കുഴൂർ നാരായണ മാരാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(Kuzhur Narayana Marar എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
കുഴൂർ നാരായണ മാരാർ
Kuzhur Narayana Marar.jpg
ജനനം1920
കുഴൂർ, കേരളം,  ഇന്ത്യ
മരണം11 Aug 2011
എറണാകുളം
പുരസ്കാര(ങ്ങൾ)പത്മഭൂഷൺ -2010

ഒരു പഞ്ചവാദ്യ വിദ്വാനായിരുന്നു കഴൂർ നാരായണ മാരാർ(25 മേയ് 1925 - 11 ഓഗസ്റ്റ് 2011).തൃശ്ശൂർ ജില്ലയിലെ മാള കുഴൂർ സ്വദേശിയാണു. പഞ്ചവാദ്യത്തിലെ നാരായണ മാരാരുടെ സമഗ്ര സംഭാവന പരിഗണിച്ച് ഭാരതസർക്കാർ 2010-ൽ അദ്ദേഹത്തിന് പത്മഭൂഷൺ നൽകി ആദരിച്ചിരുന്നു[1]. പഞ്ചവാദ്യത്തിന് ആദ്യമായി പത്മഭൂഷൺ ലഭിച്ചതും ഇദ്ദേഹത്തിനാണ്. ഏഴ്‌ പതിറ്റാണ്ടോളം പൂരപറമ്പുകളിലെ നിറസാന്നിധ്യമായിരുന്നു മാരാർ.

ജീവിതരേഖ[തിരുത്തുക]

മാണിക്യമംഗലം വടക്കിനി മാരാത്ത്‌ കൊച്ചുപിള്ള കുറുപ്പിന്റെയും കുഴൂർ നെടുപറമ്പത്ത്‌ കുഞ്ഞിപ്പിള്ള അമ്മയുടെയും മകനായി ജനിച്ചു. കഴൂർ നാരായണ മാരാർ അഞ്ചാമത്തെ വയസ്സിൽ അച്ഛൻ മാണിക്കമംഗലം കൊച്ചുപിള്ള കുറുപ്പിന് കീഴിൽ പരിശീലനം ആരംഭിച്ചു.[2] കൊഴക്കരപ്പിള്ളി രാമമാരാർ കേളിയും എരവിപുരത്ത്‌ അപ്പുമാരാരും പെരുമ്പിള്ളി കേശവമാരാരും തിമിലയും അഭ്യസിപ്പിച്ചു. തായമ്പകയിലെ ഗുരു മാണിക്യമംഗലം നാരായണമാരാരാണ്‌.

കുഴൂർത്രയം[തിരുത്തുക]

ജേഷ്‌ടന്മാരായ കുട്ടപ്പ മാരാർ, ചന്ദ്രൻ മാരാർ എന്നിവർക്കൊപ്പം കുഴൂർമാരാരും ചേർന്ന് പഞ്ചവാദ്യത്തിന്‌ പുതിയ ശൈലി നൽകി. കുഴൂർത്രയം എന്നറിയപ്പെട്ട ഇവർ പൂരങ്ങളിൽ അവിഭാജ്യഘടകമായി.

തൃശൂർ പൂരത്തിൽ[തിരുത്തുക]

തൃശ്ശൂർ പൂരത്തിൽ തിരുവമ്പാടി, പാറമേക്കാവ് വിഭാഗങ്ങൾക്കുവേണ്ടി ഇദ്ദേഹം വാദ്യമേളത്തിൽ പങ്കെടുത്തിട്ടുണ്ട്. 19 വയസു മുതൽ തൃശൂർപൂരത്തിൽ കൊട്ടിത്തുടങ്ങി. 41 വർഷക്കാലം പാറമേക്കാവ്‌ വിഭാഗത്തിൽ പങ്കെടുത്തു. ഇതിൽ 20 വർഷം പ്രമാണ്യവുമായിരുന്നു. 60-ാമത്തെ വയസിലാണ്‌ തൃശൂർ പൂരത്തിൽ നിന്നും പിന്മാറിയത്‌.[3]

പുരസ്കാരങ്ങൾ[തിരുത്തുക]

  • പത്മഭൂഷൺ - 2010 (പഞ്ചവാദ്യം)
  • പല്ലാവൂർ പുരസ്കാരം
  • കേരള സംഗീത നാടക അക്കാദമി അവാർഡ്
  • പഞ്ചവാദ്യകുലപതി സ്ഥാനം

അവലംബം[തിരുത്തുക]

  1. http://india.gov.in/myindia/padmabhushan_awards_list1.php?start=20
  2. http://www.mathrubhumi.com/english/story.php?id=112756
  3. "വാദ്യകുലപതി കുഴൂർ നാരായണമാരാർ അരങ്ങൊഴിഞ്ഞു". ജനയുഗം. Retrieved 2013 ഓഗസ്റ്റ് 17. Check date values in: |accessdate= (help)
"https://ml.wikipedia.org/w/index.php?title=കുഴൂർ_നാരായണ_മാരാർ&oldid=2858629" എന്ന താളിൽനിന്ന് ശേഖരിച്ചത്