പൊന്നമ്പലമേട്

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
പൊന്നമ്പലമേട്ടിൽ മകരജ്യോതി തെളിയുന്നു

കേരളത്തിലെ പത്തനംതിട്ട ജില്ലയിൽ സ്ഥിതിചെയ്യുന്ന ഒരു മലയാണ് പൊന്നമ്പലമേട്. പശ്ചിമഘട്ട മലനികരളിലായാണ് ഈ മല സ്ഥിതിചെയ്യുന്നത്. പെരുനാട് ഗ്രാമപഞ്ചായത്തിലാണ് ഈ മലയുടെ സ്ഥാനം. ശബരിമല ശ്രീ ധർമ്മശാസ്താക്ഷേത്രത്തിനടുത്തായാണ് ഈ മല സ്ഥിതിചെയ്യുന്നത്. മകരജ്യോതി തെളിയിക്കുന്ന സ്ഥലമാണ് പൊന്നമ്പലമേട്. പൊന്നമ്പലമേട്ടിൽ ശാസ്‌താവിന്റെ മൂലസ്‌ഥാനത്ത്‌ പണ്ട്‌ ആദിവാസികൾ വിളക്കു തെളിയിച്ച്‌ ദീപാരാധന നടത്തുന്നതാണ്‌ മകരജ്യോതിയായി അറിയപ്പെട്ടത്‌.

പേരിനു പിന്നിൽ[തിരുത്തുക]

പൊൻ അഥവാ സ്വർണ്ണം, അമ്പലം അഥവാ ക്ഷേത്രം, മേട് അഥവാ കുന്ന് എന്നീ അർത്ഥങ്ങൾ വരുന്ന മൂന്ന് വാക്കുകൾ ചേർന്നാണ് പൊന്നമ്പലമേട് എന്ന പദം ഉണ്ടായത്. സ്വർണ്ണക്ഷേത്രം സ്ഥിതിചെയ്യുന്ന മല എന്നാണ് ഈ വാക്കിന്റെ അർത്ഥം.[1]

സ്ഥാനം[തിരുത്തുക]

ശബരിമല ശ്രീ ധർമ്മശാസ്താക്ഷേത്രത്തിൽനിന്നും 4 കിലോമീറ്റർ അകലെയായാണ് പൊന്നമ്പലമേട് സ്ഥിതിചെയ്യുന്നത്. സമുദ്രനിരപ്പിൽ നിന്ന് 1170 മീറ്റർ അഥവാ 3,840 അടി ഉയരത്തിലാണ് ഈ സ്ഥലം സ്ഥിതിചെയ്യുന്നത്.[2] പെരിയാർ കടുവാസങ്കേതത്തിന്റെ ഭാഗമാണ് ഈ മല.[3] റാന്നി ഫോറസ്റ്റ് ഡിവിഷനിലാണ് ഈ മല. കടുവകളുടെ ആവാസവ്യവസ്ഥയാണ് ഇവിടം എന്ന് വനം വകുപ്പ് രേഖപ്പെടുത്തിയിരിക്കുന്നു. കൊച്ചുപമ്പ ജലവൈദ്യുതപദ്ധതിയുടെ അടുത്തായാണ് ഈ മല സ്ഥിതിചെയ്യുന്നത്. കേരള സ്റ്റേറ്റ് ഇലക്ട്രിസിറ്റി ബോർഡിന്റെ അധീനതയിലാണ് കൊച്ചുപമ്പ ജലവൈദ്യുത പദ്ധതി. ശബരിമലയിലേക്ക് വൈദ്യുതി നൽകുന്നത് ഇവിടെനിന്നാണ്. പൊന്നമ്പലമേടിന്റെ മുകളിലേക്കുള്ള വഴി കാട്ടുപാതയാണ്. വനംവകുപ്പാണ് ഇവിടേക്കുള്ള നിയന്ത്രണം കൈകാര്യം ചെയ്യുന്നത്.[2]

അവലംബങ്ങൾ[തിരുത്തുക]

  1. "SABARIMALA". The Hindu Universe. ശേഖരിച്ചത്: 16 January 2013.
  2. 2.0 2.1 Shankar, R (18 January 2011). "In the name of God, give us the truth". MSN News India. India. ശേഖരിച്ചത്: 16 January 2013.
  3. Kuttoor, Radhakrishnan (14 February 2011). "Ponnambalamedu to be part of PTR". The Hindu. Pathanamthitta. ശേഖരിച്ചത്: 16 January 2013.
"https://ml.wikipedia.org/w/index.php?title=പൊന്നമ്പലമേട്&oldid=2939865" എന്ന താളിൽനിന്ന് ശേഖരിച്ചത്