ഐ.പി. വിലാസം വി6

വിക്കിപീഡിയ, ഒരു സ്വതന്ത്ര വിജ്ഞാനകോശം.
ഇന്റർനെറ്റ് പ്രോട്ടോക്കോൾ പതിപ്പ് 6
Communication protocol
IPv6 header
PurposeInternetworking protocol
Developer(s)Internet Engineering Task Force
Introducedഡിസംബർ 1995; 28 years ago (1995-12)
Based onIPv4
OSI layerNetwork layer
RFC(s)RFC 2460, RFC 8200
റ്റിസിപി/ഐപി യുടെ 5 പാളി മാതൃക
5. ആപ്ലിക്കേഷൻ ലെയർ

ഡീ‌എച്ച്‌സി‌പി · ഡി‌എൻ‌എസ് · എഫ്‌റ്റി‌പി · ഗോഫർ · എച്ച്‌ടിടിപി · ഐ‌മാപ്പ് · ഐആർ‌സി ·എം ജി സി പി ·എൻ‌എൻ‌ടിപി · എക്സ്‌എം‌പി‌പി · പോപ്പ്3 · സിപ്പ് · എസ്‌എം‌ടി‌പി · എസ്‌എൻ‌എം‌പി · എസ്‌‌എസ്‌എച്ച് · ടെൽനെറ്റ് · ആർ‌പിസി · ആർ‌ടി‌പി‌സി · ആർ‌ടി‌എസ്‌പി · റ്റി‌എൽ‌എസ് · എസ്‌ഡി‌പി · സോപ്പ് · ജി‌റ്റി‌പി · എസ്‌റ്റി‌യു‌എൻ · എൻ‌ടി‌പി · റിപ്പ് · ...

4. ട്രാൻസ്‌പോർട്ട് ലെയർ

റ്റിസിപി · യൂ‌ഡി‌പി · ഡി‌സി‌സി‌പി · എസ്‌സി‌ടി‌പി · ആർ‌ടി‌പി · ആർ‌എസ്‌വി‌പി · ഐ‌ജി‌എം‌പി · ഐ‌സി‌എം‌പി · ഐ‌സി‌എം‌പി വെർഷൻ 6 ·പി‌പി‌ടി‌പി · ...

3. നെറ്റ്‌വർക്ക്/ഇന്റർനെറ്റ് ലെയർ

ഐ‌പി (ഐ‌പി വെർഷൻ 4 · ഐ.പി. വിലാസം വി6) · ഒ‌എസ്‌പി‌എഫ് · ഐ‌എസ്-ഐ‌എസ് · ബിജിപി · ഐപിസെക്ക് · എ‌ആർ‌പി · ആർഎ‌ആർ‌പി · ...

2. ഡാറ്റാ ലിങ്ക് ലെയർ

802.11 · വൈ‌-ഫൈ · വൈമാക്സ് · എ‌റ്റി‌എം · ഡി‌റ്റി‌എം ·റ്റോക്കൺ റിംഗ് · ഈതർനെറ്റ് · എഫ്‌ഡി‌ഡി‌ഐ · ഫ്രെയിം റിലേ · ജിപിആർ‌എസ് · ഇ‌വിഡിഒ · എച്ച്‌എസ്‌പി‌എ · എച്ച്‌ഡി‌എൽ‌സി · പിപിപി · എൽ2റ്റിപി · ഐഎസ്‌ഡി‌എൻ · ...

1. ഫിസിക്കൽ ലെയർ

ഇതർനെറ്റ് ഫിസിക്കൽ ലെയർ · മോഡം · പി‌എൽ‌സി · സോനറ്റ്/എസ്‌ഡി‌എച്ച് · ജി.709 · ഒഎഫ്‌ഡി‌എം · ഒപ്റ്റിക്കൽ ഫൈബർ · കൊ‌ആക്സിയൽ കേബിൾ · ട്വിസ്റ്റഡ് പെയർ · ...

ടി.സി.പി/ഐ.പി ശ്രേണിയിലെ നൂതനവും വിപുലവും സങ്കീർണ്ണവും ആയ ഒരു അഡ്രസിങ് രീതി ആണ് IPv6. അഡ്രസിങ് രീതിയിലെ ഐ. പി. അഡ്രസ് വി4 ഇപ്പോഴും പ്രാബല്യത്തിൽ ഉണ്ടെങ്കിലും അതിന്റെ പോരായ്മകളും ദൗർബല്യങ്ങളും കണക്കിലെടുത്താണ് IPv6 രൂപകൽപ്പന ചെയ്തിരിക്കുന്നത്[1].

ഹെക്സാഡെസിമൽ സംഖ്യാ സമ്പ്രദായം ഉപയോഗിച്ചാണ് IPv6 പ്രതിനിധീകരിക്കുന്നത്. ഇതിൽ 0 മുതൽ 9 വരെയും A മുതൽ F വരെയും ഉള്ള അക്ഷരങ്ങൾ ആണ് ഉൾപ്പെടുന്നത്. ആകെ 128 ബിറ്റുകൾ ചേർന്നതാണ് IPv6. ഉദാഹരണം താഴെ കൊടുത്തിരിക്കുന്നു.

FC00:0123:0000:0000:0ACD:F73D:0000:00F5

ഇവിടെ ഓരോ ഹെക്സാഡെസിമൽ അക്ഷരത്തിനും സമാനമായി 4 ബിറ്റ് ബൈനറി കോഡുകളുണ്ട്. FC00 എന്നതിനു 1111 1100 0000 0000 എന്നതാണ് FC00 യ്ക്ക് സമാനമായ ബൈനറി കോഡ്. അങ്ങനെ നോക്കുകയാണെങ്കിൽ ആകെ 128 ബിറ്റുകൾ കാണാം[2]. FC00 എന്നത് ഒരു ക്വാർഡറ്റ് ആണ്. ആകെ 8 ക്വാർഡറ്റ് ഉണ്ട്. ഒരോ ക്വാർഡറ്റ് നും സമാനമായി 16 ബിറ്റ് ബൈനറി ഉണ്ടാകും.അപ്പോൾ 16*8=128 ഒരു ഐ.പി. വിലാസം വി6 ലെ ആകെയുള്ള 128 ബിറ്റുകളിൽ ആദ്യതെ 64 ബിറ്റുകലെ പ്രീഫിക്സ് എന്നു പറയുന്നു. ഇത് ഉദ്ദേശിക്കുന്നത് ആ കമ്പ്യൂട്ടർ ഉൾപ്പെട്ടിരിക്കുന്ന നെറ്റ്വർക് ന്റെ വിലാസം ആണ്. അവസാനത്തെ 64 ബിറ്റുകളെ ഇൻട്ർഫേസ് ഐഡി എന്നു പറയുന്നു. ഇത് ആ നെറ്റ്വർക് ലെ ഒരു പ്രത്യേക കമ്പ്യൂട്ടർ ന്റെ ഐഡി യെ പ്രതിനിധാനം ചെയ്യുന്നു.

പ്രധാന സവിശേഷതകൾ[തിരുത്തുക]

ഐപിവി6(IPv6) അഡ്രസ്സുകൾക്കായി ഉപയോഗിക്കുന്ന പദങ്ങളുടെ ഗ്ലോസറി

പാക്കറ്റ്-സ്വിച്ച് ഇൻറർനെറ്റ് വർക്കിംഗിനുള്ള ഒരു ഇന്റർനെറ്റ് ലെയർ പ്രോട്ടോക്കോൾ ആണ് ഐപിവി6, കൂടാതെ ഒന്നിലധികം ഐപി(IP) നെറ്റ്‌വർക്കുകളിലുടനീളം എൻഡ്-ടു-എൻഡ് ഡാറ്റാഗ്രാം ട്രാൻസ്മിഷൻ നൽകുന്നു, ഇത് പ്രോട്ടോക്കോളിന്റെ മുൻ പതിപ്പായ ഇന്റർനെറ്റ് പ്രോട്ടോക്കോൾ പതിപ്പ് 4 (IPv4) ൽ വികസിപ്പിച്ചെടുത്ത ഡിസൈൻ തത്വങ്ങൾ കൃത്യമായി പാലിക്കുന്നു.

കൂടുതൽ അഡ്രസ്സുകൾ വാഗ്ദാനം ചെയ്യുന്നതിനൊപ്പം, ഐപിവി4-ൽ ഇല്ലാത്ത സവിശേഷതകളും ഐപിവി6 നടപ്പിലാക്കുന്നു. നെറ്റ്‌വർക്ക് കണക്റ്റിവിറ്റി ദാതാക്കളെ മാറ്റുമ്പോൾ അഡ്രസ്സ് കോൺഫിഗറേഷൻ, നെറ്റ്‌വർക്ക് റീനമ്പറിംഗ്, റൂട്ടർ അറിയിപ്പുകൾ എന്നിവയുടെ വശങ്ങൾ ലളിതമാക്കുന്നു. പാക്കറ്റ് ഫ്രാഗ്മെന്റേഷന്റെ ഉത്തരവാദിത്തം അവസാന പോയിന്റുകളിലേക്ക് നൽകിക്കൊണ്ട് റൂട്ടറുകളിലെ പാക്കറ്റുകളുടെ പ്രോസസ്സിംഗ് ലളിതമാക്കുന്നു. ഒരു അഡ്രസ്സിന്റെ ഹോസ്റ്റ് ഐഡന്റിഫയർ ഭാഗത്തിന്റെ വലുപ്പം 64 ബിറ്റുകളായി നിശ്ചയിച്ച് ഐപിവി6 സബ്‌നെറ്റ് വലുപ്പം സ്റ്റാൻഡേർഡ് ചെയ്യുന്നു.

ഐപിവി6ന്റെ അഡ്രസ്സിംഗ് ആർക്കിടെക്ചർ RFC 4291-ൽ നിർവചിച്ചിരിക്കുന്നു കൂടാതെ മൂന്ന് വ്യത്യസ്ത തരം ട്രാൻസ്മിഷൻ അനുവദിക്കുന്നു: യൂണികാസ്റ്റ്, എനികാസ്റ്റ്, മൾട്ടികാസ്റ്റ്.[3]:210

രേഖപ്പെടുത്താനുള്ള എളുപ്പ രീതി[തിരുത്തുക]

ഉദാഹരണമായി FC00:0123:0000:0000:0ACD:F73D:0000:00F5 എന്ന വിലാസം എങ്ങനെ എളുപ്പ രീതിയിലൂടെ രേഖപ്പെടുത്താം എന്ന് നോക്കാം. അതിനായി രണ്ട് നിയമങ്ങൾ പറയുന്നുണ്ട്

ഒന്നാമത്തേത് പ്രകാരം ഒരോ ക്വാർഡറ്റ് ഉം തുടങ്ങുന്നത് 0 കൊണ്ടാണെങ്കിൽ ആ പൂജ്യങ്ങളെ ഒഴിവാക്കാം. ഇവിടെ രണ്ടാമതെ ക്വാർഡറ്റ് ആയ 0123 യെ 123 എന്ന് പ്രതിനിധാനം ചെയ്യാം. 0000 യെ 0 എന്നും 0ACD യെ ACD എന്നും 00F5 നെ F5 എന്നും പ്രതിനിധാനം ചെയ്യാം.അങ്ങനെ ആണെങ്കിൽ മുകളിൽ കൊടുത്തിട്ടുള്ള വിലാസം FC00:123:0:0:ACD:F73D:0:F5 എന്നാകും.

രണ്ടാമത്തത് പ്രകാരം തുടരെയുള്ള പൂജ്യങ്ങളെ മുഴുവനായി ഒഴിവാക്കാം. ഇവിടെ 0123 എന്ന ക്വാർഡറ്റ് കഴിഞ്ഞാൽ 0ACD വരെ തുടരെ പൂജ്യങ്ങൾ ആണ്.കൂടാതെ F73D എന്ന ക്വാർഡറ്റ് കഴിഞ്ഞാൽ 00F5 വരെയും തുടരെ പൂജ്യങ്ങൾ ആണ്.അങ്ങനെ തുടരെ ഉള്ള പൂജ്യങ്ങൾ രേഖപ്പെടുതാൻ "::" ഉപയോഗിക്കാം. പക്ഷേ ഒരു ഐ.പി. വിലാസം വി6 ൽ ഒരു തവണ മാത്രമേ :: എന്ന ചിഹ്ന്ം വരാൻ പാടുള്ളൂ. അത് പ്രകാരം FC00:123::ACD:F73D:0:F5 എന്നാകും

മറ്റൊരു ഐ.പി. വിലാസം FD00:0000:0000:0000:0000:0000:0012:00EF നെ എളുപ്പ രീതി യിൽ FD00::12:EF എന്ന് രേഖപ്പെടുത്താം.

ഐ.പി. വിലാസം വി6 വിഭാഗങ്ങൾ[തിരുത്തുക]

റിസേർവ്ഡ് അഡ്രസ്സ്[തിരുത്തുക]

ഒരു ഐ.പി. വിലാസം വി6 00::/8 എന്നാണ് തുടങ്ങുന്നതെങ്കിൽ അത് ഐ.പി. വിലാസം വി6 ലെ റിസേർവ്ഡ് അഡ്രസ്സ് വിഭാഗങ്ങളിൽ പെടുന്നു. /8 എന്നത് ആദ്യത്തെ 8 ബിറ്റുകളെ സൂചിപ്പിക്കുന്നു. അതായത് ആദ്യത്തെ 8 ബിറ്റുകൾ യഥാക്രമം 0000 0000 എന്നാകും. ഈ വിഭാഗം അഡ്രസ്സ് IETF എന്ന സംഘടനയുടെ കീഴിൽ ഉള്ള പ്രത്യേക ആവശ്യങ്ങൾക്കു വേണ്ടി റിസേർവ്ഡ് ആണ്.

മൾട്ടികാസ്റ്റ് അഡ്രസ്സ്[തിരുത്തുക]

ഒരു ഐ.പി. വിലാസം വി6 FF::/8 എന്നാണ് തുടങ്ങുന്നതെങ്കിൽ അത് ഐ.പി. വിലാസം വി6 ലെ മൾട്ടികാസ്റ്റ് അഡ്രസ്സ് വിഭാഗങ്ങളിൽ പെടുന്നു. ഇവിടെ ആദ്യത്തെ 8 ബിറ്റുകൾ യഥാക്രമം 1111 1111 എന്നാകും. ഇത് മൾട്ടികാസ്റ്റിങ് എന്ന വിവര സംപ്രേഷണ രീതിക്കു വേണ്ടി റിസേർവ്ഡ് ആണ്. ഐ.പി. വിലാസം വി6 ൽ ബ്രോഡ്കാസ്റ്റിങ് എന്ന സംപ്രേഷണ രീതി ഇല്ല. പകരം എനി കാസ്റ്റ് എന്ന നൂതന രീതി ആവിഷ്ക്കരിച്ചിട്ടുണ്ട്.

ഗ്ലോബൽ അഡ്രസ്സ്[തിരുത്തുക]

ഈ വിഭാഗം പബ്ലിക്ക് അഡ്രസ്സിങ് നു വേണ്ടി മാറ്റി വച്ചിരിക്കുന്നു. ഒരു ഐ.പി. വിലാസം വി6 2 അല്ലെങ്കിൽ 3 എന്ന ഹെക്സാഡെസിമൽ അക്ഷരം ഉപയോഗിച്ച് തുടങ്ങുന്നുണ്ടെങ്കിൽ അത് ഗ്ലോബൽ അഡ്രസ്സ് ആണ്. ഇത് ഒരു ഐ.പി. വിലാസം വി4 ലെ പബ്ലിക് അഡ്രസ്സിങ് നു സമാനമാണ്. ഇന്റർനെറ്റിൽ ഒരു കമ്പ്യൂട്ടർ നെ മറ്റുള്ളവയ്ക്ക് തിരിച്ചറിയാൻ ഉപയോഗിക്കുന്ന അഡ്രസ്സ് ആണ് പബ്ലിക് അഡ്രസ്സിങ് . ഹെക്സാഡെസിമലിൽ 2 ന്റെ യും 3 ന്റെ യും ബൈനറി യഥാക്രമം 0010,0011 എന്നിങനെ ആണ്. അതായത് ആദ്യത്തെ 3 ബിറ്റുകൾ 001 ആണ്. അങ്ങനെ ആദ്യത്തെ 3 ബിറ്റുകൾ സാമ്യമായ അക്ഷരങ്ങൾ ഹെക്സാഡെസിമലിൽ ഉണ്ടെങ്കിലും 2 അല്ലെങ്കിൽ 3 അക്ഷരം ഉപയോഗിച്ച് തുടങ്ങുന്ന വിലാസങ്ങളെ ഗ്ലോബൽ അഡ്രസ്സ് ഗണത്തിൽ പെടുത്തുന്നു. മറ്റുള്ളവയെ വെവ്വേറെ ഗണങ്ങളിലും പെടുത്തിയിട്ടുണ്ട്.

ലിങ്ക് ലോക്കൽ അഡ്രസ്സ്[തിരുത്തുക]

ഡി.എച്ച്.സി.പി സർവ്വർ നോട് ബന്ധപ്പെടാൻ കഴിഞ്ഞില്ലെങ്കിൽ ഓട്ടോമാറ്റിക്ക് ആയി നേടിയെടുക്കുന്ന അഡ്രസ്സ് ആണ് ലിങ്ക് ലോക്കൽ അഡ്രസ്സ്. ഇത് ഒരു ഐ.പി. വിലാസം വി4 ലെ APIPA അഡ്രസ്സിങ് നു സമാനമാണ് . FE80::/10 ആണ് തുടക്കം./10 എന്നത് ആദ്യത്തെ 10 ബിറ്റുകളെ സൂചിപ്പിക്കുന്നു. FE കഴിഞ്ഞാൽ 8,9,A,B എന്നിവയിൽ ഏതെങ്കിലും വരാം. 1000,1001,1010,1011 എന്നിവ ആണ് 8,9,A,B എന്നീ ഹെക്സാഡെസിമൽ അക്ഷരങ്ങളുടെ ബൈനറി അക്കങ്ങൾ. ഇവ നാലിന്റെയും ആദ്യത്തെ 2 ബിറ്റുകൾ സമാനമാണ്. അപ്പോൾ FE യുടെ 1111 1110 എന്ന 8 ബൈനറി അക്കങ്ങൾ കഴിഞ്ഞാൽ 8,9,A,B ഇവയിൽ ഏതെങ്കിലും വരാം. അതായത് FE8 മുതൽ FEB വരെ ഏതെങ്കിലും. ഈ അഡ്രസ്സ് റൗട്ടിങ് നടത്താൻ സാധ്യമല്ല.

സൈറ്റ് ലോക്കൽ അഡ്രസ്സ്[തിരുത്തുക]

സ്വകാര്യ(പ്രൈവറ്റ്) നെറ്റ്‌വർക്കുകളിൽ ഉപയോഗിക്കുന്ന ഐ.പി. വിലാസം വി6 ലെ വിഭാഗങ്ങൾ ആണ് ഇവ. FEC0::/10 ആണ് തുടക്കം. /10 എന്നത് ആദ്യത്തെ 10 ബിറ്റുകളെ സൂചിപ്പിക്കുന്നു. FE കഴിഞ്ഞാൽ C,D,E,F ഇവയിൽ ഏതെങ്കിലും വരാം. 1100,1101,1110,1111എന്നിവ ആണ് C,D,E,F എന്നീ ഹെക്സാഡെസിമൽ അക്ഷരങ്ങളുടെ ബൈനറി അക്കങ്ങൾ . ഇവ നാലിന്റെയും ആദ്യത്തെ 2 ബിറ്റുകൾ സമാനമാണ്. അപ്പോൾ FE യുടെ 1111 1110 എന്ന 8 ബൈനറി അക്കങ്ങൾ കഴിഞ്ഞാൽ C,D,E,F ഇവയിൽ ഏതെങ്കിലും വരാം. അതായത് FEC മുതൽ FEF വരെ ഏതെങ്കിലും.

അവലംബം[തിരുത്തുക]

  1. technet.microsoft.com/en-us/network/bb530961|accessdate=2013 ജൂലൈ 19
  2. www.cisco.com/web/solutions/trends/ipv6/indepth.html|accessdate=2013 ജൂലൈ 19
  3. Rami Rosen (2014). Linux Kernel Networking: Implementation and Theory. New York: Apress. ISBN 9781430261971. OCLC 869747983.
"https://ml.wikipedia.org/w/index.php?title=ഐ.പി._വിലാസം_വി6&oldid=3968847" എന്ന താളിൽനിന്ന് ശേഖരിച്ചത്