ബാഗ്ദാതി

വിക്കിപീഡിയ, ഒരു സ്വതന്ത്ര വിജ്ഞാനകോശം.
Baghdati

ბაღდათი
Town
CountryGeorgia
RegionImereti
DistrictBaghdati
ഉയരം
200 മീ(700 അടി)
ജനസംഖ്യ
 (2014)
 • ആകെ3,707
 [1]
സമയമേഖലGeorgian Time (UTC+4)
ClimateCfa

പടിഞ്ഞാറൻ ജോർജിയയിലെ ഇമെറെതി മേഖലയിലെ ഒരു പട്ടണമാണ് ബാഗ്ദാതി - Baghdati (Georgian: ბაღდათი). റിയോണി നദിയുടെ പോഷക നദിയായ ഖാനിസ്റ്റ്‌സ്ഗാലി നദിയുടെ തീരത്തുള്ള അജമേതി കാടിന് അടുത്താണ് ഈ പട്ടണം സ്ഥിതിചെയ്യുന്നത്. 2014ലെ കണക്കുപ്രകാരം ഈ പട്ടണത്തിലെ ജനസംഖ്യ 3,707ആണ്.

ഭൂമിശാസ്ത്രം[തിരുത്തുക]

ഖാനിസ്റ്റ്‌സ്ഗാലി നദിയുടെ ഇടത്തേ തീരത്തുള്ള അജമേറ്റി കാടുകളുടെ അരികിലായാണ് ബാഗ്ദാതി നഗരം സ്ഥിതിചെയ്യുന്നത്. ജോർജിയയുടെ തലസ്ഥാന നഗരമായ റ്റ്ബിലിസിൽ നിന്നും പടിഞ്ഞാറ്-വടക്കുപടിഞ്ഞാറ് ഭാഗത്തേക്ക് 170 കിലോമീറ്റർ(110മൈൽ) ദൂരത്തായാണ് ഈ പട്ടണം സ്ഥിതിചെയ്യുന്നത്. കുറ്റെയ്‌സിയിൽ നിന്ന് തെക്ക്-തെക്കുപടിഞ്ഞാറായി 25 കിലോമീറ്റർ(16മൈൽ) ദൂരത്താണ് ബാഗ്ദാതി സ്ഥിതിചെയ്യുന്നത്.

കാലാവസ്ഥ[തിരുത്തുക]

ബാഗ്ദാതിയിലെ കാലാവസ്ഥ മിതമായ ഈർപ്പമുള്ളതും മിതോഷ്ണമേഖലയോട് അടുത്തുകിടക്കുന്നതുമാണ്.

ബാഗ്ദാതിയിലെ ഒരു ക്രിസ്‌തീയ ദേവാലയം

ചരിത്രം[തിരുത്തുക]

ഇമെറെത്തി മേഖലയിലെ ഏറ്റവും പഴയ ഗ്രാമങ്ങളിൽ ഒന്നാണ് ബാഗ്ദാതി എന്നാണ് കരുതപ്പെടുന്നത്. ഇറാഖിന്റെ തലസ്ഥാനമായ ബാഗ്ദാദിന്റെ പേരിന്റെ അതേ ഉത്പത്തിയാണ് ഇതിനും. ബാഗ് എന്നാൽ ദൈവം ദാതി നൽകുക(Bag "god" خدا - dāti "given" هدیه) എന്ന വാക്കുകളിൽ നിന്നാണ് ഇതിന്റേയും ഉത്ഭവം. ദൈവത്തിന്റെ സമ്മാനം, ദൈവം നൽകിയത് ("God-given" / "God's gift" ) എന്നൊക്കെയാണ് പഴയ പേർഷ്യൻ ഭാഷയിൽ ഇതിന്റെ അർത്ഥം. ജോർജിയ, റഷ്യൻ സാമ്രാജ്യാധിപത്യത്തിന്റെ ഭാഗമായി ജോർജിയൻ സോവിയറ്റ് സോഷ്യലിസ്റ്റ് റിപ്പബ്ലിക്കായിരുന്ന കാലത്ത് ഈ ഗ്രാമത്തിന്റെ പേര് ബാഗ്ദാദി എന്നായിരുന്നുവെന്നാണ് കരുതപ്പെടുന്നത്. 1893ൽ[2] ഈ പ്രദേശത്ത് ജനിച്ച് വ്‌ലാദ്മിർ മയകോവ്‌സ്‌കി എന്ന കവിയുടെ സ്മരണാർത്ഥം 1940ൽ ഈ പ്രദേശത്തിന്റെ പേര് മയകോവ്‌സ്‌കി എന്നാക്കി. 1981ൽ മയകോവ്‌സ്‌കിക്ക് നഗര (പട്ടണം) പദവി ലഭിച്ചു. 1991ൽ, ബാഗ്ദാദി എന്നതിനെ ചെറിയ തോതിൽ മാറ്റം വരുത്തി ബാഗ്ദാതി എന്നാക്കി പഴയ പേര് തന്നെ പുനസ്ഥാപിച്ചു.[2]

സമ്പദ്‌ഘടന[തിരുത്തുക]

ബാഗ്ദാതിയുടെ സമ്പദ്ഘടനയുടെ പ്രധാന ഘടകം ഫർണിച്ചർ ഫാക്ടറികളും ഭക്ഷണ വ്യവസായവുമാണ്. ടിന്നിലടച്ച് ഭക്ഷണങ്ങളും വീഞ്ഞുമാണ് പ്രധാന ഭക്ഷ്യ വ്യവസായങ്ങൾ. ബാഗ്ദാതിയുടെ ഏറ്റവും അടുത്തുള്ള റെയിൽവേ സ്റ്റേഷനുകൾ സ്ഥിതിചെയ്യുന്നത് റിയോണിയിലും കുറ്റെയ്‌സിയിലുമാണ്.

സാംസ്‌കാരികം[തിരുത്തുക]

വ്‌ലാദ്മിർ മയകോവ്‌സ്‌കി മ്യൂസിയവും ഒരു നാഷണൽ തിയേറ്ററും ബാഗ്ദാതിയിൽ സ്ഥിതിചെയ്യുന്നുണ്ട്. 1893- 1930 കാലഘട്ടത്തിൽ ജീവിച്ചിരുന്ന വ്‌ലാദ്മിർ മയകോവ്‌സ്‌കി എന്ന ജോർജിയൻ കവിയുടെ ജന്മ സ്ഥലം കൂടിയാണ് ഈ പ്രദേശം. അദ്ദേഹത്തിന്റെ പേരിലാണ് മ്യൂസിയം സ്ഥിതിചെയ്യുന്നത്.

ജനസംഖ്യ[തിരുത്തുക]

വർഷം ജനസംഖ്യ
1959 4586
1970 4609
1979 4831
1989 5465
2002 4714
2009 4800
Note: Census data 1959–2002, 2009.[3]

അവലംബം[തിരുത്തുക]

  1. "მოსახლეობის საყოველთაო აღწერა 2014". საქართველოს სტატისტიკის ეროვნული სამსახური. ნოემბერი 2014. Retrieved 26 ივლისი 2016. {{cite web}}: Check date values in: |accessdate= and |date= (help)
  2. 2.0 2.1 Pospelov, p. 30
  3. ഉദ്ധരിച്ചതിൽ പിഴവ്: അസാധുവായ <ref> ടാഗ്; YB2009 എന്ന പേരിലെ അവലംബങ്ങൾക്ക് എഴുത്തൊന്നും നൽകിയിട്ടില്ല.
  • Е. М. Поспелов (Ye. M. Pospelov). "Имена городов: вчера и сегодня (1917–1992). Топонимический словарь." (City Names: Yesterday and Today (1917–1992). Toponymic Dictionary.) Москва, "Русские словари", 1993.
"https://ml.wikipedia.org/w/index.php?title=ബാഗ്ദാതി&oldid=3560796" എന്ന താളിൽനിന്ന് ശേഖരിച്ചത്