മുഹമ്മദ് അസദ്
മുഹമ്മദ് അസദ് | |
|---|---|
 | |
| ജനനം | ലിയൊപോൾഡ് വെയ്സ് ജൂലൈ 2, 1900 |
| മരണം | ഫെബ്രുവരി 20, 1992 |
| തൊഴിൽ | എഴുത്തുകാരൻ |
| ജീവിതപങ്കാളി(കൾ) | പൗള ഹമീദ അസദ് |
ഒരു ഗ്രന്ഥകാരനും പാകിസ്താന്റെ മുൻ യു.എൻ അംബാസഡറുമാണ്‌ മുഹമ്മദ് അസദ് അഥവാ ലിയോ പോൾഡ് വെയ്സ്(ഇംഗ്ലീഷ്:Mohammed Asad/Leopold Weiss)[1]. മുഹമ്മദ് അസദിന്റെ "റോഡ് ടു മക്ക" (മക്കയിലേക്കുള്ള പാത) എന്ന പ്രശസ്ത ഗ്രന്ഥം മലയാളമുൾപ്പെടെയുള്ള നിരവധി ഭാഷകളിലേക്ക് വിവർത്തനം ചെയ്യപ്പെട്ടിട്ടുണ്ട്. പ്രഗല്ഭനായ നരവംശ ശാസ്ത്രജ്ഞൻ തലാൽ അസദ് മുഹമ്മദ് അസദിന്റെ മകനാണ്‌. 1900 ജൂലൈ 2 ന്‌ ഇന്നത്തെ ഉക്രൈനിലെ ലിവിവ് എന്ന സ്ഥലത്ത് ജനിച്ച അസദ് തന്റെ തൊണ്ണൂറ്റി രണ്ടാം വയസ്സിൽ സ്‌പെയ്നിൽ വെച്ച് മരണമടഞ്ഞു. ജൂതമതസ്ഥനായിരുന്ന ഇദ്ദേഹം പിൽക്കാലത്ത് ഇസ്‌ലാം മതം സ്വീകരിച്ചിരുന്നു.[2]
ജീവിതരേഖ
[തിരുത്തുക]റബ്ബികളുടെ നീണ്ട പാരമ്പര്യമുള്ള ആളായിരുന്നു മുഹമ്മദ് അസദ്. അച്ഛൻ ഒരു ബാരിസ്റ്ററായിരുന്നു. നല്ല മതവിദ്യാഭ്യാസം നേടിയ അസദ് ചെറുപ്പത്തിലേ ഹീബ്രുവും അരാമികും വശമാക്കി. പഴയനിയമ‌വും തൽമൂദും അദ്ദേഹം പഠിച്ചു.വിയന്ന സർ‌വ്വകലാശാലയിലെ പഠനമുപേക്ഷിച്ച അസദ്,1920 കളിൽ കുറച്ചു കാലം ജർമനിയിൽ അലക്ഷ്യനായി അലഞ്ഞു.[3]
പിന്നീട് ബ്രിട്ടീഷ് മാൻഡേറ്റിലുള്ള പലസ്തീനിലേക്കു പോവുകയും തന്റെ അമ്മാവന്റെ കുടെ താമസമാക്കുകയും ചെയ്തു. അവിടെ ഒരു സ്വതന്ത്ര പത്രപ്രവത്തകനായി “ഫ്രാങ്ക്ഫർട്ട സീറ്റൻ‌ക്” എന്ന പത്രസ്ഥാപനത്തിനുവേണ്ടി ജോലി ചെയ്തു. പിന്നീട് ഈ പത്രത്തിന്റെ മുഴുസമയ വിദേശകാര്യ ലേഖകനായി അസദ് പിന്നീട് തിരഞ്ഞെടുക്കപ്പെട്ടു. ഇസ്‌ലാമുമായുള്ള അദ്ദേഹത്തിന്റെ ബന്ധം ഈ അവസരത്തിലാണ്‌ ശക്തമാകുന്നത്. ഈ ബന്ധം ഇസ്‌ലാം സ്വീകരിക്കാൻ അദ്ദേഹത്തെ പ്രേരിപ്പിക്കുകയും 1926 ഇസ്‌ലാം മതം സ്വീകരിക്കുകയും ചെയ്തു. തലാൽ അസദ് മകൻ ആണ്.
ഇസ്‌ലാമിനെ കുറിച്ച് അദ്ദേഹം പറയുന്നു:
ഒരു തികവുറ്റ ശില്പമായിട്ടാണ്‌ ഇസ്‌ലാം എനിക്ക് അനുഭവപ്പെട്ടത്. അതിന്റെ ഓരോ ഭാഗങ്ങളും പരസ്പരംപൂരകമായതും ഇണങ്ങി നിൽകുന്നതുമായി തോന്നി. ഏതിന്റെയെങ്കിലും അഭാവമുള്ളതായോ അല്ലെങ്കിൽ എന്തെങ്കിലും മുഴച്ചു നിൽകുന്നതായോ കാണുന്നില്ല. സന്തുലിതവും ശക്തവുമായ ഒരു ഘടനയാണ്‌ അതിനുള്ളത്”[4]
.
ഗ്രന്ഥങ്ങൾ
[തിരുത്തുക]നിരവധി ഗ്രന്ഥങ്ങൾ രചിച്ചിട്ടുണ്ട് മുഹമ്മദ് അസദ്. ചില പുസ്തകങ്ങൾ താഴെ:
- റോഡ് ടു മക്ക
- ദ മെസ്സേജ് ഓഫ് ദ ഖുർ‌ആൻ
- സ്വഹീഹുൽ ബുഖാരിയുടെ വിവർത്തനവും വ്യാഖ്യാനവും
- ദിസ് ലാ ഓഫ് അവേഴ്സ്
- ഇസ്‌ലാം അറ്റ് ദ ക്രോസ് റോഡ്
"റോഡ് ടു മക്ക" മലയാളത്തിൽ
[തിരുത്തുക]അസദിന്റെ "റോഡ് ടു മക്ക" എന്ന ഗ്രന്ഥം സാഹിത്യകാരൻ എം.എൻ. കാരശ്ശേരി "മക്കയിലേക്കുള്ള പാത" എന്ന പേരിൽ വിവർത്തനം ചെയ്ത് കോഴിക്കോട്ടെ ഇസ്‌ലാമിക് പബ്ലിഷിങ് ഹൗസ് പ്രസിദ്ധീകരിച്ചിട്ടുണ്ട്. അസദിന്റെ ജീവചരിത്രാംശമുള്ള ഈ ഗ്രന്ഥം തന്റെ ഇസ്‌ലാം മതം ആശ്ലേഷിക്കുന്നതിലേക്ക് നയിച്ച മധ്യേഷ്യൻ യാത്രകൾ കോറിയിടുന്നു. ഒപ്പം സയണിസത്തിന്റെ വളർച്ചയെ കുറിച്ച ചിന്തകളും പങ്കുവെക്കുന്നു
അവലംബം
[തിരുത്തുക]- ↑ "Muhammad Asad's Journey into Islam". Archived from the original on 2012-07-16. Retrieved 2009-10-28.
- ↑ "ആർക്കൈവ് പകർപ്പ്". Archived from the original on 2012-04-27. Retrieved 2012-04-24.
- ↑ http://insider.pk/life-style/religion/muhammad-asad-from-judaism-to-islam/
- ↑ "Islamic Encyclopedia". Archived from the original on 2013-12-19. Retrieved 2013-10-29.
പുറം കണ്ണികൾ
[തിരുത്തുക]- പ്രബോധനം ഹദീഥ് പതിപ്പ്[പ്രവർത്തിക്കാത്ത കണ്ണി]2007
- Online Quran Project Archived 2019-12-19 at the Wayback Machine. includes the Qur'an translation of Muhammad Asad (both the original English and the Spanish translation).
- The English translation by Muhammad Asad at the Online Quran Project Archived 2019-12-19 at the Wayback Machine.
- The Spanish translation by Muhammad Asad at the Online Quran Project Archived 2019-12-19 at the Wayback Machine.
- M. Asad's Contributions to Pakistan
- Brief Biography Archived 2009-06-06 at the Wayback Machine.
- Compared Translations of the meaning of the Quran
- The Message of the Qur'an: Complete with commentary (HTML)
- Translation with commentary Archived 2009-09-22 at the Wayback Machine.
- Translation without commentary Archived 2009-04-30 at the Wayback Machine.
- Ben-David, Amir. Leopold of Arabia. Haaretz.com. [1][2]
- Martin Kramer. The Road from Mecca: Muhammad Asad Archived 2009-01-03 at the Wayback Machine.
- Film by Georg Misch: A ROAD TO MECCA - The Journey of Muhammad Asad Archived 2011-10-02 at the Wayback Machine.
- Short commentary on The Road To Mecca