ബസേലിയോസ് തോമസ് പ്രഥമൻ
| ശ്രേഷ്ഠ മോർ ബസേലിയോസ് തോമസ് പ്രഥമൻ കാതോലിക്കോസ് | |
|---|---|
| ഇന്ത്യയുടെ കാതോലിക്കോസ് | |
 | |
| സഭ | സുറിയാനി ഓർത്തഡോക്സ് സഭ |
| നിയമനം | 26 ജൂലൈ 2002 |
| മുൻഗാമി | ബസേലിയോസ് പൗലോസ് ദ്വിതീയൻ |
| വൈദിക പട്ടത്വം | സെപ്റ്റംബർ 1958 |
| പദവി | മഫ്രിയോനോ |
| വ്യക്തി വിവരങ്ങൾ | |
| ജനനം | 22 ജൂലൈ 1929 പുത്തൻകുരിശ്, കേരളം, ഭാരതം |
| ദേശീയത | ഭാരതീയൻ |
| വിഭാഗം | മലങ്കര യാക്കോബായ സുറിയാനി ഓർത്തഡോക്സ് സഭ |
| ഭവനം | മൗണ്ട് സീനായി കാതോലിക്കേറ്റ് അരമന, കോതമംഗലം |
സുറിയാനി ഓർത്തഡോക്സ് സഭയുടെ ഇപ്പോഴത്തെ മഫ്രിയോനോയും (കാതോലിക്കോസ്) മലങ്കര സുറിയാനി ഓർത്തഡോക്സ് സഭയുടെ തലവനും ആണ് ബസേലിയോസ് തോമസ് പ്രഥമൻ കാതോലിക്കാ ബാവ. ഇദ്ദേഹത്തിന്റെ ഔദ്യോഗിക സ്ഥാനം ഇന്ത്യയുടെ കാതോലിക്ക എന്നാണ് എങ്കിലും 'കിഴക്കിന്റെ മഫ്രിയോനോ' എന്ന് കൂടി അറിയപ്പെടുന്നു. മലങ്കര സുറിയാനി ഓർത്തഡോക്സ് സഭാ അദ്ധ്യക്ഷൻ എന്ന നിലയിൽ ഇദ്ദേഹം ഓറിയന്റൽ ഓർത്തഡോക്സ് സഭകളുടെ പരമാചാര്യൻമാരിൽ ഒരാളാണ്.[1]
ജീവിതരേഖ
[തിരുത്തുക]എറണാകുളം ജില്ലയിൽ പുത്തൻകുരിശ് വടയമ്പാടി ചെറുവിള്ളിൽ മത്തായിയുടെയും കുഞ്ഞയുടെയും മകനായി ജനനം. സി.എം. തോമസ് എന്നായിരുന്നു ആദ്യനാമം. 1958 ഒക്ടോബർ 21-ന് വൈദികപട്ടം സ്വീകരിച്ചു. 1974-ൽ തോമസ് മോർ ദീവന്ന്യാസിയോസ് എന്ന പേരിൽ മെത്രാപ്പോലീത്തയായി സ്ഥാനമേറ്റു. 1998 ഫെബ്രുവരി 22-ന് സുന്നഹദോസ് പ്രസിഡന്റായി നിയോഗിതനായി. 2000 ഡിസംബർ 27-ന് പുത്തൻകുരിശിൽ ചേർന്ന പള്ളിപ്രതിപുരുഷയോഗം നിയുക്ത കാതോലിക്കയായി ഇദ്ദേഹത്തെ തെരഞ്ഞെടുത്തു. 2002 ജുലൈ 26-ന് ബസേലിയോസ് തോമസ് പ്രഥമൻ എന്ന പേരിൽ മഫ്രിയോനോ ആയി അഭിഷിക്തനായി.[2]
അവലംബം
[തിരുത്തുക]- ↑ "The Malankara Syriac Church – SCOOCH". scooch.org (in ഇംഗ്ലീഷ്). Standing Conference of the Oriental Orthodox Churches. Retrieved 2022-10-12.
- ↑ http://sor.cua.edu/Personage/Malankara/CThomas1Cheruvillil.html
|
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. സഹായത്തിനു ഈ ലേഖനത്തിന്റെ ഇംഗ്ലീഷ് പതിപ്പും കാണുക. |