ഒരിടത്തൊരു ഫയൽവാൻ

ഇംഗ്ലീഷ് വിലാസം

http://ml.wikipedia.org/wiki/Oridathoru_Phayalwan

ഒരിടത്തൊരു ഫയൽവാൻ
വി.സി.ഡി. പുറംചട്ട
സംവിധാനം	പി. പത്മരാജൻ‎
നിർമ്മാണം	സുരേഷ്
രചന	പി. പത്മരാജൻ
അഭിനേതാക്കൾ	റഷീദ് നെടുമുടി വേണു ജയന്തി അശോകൻ
സംഗീതം	ജോൺസൺ
ഛായാഗ്രഹണം	വിപിൻദാസ്
ചിത്രസംയോജനം	പി. പത്മരാജൻ‎
സ്റ്റുഡിയോ	തുണ്ടത്തിൽ ഫിലിംസ്
റിലീസിങ് തീയതി	1981
സമയദൈർഘ്യം	128 മിനിറ്റ്
രാജ്യം	ഇന്ത്യ
ഭാഷ	മലയാളം

പി. പത്മരാജൻ‎ രചനയും സംവിധാനവും നിർവഹിച്ച് 1981-ൽ പുറത്തിറങ്ങിയ മലയാള ചലച്ചിത്രമാണ് ഒരിടത്തൊരു ഫയൽവാൻ. റഷീദ്, നെടുമുടി വേണു, ജയന്തി എന്നിവർ പ്രധാന കഥാപാത്രങ്ങളെ അവതരിപ്പിരിക്കുന്നു. പത്മരാജൻ സംവിധാനം ചെയ്ത രണ്ടാമത്തെ ചിത്രമാണിത്.

ഗോദയിലെ അജയ്യനായ ഒരു ഫയൽവാന്റെ ജീവിത പരാജയത്തിന്റെ കഥയാണ്‌ ഈ ചിത്രം. നിരൂപക ശ്രദ്ധ നേടിയ ഈ ചിത്രം കോലാലംപുർ, ഡാല്ലാസ് ഫിലിം ഫെസ്റ്റിവലുകളിൽ പുരസ്കാരങ്ങൾ നേടിയിട്ടുണ്ട് .

കഥാസംഗ്രഹം

എവിടെ നിന്നോ ഒരു രാത്രി പുഴയും നീന്തി വന്ന ഫയൽവാൻ തയ്യൽക്കാരൻ മേസ്ത്രിയുടെ മേൽനോട്ടത്തിൽ ഗ്രാമത്തിൽ താമസമുറപ്പിക്കുന്നു. മേസ്ത്രി ഏർപ്പാടാക്കിക്കൊടുക്കുന്ന ഗുസ്തികളിൽ എതിരാളികളെയെല്ലാം തോൽപ്പിച്ചു ഫയൽവാൻ ഗ്രാമാവാസികൾക്കിടയിൽ നായക പരിവേഷം നേടുന്നു. പിന്നീട് ഗ്രാമത്തിലെ സുന്ദരിയായ ചക്കരയെ കല്യാണം കഴിക്കുകയും ചെയ്യുന്നു. പക്ഷെ ക്രമേണ ഗുസ്തിക്കാരാരും വരാതാവുകയും വരുമാനം കുറഞ്ഞു തുടങ്ങുകയും ചെയ്യുമ്പോൾ കണ്ടമാനം ഭക്ഷണം കഴിക്കുകയും പണിയൊന്നും എടുക്കാതെ സദാ കസർത്ത് ചെയ്യുകയും ചെയ്യുന്ന ഫയൽവാൻ മേസ്ത്രിക്കൊരു ബാധ്യതയാകുന്നു. തടിമിടുക്കുണ്ടെങ്കിലും അയാൾ ഒരു ഷണ്ഡനാണു എന്ന് അറിയുന്നതോടെ ചക്കരയും അയാളെ ഉപേക്ഷിക്കുന്നു. ഒടുവിൽ വന്നത് പോലെ എങ്ങോട്ടെന്നറിയാതെ ഫയൽവാൻ നടന്നകലുന്നു.

അഭിനേതാക്കൾ

• റഷീദ് – ഫയൽവാൻ
• നെടുമുടി വേണു – തയ്യൽക്കാരൻ മേസ്ത്രി
• ജയന്തി – ചക്കര, ഫയൽവാന്റെ ഭാര്യ
• അശോകൻ – തവളപിടുത്തക്കാരൻ

പുരസ്കാരങ്ങൾ

• മികച്ച രചന – കോലാലംപുർ ഇന്റർനാഷണൽ ഫിലിം ഫെസ്റിവൽ
• സ്വർണ്ണ പതക്കം – ഏഷ്യൻ ഫിലിം ഫെസ്റിവൽ , ഡാല്ലാസ്

പുറത്തേക്കുള്ള കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് ഒരിടത്തൊരു ഫയൽവാൻ
• ഒരിടത്തൊരു ഫയൽവാൻ – മലയാളസംഗീതം.ഇൻഫോ