ഉള്ളടക്കത്തിലേക്ക് പോവുക

ട്രാൻസ്ഫ്യൂഷൻ മെഡിസിൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.

ഹീമോവിജിലൻസുമായി ബന്ധപ്പെട്ട വശങ്ങൾ ഉൾപ്പെടെ രക്തത്തിന്റെയും രക്ത ഘടകങ്ങളുടെയും ട്രാൻസ്ഫ്യൂഷന്റെ എല്ലാ വശങ്ങളും ഉൾക്കൊള്ളുന്ന വൈദ്യശാഖയാണ് ട്രാൻസ്ഫ്യൂഷൻ മെഡിസിൻ അല്ലെങ്കിൽ ട്രാൻസ്ഫ്യൂസിയോളജി. രക്തദാനം, ഇമ്മ്യൂണോഹെമറ്റോളജി, രക്തപ്പകർച്ചയിലൂടെ പകരുന്ന രോഗങ്ങൾക്കുള്ള മറ്റ് ലബോറട്ടറി പരിശോധനകൾ, ക്ലിനിക്കൽ ട്രാൻസ്ഫ്യൂഷൻ രീതികളുടെ മാനേജ്മെന്റും മോണിറ്ററിംഗും, രോഗിയുടെ രക്ത നിയന്ത്രണം, ചികിത്സാ അഫെറെസിസ്, സ്റ്റെം സെൽ ശേഖരണം, സെല്ലുലാർ തെറാപ്പി, രക്തം കട്ടപിടിക്കൽ എന്നിവ ഇതിൽ ഉൾപ്പെടുന്നു. ലബോറട്ടറി മാനേജ്മെന്റും രക്ത ഉൽപന്നങ്ങളുമായി ബന്ധപ്പെട്ട സംസ്ഥാന, ഫെഡറൽ നിയന്ത്രണങ്ങളെക്കുറിച്ചുള്ള ധാരണയും ഈ മേഖലയുടെ വലിയ ഭാഗമാണ്.

അവലോകനം

[തിരുത്തുക]

മിക്ക രാജ്യങ്ങളിലും, ഇമ്മ്യൂണോഹെമറ്റോളജി, ട്രാൻസ്ഫ്യൂഷൻ മെഡിസിൻ സ്പെഷ്യലിസ്റ്റുകൾ വൻതോതിലുള്ള രക്തപ്പകർച്ചകൾ, ബുദ്ധിമുട്ടുള്ള/പൊരുത്തമില്ലാത്ത രക്തപ്പകർച്ചകൾ, വികിരണം ചെയ്ത രക്തം/ ല്യൂക്കോഡെപ്ലെറ്റഡ് /വാഷ്ഡ് രക്ത ഉൽപന്നങ്ങൾ പോലുള്ള പ്രത്യേക രക്ത ഉൽപന്ന ചികിത്സയുടെ യുക്തിസഹമായ ഉപയോഗം എന്നിവയെക്കുറിച്ച് വിദഗ്ധ അഭിപ്രായം നൽകുന്നു.

സ്‌ക്രീൻ ചെയ്‌ത രക്തദാതാക്കളിൽ നിന്ന്, മുഴുവൻ രക്തമോ അല്ലെങ്കിൽ അഫെറെസിസ് വഴി പ്ലാസ്മ അല്ലെങ്കിൽ പ്ലേറ്റ്‌ലെറ്റുകൾ പോലുള്ള പ്രത്യേക ഘടകങ്ങൾ മാത്രമോ ശേഖരിക്കുന്ന കേന്ദ്രം രക്തദാന കേന്ദ്രം അല്ലെങ്കിൽ ബ്ലഡ് ഡോണർ സെന്റർ എന്ന് അറിയപ്പെടുന്നു. ഈ രക്ത ഘടകങ്ങൾ പിന്നീട് ഫ്രാക്ഷനേഷൻ, പരിശോധന, പുനർവിതരണം തുടങ്ങിയ പ്രോസസ്സിംഗിനായി ഒരു കേന്ദ്ര സ്ഥാനത്തേക്ക് കൊണ്ടുപോകുന്നു. രക്തഗ്രൂപ്പ് നിർണയിക്കലും പകർച്ചവ്യാധികൾക്കുള്ള പരിശോധനയും ഇതിൽ ഉൾപ്പെടുന്നു. മുഴുവൻ രക്തം ചുവന്ന രക്താണുക്കൾ, പ്ലേറ്റ്‌ലെറ്റുകൾ, പ്ലാസ്മ എന്നിവയായി വിഭജിക്കപ്പെടുന്നു, അതേസമയം പ്ലാസ്മയെ ആൽബുമിൻ, ക്ലോട്ടിംഗ് ഫാക്ടർ കോൺസെൻട്രേറ്റുകൾ, ഇമ്മ്യൂണോഗ്ലോബുലിൻ എന്നിങ്ങനെയുള്ള പ്രത്യേക ഘടകങ്ങളായി കൂടുതൽ ശുദ്ധീകരിക്കാൻ കഴിയും.

ലബോറട്ടറി ശാസ്ത്രജ്ഞർ രക്ത ഘടകങ്ങൾ സംഭരിക്കുകയും വിതരണം ചെയ്യുകയും ചെയ്യുന്ന ക്ലിനിക്കൽ ലബോറട്ടറിയുടെ വിഭാഗമാണ് ബ്ലഡ് ബാങ്ക്. രണ്ട് മേഖലകളുടെയും മേൽനോട്ടം സാധാരണയായി ട്രാൻസ്ഫ്യൂഷൻ മെഡിസിനിൽ വൈദഗ്ദ്ധ്യം നേടിയ ഒരു സ്പെഷ്യലിസ്റ്റാണ് വഹിക്കുന്നത്. ട്രാൻസ്ഫ്യൂഷൻ മെഡിസിൻ മുമ്പ് ക്ലിനിക്കൽ പാത്തോളജിയുടെ ഒരു ശാഖയായിരുന്നു, എന്നാൽ ഈ മേഖല ഇപ്പോൾ ആശുപത്രി അധിഷ്ഠിതമായ ഒരു ക്ലിനിക്കൽ സ്പെഷ്യാലിറ്റിയായി വികസിച്ചിരിക്കുന്നു. ട്രാൻസ്ഫ്യൂഷൻ മെഡിസിൻ പ്രാക്ടീസ് രക്തപ്പകർച്ചയുടെ ലബോറട്ടറി, ക്ലിനിക്കൽ വശങ്ങൾ ഉൾക്കൊള്ളുന്നു.

രക്ത ഘടകങ്ങളുടെ സുരക്ഷ ഉറപ്പാക്കാൻ, രക്തദാനം മുതൽ രക്തപ്പകർച്ച വരെയുള്ള ശൃംഖലയുടെ എല്ലാ വശങ്ങളും ഉൾക്കൊള്ളുന്ന കർശനമായ നടപടിക്രമങ്ങളും ഗുണനിലവാര ഉറപ്പ് സംവിധാനങ്ങളും ഉണ്ടായിരിക്കണം. മാനദണ്ഡങ്ങളും മാർഗ്ഗനിർദ്ദേശങ്ങളും പാലിക്കൽ, രക്തപ്പകർച്ച പ്രതികരണങ്ങൾ അവലോകനം ചെയ്യൽ, രക്തവിതരണം നിയന്ത്രിക്കൽ തുടങ്ങിയ സുരക്ഷിതമായ രക്തപ്പകർച്ചാരീതികൾ ഉറപ്പാക്കാൻ ആശുപത്രികൾക്കുള്ളിൽ ട്രാൻസ്ഫ്യൂഷൻ കമ്മിറ്റികൾ സ്ഥാപിക്കപ്പെടുന്നു. ട്രാൻസ്‌ഫ്യൂഷൻ മെഡിസിൻ സ്‌പെഷ്യലിസ്റ്റുകൾ, ട്രാൻസ്‌ഫ്യൂഷൻ നഴ്‌സുമാർ, ലബോറട്ടറി ശാസ്ത്രജ്ഞർ, ക്ലിനിഷ്യന്മാർ, ആശുപത്രി മാനേജ്‌മെന്റിൽ നിന്നും ക്വാളിറ്റി ടീമിൽ നിന്നുമുള്ള ജീവനക്കാർ എന്നിവരടങ്ങിയതാണ് ഈ മൾട്ടി ഡിസിപ്ലിനറി കമ്മിറ്റികൾ.

ചരിത്രം

[തിരുത്തുക]

1628-ൽ ഇംഗ്ലീഷ് ഭിഷഗ്വരൻ വില്യം ഹാർവി ശരീരത്തിലെ രക്തചംക്രമണം ആദ്യമായി കണ്ടെത്തി. താമസിയാതെ, ആദ്യത്തെ രക്തപ്പകർച്ചയ്ക്കുള്ള ശ്രമങ്ങൾ നടന്നു. 1665-ൽ മറ്റൊരു ഇംഗ്ലീഷ് ഡോക്ടറായ റിച്ചാർഡ് ലോവർ നായ്ക്കളുടെ ജീവൻ നിലനിർത്താൻ അവയ്ക്കിടയിൽ രക്തപ്പകർച്ച വിജയകരമായി ഉപയോഗിച്ചു. [1]

ട്രാൻസ്ഫ്യൂഷൻ മെഡിസിന്റെ പിതാവായി അംഗീകരിക്കപ്പെടുന്ന കാൾ ലാൻഡ്സ്റ്റൈനർ ആണ് മനുഷ്യരക്തത്തെ ABO രക്തഗ്രൂപ്പ് സിസ്റ്റത്തിലെ നാല് തരങ്ങളായി (A, B, AB, O) ആദ്യമായി തരംതിരിച്ചത്.

സ്പെഷ്യലൈസേഷനിലെ ദേശീയ വ്യത്യാസങ്ങൾ

[തിരുത്തുക]

ഓസ്ട്രേലിയ

[തിരുത്തുക]

ഓസ്ട്രേലിയയിൽ, ട്രാൻസ്ഫ്യൂഷൻ മെഡിസിൻ ഹെമറ്റോളജിയുടെ സബ്-സ്പെഷ്യാലിറ്റിയാണ്. ട്രാൻസ്‌ഫ്യൂഷൻ മെഡിസിനിൽ പരിശീലനം നൽകുന്നത് റോയൽ കോളേജ് ഓഫ് പാത്തോളജിസ്റ്റ്‌സ് ഓഫ് ഓസ്‌ട്രലേഷ്യ (ആർസിപിഎ) ആണ്.

ഓസ്‌ട്രേലിയൻ റെഡ് ക്രോസ് ബ്ലഡ് സർവീസ് നടത്തുന്ന ദേശീയ രക്ത സേവനങ്ങൾ ഓസ്‌ട്രേലിയയിലുണ്ട്. ലബോറട്ടറികൾക്ക് ആവശ്യമായ പ്രസക്തമായ മാർഗ്ഗനിർദ്ദേശങ്ങളും മാനദണ്ഡങ്ങളും നാഷണൽ അസോസിയേഷൻ ഓഫ് ടെസ്റ്റിംഗ് അതോറിറ്റീസ്, ഓസ്‌ട്രേലിയ (NATA), [2] ഓസ്‌ട്രേലിയൻ ആൻഡ് ന്യൂസിലാൻഡ് സൊസൈറ്റി ഓഫ് ബ്ലഡ് ട്രാൻസ്‌ഫ്യൂഷൻ (ANZSBT) [3], ആർസിപിഎ എന്നിവ പുറത്തിറക്കുന്നുണ്ട്. [4] അതുപോലെ, നാഷണൽ ബ്ലഡ് അതോറിറ്റിയുടെ ക്ലിനിക്കൽ പ്രാക്ടീസ്, പേഷ്യന്റ് ബ്ലഡ് മാനേജ്മെന്റ് മാർഗ്ഗനിർദ്ദേശങ്ങൾ Archived 2023-12-29 at the Wayback Machine എന്നിവയുമുണ്ട്.

ഓസ്‌ട്രേലിയയിൽ, ഗുരുതരമായ രക്തപ്പകർച്ച സംഭവങ്ങളും തലനാരിഴയ്ക്ക് ഒഴിവായ സംഭവങ്ങളും രേഖപ്പെടുത്താൻ സീരിയസ് ട്രാൻസ്‌ഫ്യൂഷൻ ഇൻസിഡന്റ് റിപ്പോർട്ടിംഗ് (STIR) സംവിധാനം നിലവിലുണ്ട്. [5]

ഡെൻമാർക്ക്

[തിരുത്തുക]

ഡെൻമാർക്കിൽ, ഈ വിഷയം "ക്ലിനിക്കൽ ഇമ്മ്യൂണോളജി" എന്ന സ്പെഷ്യാലിറ്റിയിൽ ഉൾപ്പെടുന്നു.

ജർമ്മനി

[തിരുത്തുക]

ജർമ്മനിയിൽ, ട്രാൻസ്ഫ്യൂഷൻ മെഡിസിൻ ഒരു സ്വതന്ത്ര സ്പെഷ്യാലിറ്റിയാണ്. ഡോക്ടർമാർ ട്രാൻസ്‌ഫ്യൂഷൻ മെഡിസിനിൽ മൂന്ന് വർഷത്തെ റെസിഡൻസിയും ഇന്റേണൽ മെഡിസിൻ അല്ലെങ്കിൽ സർജറി പോലുള്ള പ്രസക്തമായ മറ്റൊരു ക്ലിനിക്കൽ മേഖലയിൽ രണ്ട് വർഷവും പൂർത്തിയാക്കുന്നു.

ഇന്ത്യ

[തിരുത്തുക]

ഇന്ത്യയിൽ, 2009 മുതൽ മെഡിക്കൽ കൗൺസിൽ ഓഫ് ഇന്ത്യ അംഗീകരിച്ച ഒരു മെഡിക്കൽ ബിരുദാനന്തര സ്പെഷ്യാലിറ്റി (MD) ആണ് ഇമ്മ്യൂണോഹെമറ്റോളജി ആൻഡ് ട്രാൻസ്ഫ്യൂഷൻ മെഡിസിൻ.

മലേഷ്യ

[തിരുത്തുക]

മലേഷ്യയിൽ, ഇന്റേൺഷിപ്പ് പൂർത്തിയാക്കിയ ഡോക്ടർമാർക്ക് ട്രാൻസ്ഫ്യൂഷൻ മെഡിസിനിൽ വൈദഗ്ധ്യം നേടുന്നതിന് നാല് വർഷത്തെ മാസ്റ്റർ ഓഫ് മെഡിസിൻ (ട്രാൻസ്ഫ്യൂഷൻ മെഡിസിൻ) പ്രോഗ്രാം പഠിക്കാം. [6] ബിരുദം നേടിയ ശേഷം ഗസറ്റ്‌മെന്റ് പൂർത്തിയാക്കുന്നതോടെ അവർക്ക് ട്രാൻസ്‌ഫ്യൂഷൻ മെഡിസിൻ സ്പെഷ്യലിസ്റ്റുകളായി നാഷണൽ സ്പെഷ്യലിസ്റ്റ് രജിസ്ട്രിയിൽ രജിസ്റ്റർ ചെയ്യാൻ അർഹതയുണ്ട്. [7] മലേഷ്യയിലെ ട്രാൻസ്‌ഫ്യൂഷൻ മെഡിസിൻ സ്പെഷ്യലിസ്റ്റുകൾക്ക് ഇമ്മ്യൂണോഹെമറ്റോളജി, കോർഡ് ബ്ലഡ്, പേഷ്യന്റ് ബ്ലഡ് മാനേജ്‌മെന്റ്, സെല്ലുലാർ തെറാപ്പി, റീജനറേറ്റീവ് മെഡിസിൻ എന്നീ മേഖലകളിൽ സബ്-സ്പെഷ്യാലിറ്റി പരിശീലനം തുടരാം.

നോർവേയിൽ, ഈ വിഷയം "ഇമ്മ്യൂണോളജി ആൻഡ് ട്രാൻസ്ഫ്യൂഷൻ മെഡിസിൻ" എന്ന സ്പെഷ്യാലിറ്റിയിൽ ഉൾപ്പെടുന്നു.

യുണൈറ്റഡ് കിംഗ്ഡം

[തിരുത്തുക]

യുണൈറ്റഡ് കിംഗ്ഡത്തിൽ, ട്രാൻസ്ഫ്യൂഷൻ മെഡിസിൻ ഹെമറ്റോളജിയുടെ സബ്-സ്പെഷ്യാലിറ്റിയാണ്.

യുകെയിൽ സീരിയസ് ഹസാർഡ്സ് ഓഫ് ട്രാൻസ്ഫ്യൂഷൻ (എസ്എച്ച്ഒടി) രോഗിയുടെ സുരക്ഷ മെച്ചപ്പെടുത്താൻ ലക്ഷ്യമിട്ട് രക്തപ്പകർച്ചയുമായി ബന്ധപ്പെട്ട പ്രതികൂല സംഭവങ്ങളുടെ റിപ്പോർട്ടുകൾ ശേഖരിക്കുകയും വിശകലനം ചെയ്യുകയും ചെയ്യുന്നു.[8] അതിന്റെ റിപ്പോർട്ടുകൾ യുകെയിലെ മെഡിക്കൽ ജീവനക്കാർക്ക് കൂടുതൽ വിപുലമായ പരിശീലനം നൽകുന്നതിനും പിശകുകൾ റിപ്പോർട്ട് ചെയ്യാൻ സഹായിക്കുന്ന ഒരു കേന്ദ്ര റിപ്പോർട്ടിംഗ് സംവിധാനം നിലവിൽ വരുന്നതിനും കാരണമായി. [9]

എസ്എൻബിടിഎസിന്റെ ഭാഗമായ ഇയുബി സംഘടിപ്പിക്കുന്ന ബെറ്റർ ബ്ലഡ് തുടർവിദ്യാഭ്യാസ പരിപാടിയുമുണ്ട്. ഇയുബിയിൽ നിരവധി സ്പെഷ്യലിസ്റ്റ് ആരോഗ്യ പ്രവർത്തകർ ഉണ്ട്. ട്രാൻസ്ഫ്യൂഷൻ മെഡിസിൻ പ്രാക്ടീസ് മെച്ചപ്പെടുത്തുകയാണ് ഈ പരിപാടിയുടെ ലക്ഷ്യം. എല്ലാ വർഷവും ജനുവരിയിൽ ഈ പരിപാടി അവലോകനം ചെയ്യുന്നു. [10]

യുകെയിൽ, ക്രൂട്ട്സ്ഫെൽറ്റ്-യാക്കോബ് രോഗം പകരാനുള്ള സാധ്യത കുറയ്ക്കുന്നതിന് നിയന്ത്രണങ്ങളുണ്ട്.

അമേരിക്ക

[തിരുത്തുക]

പാത്തോളജി, ഇന്റേണൽ മെഡിസിൻ, അനസ്‌തേഷ്യോളജി, പീഡിയാട്രിക്‌സ് എന്നിവയുൾപ്പെടെ വിവിധ പശ്ചാത്തലങ്ങളിൽ നിന്നുള്ള ഡോക്ടർമാർക്ക് 1-2 വർഷത്തെ ഫെലോഷിപ്പിന് ശേഷം ട്രാൻസ്ഫ്യൂഷൻ മെഡിസിനിൽ ബോർഡ് സർട്ടിഫിക്കേഷന് അർഹതയുണ്ട്. അമേരിക്കൻ ബോർഡ് ഓഫ് പാത്തോളജി അംഗീകരിച്ച ബോർഡ്-സർട്ടിഫൈഡ് സബ്-സ്പെഷ്യാലിറ്റിയാണിത്. [11] മുകളിൽ പറഞ്ഞ വിഷയങ്ങളിൽ വിദഗ്ദ്ധോപദേശം ആവശ്യമുള്ള ഡോക്ടർമാർ ഈ സ്പെഷ്യലിസ്റ്റുകളെ പലപ്പോഴും കൺസൾട്ടന്റുകളായി കണക്കാക്കുന്നു. ട്രാൻസ്ഫ്യൂസിയോളജി എന്നത് യുഎസിൽ അംഗീകരിക്കപ്പെട്ട ഒരു പദമല്ല.

ഇതും കാണുക

[തിരുത്തുക]
  • രക്തപ്പകർച്ച
  • രക്തദാന ഏജൻസികളുടെ പട്ടിക

കുറിപ്പുകളും അവലംബങ്ങളും

[തിരുത്തുക]
  1. ↑ "Highlights of Transfusion Medicine History". aabb.org. Retrieved 2009-01-01.
  2. ↑ "NATA - Home". www.nata.com.au. Retrieved 2019-09-12.
  3. ↑ "ANZSBT". anzsbt.org.au. Retrieved 2019-09-12.
  4. ↑ "Royal College of Pathologists of Australasia".
  5. ↑ Services, Department of Health & Human. "Serious Transfusion Incidents Reporting system". www2.health.vic.gov.au (in ഇംഗ്ലീഷ്). Retrieved 2019-09-12.
  6. ↑ "Master of Medicine in Transfusion Medicine". Advanced Medical & Dental Institute, University of Science Malaysia. Archived from the original on 2022-01-11. Retrieved 2019-01-11.
  7. ↑ "Specialties - NSR". National Specialist Registry, Malaysian Medical Council. Retrieved 2019-01-11.
  8. ↑ "Serious Hazards of Transfusion – Aims, Scope and Terms of Reference". Archived from the original on 2010-02-01. Retrieved 2008-12-30.
  9. ↑ Fiona Regan; Clare Taylor. "Clinical review Recent developments Blood transfusion medicine". Retrieved 2008-12-30.
  10. ↑ "Better Blood Transfusion continuing education programme". SNBTS. Archived from the original on 2009-01-26. Retrieved 2009-01-01.
  11. ↑ "American Board of Pathology". abpath.org. Retrieved 5 August 2020.

പുറംകണ്ണികൾ

[തിരുത്തുക]
"https://ml.wikipedia.org/w/index.php?title=ട്രാൻസ്ഫ്യൂഷൻ_മെഡിസിൻ&oldid=4676745" എന്ന താളിൽനിന്ന് ശേഖരിച്ചത്