ബാറൂക്കിന്റെ പുസ്തകം
വിക്കിപീഡിയ, ഒരു സ്വതന്ത്ര വിജ്ഞാനകോശം.
 |
വിക്കിപീഡിയയുടെ ഗുണനിലവാരത്തിലും, മാനദണ്ഡത്തിലും എത്തിച്ചേരാന് ഈ ലേഖനം വൃത്തിയാക്കി എടുക്കേണ്ടതുണ്ട്. ഈ ലേഖനത്തെക്കുറിച്ച് കൂടുതല് വിശദീകരണങ്ങള് നല്കാനാഗ്രഹിക്കുന്നെങ്കില് ദയവായി സംവാദം താള് കാണുക. |
ബാറൂക്ക് ജറെമിയായുടെ ഗുമസ്തനായിരുന്നുവെന്നുള്ളതിനു പക്ഷഭേദമില്ല (ജറെ 36:4-8; ബാറൂ 1:1). പുസ്തകത്തെലെതന്നെ സൂചനകളനുസരിച്ച് ബാറൂക്ക് ബാബിലോണില്വച്ച് എഴുതി ജറുസലെമിലേക്ക് അയച്ചുകൊടുത്തതാണ് ഈ ഗ്രന്ഥം. എന്നാല് പല കരങ്ങള് ഇതിന്റെ പിന്നില് പ്രവര്ത്തിച്ചിട്ടുണ്ടെന്നും ഇത് ഒരു സമാഹാരമാണെന്നും ഇന്ന് പ്രബലമായ അഭിപ്രായം ഉണ്ട്.
ദീര്ഘമായ ഒരു ആമുഖത്തിനുശേഷം (1:1-14) തെറ്റുകള് ഏറ്റുപറഞ്ഞുകൊണ്ടും പാപമോചനം യാചിച്ചുകൊണ്ടും വിശ്വാസം പ്രഖ്യാപിച്ചുകൊണ്ടുമുള്ള ഒരു പ്രാര്ത്ഥനയാണ് ആദ്യഭാവം (1:15-3:8). ജ്ഞാനത്തെ പ്രകീര്ത്തിച്ചുകൊണ്ടുള്ള ഒരു ഗീതമാണ് അടുത്തഭാഗം (3:9-4:4). പ്രവാസത്തിലാണ്ടുപോയ മക്കളെച്ചൊല്ലി വിലപിക്കുന്ന ജറുസലെമിന് ആശ്വാസം പകരുന്ന വചനങ്ങളാണ് തുടര്ന്നു നാം കാണുന്നത്. പ്രവാസം അവസാനിക്കാറായി. അവളുടെ മക്കള് താമസിയാതെ തിരിച്ചുവരും (4:5-5:9). അനുബന്ധമെന്നോണം നില്ക്കുന്ന അവസാന അധ്യായം വിഗ്രഹങ്ങളെ പുച്ഛിച്ചുകൊണ്ടും വിഗ്രഹാരാധകര്ത്തെതിരേ താക്കീതു ചെയ്തുകൊണ്ടും ജറെമിയാ എഴുതിയ ഒരു കത്താണ് (44:1-72). പ്രവാസികളുടെ മതാത്മകജീവിതത്തിലേക്കു വെളിച്ചം വീശുകയും പ്രവാസം എങ്ങനെ ജീവിതനവീകരണത്തിന് ഉപകരിച്ചു എന്നു വ്യക്തമാക്കുകയും ചെയ്യുന്നുണ്ട് ഈ ഗ്രന്ഥം.[1]
[തിരുത്തുക] അവലംബം
- ↑ ബൈബിള്, മൂന്നാം പതിപ്പ്, KCBC ബൈബിള് കമ്മീഷന്, Pastoral Orientation Center, കൊച്ചി 682025
