ഏഷ്യാനെറ്റ് ബ്രോഡ്ബാൻഡ്

ഏഷ്യാനെറ്റ് ബ്രോഡ്ബാൻഡ്
Type	സ്വകാര്യം
വ്യവസായം	വാർത്താവിനിമയം
സ്ഥാപിതം	1993
ആസ്ഥാനം	കേരളം,
Area served	കേരളം
ഉത്പന്നം	ബ്രോഡ്ബാൻഡ് ഇന്റർനെറ്റ് ; വോയ്സ് ഓവർ ഐപി
Parent	ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻസ്
വെബ്സൈറ്റ്	asianetbroadband.in

ഇംഗ്ലീഷ് വിലാസം

https://ml.wikipedia.org/wiki/Asianet_Broadband

കേരളത്തിൽ പ്രമുഖമായ ഒരു സ്വകാര്യ ബ്രോഡ്ബാൻഡ് ഇൻറർനെറ്റ് സേവന ദാതാവാണ് ഏഷ്യാനെറ്റ് ബ്രോഡ്ബാൻഡ് ^[2]. ഏഷ്യാനെറ്റ് സാറ്റലൈറ്റ് കമ്മ്യൂണിക്കേഷൻറെ ഉപ കമ്പനിയാണ്. കേബിൾ ടെലിവിഷൻ ശൃംഖല വഴിയാണ് ബ്രോഡ്ബാൻഡ് ഇൻറർനെറ്റ് സേവനങ്ങൾ ഏഷ്യാനെറ്റ് നൽകുന്നത്. 4 Mbps ആണ് പരമാവധി വേഗത. വോയ്സ് ഓവർ ഐപി സേവനങ്ങളും നൽകിവരുന്നു. കൊച്ചിയിലും തിരുവനന്തപുരത്തും അന്തർദേശീയ ഗേറ്റ്വേകൾ ഏഷ്യാനെറ്റ് സ്ഥാപിച്ചിട്ടുണ്ട്. ഇവ സിങ്ടെല്ലിൻറെ സാറ്റലൈറ്റ് മൂഖേന നേരിട്ട് ബന്ധിപ്പിച്ചിരിക്കുന്നു. ഇതുമൂലം യൂറോപ്പ്, യുണൈറ്റൈഡ് സ്റ്റേറ്റ്സ്, മറ്റ് ഏഷ്യൻ രാജ്യങ്ങൾ എന്നിവിടങ്ങളിലേക്കുള്ള ഇന്റർനെറ്റ്‌ ബന്ധം ലഭ്യമാകുന്നു. കേരളത്തിലെ മിക്ക പ്രമുഖ നഗരങ്ങളിലും ഈ ബ്രോഡ്ബാൻഡ് സേവനം ലഭ്യമാണ്. പ്രീപെയ്ഡ് പ്ലാനുകളും പോസ്റ്റ്പെയ്ഡ് പ്ലാനുകളും ലഭ്യമാണ്. 200 Mbps ആണ് ലഭ്യമായ ബാൻഡ് വിഡ്ത്^[3].

സാങ്കേതികത[തിരുത്തുക]

ആദ്യകാലങ്ങളിൽ കേബിൾ ടെലിവിഷൻ ശൃംഖല ഉപയോഗിച്ച് ഇന്റർനെറ്റ് ലഭ്യമാക്കുകയാണ് ഇവിടെ ചെയ്തത്. 160 കിലോമീറ്റർ ദൂരത്തിൽ വരെ ഇന്റർനെറ്റ് സേവനം നൽകാൻ ഇതു വഴി കഴിയും. ഇവിടെ ഉപയോഗിക്കുന്ന പ്രോട്ടോക്കോളാണ് ഡാറ്റാ ഓവർ കേബിൾ സർവീസ് ഇന്റർഫേസ് സ്പെസിഫിക്കഷൻ. പുതിയ സാങ്കേതിക വിദ്യയുടെ വരവോടെ കൂടുതൽ വേഗത നൽകുന്ന ജിപോൺ വഴി സേവനം നൽകി തുടങ്ങി. മികച്ച് സേവനം നൽകാനായി ഹൈബ്രിഡ് ഫൈബർ കേബിൾ ഉപയോഗിക്കുന്നു. ആകെ 12000 എം.ബി.പി.എസ്. ബാൻഡ്വിഡ്ത് എഷ്യാനെറ്റിന് ഉണ്ട്^[1]

സുരക്ഷ[തിരുത്തുക]

പ്രധാന ലേഖനം: ക്യാപ്റ്റീവ് പോർട്ടൽ

ആദ്യ കാലത്തുണ്ടായിരുന്ന വെബ് അധിഷ്ഠിത ഓഥന്റിക്കേഷൻ

കേബിൾ ടെലിവിഷൻ ശൃംഖല പങ്ക് വെയ്ക്കപ്പെട്ടിരിക്കുന്ന ഒരു ശൃഖലയാണ്. അതിനാൽ ഉയർന്ന രീതിയിലുള്ള എൻക്രിപ്ഷൻ ഉപയോഗിക്കുന്നു. കൂടാതെ വെബ് അധിഷ്ഠിത ഓഥന്റിക്കേഷനും ഉപയോഗിക്കുന്നു. അതായത് ബ്രൌസർ തുറന്നാലുടൻ കമ്പനിയുടെ ലോഗിൻ പേജ് വരുന്നു. ഇവിടെ ഉപയോക്താവിന് നൽകിയിട്ടുള്ള ഉപയോക്ത നാമവും അടയാളവാക്യവും കൊടുത്താൽ മാത്രമേ ഇന്റർനെറ്റ് ലഭ്യമാകുകയുള്ളു.