അഹമദിയ്യ പ്രസ്ഥാനം

വിക്കിപീഡിയ, ഒരു സ്വതന്ത്ര വിജ്ഞാനകോശം.
(അഹമ്മദിയ്യ എന്ന താളിൽ നിന്നും തിരിച്ചുവിട്ടതു പ്രകാരം)

പത്തൊൻപതാം നൂറ്റാണ്ടിന്റെ അന്ത്യത്തിൽ ഇന്ത്യയിൽ രൂപം കൊണ്ട ഒരു ഇസ്ലാമിക നവീകരണ പ്രസ്ഥാനമാണ് അഹമദിയ്യ പ്രസ്ഥാനം[1] .1889 -ൽ പഞ്ചാബിലെ ഖാദിയാൻ ഗ്രാമത്തിൽ ഖാദിയാൻ നിവാസിയായ മിർസ ഗുലാം അഹമദാണ് അഹമദിയ്യ പ്രസ്ഥാന സ്ഥാപകൻ. എന്നാൽ ഈ പ്രസ്ഥാനത്തേയും അതിന്റെ ആശയങ്ങളേയും വേദവിപരീത ചിന്താഗതിയായി ഭൂരിപക്ഷ ഇസ്ലാം വിശ്വാസികളും കരുതി വരുന്നു.

ചരിത്രം[തിരുത്തുക]

പത്തൊൻപതാം നൂറ്റാണ്ടിന്റെ ഉത്തരാർധത്തിൽ വടക്കേ ഇന്ത്യയിൽ കൊടുമ്പിരി കൊണ്ടിരുന്ന ക്രൈസ്തവ മിഷ്ണറി പ്രവർത്തനവും സ്വാമി ദയാനന്ദ സരസ്വതിയുടെ ഇസ്ലാം വിരുദ്ധ പ്രചാരണവുമാണ് ഗുലാം അഹമദിന് ഒരു പുതിയ പ്രസ്ഥാനം രൂപീകരിക്കാൻ പ്രചോദനമായതത്രെ. തനിക്ക് ദൈവത്തിൽ നിന്നും വെളിപാടുകൾ ലഭിക്കുന്നതായി പ്രഖ്യാപിച്ച ഗുലാം അഹമദ് 1889 മാർച്ച് മാസത്തിൽ അനുയായികളിൽ നിന്നും ശിഷ്യത്തം സ്വീകരിച്ചു തുടങ്ങി.

1908 -ൽ ഗുലാം അഹമദിന്റെ നിര്യാണത്തെ തുടർന്ന് ശിഷ്യനായ നൂറുദീൻ അഹമദിയ്യായുടെ നേതൄത്വം ഏറ്റെടുത്തു. 1914-ൽ നൂറുദീൻ മരിച്ചപ്പോഴുണ്ടായ നേതൃൄതർക്കം അഹമദിയ്യായുടെ പിളർപ്പിലാണ് കലാശിച്ചത്. മാതൃപ്രസ്ഥാനത്തിൽ നിന്നും വിഘടിച്ച് ലാഹോറിലേക്ക് ആസ്ഥാനം മാറ്റിപോയ വിഭാഗം ലാഹോർ അഹമദിയ്യ എന്നറിയപ്പെടുന്നു[2]. ഖാദിയാനിൽ തന്നെ തുടർന്നുപോന്ന മാതൃസംഘടനയെ ഖാദിയാൻ വിഭാഗം അഹമദിയ്യ എന്നു വിളിക്കാറുണ്ട്.

ഇന്ത്യാവിഭജനത്തെ തുടർന്ന് ഖാദിയാൻ വിഭാഗവും അവരുടെ ആസ്ഥാനം പാകിസ്ഥാനിലേക്ക് മാറ്റി. 1950-കളിൽ അഹമദിയ്യായിക്കെതിരെ ആരംഭിച്ച അക്രമങ്ങളേയും നിയമനടപടികളേയും തുടർന്ന് 1974 -ൽ അഹമദിയ്യർ പാകിസ്ഥാനിൽ അമുസ്ലിം ന്യൂനപക്ഷമായി പ്രഖ്യാപിപ്പിക്കപ്പെട്ടു. പാകിസ്താനിൽ നിന്നു പലായനം ചെയ്ത അഹമദിയ്യ നേതൃത്ത്വം ഇംഗ്ലണ്ടിൽ നിന്നാണ് ഇപ്പോൾ പ്രവർത്തിക്കുന്നത്.

വിശ്വാസങ്ങളും വിത്യാസങ്ങളും[തിരുത്തുക]

പരമ്പരാഗതമായ ചില ഇസ്ലാമിക വിശ്വാസങ്ങളിൽ വ്യതസ്തമായ ചില കാഴ്ചപ്പാടുകൾ അഹമദിയ്യാ വെച്ചു പുലർത്തുന്നതായി കാണാം..അവയിൽ പ്രധാനം

  1. യേശു അഥവാ 'ഈസാ നബി ക്രൂശിക്കപ്പെട്ടിരുന്നില്ല എന്ന പരമ്പരാഗത ഇസ്ലാമിക വിശ്വാസത്തിൽ നിന്നും വിഭിന്നമായി യേശു കുരിശ്ശിൽ തറക്കപ്പെടുകയുണ്ടായി എന്നാൽ കുരിശ്ശിൽ മരിച്ചിരുന്നില്ല എന്നതാണ് അഹമദിയ്യ വിശ്വാസങ്ങളിൽ പ്രധാനമായ ഒന്ന്.
  2. യേശുവിന്റെ ഇന്ത്യാ സന്ദർശനം-കുരിശ്ശു സംഭവത്തെ അതിജ്ജീവിച്ച യേശു, ദൈവിക പ്രബോധനവുമായി ദേശാടനം ചെയ്തു ഒടുവിൽ ഇന്ത്യയിൽ എത്തിയെന്നും[3] [4], കശ്മീരിൽ തന്റെ അന്ത്യനാളുകൾ ചിലവഴിച്ച് അവിടെതന്നെ സംസ്കരിക്കപ്പെട്ടിരിക്കുന്നു എന്നും അഹമദിയ്യ വിശ്വസിക്കുന്നു. [5]
  3. 'പ്രവാചകന്മാരുടെ ശൄഖല മുഹമ്മദ് നബിയോടെ അവസാനിച്ചുവെന്ന പരമ്പരാഗത മുസ്ലീം വിശ്വാസത്തിന് വിരുദ്ധമായി അഹമദിയ്യ അവരുടെ പ്രസ്ഥാന സ്ഥാപകനായ മിർസ ഗുലാം അഹമദ് ഒരു പ്രവാചകനായിരുന്നു എന്നു വിശ്വസിക്കുന്നു.
  4. "ഇമാം മഹദിയും മിശിഹാവും".  താനാണ് എന്നതാണ് മിർസ ഗുലാം അഹമദ് പറയുന്നു.

ഈ വിശ്വാസങ്ങൾ പുലർത്തുകയും പ്രചരിപ്പിക്കുകയും ചെയ്യുന്നതിനാൽ അഹമദിയ്യ എന്നും മറ്റ് ഇസ്ലാമിക പ്രസ്ഥാനങ്ങളാൽ അതിനിശിതമായി വിമർശിക്കപ്പെട്ടടുകയും പീഡിപ്പിക്കപ്പെടുയ്യും ചെയ്യുന്നു.[6]

പോഷക സംഘടനകൾ[തിരുത്തുക]

അത്ത്ഫാലുൽ അഹമദിയ്യ- ആൺ കുട്ടികൾക്കുള്ള ശാഖ സംഘടന

നാസിറാത്തുൽ അഹമദിയ്യ-പെൺ കുട്ടികൾക്കുള്ള ശാഖ സംഘടന

ഖുദ്ദാമുൽ അഹമദിയ്യ- അഹമദിയ്യ യുവജന വിഭാഗം 15-40 വയസ്സുവരെയുള്ള യുവാക്കൾക്ക്

ലജനാ ഇമാഇല്ല- അഹമദിയ്യ വനിതാ വിഭാഗം

അൻസാറുല്ലാ- അഹമദിയ്യ പുരുഷ വിഭാഗം

പ്രസിദ്ധീകരണങ്ങൾ[തിരുത്തുക]

മാസികളും വാരികകളും

  1. റിവ്യൂ ഒഫ് റിലിജൻസ്- യു.കെ.യിൽ നിന്നും പ്രസിദ്ധികരിക്കുന്ന ഇംഗ്ലീഷ് മാസിക
  2. അൽ ഫസൽ - പാകിസ്ഥാനിൽ നിന്നുള്ള ദിന പ്രസിദ്ധീകരണം
  3. സത്യദൂതൻ- മലയാള മുഖപത്രം.
  4. സത്യമിത്രം- മലയാള ദ്വമാസിക
  5. അന്നൂർ- അഹമദിയ്യ വനിത വിഭാഗ മലയാള മാസിക
  6. അൽഹഖ് യുവജന മാസിക

ഇതും കൂടി കാണുക[തിരുത്തുക]

  1. യേശുവിന്റെ കല്ലറ
  2. യേശുവിന്റെ അജ്ഞാത വർഷങ്ങൾ

പുറത്തേക്കുള്ള കണ്ണികൾ[തിരുത്തുക]

അവലംബം[തിരുത്തുക]

  1. സർവ്വ വിജ്ഞാന കോശം state institute of encyclopaedic publications thiruvananthapuram
  2. Lahore ahmadiyya movement
  3. Holger Kersten "Jesus Lived in India".
  4. Kwaja Nazir Ahmad -"Jesus in Heaven on Earth".
  5. www.tombofjesus.com
  6. ahmadiyya persecution


"http://ml.wikipedia.org/w/index.php?title=അഹമദിയ്യ_പ്രസ്ഥാനം&oldid=1973601" എന്ന താളിൽനിന്നു ശേഖരിച്ചത്