കെ.വി. തോമസ്

വിക്കിപീഡിയ, ഒരു സ്വതന്ത്ര വിജ്ഞാനകോശം.
കുറുപ്പശ്ശേരി വർക്കി തോമസ്


നിലവിൽ
പദവിയിൽ 
28 മെയ് 2009
മുൻ‌ഗാമി കാന്തിലാൽ ഭുരിയ
നിയോജക മണ്ഡലം എറണാകുളം

ജനനം (1946-05-10) മേയ് 10, 1946 (68 വയസ്സ്)
കുമ്പളങ്ങി, കേരളം, ഇന്ത്യ
രാഷ്ടീയകക്ഷി ഇന്ത്യൻ നാഷണൽ കോൺഗ്രസ്സ്
ജീവിതപങ്കാളി(കൾ) ഷേർളി തോമസ്
കുട്ടികൾ 3 മക്കൾ (രണ്ട് ആൺ, ഒരു പെൺ)
മതം കൃസ്ത്യാനി, ലാറ്റിൻ കത്തോലിക് ചർച്ച്
വെബ്‌സൈറ്റ് http://kvthomas.in
As of May 29, 2009
Source: [1]

1946 മെയ് 10 ന് ജനിച്ച കെ.വി. തോമസിന്റെ മുഴുവൻ പേര് കുറുപ്പശ്ശേരി വർക്കി തോമസ് എന്നാണ്. എറണാകുളം തേവര കോളേജിൽ കെമിസ്ട്രി അധ്യാപകനായി പ്രവർത്തിച്ച ശേഷമാണ് രാഷ്ട്രീയത്തിലേക്ക് ഇറങ്ങുന്നത്.

പതിനഞ്ചാം ലോകസഭയിൽ കേരളത്തിലെ എറണാകുളം മണ്ഡലത്തിനെ പ്രതിനിധീകരിക്കുന്ന ലോകസഭാംഗവും കേന്ദ്ര ഭക്ഷ്യ പൊതുവിതരണ വകുപ്പിന്റെ സ്വതന്ത്ര ചുമതലയുള്ള മന്ത്രിയുമാണ്[1] കെ.വി. തോമസ്. ഇന്ത്യൻ നാഷണൽ കോൺഗ്രസ് അംഗമായ ഇദ്ദേഹം കേരള നിയമസഭാംഗമായിരിക്കെ 2009-ലെ തെരഞ്ഞെടുപ്പിൽ എറണാകുളം പാർലമെന്റ് മണ്ഡലത്തിൽ മത്സരിക്കാൻ നിയോഗിക്കപ്പെടുകയായിരുന്നു.[2] 11,790 വോട്ടിന്റെ ഭൂരിപക്ഷത്തിൽ സി.പി.ഐ.(എം)ലെ സിന്ധു ജോയിയെ തോല്പിച്ചാണ് ലോകസഭയിലെത്തുന്നത്. 2001 മുതൽ 2004 വരെ കേരള നിയമസഭയിൽ എക്സൈസും,ടൂറിസവും, ഫിഷറീസും വകുപ്പുകൾ കൈകാര്യം ചെയ്തിരുന്ന മന്ത്രിയായിരുന്നു[2]. 1984 മുതൽ 1996 വരെ ലോകസഭാംഗമായിരുന്നു[2].

ഫ്രഞ്ച് ചാരക്കേസ്[തിരുത്തുക]

പ്രധാന ലേഖനം - ഫ്രഞ്ച് ചാരക്കേസ്

കേരളത്തിൽ, പ്രത്യേകിച്ച് രാഷ്ട്രീയ രംഗത്ത് വളരെയധികം കോളിളക്കം സൃഷ്ടിച്ച ഒന്നാണ് ഫ്രഞ്ച് ചാരക്കേസ്. 1995 ഡിസംബർ 19 ന് ഗലാത്തി എന്ന ഫ്രഞ്ച് നൗകയിൽ കൊച്ചി നാവികസേനാത്താവളത്തിനടുത്ത് സർവേ ആരംഭിച്ചു. ഗോവയിൽ നിന്നാണ് ഒരു പായ്ക്കപ്പലിൽ രണ്ട് ഫ്രഞ്ച് പൗരന്മാരും ഗോവൻ സ്വദേശിയായ ക്യാപ്റ്റനും കൊച്ചിയിൽ എത്തിയത്. സർവേയിൽ സംശയം തോന്നിയ കോസ്റ്റ് ഗാർഡ് ഡിസംബർ 28ന് നൗകയിലുള്ളവരെ അറസ്റ്റ് ചെയ്തു.[3] പിന്നീട് കേസ് സി.ബി.ഐക്ക് വിട്ടു.

ഫ്രഞ്ചുകാരായ ഫോങ്കോയിസ് ക്ളാവലും എലല്ല ഫിലിപ്പുമാണ് ആദ്യ രണ്ടു പ്രതികൾ. മൂന്നാം പ്രതി ഗോവൻ സ്വദേശി ക്യാപ്റ്റൻ എഫ്.എം. ഫുർഡെയും നാലാം പ്രതി കോൺഗ്രസ് നേതാവ് കെ.വി. തോമസുമാണ്. നാലാം പ്രതി കെ.വി. തോമസിനെ കുറ്റക്കാരനല്ല എന്ന് കണ്ട് 1998 ജനുവരി 28 ന് എറണാകുളം ചീഫ് ജുഡിഷ്യൽ മജിസ്ട്രേറ്റ് കോടതി വെറുതെ വിട്ടിരുന്നു.

കേരളത്തിൽ കോൺഗ്രസ് ഭരണം നടക്കുമ്പോൾ കോൺഗ്രസ് നേതാവ് കെ.വി. തോമസ് പ്രതിപട്ടികയിൽ ഉൾപ്പെട്ടത് ഫ്രഞ്ച് ചാരക്കേസിന് രാഷ്ട്രീയമാനം കൈവന്നു. 1996-ലെ പാർലമെന്റ് തിരഞ്ഞെടുപ്പിൽ എറണാകുളം മണ്ഡലത്തിൽ യു.ഡി.എഫ് സ്ഥാനാർത്ഥിയായി മൽസരിച്ച കെ.വി. തോമസിന്റെ പരാജയത്തിന് ഈ വിവാദം ഒരു ഘടകമാണെന്ന് പല നിരീക്ഷകരും കരുതുന്നു.

വിവാദങ്ങൾ[തിരുത്തുക]

കേന്ദ്ര കൃഷിവകുപ്പ് സഹമന്ത്രി ആയിരിക്കെ 2010 ഒക്ടോബറിൽ കാസർകോട് വെച്ച് നടന്ന ഒരു സെമിനാറിൽ വെച്ച് എൻഡോസൾഫാൻ മനുഷ്യരിൽ ആരോഗ്യപ്രശ്നങ്ങൾ സൃഷ്ടിക്കുമെന്ന് തെളിയിക്കപ്പെട്ടിട്ടില്ല എന്ന് അഭിപ്രായപ്പെട്ടത്[4] കക്ഷിരാഷ്ട്രീയഭേദമന്യെ വിമർശിക്കപ്പെട്ടു. [5] [6] [7]

അധികാരസ്ഥാനങ്ങൾ[തിരുത്തുക]

  • കേന്ദ്ര കൃഷി വകുപ്പ് സഹമന്ത്രി
  • കെ.പി.സി.സി ട്രഷറർ
  • എറണാകുളം ഡി.സി.സി. പ്രസിഡന്റ്

എഴുത്തുകാരൻ[തിരുത്തുക]

പ്രധാന കൃതികൾ

  1. എന്റെ ലീഡർ
  2. കുമ്പളങ്ങി വർണ്ണങ്ങൾ
  3. എന്റെ കുമ്പളങ്ങി
  4. എന്റെ കുമ്പളങ്ങിക്കു ശേഷം
  5. അമ്മയും മകനും
  6. സോണിയ പ്രിയങ്കരി
  7. കുമ്പളങ്ങി ഫ്ലാഷ്

കുടുംബം[തിരുത്തുക]

ഭാര്യ - ഷേർളി, മക്കൾ - ബിജു, രേഖ, ഡോ. ജോ

അവലംബം[തിരുത്തുക]

  1. "59 കേന്ദ്രമന്ത്രിമാർ സത്യപ്രതിജ്ഞ ചെയ്‌തു" (ഭാഷ: മലയാളം). മാതൃഭൂമി. മേയ് 28, 2009. ശേഖരിച്ചത് മേയ് 28, 2009.  തീയതിയ്ക്ക് നൽകിയ വില പരിശോധിക്കുക: |date=, |accessdate= (സഹായം)
  2. 2.0 2.1 2.2 "Fifteenth Lok Sabha Members Bioprofile" (ഭാഷ: English). Lok Sabha. ശേഖരിച്ചത് മേയ് 27, 2010.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  3. http://malayalam.oneindia.in/news/2000/05/28/ker-french.html
  4. "മരണം എൻഡോസൾഫാൻ മൂലമല്ല: മന്ത്രി കെ.വി. തോമസ്" (ഭാഷ: Malayalam). കേരളകൗമുദി. ശേഖരിച്ചത് ഒക്ടോബർ 26, 2010.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  5. "എൻഡോസൾഫാൻ: കെ.വി തോമസിനെതിരെ വി.എസും സുധീരനും" (ഭാഷ: Malayalam). മംഗളം. ശേഖരിച്ചത് ഒക്ടോബർ 26, 2010.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  6. "എൻഡോസൾഫാൻ: കേന്ദ്രനിലപാടിനെതിരെ വി.എസും സുധീരനും" (ഭാഷ: Malayalam). മാതൃഭൂമി. ശേഖരിച്ചത് ഒക്ടോബർ 26, 2010.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)
  7. "എൻഡോസൾഫാൻ നിരോധിക്കാൻ എം.പിമാർ സമ്മർദ്ദം ചെലുത്തണം: വി.എസ്" (ഭാഷ: Malayalam). കേരളകൗമുദി. ശേഖരിച്ചത് ഒക്ടോബർ 26, 2010.  തീയതിയ്ക്ക് നൽകിയ വില പരിശോധിക്കുക: |accessdate= (സഹായം)


പതിനഞ്ചാം ലോകസഭയിൽ കേരളത്തിൽ നിന്നുള്ള അംഗങ്ങൾ 100px-കേരളം-അപൂവി.png
പി. കരുണാകരൻ | കെ. സുധാകരൻ | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | പി.സി. ചാക്കോ | കെ.പി. ധനപാലൻ | കെ.വി. തോമസ്| പി.ടി. തോമസ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ. പീതാംബരക്കുറുപ്പ് | എ. സമ്പത്ത് | ശശി തരൂർ


പതിനാറാം ലോകസഭയിൽ കേരളത്തിൽ നിന്നുള്ള അംഗങ്ങൾ 100px-കേരളം-അപൂവി.png
പി. കരുണാകരൻ | പി.കെ. ശ്രീമതി | മുല്ലപ്പള്ളി രാമചന്ദ്രൻ | എം.ഐ. ഷാനവാസ് | എം.കെ. രാഘവൻ | ഇ. അഹമ്മദ് | ഇ.ടി. മുഹമ്മദ് ബഷീർ | എം.ബി. രാജേഷ് | പി.കെ. ബിജു | സി.എൻ. ജയദേവൻ | ഇന്നസെന്റ് | കെ.വി. തോമസ്| ജോയ്സ് ജോർജ് | ജോസ് കെ. മാണി | കെ.സി. വേണുഗോപാൽ | കൊടിക്കുന്നിൽ സുരേഷ് | ആന്റോ ആന്റണി | എൻ.കെ. പ്രേമചന്ദ്രൻ | എ. സമ്പത്ത് | ശശി തരൂർ
"http://ml.wikipedia.org/w/index.php?title=കെ.വി._തോമസ്&oldid=2056498" എന്ന താളിൽനിന്നു ശേഖരിച്ചത്