മേഘമൽഹാർ

വിക്കിപീഡിയ, ഒരു സ്വതന്ത്ര വിജ്ഞാനകോശം.
മേഘമൽഹാർ
പോസ്റ്റർ
സംവിധാനം കമൽ
നിർമ്മാണം എം.വി. ശ്രേയാംസ് കുമാർ
(മാതൃഭൂമി)
ഏഷ്യാനെറ്റ്
കഥ ഡോ: ഇക്ബാൽ കുറ്റിപ്പുറം
തിരക്കഥ കമൽ
അഭിനേതാക്കൾ ബിജു മേനോൻ
സംയുക്ത വർമ്മ
സംഗീതം രമേശ് നാരായൺ
രചന:
ഒ.എൻ.വി. കുറുപ്പ്
ഛായാഗ്രഹണം വേണുഗോപാൽ
ചിത്രസംയോജനം ബീന പോൾ
വിതരണം സർഗ്ഗം സ്പീഡ് റിലീസ്
റിലീസിങ് തീയതി 2002
രാജ്യം  ഇന്ത്യ
ഭാഷ മലയാളം

കമൽ തിരക്കഥയെഴുതി സംവിധാനം ചെയ്ത് 2002ൽ പുറത്തിറങ്ങിയ ഒരു സംഗീത പ്രാധാന്യമുള്ള പ്രണയ ചലച്ചിത്രമാണ് മേഘമൽഹാർ. ബിജു മേനോനും,സംയുക്ത വർമ്മയും പ്രധാന വേഷങ്ങളിലഭിനയിച്ചിരിക്കുന്ന ഈ ചിത്രത്തിൽ പൂർണ്ണിമ മോഹൻ, രഞ്ജിനി, ശ്രീനാഥ്, ശിവജി, സിദ്ധിഖ്, രാഘവൻ എന്നിവരും അഭിനയിച്ചിരിക്കുന്നു. മാതൃഭൂമി, ഏഷ്യാനെറ്റ് എന്നിവർ സംയുക്തമായി ഈ ചിത്രം നിർമ്മിച്ചു. 2000ങ്ങളിൽ ഇറങ്ങിയ മികച്ചൊരു പ്രണയകാവ്യ ചലച്ചിത്രമായി മേഘമൽഹാർ കരുതപ്പെടുന്നു.

കഥ[തിരുത്തുക]

അഭിഭാഷകനായ രാജീവന്റെയും, എഴുത്തുകാരിയായ നന്ദിതയുടെയും കഥയാണിത്. രാജീവൻ ഒരു ബാങ്കുദ്യോഗസ്ഥയായ രേഖയെ വിവാഹം ചെയ്തിരിക്കുന്നു. അവർക്ക് രണ്ടു കുട്ടികളുമുണ്ട്. നന്ദിത ഗൾഫിൽ ബിസിനസ്സുകാരനായ മുകുന്ദനെ വിവാഹം ചെയ്തിരിക്കുന്നു. ഇവർക്ക് ഒരു മകളുണ്ട്. യാദൃച്ഛികമായി രാജീവനും നന്ദിതയും കണ്ടുമുട്ടുകയും ചെറിയ കാലയളവിനുള്ളിൽ ഇവർ അടുത്ത സുഹൃത്തുക്കളാവുകയും ചെയ്യുന്നു. അവരുടെ ഇഷ്ടങ്ങളും ചിന്തകളും ഒരു പോലെയാണെന്ന് അവർ മനസിലാക്കുന്നു. ഈ സമയത്ത് രാജീവനു് ചെറുപ്പത്തിൽ തന്റെ പ്രണയിനിയെ നഷ്ടപ്പെട്ടതായി നന്ദിത മനസിലാക്കുകയും അത് രാജീവനുമായി കൂടുതൽ നന്ദിതയെ അടുപ്പിക്കുകയും ചെയ്യുന്നു. ഈ ബന്ധത്തിന്റെ യഥാർത്ഥ തലം കണ്ടെത്തുവാൻ രാജീവൻ വല്ലാതെ വിഷമിക്കുന്നു. പക്ഷെ അവർ അവരുടെ ബന്ധം തുടരുക തന്നെ ചെയ്യുന്നു[1].

അഭിനേതാക്കളും താരങ്ങളും[തിരുത്തുക]

അഭിനേതാവ് കഥാപാത്രം
ബിജു മേനോൻ രാജീവൻ
സംയുക്ത വർമ്മ നന്ദിത
പൂർണ്ണിമ മോഹൻ രേഖ
രഞ്ജിനി സീമന്തിനി നന്ദിതയുടെ സുഹൃത്ത്
ശ്രീനാഥ അഡ്വക്കറ്റ് ഭൂമിനാഥൻ, രാജീവന്റെ സുഹൃത്ത്
ശിവജി രാജീവന്റെ മൂത്ത സഹോദരൻ
സിദ്ദിഖ് മുകുന്ദൻ
രാഘവൻ
ജിജോയ് രാജഗോപാൽ
ഉണ്ണികൃഷ്ണൻ നമ്പൂതിരി
ഗോമതി മഹാദേവൻ

സംഗീതം[തിരുത്തുക]

ഒ.എൻ.വി. കുറുപ്പ് രചിച്ച് രമേശ് നാരായൺ സംഗീതസംവിധാനം നിർവ്വഹിച്ച ഈ ചിത്രത്തിൽ അഞ്ചു ഗാനങ്ങളാണുള്ളത്[2].

നമ്പർ ഗാനം പാടിയവർ
1 ഒരു നറുപുഷ്പമായ് കെ.എസ്. ചിത്ര
2 ഒരു നറുപുഷ്പമായ് കെ.ജെ. യേശുദാസ്
3 പൊന്നുഷസ്സെന്നും നീരാടുവാൻ വരുമീ[3] പി. ജയചന്ദ്രൻ, കെ.എസ്. ചിത്ര
4 രംഗത് ജിതേഷ്
5 ശിലാപടലങ്ങൾ രമേഷ് നാരായൺ

പുരസ്കാരങ്ങൾ[തിരുത്തുക]

കേരള സംസ്ഥാന ചലച്ചിത്ര പുരസ്കാരം[4]
  • മികച്ച രണ്ടാമത്തെ ചിത്രം - മേഘമൽഹാർ
  • മികച്ച തിരക്കഥ - കമൽ
കേരള ഫിലിം ക്രിട്ടിക്സ് പുരസ്കാരങ്ങൾ' [5]
  • മികച്ച ചിത്രം - മേഘമൽഹാർ
  • മികച്ച തിരക്കഥ - കമൽ
ഏഷ്യാനെറ്റ് ഫിലിം അവാർഡ്
  • മികച്ച ചിത്രം - മേഘമൽഹാർ
  • മികച്ച സംവിധായകൻ - കമൽ
  • മികച്ച നടി - സംയുക്ത വർമ്മ
  • മികച്ച താരജോഡി - ബിജു മേനോൻ സംയുക്ത വർമ്മ
  • മികച്ച ഛായാഗ്രാഹകൻ - വേണുഗോപാൽ
  • മികച്ച എഡിറ്റിംഗ് - ബീന പോൾ
മറ്റുള്ളവ
  • മികച്ച സംവിധായകനുള്ള രാമു കാര്യാട്ട് പുരസ്കാരം [6]

അവലംബം[തിരുത്തുക]

  1. Unni R. Nair (January 11, 2002). "Meghamalhar: Unforgettable experience". Screen India. ശേഖരിച്ചത് April 12, 2011. 
  2. മേഘമൽഹാർ - മലയാളസംഗീതം.ഇൻഫോ
  3. "പാട്ടോർമ്മ" (ഭാഷ: മലയാളം). മാധ്യമം ആഴ്ചപ്പതിപ്പ് ലക്കം 706. 2011 സെപ്റ്റംബർ 05. ശേഖരിച്ചത് 2013 മാർച്ച് 24. 
  4. "കേരള സംസ്ഥാന ചലച്ചിത്ര പുരസ്കാരം - 2001"
  5. "Filca awards presented"
  6. "Director - Kamal". Khaddama.com. ശേഖരിച്ചത് April 12, 2011. 


"http://ml.wikipedia.org/w/index.php?title=മേഘമൽഹാർ&oldid=1760222" എന്ന താളിൽനിന്നു ശേഖരിച്ചത്