യൂകളുടെ സ്ഥാനങ്ങൾ കാണിക്കുന്ന ഫ്ലാക്സ് സ്റ്റെം ക്രോസ്-സെക്ഷൻ. Ep = എപ്പിഡെർമിസ് ; C = കോർട്ടെക്സ് ; BF = ബാസ്റ്റ് നാരുകൾ; P = ഫ്ളോം ; X = xylem ; Pi = പിത്ത്

വിവരണം[തിരുത്തുക]

ലിനൻ ഒരു ബാസ്റ്റ് ഫൈബർ ആണ് . 25 മുതൽ 150 വരെ (1 മുതൽ 6 ഇഞ്ച് വരെ ) നീളം വ്യത്യാസപ്പെടുന്ന ഫ്ളാക്സ് നാരുകളുടെ ശരാശരി വ്യാസം  12-16 മൈക്രോമീറ്ററാണ് . രണ്ട് ഇനം ഫ്ലാക്സ് നാരുകൾ ഉണ്ട്: നാടൻ തുണിത്തരങ്ങൾക്ക് ഉപയോഗിക്കുന്ന ഹ്രസ്വ റ്റോ നാരുകളും മികച്ച തുണിത്തരങ്ങൾക്ക് ഉപയോഗിക്കുന്ന നീളമുള്ള ലൈൻ നാരുകളും. ഫ്ളാക്സ് നാരുകളെ സാധാരണയായി അവയുടെ “നോഡുകൾ” ഉപയോഗിച്ച് തിരിച്ചറിയാൻ കഴിയും, അത് തുണിക്ക് അതിന്റേതായ വഴക്കവും ഘടനയും നൽകുന്നു.

ലിനൻ ഫൈബറിന്റെ പരിഛേദം നോക്കിയാൽ, ക്രമരഹിതമായ പോളിഗോണൽ ആകൃതികളാണ് അവ നിർമ്മിച്ചിരിക്കുന്നത് എന്ന് കാണാം, ഇത് തുണിയുടെ അല്പം പരുക്കൻ ഘടനയ്ക്ക് കാരണമാകുന്നു. [5]

ഉല്പാദകർ[തിരുത്തുക]

ലോകത്തിന്റെ പല ഭാഗങ്ങളിലും ഫ്ളാക്സ് വളരുന്നു, പക്ഷേ ഉയർന്ന നിലവാരമുള്ള ഫ്ളാക്സ് പ്രധാനമായും പടിഞ്ഞാറൻ യൂറോപ്യൻ രാജ്യങ്ങളിലും ഉക്രെയ്നിലുമാണ് കണ്ടുവരുന്നത്. അടുത്ത കാലത്തായി വന്തോതിലുള്ള ലിനൻ ഉത്പാദനം കിഴക്കൻ യൂറോപ്പിലേക്കും ചൈനയിലേക്കും നീങ്ങിയിട്ടുണ്ട്, എന്നാൽ ഉയർന്ന നിലവാരമുള്ള തുണിത്തരങ്ങൾ ഇപ്പോഴും അയർലൻഡ്, ഇറ്റലി, ബെൽജിയം എന്നിവിടങ്ങളിൽ നിന്നുള്ള നിർമാതാക്കളിൽ മാത്രമായി ഒതുങ്ങുന്നു, കൂടാതെ പോളണ്ട്, ഓസ്ട്രിയ, ഫ്രാൻസ്, ജർമ്മനി, സ്വീഡൻ, ഡെൻമാർക്ക്, ബെലാറസ്, ലിത്വാനിയ, ലാത്വിയ, നെതർലാന്റ്സ്, സ്പെയിൻ, സ്വിറ്റ്സർലൻഡ്, ബ്രിട്ടൻ, ഇന്ത്യ എന്നീരാജ്യങ്ങളും ലിനൻ ഉദ്പാദിപ്പിക്കുന്നു.

2018 ൽ, ഐക്യരാഷ്ട്രസഭയുടെ അന്താരാഷ്ട്ര ഔദ്യോഗിക വ്യാപാര സ്ഥിതിവിവര കണക്കനുസരിച്ച്, വ്യാപാര മൂല്യത്തിന്റെ അടിസ്ഥാനത്തിൽ ഏറ്റവും കൂടുതൽ നെയ്ത ലിനൻ തുണിത്തരങ്ങൾ കയറ്റുമതി ചെയ്യുന്ന രാജ്യമാണ് ചൈന, കയറ്റുമതിയിൽ 732.3 ദശലക്ഷം ഡോളറാണ് ചൈനയുടെ മൂല്യം; ഇറ്റലി (173.0 ദശലക്ഷം ഡോളർ), ബെൽജിയം (68.9 ദശലക്ഷം ഡോളർ), യുണൈറ്റഡ് കിംഗ്ഡം (51.7 ദശലക്ഷം ഡോളർ) എന്നിവയും പ്രധാന കയറ്റുമതിക്കാരാണ്. [6]

അവലംബം[തിരുത്തുക]

  1. "Profiles of 15 of the world's major plant and animal fibres". International Year of Natural Fibres 2009. Food and Agriculture Organization of the United Nations. ശേഖരിച്ചത് 15 May 2020.
  2. McCorriston, Joy (1997). "Textile Extensification, Alienation, and Social Stratification in Ancient Mesopotamia". Current Anthropology. 38 (4): 517–535. doi:10.1086/204643. JSTOR 10.1086/204643.
  3. Textiles, Ninth Edition by Sara J. Kadolph and Anna L. Langford. Upper Saddle River, NJ: Prentice Hall
  4. lining. Dictionary.com. Online Etymology Dictionary. Douglas Harper, Historian. "Archived copy". മൂലതാളിൽ നിന്നും 2014-10-06-ന് ആർക്കൈവ് ചെയ്തത്. ശേഖരിച്ചത് 2014-10-04.CS1 maint: archived copy as title (link) (accessed: October 3, 2014).
  5. Classifications & Analysis of Textiles: A Handbook by Karen L. LaBat, Ph.D. and Carol J. Salusso, Ph.A. University of Minnesota, 2003
  6. "5309 - Woven fabrics of flax". UN Comtrade Database. ശേഖരിച്ചത് 13 May 2020.
"https://ml.wikipedia.org/w/index.php?title=ലിനെൻ&oldid=3643783" എന്ന താളിൽനിന്ന് ശേഖരിച്ചത്