പൗരസ്ത്യ കാതോലിക്കോസ് (ഇന്ത്യൻ ഓർത്തഡോക്സ് സഭ)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search

മലങ്കര ഓർത്തഡോക്സ് സുറിയാനി സഭ അഥവാ ഇന്ത്യൻ ഓർത്തഡോക്സ് സഭയുടെ മേലധ്യക്ഷൻ പൗരസ്ത്യ കാതോലിക്കോസ് എന്ന സ്ഥാനികനാമം ഉപയോഗിക്കുന്നു. ഇതുകൂടാതെ മലങ്കര മെത്രാപ്പോലീത്ത എന്ന സ്ഥാനനാമവും അദ്ദേഹം ഉപയോഗിക്കുന്നുണ്ട്.[1]

1912-ൽ മലങ്കര ഓർത്തഡോക്സ് സുറിയാനി സഭയിലുണ്ടായ ഭിന്നതയ്ക്ക് ശേഷം അന്നത്തെ മലങ്കര മെത്രാപ്പോലീത്തയായിരുന്ന വട്ടശ്ശേരിയിൽ ഗീവർഗീസ് മാർ ദിവന്നാസിയോസിന്റെ ആതിഥേയത്വത്തിൽ കേരളത്തിൽ എത്തിയ ഇഗ്നാത്തിയോസ് അബ്ദേദ് മിശിഹോ രണ്ടാമൻ പാത്രിയർക്കീസ് പൗലോസ് മാർ ഇവാനിയോസ് എന്ന മെത്രാനെ നിരണം പള്ളിയിൽ വെച്ച് പൗരസ്ത്യ കാതോലിക്കോസായി വാഴിച്ചു. 1876 മുതൽ 1911 വരെ അന്ത്യോഖ്യൻ സുറിയാനി ഓർത്തഡോക്സ് പാത്രിയർക്കീസിന്റെ മേലധ്യക്ഷത അംഗീകരിച്ചിരുന്ന മലങ്കര സഭ അതോടെ പൗരസ്ത്യ കാതോലിക്കോസ് മേലധ്യക്ഷനായ സഭയായിമാറി.

ചരിത്രം[തിരുത്തുക]

അന്ത്യോഖ്യയിലെ സുറിയാനി ഓർത്തഡോക്സ് സഭയുടെ പാത്രിയർക്കീസായിരുന്ന ഇഗ്നേഷ്യസ് അബ്ദേദ് മിശിഹോ രണ്ടാമന്റെയും മലങ്കര മെത്രാപ്പോലീത്ത വട്ടശ്ശേരിയിൽ ഗീവർഗീസ് മാർ ദിവന്നാസിയോസ് ശ്രമഫലമായി 1912ൽ പൗരസ്ത്യ കതോലിക്കേറ്റ് ഇന്ത്യയിൽ നിരണത്തുവച്ച് സ്ഥാപിച്ചതായി വിശ്വസിക്കുന്നു. മലങ്കര സഭ പുരാതന കാലത്ത് കിഴക്കിന്റെ സഭയുടെ കീഴിലായിരുന്നുവെന്നും അതിനാൽ പേർഷ്യൻ സഭയുടെ അവശേഷിക്കുന്ന ഒരേയൊരു ഭാഗമായി ഇതിനെ കാണാൻ കഴിയുമെന്നും പൗരസ്ത്യ കാതോലിക്കാ ഇന്ത്യയിൽ കഴിയുന്നത് യുക്തിസഹമാണെന്നും വിശ്വസിക്കപ്പെടുന്നു.

പൗരസ്ത്യ കാതോലിക്കേറ്റ് ഇന്ത്യയിൽ സ്ഥാപിതമായതിനുശേഷം എട്ട് കാതോലിക്കമാർ ഉണ്ടായിട്ടുണ്ട്. ഇന്ത്യ, യു‌എസ്‌എ, കാനഡ, യുണൈറ്റഡ് കിംഗ്ഡം, യൂറോപ്പ്, ദക്ഷിണാഫ്രിക്ക, പേർഷ്യൻ ഗൾഫ് രാജ്യങ്ങൾ, മലേഷ്യ, സിംഗപ്പൂർ, ഓസ്‌ട്രേലിയ, ന്യൂസിലാന്റ് എന്നിവിടങ്ങളിലെ ഭദ്രാസനങ്ങൾക്കും പള്ളികൾക്കും മേൽ പൗരസ്ത്യ കാതോലിക്കോസിന് അധികാരമുണ്ട്.

മലങ്കര ഓർത്തഡോക്സ് സഭയിലെ ഇപ്പോഴത്തെ പൗരസ്ത്യ കാതോലിക്കോസ് ബസേലിയോസ് മാർത്തോമ്മാ മാത്യൂസ് ത്രിതീയൻ ആണ്.

ഭരണം[തിരുത്തുക]

മലങ്കര ഓർത്തഡോക്സ് സഭയുടെ മുഖ്യ മേലദ്ധ്യക്ഷനെ പൗരസ്ത്യ കാതോലിക്കായെന്നും മലങ്കര മെത്രാപ്പോലീത്തയെന്നും വിളിക്കുന്നു: പ്രത്യേക ഉത്തരവാദിത്തങ്ങളുള്ള രണ്ട് സ്ഥാനമാനങ്ങളാണ് അവ, എന്നാൽ സഭയുടെ 1934-ൽ ഭരണഘടന അനുസൃതമായി ഇപ്പോൾ ഒരേ വ്യക്തി തന്നെ ഈ രണ്ടു സ്ഥാനം വഹിക്കുന്നു.

പൗരസ്ത്യ കാതോലിക്കാ എന്ന നിലയിൽ, അദ്ദേഹം മലങ്കര ഓർത്തഡോക്സ് സഭയുടെ മെത്രാന്മാരെ അവരോധിക്കുന്നു, സുന്നഹദോസിന്റെ അദ്ധ്യക്ഷത വഹിക്കുന്നു, തീരുമാനങ്ങൾ പ്രഖ്യാപിക്കുകയും നടപ്പിലാക്കുകയും ചെയ്യുന്നു, സുന്നഹദോസിനെ പ്രതിനിധീകരിച്ച് ഭരണം നടത്തുകയും പരിശുദ്ധ മൂറോൻ (തൈലം) വാഴ്ത്തുകയും ചെയ്യുന്നു.

മലങ്കര മെത്രാപ്പോലീത്ത എന്ന നിലയിൽ അദ്ദേഹം മലങ്കര സഭയുടെ തലവനും മലങ്കര സുറിയാനി ക്രിസ്ത്യാനി അസോസിയേഷന്റെ പ്രസിഡന്റും മാനേജിംഗ് കമ്മിറ്റിയദ്ധ്യക്ഷനുമാണ്. ഇന്ത്യൻ ഓർത്തഡോക്സ് സഭയുടെ താൽക്കാലികവും സഭാപരവും ആത്മീയവുമായ ഭരണം സംബന്ധിച്ച പ്രധാന അധികാരപരിധി 1934-ൽ അംഗീകരിച്ച സഭാ ഭരണഘടനയുടെ വ്യവസ്ഥകൾക്ക് വിധേയമായി മലങ്കര മെത്രാപ്പോലീത്തയിൽ മാത്രം നിക്ഷിപ്തമാണ്.[2]

ഭാരതീയരായ പൗരസ്ത്യ കാതോലിക്കാമാരുടെ പട്ടിക[തിരുത്തുക]

അവലംബം[തിരുത്തുക]

  1. http://mosc.in/catholicate
  2. "1934 constitution(മലങ്കരസഭ ഭരണഘടന)". മൂലതാളിൽ നിന്നും 2018-05-02-ന് ആർക്കൈവ് ചെയ്തത്. ശേഖരിച്ചത് 2021-04-21.