ടി.പി. രാജീവൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

മലയാളസാഹിത്യത്തിലെ ഉത്തരാധുനിക കവികളിൽ പ്രമുഖനാണ് ടി.പി. രാജീവൻ. തച്ചംപൊയിൽ രാജീവൻ എന്ന പേരിൽ ഇംഗ്ലീഷിൽ കവിതകളും ലേഖനങ്ങളും എഴുതാറുണ്ട്.

ജീവിതരേഖ[തിരുത്തുക]

1959-ൽ കോഴിക്കോട് ജില്ലയിലെ പാലേരിയിൽ ജനിച്ചു. ഇംഗ്ലീഷ് സാഹിത്യത്തിൽ ഒറ്റപ്പാലം എൻ.എസ്.എസ്.കോളേജിൽ നിന്ന് എം.എ.ബിരുദം നേടി. കുറച്ചുകാലം ദൽഹിയിൽ പത്രപ്രവർത്തകനായി പ്രവർത്തിച്ചു. ഇപ്പോൾ കാലിക്കറ്റ് സർവ്വകലാശാലയിൽ പബ്ലിക്ക് റിലേഷൻസ് ഓഫീസർ.

ഉത്തരാധുനികതയുടെ സർവ്വകലാശാലാപരിസരം എന്ന ലേഖനവും കുറുക്കൻ എന്ന കവിതയും ടി. പി.രാജീവനെ കാലിക്കറ്റ് സർവ്വകലാശാലയിലെ സി.പി.എം അനുകൂല സർവ്വീസ് സംഘടനയ്ക്കും വൈസ് ചാൻസലറായിരുന്ന കെ.കെ.എൻ.കുറുപ്പിനും അനഭിമതനാക്കി. ഇതിന്റെ പേരിൽ തന്നെ തരംതാഴ്ത്താനും ശിക്ഷിക്കുവാനും ശ്രമങ്ങളുണ്ടായെന്ന് അദ്ദേഹം പറയുന്നു.[1]

വിദ്യാർത്ഥിജീവിതകാലത്തു തന്നെ എഴുത്ത് ആരംഭിച്ചു. യുവകവികൾക്ക് നല്കുന്ന വി.ടി.കുമാരൻ പുരസ്കാരം ലഭിച്ചിട്ടുണ്ട്. കവിതകൾക്കു പുറമെ ലേഖനങ്ങളും എഴുതാറുണ്ട്. മാതൃഭൂമി ആഴ്ചപ്പതിപ്പിൽ പാലേരി മാണിക്കം കൊലക്കേസ് എന്ന അപസർപ്പകനോവലും പ്രസിദ്ധീകരിച്ചിട്ടുണ്ട്. ഈ നോവൽ ചലച്ചിത്രമാക്കിയിട്ടുണ്ട്. രാജീവന്റെ "കെ.ടി.എൻ കോട്ടൂർ എഴുത്തും ജീവിതവും" എന്ന നോവൽ 2011 മേയ് മാസം മുതൽ മാതൃഭൂമി ആഴ്ചപ്പതിപ്പ് ഖണ്ഡശ്ശ: പ്രസിദ്ധീകരിച്ചു തുടങ്ങി.[1]

കൃതികൾ[തിരുത്തുക]

കവിതകൾ-മലയാളത്തിൽ[തിരുത്തുക]

  • വാതിൽ -(സഹ്യ പ്രസാധന )
  • രാഷ്ട്രതന്ത്രം (ലിപി പബ്ലിക്കേഷൻസ്,ഹരിതം ബുക്സ്)
  • കോരിത്തരിച്ച നാൾ (കറന്റ് ബുക്സ് തൃശൂർ)
  • വയൽക്കരെ ഇപ്പോഴില്ലാത്ത
  • പ്രണയശതകം (മാതൃഭൂമി ബുക്സ് കോഴിക്കോട്)

യാത്രാവിവരണം[തിരുത്തുക]

  • പുറപ്പെട്ടു പോകുന്ന വാക്ക്

ലേഖനസമാഹാരം[തിരുത്തുക]

  • അതേ ആകാശം അതേ ഭൂമി

നോവൽ[തിരുത്തുക]

  • പാലേരി മാണിക്യം ഒരു പാതിരാകൊലപാതകത്തിന്റെ കഥ
  • കെ.ടി.എൻ. കോട്ടൂർ എഴുത്തും ജീവിതവും[2].

കവിതകൾ-ആംഗലേയത്തിൽ[തിരുത്തുക]

  • ഹി ഹു വാസ് ഗോൺ ദസ് (He Who Was Gone Thus; Yeti Books,India]
  • കണ്ണകി (Kannaki; Crux publishing,USA)
  • തേഡ് വേൾഡ് (പോസ്റ്റ് സോഷ്യലിസ്റ്റ് പോയട്രി)

കവിതകൾ ഇംഗ്ലീഷ്, മാസിഡോണിയൻ, ഇറ്റാലിയൻ, പോളിഷ്, ക്രൊയേഷ്യൻ, ബൾഗേറിയൻ,ഹീബ്രു, ഹിന്ദി, തമിഴ്, കന്നട, തെലുങ്ക്, മറാഠി തുടങ്ങിയ ഭാഷകളിലേക്ക് വിവർത്തനം ചെയ്യപ്പെട്ടിട്ടുണ്ട്. യതി ബുക്സ് എന്ന ഇംഗ്ലീഷ് പ്രസാധക സ്ഥാപനത്തിന്റെ ഓണററി എഡിറ്റർ ആണ്.

പുറമെ നിന്നുള്ള കണ്ണികൾ[തിരുത്തുക]

അവലംബം[തിരുത്തുക]

  1. 1.0 1.1 "ഞാനിപ്പോൾ കോൺഗ്രസ്സുകാരനല്ല": ടി.പി.രാജീവനുമായി എ.കെ.അബ്ദുൾ ഹക്കീം നടത്തിയ അഭിമുഖസംഭാഷണം; 2011 മേയ് 22-ലെ മാതൃഭൂമി ആഴ്ചപ്പതിപ്പിൽ (പുറങ്ങൾ 42-49)
  2. "സാഹിത്യം" (ഭാഷ: മലയാളം). മലയാളം വാരിക. 2013 ഏപ്രിൽ 26. ശേഖരിച്ചത് 2013 ഒക്ടോബർ 07. 
"http://ml.wikipedia.org/w/index.php?title=ടി.പി._രാജീവൻ&oldid=1843303" എന്ന താളിൽനിന്നു ശേഖരിച്ചത്