ടാനി പിപിറ്റ്

ഇംഗ്ലീഷ് വിലാസം

https://ml.wikipedia.org/wiki/Tawny_pipit

ടാനി പിപിറ്റ്
A. c. griseus overwintering in India
പരിപാലന സ്ഥിതി
ഒട്ടും ആശങ്കാജനകമല്ല (IUCN 3.1)
ശാസ്ത്രീയ വർഗ്ഗീകരണം
Kingdom:	ജന്തുലോകം
Phylum:	Chordata
Class:	Aves
Order:	Passeriformes
Family:	Motacillidae
Genus:	Anthus
Species:	A. campestris
Binomial name
Anthus campestris (Linnaeus, 1758)
Range of A. campestris     Breeding      Passage      Non-breeding
Synonyms
Alauda campestris Linnaeus, 1758

ടാനി പിപിറ്റ് മുട്ടകൾ

വടക്കുപടിഞ്ഞാറൻ ആഫ്രിക്കയിലും, പോർച്ചുഗൽ മുതൽ മധ്യ സൈബീരിയ വരെയും മംഗോളിയയിലും മധ്യ പാലിയാർട്ടിക് പ്രദേശങ്ങളിളിലും കാണപ്പെടുന്ന ഒരു ഇടത്തരം വലിയ പാസെറൈൻ പക്ഷിയാണ് ടാനി പിപിറ്റ് ( ആന്തസ് കാമ്പെസ്ട്രിസ്). ശൈത്യകാലത്ത് ഉഷ്ണമേഖലാ ആഫ്രിക്കയിലേക്കും ഇന്ത്യൻ ഉപഭൂഖണ്ഡത്തിലേക്കും നീങ്ങുന്ന ഒരു ദേശാടനപ്പക്ഷിയാണിത്.

16 സെന്റിമീറ്റർ (6.3 ഇഞ്ച്) ) വരെ വലിപ്പമുള്ള പക്ഷിയാണിത്. ചിറകുകളുടെ വിസ്തൃതി 25–28 സെന്റിമീറ്റർ (9.8–11.0 ഇഞ്ച്). ശരീരത്തിന്റെ പുറംഭാഗം മണൽ തവിട്ട് നിറവും കീഴ്ഭാഗം മങ്ങിയ നിറവുമുണ്ട്. ഇത് വലിയവരമ്പനോട് വളരെ സാമ്യമുള്ളതാണ്, പക്ഷേ അല്പം ചെറുതാണ്. ഇതിന്റെ പറക്കൽ ശക്തവും നേരിട്ടുള്ളതുമാണ്, മാത്രമല്ല ഇത് വലിയവരമ്പനേക്കാൾ ഉച്ചത്തിൽ ശബാദമുണ്ടാക്കുന്നു

തെക്കേ ഏഷ്യയിൽ, ശൈത്യകാലത്ത് വലിയവരമ്പൻ, ബ്ലയ്ത്ത് വരമ്പൻ, വയൽവരമ്പൻ എന്നിവയോടൊപ്പം താമസിക്കുന്ന ടാനി പിപിറ്റിനെ വേർതിരിച്ചറിയാൻ എളുപ്പമല്ല. ഈ വിഭാഗത്തിലെ മറ്റു പിപ്പറ്റുകളേപ്പോലെ, ടാനി പിപിറ്റും കീടങ്ങളെ ഭക്ഷിക്കുന്നവയാണ്.

അർദ്ധ മരുഭൂമികൾ ഉൾപ്പെടെയുള്ള വരണ്ട തുറന്ന പ്രദേശങ്ങളാണ് പ്രജനന ആവാസ കേന്ദ്രം. നിലത്തുതന്നെയാണ് കൂട് നിർമ്മിക്കുന്നത്. 4-6 മുട്ടകളാണ് ഒരുതവണയിടുന്നത്.

സമൂഹത്തിൽ

1944 ൽ പുറത്തിറങ്ങിയ ടാനി പിപിറ്റ് എന്ന ചലച്ചിത്രത്തിന്റെ ഇതിവൃത്തം, ഇംഗ്ലണ്ടിൽ ഒരു ജോടി തവിട്ടുനിറത്തിലുള്ള പിപിറ്റിനെ വളർത്തുന്ന അപൂർവ സംഭവത്തെക്കുറിച്ചാണ്.