കാന്തപുരം എ.പി. അബൂബക്കർ മുസ്ലിയാർ
വിക്കിപീഡിയ, ഒരു സ്വതന്ത്ര വിജ്ഞാനകോശം.
| മുസ്ലിം പണ്ഡിതൻ |
|
|---|---|
 |
|
| പേര്: | കാന്തപുരം എ.പി. അബൂബക്കർ മുസ്ലിയാർ |
| Title: | അബൂബക്കർ മുസ്ലിയാർ |
| ജനനം: | 1939 മാർച്ച് 22 |
| മരണം: | |
| വംശം: | മലയാളി |
| മേഖല: | മലബാർ |
| School tradition: | സുന്നി ഇസ്ലാം |
കേരളത്തിലെ മുസ്ലീം സുന്നി വിഭാഗങ്ങളിൽ ഒന്നിന്റെ നേതാവാണ് കാന്തപുരം എ.പി.അബൂബക്കർ മുസ്ലിയാർ [1] . കോഴിക്കോട് ജില്ലയിലെ കാന്തപുരത്ത് ജനനം. കോഴിക്കോട് ജില്ലയിലെ കുന്നമംഗലത്ത് സ്ഥിതിചെയ്യുന്ന മർക്കസു സ്സഖാഫത്തി സുന്നിയയുടെ ജനറൽ സെക്രട്ടറി. ആൾ ഇന്ത്യാ ജമിയ്യത്തുൽ ഉലമ-ഇ-അഹ്ലുസ്സുന്ന എന്ന പണ്ഢിത സംഘടനയുടെ ജനറൽ സെക്രട്ടറി സ്ഥാനവും വഹിക്കുന്നു.
അഖിലേന്ത്യാ സുന്നി ജംഇയ്യത്തുൽ ഉലമ ജനറൽ സെക്രട്ടറി,കോഴിക്കോട് കാരന്തൂർ മർകസുസഖാഫത്തിസ്സുന്നിയ്യ എന്ന സ്ഥാപനത്തിന്റെ സാരഥി എന്നീ സ്ഥാനങ്ങൾ അലങ്കരിക്കുന്ന അദ്ദേഹം, സമസ്ത കേരള സുന്നി യുവജനസംഘം, സമസ്ത കേരള സുന്നി ജംഇയ്യത്തുൽ ഉലമ എന്നീ സംഘടനകളുടെ സാരഥ്യം വഹിച്ച് മത, സാമൂഹിക, സാംസ്കാരിക പ്രവർത്തനങ്ങൾക്കു നേതൃത്വം നൽകി വരുന്നു.
ഉള്ളടക്കം |
വിമർശനങ്ങൾ
- ചേകന്നൂർ മൗലവിയുടെ കൊലപാതകത്തിൽ ഇദ്ദേഹത്തിന് പങ്കുണ്ട് എന്ന ഒരു ആരോപണം ഉയർന്നിരുന്നു.പക്ഷെ സിബിഐ അടക്കം തീവ്ര അന്വേഷണം നടത്തിയിട്ടും ഒരു തെളിവും കിട്ടിയിട്ടില്ല. [2]
പുരസ്കാരങ്ങൾ
- മികച്ച സാമൂഹിക പ്രവർത്തകന് 1992 ൽ റാസൽ ഖൈമ ഇസ്ലാമിക് അക്കാദമി അവാർഡ്.
- മികച്ച വിദ്യാഭ്യാസ സാമൂഹിക സേവനങ്ങൾക്ക് 2000 ൽ ഇന്ത്യൻ ഇസ്ലാമിക് സെൻറർ അവാർഡ്.
- മികച്ച ഇസ്ലാമിക വിദ്യാഭ്യാസ പ്രവർത്തനത്തിനും അനാഥകളുടെ സം രക്ഷണത്തിനും 2005 ൽ ഹാമിൽ അൽ ഗൈത് ഇൻറർനാഷണൽ ഹോളി ഖുർ ആൻ അവാർഡ്.
- 2006 നവമ്പറിൽ മാക് യു.എ.ഇ ഇൻഡോ അറബ് ഇസ്ലാമിക് പേഴ്സണാലിറ്റി അവാർഡ്.[3]
