പരുക്കൻപല്ലൻ ഡോൾഫിൻ

ഇംഗ്ലീഷ് വിലാസം

https://ml.wikipedia.org/wiki/Steno_bredanensis

Rough-toothed dolphin
Size compared to an average human
പരിപാലന സ്ഥിതി
ഒട്ടും ആശങ്കാജനകമല്ല  (IUCN 3.1)
ശാസ്ത്രീയ വർഗ്ഗീകരണം
Domain:	Eukaryota
കിങ്ഡം:	Animalia
Phylum:	കോർഡേറ്റ
Class:	Mammalia
Order:	Artiodactyla
Infraorder:	Cetacea
Family:	Delphinidae
Genus:	Steno Gray, 1846
Species:	S. bredanensis
Binomial name
Steno bredanensis G. Cuvier in Lesson, 1828
Rough-toothed dolphin range

കൊക്കുള്ള മിക്ക ഡോൾഫിനുകളിൽ നിന്നും വ്യത്യസ്തമായി ഇതിന്റെ (Rough- toothed dolphin, Steno bredanensis) കൊക്ക് മുഖവുമായി ചേരുന്നിടത്തു സാധാരണയായി കാണുന്ന ചുളുക്ക്/ ഞൊറി (crease ) ഇല്ല. തലയ്ക്കു സവിശേഷമായ കോണാകൃതിയാണുള്ളത്.

അതോടൊപ്പം വെളുത്ത ചുണ്ടും തൊണ്ടയും ഇവയെ പെട്ടെന്ന് തിരിച്ചറിയാനും സഹായിക്കുന്നു. മറ്റൊരു പ്രത്യേകതയാണ് ബദാമിൻറെ ആകൃതിയിലുള്ള പല്ല്‌. മഞ്ഞയോ ഇളം ചുവപ്പോ നിറമുള്ള പാടുകൾ അടിവയറ്റിലുണ്ടായിരിക്കും. മുതുകിലെ വലിയ ചിറകിൻറെ അറ്റം അകത്തേക്കു വളഞ്ഞിരിക്കുന്നതും ശരീരത്തിൽ നിന്നും 45 ഡിഗ്രി ചരിഞ്ഞിരിക്കുന്നതുമായിരിക്കും.

പെരുമാറ്റം

ജലോപരിതലത്തിനു തൊട്ടു താഴെയായ് വളരെ വേഗത്തിൽ നീന്തുന്ന ഇത് അപൂർവമായേ പൊന്തിവരാറുള്ളു . അധികം ഉയരത്തിൽ അല്ലാതെയുള്ള നീണ്ട ചാട്ടങ്ങളാണ് ഇവ നടത്തുന്നത്‌. ബോട്ടിൽനോസ് ഡോൾഫിനുകളോടൊപ്പവും ചൂരമൽസ്യത്തോടൊപ്പവും ഇവയെ കാണാം.

വലിപ്പം

ശരീരത്തിൻറെ മൊത്തംനീളം 2.1-2.6 മീ. തൂക്കം 100 -150 കിലോഗ്രാം.

ആവാസം, കാണപ്പെടുന്നത്

കരയിൽനിന്നകന്നു താഴ്ചയുള്ളതും ചൂടുള്ളതുമായ സമുദ്രജലത്തിൽ . പടിഞ്ഞാറും കിഴക്കും തീരങ്ങളിൽനിന്നകന്നു കാണപ്പെട്ടേക്കാം. നിക്കോബാർ ദ്വീപുകളിൽനിന്നു മാറിയുള്ള ഉൾക്കടലിൽ ഇവ കണ്ടതായി രേഖപെടുത്തിയിട്ടുണ്ട്.

നിലനില്പിനുള്ള ഭീക്ഷണി - മൽസ്യബന്ധനവലകളും വേട്ടയും

ഇതും കാണുക

• കേരളത്തിലെ സസ്തനികൾ

പുറത്തേക്കുള്ള കണ്ണികൾ

കവാടം:ജീവശാസ്ത്രം