സെന്റ് തോമസ് ഇവാഞ്ചലിക്കൽ സഭ
| സെന്റ് തോമസ് ഇവാഞ്ചലിക്കൽ ചർച്ച് ഓഫ് ഇന്ത്യ | |
 ഔദ്യോഗിക ലോഗോ | |
| സ്ഥാപകൻ | മാർത്തോമ്മാ ശ്ലീഹ (പരമ്പരാഗത വിശ്വാസം), കെ.എൻ. ദാനിയേൽ (പുനർനവീകരണം) |
| സ്വതന്ത്രമായത് | 1961 |
| അംഗീകാരം | സ്വതന്ത്ര എപ്പിസ്കോപ്പൽ സഭ |
| പരമാദ്ധ്യക്ഷൻ | ബിഷപ്പ് ഡോ. തോമസ് ഏബ്രഹാം (പ്രിസൈഡിങ് ബിഷപ്പ്) |
| ആസ്ഥാനം | തിരുവല്ല, കേരളം |
| ഭരണപ്രദേശം | ഇന്ത്യ (പ്രധാനമായി) |
| മേഖലകൾ | ഇന്ത്യ വടക്കേ അമേരിക്ക, കാനഡ, യൂറോപ്പ്, ഗ്രേറ്റ് ബ്രിട്ടൺ-ലണ്ടൻ & ബെൽഫാസ്റ്റ്, മദ്ധ്യപൂർവ്വദേശം, സിംഗപ്പൂർ |
| ഭാഷ | മലയാളം, ഇംഗ്ലീഷ്, തമിഴ്, ഹിന്ദി |
| അനുയായികൾ | 50,000 |
| വെബ്സൈറ്റ് | http://steci.org/ |
കേരളത്തിലെ ഒരു എപ്പിസ്കോപ്പൽ സഭയാണ് സെന്റ് തോമസ് ഇവാഞ്ചലിക്കൽ സഭ (St. Thomas Evangelical Church of India). മാർത്തോമാ ക്രിസ്ത്യാനി ചരിത്രപാരമ്പര്യത്തിൽ ഉള്ള ഈ സഭ 1960-കളിൽ മാർത്തോമ്മാ സഭയിൽ നിന്നു വേർപെട്ട് രൂപീകരിച്ചതാണ് . പത്തൊൻപതാം നൂറ്റാണ്ടിൽ മലങ്കര സഭയിൽ ഉണ്ടായ നവീകരണ തർക്കങ്ങളിലും പിന്നീടുണ്ടായ പിളർപ്പിലും മാർത്തോമ്മ സഭയുടെ ഭാഗമായി നിന്ന ഒരു വിഭാഗം ആളുകൾ 1961-ൽ അന്നത്തെ മാർത്തോമ്മാ മെത്രാപോലീത്ത ആയിരുന്ന യൂഹാനോൻ മാർത്തോമ്മായുടെ വിശ്വാസപരമായ ചില നിലപാടുകളിൽ പ്രതിഷേധിച്ചും, സഭയിലെ പുരോഗമന-പാരമ്പര്യ വാദികൾ തമ്മിലുള്ള തർക്കങ്ങളെത്തുടർന്നും, കെ.എൻ. ദാനിയേൽ എന്ന വ്യക്തിയുടെ നേതൃത്വത്തിൽ മാർത്തോമ്മാ സഭ വിട്ട് പോകുകയും സെന്റ് തോമസ് ഇവാഞ്ചലിക്കൽ സഭ എന്ന പേരിൽ പുതിയ സഭ സ്ഥാപിക്കുകയും ചെയ്തു.
രണ്ടാം നവീകരണം
[തിരുത്തുക]മാതൃസഭയിൽനിന്ന് വേർപെട്ടതിന് ശേഷം ചില അടിസ്ഥാനപരമായ ആചാരങ്ങൾ ഈ സഭയിൽ നവീകരണത്തിന് വിധേയമായി;
- പ്രൈമാ സ്ക്രിപ്ചറായോട് (ബൈബിൾ പ്രഥമം, ഉന്നതം) ചേർന്നുനിൽക്കുന്ന ഉപദേശം ഉപേക്ഷിച്ച് സോളാ സ്ക്രിപ്ചറാ (ബൈബിൾ മാത്രം) എന്ന സിദ്ധാന്തം സ്വീകരിച്ചു[1].
- കൂദാശകളുടെ എണ്ണം ഏഴിൽനിന്ന് രണ്ടാക്കി കുറച്ചു (മാമോദീസ, വി. കുർബ്ബാന)
- വി. കുർബാനയുടെ അനുഷ്ഠാനം സ്വിങ്ഗ്ലിയൻ ദൈവശാസ്ത്രത്തിൽ (അപ്പവീഞ്ഞുകൾ പ്രതീകങ്ങൾ മാത്രം) അധിഷ്ഠിതമാക്കി.[2]
- കുർബ്ബാന തക്സാ പരിഷ്കരിച്ചു, സുറിയാനി പദങ്ങളെ ആരാധനയിൽ പൂർണ്ണമായി ഒഴിവാക്കി
- കാനോനിക നോമ്പുകളുടെ ആചരണം നിർത്തി
- ധൂപം, കുരിശ്, മെഴുകുതിരി, പള്ളിമണി തുടങ്ങിയ പല വസ്തുക്കളെയും പള്ളികളിൽ നിന്നും ആരാധനകളിൽനിന്നും ഒഴിവാക്കി
- തിരശീലയും, ത്രോണോസും ഇല്ലാത്ത മദ്ബഹാകൾ ഉപയോഗിക്കുന്നു
- ബിഷപ്പുമാർക്ക് വിവാഹം കഴിക്കുവാനുള്ള അവകാശം കൊടുത്തു
- ബിഷപ്പുമാരുടെ നാമകരണവും, അംശവസ്ത്രങ്ങളും സുറിയാനി പാരമ്പര്യത്തിൽനിന്ന് മാറ്റം വരുത്തി.
ബിഷപ്പുമാർ
[തിരുത്തുക]- ബിഷപ്പ് ഡോ. തോമസ് ഏബ്രഹാം (പ്രിസൈഡിങ് ബിഷപ്പ്) [3]
- ബിഷപ്പ് ഡോ. ഏബ്രഹാം ചാക്കോ
- ബിഷപ്പ് ഡോ. സി.വി. മാത്യു
- ബിഷപ്പ് ഡോ. ടി.സി. ചെറിയാൻ
- ബിഷപ്പ് ഡോ. എം.കെ. കോശി
- ബിഷപ്പ് എ.ഐ. അലക്സാണ്ടർ
അവലംബം
[തിരുത്തുക]- ↑ റോയ് തോമസ് (വിവർത്തനം). വിശ്വാസം വിചാരണയിൽ (Faith On Trial) (1 ed.). മാർത്തോമ്മാ പബ്ലിക്കേഷൻ ബോർഡ്. p. 15.
{{cite book}}:|access-date=requires|url=(help) - ↑ http://steci.org/fundamental-teachings/
- ↑ "ആർക്കൈവ് പകർപ്പ്". Archived from the original on 2020-10-18. Retrieved 2020-10-18.
പുറത്തേക്കുള്ള കണ്ണികൾ
[തിരുത്തുക]
|
ഈ ലേഖനം അപൂർണ്ണമാണ്‌. ഇതു പൂർത്തിയാക്കുവാൻ സഹകരിക്കുക. |