അന്ന രാജൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
അന്ന രാജൻ
ജനനംഅന്ന രേഷ്മ രാജൻ
ആലുവ, കേരളം, ഇന്ത്യ
ദേശീയത ഇന്ത്യ
തൊഴിൽനടി
സജീവം2017 – സജീവം

അന്ന രേഷ്മ രാജൻ മലയാളത്തിൽ അഭിനയിക്കുന്ന ഒരു ഇന്ത്യൻ അഭിനേത്രിയാണ് . 2017- ൽ അങ്കമാലി ഡയറി എന്ന ചിത്രത്തിൽ അഭിനയിച്ചു. സിനിമയിലെത്തുന്നതിനു മുൻപ് അവൾ ആലുവയിലെ ഒരു നഴ്സ് ആയി ജോലി ചെയ്തിരുന്നു.

ഔദ്യോഗിക ജീവിതം[തിരുത്തുക]

കേരളത്തിലെ ആലുവ സ്വദേശിയാണ് അന്ന രാജൻ.[1] കൊച്ചിയിലെ രാജഗിരി ഹോസ്പിറ്റലിലെ നഴ്സായി ജോലി ചെയ്യുമ്പോൾ നിർമ്മാതാവ് വിജയ് ബാബു, സംവിധായകൻ ലിജോ ജോസ് പെല്ലിശ്ശേരി എന്നിവർ കണ്ടെത്തുകയായിരുന്നു. തുടർന്ന് അങ്കമാലി ഡയറിയിൽ അവൾ ലിച്ചിയുടെ വേഷം അഭിനയിച്ചു. ഈ ചിത്രത്തിൽ 86 പുതുമുഖങ്ങൾ പരിചയപ്പെടുത്തിയിരുന്നു. [2]. ഈ ചിത്രത്തിൽ രേഷ്മ രാജൻ ആയി അഭിനയിച്ചെങ്കിലും അതിനുശേഷം അന്ന രാജൻ എന്ന പേരിന് മുൻഗണന നൽകി. [3]രണ്ടാമത്തെ സിനിമ ലാൽ ജോസ് സംവിധാനം ചെയ്ത വെളിപ്പാടിന്റെ പുസ്തകം (2017) എന്ന ചലച്ചിത്രത്തിൽ മോഹൻലാലിന്റെ നായികയായിരുന്നു. [4] അങ്കമാലി ഡയറീസിലെ കഥാപാത്രമായ ലിച്ചി എന്നപേരിലും പ്രേഷകരുടെ ഇടയിൽ അന്ന അറിയപ്പെടുന്നു.[5]

ഓൺ‌ലൈൻ ആക്രമണങ്ങൾ[തിരുത്തുക]

സൂര്യ ടി വിയിൽ പ്രക്ഷേപണം ചെയ്ത ഒരു അഭിമുഖത്തിൽ മമ്മൂട്ടിയോടൊപ്പമാണോ, ദുൽഖർ സൽമാനോടൊപ്പമാണോ അഭിനയിക്കാൻ താത്‌പര്യം എന്ന ചോദ്യത്തിന് ഉത്തരമായി, തനിക്ക് ദുൽഖറിന്റെ നായികയാവാനാണ് താല്പര്യമെന്നും അതിൽ മമ്മൂട്ടിക്ക് ദുൽഖറിന്റെ അച്ഛനായി അഭിനയിക്കാമല്ലോ എന്ന് പറഞ്ഞതിന് അന്ന ഓൺലൈനിൽ പലതരത്തിൽ അപഹസിക്കപ്പെടുകയുണ്ടായി.[6] അവരുടെ ഫേസ്‌ബുക്ക് പേജിൽ അസഭ്യവർഷങ്ങൾ ചിലതാരങ്ങളുടെ ആരാധകർ നടത്തുകയുണ്ടായി. ആക്രമണത്തിനൊടുവിൽ താൻ ഇത് തമാശയായി പറഞ്ഞതാണെന്നും തന്റെ വാക്കുകൾ തെറ്റായി വ്യാഖ്യാനിക്കപ്പെട്ടതാണെന്നും അന്നയ്ക്ക് പറയേണ്ടിവന്നു.[7] മമ്മൂട്ടി തന്നെ വിളിച്ചുപിന്തുണ അറിയിച്ചെന്നും അന്ന പറയുകയുണ്ടായി.[8] ഈ വിഷയത്തിൽ അന്ന മാപ്പുപറയുകയേ വേണ്ടിയിരുന്നില്ലെന്നും പറഞ്ഞ് റിമ കല്ലിങ്കൽ രംഗത്തെത്തുകയുണ്ടായി.[9]

സിനിമകൾ[തിരുത്തുക]

Year Title Role Director Notes
2017 Angamaly Diaries Lichy Lijo Jose Pellissery Credited as Reshma Rajan
2017 വെളിപാടിന്റെ പുസ്തകം Mary Lal Jose
2017 Sachin Anjali Santhosh Nair

അവലംബം[തിരുത്തുക]

  1. സുദ്വീപ് (16 March 2017). "'ലിച്ചിയുടെ വില കളയാൻ ആഗ്രഹമില്ല'". Malayala Manorama. ശേഖരിച്ചത് 23 August 2017.
  2. "Reshma Rajan: Diary of a nurse". Deccan Chronicle. 2017-03-19. ശേഖരിച്ചത് 2017-04-03.
  3. "Mohanlal's heroine changing name". Kerala Kaumudi. ശേഖരിച്ചത് 2017-06-10.
  4. "Acting with Mohnanlal a dream come true: Anna Reshma Rajan". Malayala Manorama. ശേഖരിച്ചത് 2017-05-24.
  5. https://www.manoramaonline.com/movies/movie-news/2017/09/25/anna-reshama-rajan-crying-video.html
  6. https://www.thenewsminute.com/article/ugly-face-misogyny-anna-rajan-abused-saying-mammootty-could-play-father-role-69020
  7. https://www.thenewsminute.com/article/ugly-face-misogyny-anna-rajan-abused-saying-mammootty-could-play-father-role-69020
  8. https://www.deccanchronicle.com/entertainment/mollywood/280917/mammotty-backs-anna-rajan-after-she-breaks-down-apologising-to-him-for-comment.html
  9. https://www.manoramaonline.com/movies/movie-news/2017/09/26/rima-kallingal-reacts-anna-reshma-issue.html

പുറം കണ്ണികൾ[തിരുത്തുക]

"https://ml.wikipedia.org/w/index.php?title=അന്ന_രാജൻ&oldid=3180296" എന്ന താളിൽനിന്ന് ശേഖരിച്ചത്