ജൈവ ഇന്ധനം
![Biogas[പ്രവർത്തിക്കാത്ത കണ്ണി] bus](https://ml.wikipedia.org/wiki/%E0%B4%AA%E0%B5%8D%E0%B4%B0%E0%B4%AE%E0%B4%BE%E0%B4%A3%E0%B4%82:Cribbs_Causeway_-_First_39401_(YN17OHP).JPG)
.JPG){kind=link}
വളരെ മന്ദഗതിയിലുള്ള ഭൂമിശാസ്ത്ര പ്രക്രിയകൾ വഴി രൂപീകരിക്കുന്ന എണ്ണ പോലുള്ള ഫോസിൽ ഇന്ധനങ്ങളേക്കാൾ, സമകാലിക പ്രക്രിയകളിലൂടെ ജൈവവസ്തുക്കളിൽ നിന്നു ഉൽ‌പാദിപ്പിക്കുന്ന ഇന്ധനമാണ് ബയോഫ്യൂവൽ അഥവാ ജൈവ ഇന്ധനം . സാങ്കേതികമായി ജൈവവസ്തുക്കൾ നേരിട്ട് ഇന്ധനമായി ഉപയോഗിക്കാമെന്നതിനാൽ (ഉദാ. മരം, തടി), ചില ആളുകൾ ബയോമാസ്, ബയോ ഫ്യൂവൽ എന്നീ പദങ്ങൾ പരസ്പരം ഉപയോഗിക്കുന്നു. എന്നിരുന്നാലും, പലപ്പോഴും ബയോമാസ് എന്ന വാക്ക് ഇന്ധനം നിർമ്മിക്കാൻ ഉപയോഗിക്കുന്ന അസംസ്കൃത ജൈവ വസ്തുക്കളെയോ അല്ലെങ്കിൽ താപ / രാസപരമായി മാറ്റം വരുത്തിയ അന്തിമ ഖര ഉൽ‌പ്പന്നത്തെയോ സൂചിപ്പിക്കുന്നു.
സാധാരണയായി ഗതാഗതത്തിന് ഉപയോഗിക്കുന്നു ദ്രാവക അല്ലെങ്കിൽ വാതക ഇന്ധനങ്ങളെ സൂചിപ്പിക്കാനായി ജൈവ ഇന്ധനം എന്ന പദം നീക്കിവച്ചിരിക്കുന്നു, . യുഎസ് എനർജി ഇൻഫർമേഷൻ അഡ്മിനിസ്ട്രേഷൻ (ഇ‌ഐ‌എ) ഈ നാമകരണ രീതി പിന്തുടരുന്നു. [1] ഡ്രോപ്പ്-ഇൻ ജൈവ ഇന്ധനങ്ങൾ പെട്രോളിയം ഇന്ധനങ്ങൾക്ക് തുല്യമാണ്, നിലവിലുള്ള പെട്രോളിയം ഇൻഫ്രാസ്ട്രക്ചറുമായി പൂർണ്ണമായും പൊരുത്തപ്പെടുന്നതുമാണ്. [2] അവ ഉപയോഗിക്കാൻ വാഹനത്തിന്റെ എഞ്ചിൻ പരിഷ്ക്കരണം ആവശ്യമില്ല. [3]
സസ്യങ്ങളിൽ നിന്നോ ( ഊർജ്ജ വിളകളിൽ നിന്നോ) കാർഷിക, വാണിജ്യ, ഗാർഹിക, കൂടാതെ / അല്ലെങ്കിൽ വ്യാവസായിക മാലിന്യങ്ങളിൽ നിന്നോ (മാലിന്യങ്ങൾക്ക് ജൈവ ഉത്ഭവമുണ്ടെങ്കിൽ) ജൈവ ഇന്ധനങ്ങൾ ഉത്പാദിപ്പിക്കാൻ കഴിയും. [4] സാധാരണയായി പുനരുൽപ്പാദിപ്പിക്കാവുന്ന ജൈവ ഇന്ധനങ്ങൾ സസ്യങ്ങളിലോ മൈക്രോഅൽഗയിലോ ഫോട്ടോസിന്തസിസ് പ്രക്രിയയിലൂടെ സംഭവിക്കുന്ന സമകാലിക കാർബൺ ഫിക്സേഷൻ ഉൾക്കൊള്ളുന്നു. ജൈവ ഇന്ധന ഉൽപാദനത്തിൽ ഉപയോഗിക്കുന്ന ജൈവവസ്തുക്കൾക്ക് വേഗത്തിൽ വളരാൻ കഴിയുമെങ്കിൽ, ഇന്ധനം സാധാരണയായി പുനരുപയോഗ ഊർജ്ജത്തിന്റെ ഒരു രൂപമായി കണക്കാക്കപ്പെടുന്നു. ജൈവ ഇന്ധനത്തിന്റെ ഹരിതഗൃഹ വാതക ലഘൂകരണ സാധ്യത ഗണ്യമായി വ്യത്യാസപ്പെട്ടിരിക്കുന്നു.
ബയോ ഇഥനോൾ, ബയോഡീസൽ എന്നിവയാണ് ഏറ്റവും സാധാരണമായ രണ്ട് ജൈവഇന്ധനങ്ങൾ.
- കൂടുതലും പഞ്ചസാര അല്ലെങ്കിൽ അന്നജം അടങ്ങിയിരിക്കുന്ന കൃഷിവിളകളായ ധാന്യം, കരിമ്പ്, അല്ലെങ്കിൽ മധുര സോർഗം എന്നിവയിൽ നിന്ന് ഉല്പാദിപ്പിക്കപ്പെടുന്ന കാർബോഹൈഡ്രേറ്റുകളെ ഫെർമെന്റേഷൻ ചെയ്ത് നിർമിക്കുന്ന ഒരു ആൽക്കഹോൾ ആണ് ബയോഎഥനോൾ . വൃക്ഷങ്ങൾ പുല്ലുകൾ പോലുള്ള ഭക്ഷ്യേതര സ്രോതസ്സുകളിൽ നിന്ന് ഉണ്ടാക്കുന്ന സെല്ലുലോസിക് ബയോമാസും എഥനോൾ ഉൽപാദനത്തിനുള്ള അസംസ്കൃത വസ്തുവായി ഉപയോഗിക്കുന്നു. എഥനോൾ അതിന്റെ ശുദ്ധമായ രൂപത്തിൽ (ഇ 100) വാഹനങ്ങൾക്ക് ഇന്ധനമായി ഉപയോഗിക്കാം, പക്ഷേ ഇതിൽ സാധാരണയായി അഡിറ്റീവായി ഗ്യാസോലിൻ ഉപയോഗിക്കുന്നു, ഇത് ഒക്ടേൻ വർദ്ധിപ്പിക്കാനും വാഹന ഉദ്‌വമനം മെച്ചപ്പെടുത്താനും സഹായിക്കുന്നു. യുണൈറ്റഡ് സ്റ്റേറ്റ്സ്, ബ്രസീൽ എന്നീ രാജ്യങ്ങളിലാണ് ബയോഎഥനോൾ വ്യാപകമായി ഉപയോഗിക്കുന്നത് .
- എണ്ണ/ കൊഴുപ്പ് എന്നിവയിൽ നിന്ന് ട്രാൻസെസ്റ്ററിഫിക്കേഷൻ എന്ന പ്രക്രിയ വഴി നിന്ന് നിർമ്മിക്കുന്നതാണ് ബയോഡീസൽ. യൂറോപ്പിലെ ഏറ്റവും സാധാരണമായ ഒരു ജൈവൈന്ധനമാണ് ബയോഡീസൽ. ശുദ്ധമായ രൂപത്തിൽ (ബി 100) വാഹനങ്ങൾക്ക് ഇന്ധനമായി ഇത് ഉപയോഗിക്കാമെങ്കിലും, ഡീസലിൽ പ്രവർത്തിക്കുന്ന വാഹനങ്ങളിൽ നിന്നുള്ള കണികകൾ, കാർബൺ മോണോക്സൈഡ്, ഹൈഡ്രോകാർബണുകൾ എന്നിവയുടെ അളവ് കുറയ്ക്കുന്നതിന് വേണ്ടി ഇത് സാധാരണയായി ഡീസൽ അഡിറ്റീവായി ഉപയോഗിക്കുന്നു.
അവലംബം[തിരുത്തുക]
- ↑ The IEA states: "Biofuels are transportation fuels such as ethanol and biodiesel that are made from biomass materials." https://www.eia.gov/energyexplained/index.php?page=biofuel_home
- ↑ Karatzos, Sergios; McMillan, James D.; Saddler, Jack N. (July 2014). The Potential and Challenges of Drop-in Biofuels (PDF). IEA Bioenergy Task 39. പുറം. 2. ISBN 978-1-910154-07-6. Report T39-T1. മൂലതാളിൽ (PDF) നിന്നും 12 November 2017-ന് ആർക്കൈവ് ചെയ്തത്. ശേഖരിച്ചത് 9 October 2018.
- ↑ "Alternative Fuels Data Center: Renewable Hydrocarbon Biofuels". afdc.energy.gov.
- ↑ "What is biofuel? definition and meaning". BusinessDictionary.com. മൂലതാളിൽ നിന്നും 2015-04-23-ന് ആർക്കൈവ് ചെയ്തത്. ശേഖരിച്ചത് 30 May 2015.