ജാനകി ബല്ലഭ് പട്നായിക്
ജാനകി ബല്ലഭ് പട്നായിക് | |
|---|---|
 | |
| അസം ഗവർണർ | |
| പദവിയിൽ 11 ഡിസംബർ 2009 – 10 ഡിസംബർ 2014 | |
| മുൻഗാമി | സയെദ് സിബ്തി റസി |
| പിൻഗാമി | പത്മനാഭ ആചാര്യ |
| ഒഡീഷ മുഖ്യമന്ത്രി | |
| പദവിയിൽ 9 ജൂൺ 1980 – 7 ഡിസംബർ 1989 | |
| മുൻഗാമി | Nilamani Routray |
| പിൻഗാമി | Hemananda Biswal |
| പദവിയിൽ 15 മാർച്ച് 1995 – 17 ഫെബ്രുവരി 1999 | |
| മുൻഗാമി | ബിജു പട്നായിക് |
| പിൻഗാമി | Giridhar Gamang |
| വ്യക്തിഗത വിവരങ്ങൾ | |
| ജനനം | 3 ജനുവരി 1927 രാമേശ്വർ, പുരി ജില്ല |
| മരണം | 21 ഏപ്രിൽ 2015 (88 വയസ്സ്) തിരുപ്പതി, ആന്ധ്രാ പ്രദേശ്,  ഇന്ത്യ |
| രാഷ്ട്രീയ കക്ഷി | ഇന്ത്യൻ നാഷണൽ കോൺഗ്രസ് |
| പങ്കാളി | ജയന്തി പട്നായിക് |
| അൽമ മേറ്റർ | Utkal University, Banaras Hindu University |
| വെബ്വിലാസം | ഔദ്യോഗിക വെബ്സൈറ്റ് |
ഒഡീഷയുടെ മുൻ മുഖ്യമന്ത്രിയും കോൺഗ്രസ് നേതാവുമാണ് ജാനകി ബല്ലഭ് പട്നായിക് (ഒറിയ: ଜାନକୀ ବଲ୍ଲଭ ପଟ୍ଟନାୟକ; 3 ജനുവരി 1927 – 21 ഏപ്രിൽ 2015). 1980 മുതൽ 1989 വരെ രണ്ടുതവണയും 1995 മുതൽ 1999 വരെ മൂന്നാം തവണയും ഒഡീഷയിൽ മുഖ്യമന്ത്രിയായിരുന്ന ഇദ്ദേഹം 2009 മുതൽ 2014 വരെ അസം ഗവർണറായും സേവനമനുഷ്ഠിച്ചിട്ടുണ്ട്. 1971-ൽ ഇന്ദിരാഗാന്ധി മന്ത്രിസഭയിൽ പ്രതിരോധ സഹമന്ത്രി, 1980-ൽ കേന്ദ്ര തൊഴിൽ-വിനോദസഞ്ചാര-വ്യോമയാന വകുപ്പ് മന്ത്രി എന്നീ പദവികളിലും പ്രവർത്തിച്ചു. 2004 മുതൽ 2009 വരെ ഒഡീഷ നിയമസഭയിൽ പ്രതിപക്ഷ നേതാവായിരുന്നു.[1]
രാഷ്ട്രീയ ജീവിതം
[തിരുത്തുക]1927-ൽ ഒഡീഷയിലെ പുരി ജില്ലയിലുള്ള രാമേശ്വർ ഗ്രാമത്തിലാണ് ജെ.ബി. പട്നായിക് ജനിച്ചത്. പത്രപ്രവർത്തകനായി ഔദ്യോഗിക ജീവിതം ആരംഭിച്ചു. 1971-ൽ ആദ്യമായി ലോക്സഭയിലേക്ക് തെരഞ്ഞെടുക്കപ്പെട്ടു. അന്നത്തെ ഇന്ദിരാഗാന്ധി മന്ത്രിസഭയിൽ പ്രതിരോധസഹമന്ത്രിയായി. 1980-ൽ കേന്ദ്ര തൊഴിൽ-വിനോദസഞ്ചാര-വ്യോമയാന വകുപ്പ് മന്ത്രിയുമായി. മൂന്നുതവണ ഒഡീഷയുടെ മുഖ്യമന്ത്രിയായിരുന്ന ഇദ്ദേഹം 2004 മുതൽ 2009 വരെ ഒഡീഷ നിയമസഭയിൽ പ്രതിപക്ഷ നേതാവുമായിരുന്നു. അതിനുശേഷം അസമിലെ ഗവർണറായും പ്രവർത്തിച്ചു.[1]
കുടുംബം
[തിരുത്തുക]ദേശീയ വനിതാ കമ്മീഷന്റെ ആദ്യത്തെ അധ്യക്ഷയായ ജയന്തി പട്നായിക്കിനെയാണ് ഇദ്ദേഹം വിവാഹം കഴിച്ചത്. പൃഥ്വി ബല്ലഭ് പട്നായിക്, സുദാത്ത പട്നായിക്, സുപ്രിയ പട്നായിക് എന്നിവർ മക്കളാണ്.
മരണം
[തിരുത്തുക]2015 ഏപ്രിൽ 21-ന് തിരുപ്പതി രാഷ്ട്രീയ സംസ്കൃത സർവകലാശാലയുടെ ബിരുദ ദാനച്ചടങ്ങിൽ പങ്കെടുക്കാനെത്തിയപ്പോഴുണ്ടായ നെഞ്ചുവേദനയെത്തുടർന്ന് ജെ.ബി. പട്നായിക് അന്തരിച്ചു.[1]
അവലംബം
[തിരുത്തുക] |
ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്. ഇതു വികസിപ്പിക്കുവാൻ സഹായിക്കുക. |