സെബാസ്റ്റ്യൻ പോൾ

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഡോ. സെബാസ്റ്റ്യൻ പോൾ


ജനനം (1947-05-01) 1 മേയ് 1947 (66 വയസ്സ്)
എറണാകുളം, കേരളം
രാഷ്ടീയകക്ഷി സ്വതന്ത്രൻ
ജീവിതപങ്കാളി(കൾ) ലിസാമ്മ അഗസ്റ്റിൻ
കുട്ടികൾ 3 ആൺകുട്ടികൾ
ഭവനം കൊച്ചി
മതം ക്രിസ്തുമതം
As of മാർച്ച് 29, 2011
Source: [1]

കമ്യൂണിസ്റ്റ് സഹയാത്രികനും മാധ്യമവിമർശകനും എറണാകുളത്തു നിന്നുള്ള മുൻ ലോക്‌സഭാംഗവും നിയമസഭാംഗവുമായിരുന്നു സെബാസ്റ്റ്യൻ പോൾ (ജനനം: മേയ് 1 1947) . അഭിഭാഷകനായ സെബാസ്റ്റ്യൻ പോൾ നിയമപണ്ഡിതൻ, മാധ്യമവിദഗ്ദൻ എന്നീ നിലകളിലും പ്രാഗല്ഭ്യം തെളിയിച്ചിട്ടുണ്ട് .കൈരളി ടിവിയിൽ "മാധ്യമ വിചാരം" എന്ന പരിപാടി എട്ടുവർഷത്തോളം അവതരിപ്പിച്ചു. പന്ത്രണ്ട് വർഷത്തോളം പാർമെന്റംഗമായി പ്രവർത്തിച്ചിട്ടുണ്ട്.

1997-ൽ നടന്ന എറണാകുളം ലോകസഭാ ഉപതെരഞ്ഞെടുപ്പിൽ ഇന്ത്യൻ നാഷണൽ കോൺഗ്രസിലെ ആന്റണി ഐസക്കിനെ പരാജയപ്പെടുത്തിയാണ്‌[1] ഇടതുപക്ഷ ജനാധിപത്യ മുന്നണിയുടെ പിന്തുണയോടെ സ്വതന്ത്രനായി മത്സരിച്ച സെബാസ്റ്റ്യൻ പോൾ ആദ്യമായി ലോക്‌സഭയിലെത്തിയത്. പിന്നീട് 2003-ൽ പതിമൂന്നാം ലോക്‌സഭയിലേക്കും ഉപതിരഞ്ഞെടുപ്പിലൂടെ തിരഞ്ഞെടുക്കപ്പെട്ടു. 2004-ൽ നടന്ന പതിനാലാം ലോക്‌സഭാ തിരഞ്ഞെടുപ്പിലും ഇദ്ദേഹം എറണാകുളത്തുനിന്ന് വിജയിച്ചു.[2]

1998-2001 കാലയളവിൽ കേരള നിയമസഭാംഗമായിരുന്നു. പ്രസ് കൗൺസിൽ അംഗമായും പ്രവർത്തിച്ചു. സെന്റ് ആൽബർട്ട്സ് കോളേജ്, മഹാരാജാസ് കോളേജ്, കൊച്ചിൻ സർവ്വകലാശാല, ഗവ. ലോ കോളേജ്, എന്നിവിടങ്ങളിൽ വിദ്യാഭ്യാസം. ഹൈക്കോടതിയിലും സുപ്രീം കോടതിയിലും പ്രാക്ടീസ് ചെയ്യുന്നു.[3]

കല്ലേറുകൾക്കിടയിലെ മാധ്യമ ധർമ്മം എന്ന വിഷയത്തെക്കുറിച്ച് മാതൃഭൂമി ദിനപ്പത്രത്തിൽ നടത്തിയ സംവാദപരമ്പരയിൽ സത്യാന്വേഷണം തുടരട്ടെ എന്ന ശീർഷകത്തിൽ സെബാസ്റ്റ്യൻ പോൾ എഴുതിയ ലേഖനത്തെത്തുടർന്ന് സെബാസ്റ്റ്യൻ പോൾ സി.പി.ഐ.എമ്മുമായി അകന്നിരുന്നു. എങ്കിലും 2011-ലെ നിയമസഭാതിരഞ്ഞെടുപ്പിൽ എറണാകുളത്തെ ഇടതുസ്ഥാനാർത്ഥിയായി ഇദ്ദേഹത്തെത്തന്നെയാണ് സി.പി.ഐ.എം. മുന്നോട്ടുവെച്ചത്.[3] 2011-ലെ കേരള നിയമസഭാ തെരഞ്ഞെടുപ്പിൽ എറണാകുളം നിയമസഭാമണ്ഡലത്തിൽ നിന്ന് ഹൈബി ഈഡനോട് പരാജയപ്പെട്ടു.

അവലംബം[തിരുത്തുക]

  1. "Eleventh Lok Sabha Members Biographical Sketch". ശേഖരിച്ചത്: 16 ഡിസംബർ 2011. 
  2. "Fourteenth Lok Sabha Members Bioprofile". Loksabha. ശേഖരിച്ചത്: 29 മാർച്ച് 2011. 
  3. 3.0 3.1 "ഇടതുസ്ഥാനാർത്ഥികൾ". LDF Keralam. ശേഖരിച്ചത്: 29 മാർച്ച് 2011. 
"http://ml.wikipedia.org/w/index.php?title=സെബാസ്റ്റ്യൻ_പോൾ&oldid=1766965" എന്ന താളിൽനിന്നു ശേഖരിച്ചത്