ഒരു ഇന്ത്യൻ മോഡലും നർത്തകിയും നടിയുമാണ് നിധി അഗർവാൾ (ജനനം: 17 ഓഗസ്റ്റ് 1993). പ്രധാനമായും ബോളിവുഡ്, തെലുങ്ക് ഭാഷകളിലെ ചലച്ചിത്രങ്ങളിലാണ് അഭിനയിച്ചിട്ടുള്ളത്. 2017 ൽ മുന്ന മൈക്കൽ എന്ന ഹിന്ദി ചിത്രത്തിലൂടെ അഭിനയരംഗത്തേക്ക് പ്രവേശിച്ചു. യമഹ ഫാസിനോ മിസ് ദിവാ 2014 മത്സരത്തിലെ ജേതാവാണ്.
ഹൈദരാബാദിൽ ജനിച്ച നിധി അഗർവാൾ വളർന്നത് ബെംഗളൂരുവിലാണ്. ഹിന്ദി സംസാരിക്കുന്ന മാർവാരി കുടുംബത്തിലാണ് ജനിച്ചത്. എന്നാലും തെലുങ്ക്, തമിഴ്, കന്നഡ ഭാഷകൾ മനസിലാക്കാനും സംസാരിക്കാനും പഠിച്ചിട്ടുണ്ട്. വിദ്യാശിൽപ് അക്കാദമിയിലും വിദ്യാ നികേതൻ സ്കൂളിലുമായിരുന്നു സ്കൂൾ വിദ്യാഭ്യാസം നടത്തിയത്. ബെംഗളൂരുവിലെ ക്രൈസ്റ്റ് യൂണിവേഴ്സിറ്റിയിൽ നിന്ന് ബിസിനസ് മാനേജ്മെന്റിൽ ബിരുദം നേടി. [2]ബാലെ, കഥക്, ബെല്ലി ഡാൻസ് എന്നിവയിൽ നന്നായി പരിശീലനം നേടിയിട്ടുണ്ട്.