മധുര രാജ

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
മധുര രാജ
സംവിധാനംവൈശാഖ്
നിർമ്മാണംനെൽസൺ ഐപ്പ്
തിരക്കഥഉദയകൃഷ്ണ
അഭിനേതാക്കൾ
സംഗീതംഗോപി സുന്ദർ
ഛായാഗ്രഹണംഷാജി കുമാർ
ചിത്രസംയോജനംമഹേഷ് നാരായണൻ, സുനിൽ എസ്. പിള്ള
വിതരണംയു.കെ സ്റ്റുഡിയോ റിലീസ്
സ്റ്റുഡിയോനെൽസൺ ഐപ്പ് സിനിമാസ്
റിലീസിങ് തീയതി
  • 12 ഏപ്രിൽ 2019 (2019-04-12)
രാജ്യംഇന്ത്യ
ഭാഷമലയാളം
ബജറ്റ് 27 crore [1][2]
ആകെ104 കോടി

വൈശാഖ് സംവിധാനം ചെയ്ത് 2019 ഏപ്രിൽ 12ന് പ്രദർശനത്തിനെത്തിയ ഒരു മലയാള ആക്ഷൻ - ത്രില്ലർ ചിത്രമാണ് മധുര രാജ. 2010 ൽ റിലീസ് ചെയ്ത് പോക്കിരിരാജ എന്ന ചിത്രത്തിന്റെ രണ്ടാം ഭാഗമാണ് ഈ ചിത്രം. നെൽസൺ ഐപ്പ് നിർമ്മിക്കുന്ന ഈ ചിത്രം വിതരണം ചെയ്തത് യു.കെ സ്റ്റുഡിയോ സിനിമാസ് ആണ്. മമ്മൂട്ടി, സിദ്ദിഖ്, ജയ്, ജഗപതി ബാബു, നെടുമുടി വേണു, അന്ന രാജൻ, അനുശ്രീ, ഷംന കാസിം തുടങ്ങിയവർ അഭിനയിച്ചു. സണ്ണി ലിയോൺ ഈ ചിത്രത്തിൽ ഒരു ഐറ്റം സോങ്ങിൽ അഭിനയിച്ചിട്ടുണ്ട്. ഷാജി കുമാർ ആണ് ഈ ചിത്രത്തിന്റെ ഛായാഗ്രഹണം നിർവഹിച്ചത്.ഗോപി സുന്ദർ ഈ ചിത്രത്തിൻറ്റെ സംഗീതവും പശ്ചാത്തലസംഗീതവും ഒരുക്കി. 27 കോടി ബജറ്റിൽ പുറത്തിറങ്ങിയ ഈ ചിത്രം 2019 ഏപ്രിൽ 12 ന് വിഷു റിലീസ് ആയി തിയേറ്ററിൽ എത്തി. മമ്മൂട്ടിയുടെ ആദ്യത്തെ 100 കോടി സിനിമയാണ് മധുരരാജ. ആദ്യത്തെ 45 ദിവസങ്ങൾ കൊണ്ട് ഈ സിനിമ 104 കോടി കടന്നിരുന്നു. [3][4]

അഭിനേതാക്കൾ[തിരുത്തുക]

കഥസംഗ്രഹം[തിരുത്തുക]

വൈപ്പിനിൽ പാമ്പും തുരുത്ത് എന്ന സ്ഥലത്താണ് കഥ തുടുങ്ങുന്നത്.അവിടത്തെ മദ്യരാജവ്‌ ആണ് നടേശൻ മുതലാളി(ജഗത്പതി ബാബു).അയാളുടെ അനീതികൾ ആദ്യം ചോദ്യം ചെയ്യാൻ ചെല്ലുന്നത് എസ്സ്. ഐ ബാലചന്ദ്രൻ(നരേൻ) ആണ്. പക്ഷേ, അയാളെ തന്റെ വേട്ടപ്പട്ടികളെ വിട്ട് കൊല്ലിക്കുകയാണ് നടേശൻ. ബാലചന്ദ്രന്റെ മകൾ വാസന്തി(അനുശ്രീ) ആ തുരുത്തിൽ ഒരു റിസോർട്ട് നടത്തുകയാണ്. തന്റെ അച്ഛനെ കൊന്നതിലുള്ള പകയും വൈരാഗ്യവും വസന്തിക്ക് നടേശനോടുണ്ട്. അത് കൊണ്ട് തന്നെ എല്ലാം പുരുഷന്മാരോടും വാസന്തിക്ക് ദേഷ്യമാണ്.തുരുത്തിലെ സ്കൂളിന് സമീപമാണ് നടേശന്റെ മദ്യഷാപ്പ്. അത് ഒഴിപ്പിക്കാൻ മാധവ മാഷും(നെടുമുടി വേണു) ,കൃഷ്ണൻ മാമയും(വിജയരാഘവൻ) മറ്റും രംഗത്ത് വരുന്നു. അവിടെ വച്ച് കൃഷ്ണൻ മാമയുടെ പഴയ കാമുകിയെയും മകളേയും അയാളുടെ ജീവിതത്തിലേക്ക് വരുന്നു

രാജയുടെ അനിയന്റെ സ്ഥാനത്തുള്ള ചിന്നൻ (ജയ്) തുരുത്തിൽ എത്തുന്നു. അവൻ വാസന്തിയുടെ അനുജത്തിയുമായ് പ്രണയത്തിലാകുന്നു. എന്നാൽ ഈ ബന്ധം വസന്തിയ്ക്ക് ഇഷ്ടമാകുന്നില്ല. കൃഷ്ണ മാമയുടെ മകൾ അമലയെ(ഷംനാ കാസിം) അറസ്റ്റ് ചെയ്യാൻ എത്തുന്ന പോലീസുമായി ചിന്നൻ സംഘട്ടനത്തിൽ ഏർപ്പെടുന്നു. തുടർന്ന് ചിന്നൻ ജയിലിൽ ആകുന്നു.

ഈ വാർത്ത അറിയുന്ന രാജ(മമ്മൂട്ടി) തുരുത്തിൽ എത്തുന്നു. ചിന്നനെ ജയിൽ മോചിതനാക്കുന്ന രാജ തുരുത്തിൽ തങ്ങുന്നു. അങ്ങനെ രാജ തുരുത്തിൽ നടേശനെതിരെ തെരഞ്ഞെടുപ്പിൽ മത്സരിച്ചു വിജയിക്കുന്നു. നടേശന്റെ മുൻപിൽ അകപെടുന്ന ചിന്നനെയും, മീനാക്ഷിയേയും നടേശന്റെ വേട്ട പട്ടികൾ ആക്രമിക്കുന്നു. ആ ആക്രമണത്തിൽ മീനാക്ഷി രക്ഷപ്പെടുകയും ചിന്നൻ മരിയ്ക്കുകയും ചെയ്യുന്നു.

ചിന്നനെ തേടിയെത്തുന്ന രാജയ്ക്ക് കഴുകന്മാർ കൊത്തി വലിയക്കുന്ന ചിന്നന്റെ ശവശരീരം ആണ് കാണാൻ കഴിയുന്നത്. പ്രതികാര അഗ്നിയിൽ ജ്വലിച്ചു നിൽക്കുന്ന രാജ അവസാനം നടേശന്റെ വേട്ട പട്ടികളെ ഉപയോഗിച്ച് അയാളെ കൊല്ലുന്നു.

സംഗീതം[തിരുത്തുക]

മധുര രാജ
ശബ്ദട്രാക്ക് by ഗോപി സുന്ദർ
Released14 ഫെബ്രുവരി 2019 (2019-02-14)
Recorded2018-19
Length9:46
Labelസീ മ്യൂസിക്

മധുര രാജയുടെ സംഗീത സംവിധാനം നിർവ്വഹിച്ചിരിക്കുന്നത് ഗോപി സുന്ദറാണ്. [5] 2019 ഫെബ്രുവരി 14 - നാണ് ചിത്രത്തിന്റെ ഗാനങ്ങൾ ഔദ്യോഗികമായി പുറത്തിറക്കിയത്. [6]

# ഗാനംഗായകർ ദൈർഘ്യം
1. "കണ്ടില്ലേ കണ്ടില്ലേ"  അൻവർ സാദത്ത്  
2. "രാജ രാജ"  ഗോപി സുന്ദർ  
3. "മോഹ മുന്തിരി"  സിതാര കൃഷ്ണകുമാർ  

ടെലിവിഷൻ സംപ്രേക്ഷണം[തിരുത്തുക]

2019 സെപ്റ്റംബർ 1ന് വൈകിട്ട് 5:30തിന് ഈ ചലച്ചിത്രം സീ കേരളം (Zee Keralam) എന്ന മലയാളം ചാനലിൽ സംപ്രേഷണം ചെയ്തു.

ബോക്സ് ഓഫീസ്[തിരുത്തുക]

ഈ ചിത്രം 104 കോടിയാണ് ബോക്സ് ഓഫീസിൽ നിന്ന് സ്വന്തമാക്കിയത്.[3][7][8] ഇത് മമ്മൂട്ടിയുടെ കരിയറിലെ വലിയൊരു വിജയം ആണ്.

അവലംബം[തിരുത്തുക]

  1. ഉദ്ധരിച്ചതിൽ പിഴവ്: അസാധുവായ <ref> ടാഗ്; budget1 എന്ന അവലംബങ്ങൾക്ക് ടെക്സ്റ്റ് ഒന്നും കൊടുത്തിട്ടില്ല.
  2. ഉദ്ധരിച്ചതിൽ പിഴവ്: അസാധുവായ <ref> ടാഗ്; budget2 എന്ന അവലംബങ്ങൾക്ക് ടെക്സ്റ്റ് ഒന്നും കൊടുത്തിട്ടില്ല.
  3. 3.0 3.1 മനോരമ വാർത്ത ഉദ്ധരിച്ചതിൽ പിഴവ്: അസാധുവായ <ref> ടാഗ്; "madu10" എന്ന പേര് വ്യത്യസ്തമായ ഉള്ളടക്കത്തോടെ നിരവധി തവണ നിർവ്വചിച്ചിരിക്കുന്നു
  4. ഇൻഹ്യൻ എക്സ്പ്രസ് വാർത്ത
  5. Madhuraraja Movie Review
  6. ‘Madura Raja’ audio release for V-Day
  7. Filmibeat News
  8. Manorama News
"https://ml.wikipedia.org/w/index.php?title=മധുര_രാജ&oldid=3210522" എന്ന താളിൽനിന്ന് ശേഖരിച്ചത്