സൃന്ദ

ശ്രിന്ദ
ജനനം	(1985-08-20) 20 ഓഗസ്റ്റ് 1985 വയസ്സ്) കൊച്ചി, കേരളം, ഇന്ത്യ
തൊഴിൽ	ചലച്ചിത്ര അഭിനേത്രി
സജീവ കാലം	2010–present
ജീവിതപങ്കാളി	അഷാബ് (2004-2014) (വിവാഹ മോചനം) സിജു.എസ്.ബാവ (2018-മുതൽ)
കുട്ടികൾ	അർഹാൻ

മലയാള ചലച്ചിത്ര അഭിനേത്രിയായ ഡബ്ബിംഗ് ആർട്ടിസ്റ്റാണ് ശ്രിന്ദ (ജനനം: 20 ഓഗസ്റ്റ് 1985). 1983, ടമാർ പടാർ, ഹോംലി മീൽസ്, കുഞ്ഞിരാമായണം, ആട്, ഷെർലക് ടോംസ് എന്നിവയാണ് ശ്രിന്ദയുടെ പ്രധാന സിനിമകൾ. 2010-ൽ റിലീസായ ഫോർ ഫ്രണ്ട്സ് എന്ന സിനിമയിലൂടെ മലയാള ചലച്ചിത്ര രംഗത്ത് സജീവമായി.

ജീവിതരേഖ

മലയാള ചലച്ചിത്ര അഭിനേത്രിയായ ശ്രിന്ദ 1985 ഓഗസ്റ്റ് 20ന് എറണാകുളം ജില്ലയിലെ ഫോർട്ട് കൊച്ചിയിൽ ജനിച്ചു. ഫോർട്ട് കൊച്ചി ആംഗ്ലോ ഇന്ത്യൻ ഗേൾസ് ഹൈ-സ്കൂൾ, പള്ളുരുത്തി എച്ച്.എസ്.എസ് എന്നിവിടങ്ങളിൽ നിന്ന് പ്രാഥമിക വിദ്യാഭ്യാസം നേടി. തേവര എസ്.എച്ചിൽ നിന്നു ബിരുദം നേടിയ ശേഷം ടെലിവിഷൻ അവതാരകയായിട്ടാണ് തൻ്റെ കരിയർ ആരംഭിക്കുന്നത്. തുടർന്ന് മോഡലിംഗിലേയ്ക്ക് വഴിമാറി. വിവിധ ഉത്പന്നങ്ങളുടെ പരസ്യ മോഡലായി പ്രവർത്തിച്ച ശേഷം ഡോക്യുമെൻററി ഫിലിമുകളിൽ അഭിനയിച്ചു. ഇത് സിനിമയിലേയ്ക്ക് എത്തുന്നതിൽ ശ്രിന്ദയ്ക്ക് സഹായകരമായി. 2010-ൽ സജി സുരേന്ദ്രൻ സംവിധാനം ചെയ്ത ഫോർ ഫ്രണ്ട്സ് എന്ന സിനിമയിലഭിനയിച്ച് കൊണ്ടാണ് മലയാള ചലച്ചിത്ര രംഗത്ത് സജീവമാകുന്നത്. ആ വർഷം തന്നെ 22 ഫീമെയ്ൽ കോട്ടയം എന്ന സിനിമയിലും അഭിനയിച്ചു. 2013-ൽ എബ്രിഡ് ഷൈൻ സംവിധാനം ചെയ്ത 1983 എന്ന സിനിമയിൽ നിവിൻ പോളിയുടെ നായികയായതോടെ ശ്രിന്ദ ശ്രദ്ധേയയായ അഭിനേത്രിയായി. ടമാർ പടാർ, ഹോംലി മീൽസ്, കുഞ്ഞിരാമായണം, ആട് തുടങ്ങിയ സിനിമകളിലെ നായിക തുല്യമായ കഥാപാത്രങ്ങൾ പ്രേക്ഷക ശ്രദ്ധ നേടി. ഇതുവരെ ഏകദേശം 50 സിനിമകളിൽ അഭിനയിച്ച ശ്രിന്ദ വെണ്ണിലാവീട് എന്ന തമിഴ് സിനിമയിലും ഒരു വേഷം ചെയ്തു.

ശബ്ദം നൽകിയ സിനിമകൾ

• തൊണ്ടിമുതലും ദൃക്സാക്ഷിയും 2017
• കമ്മട്ടിപ്പാടം 2016

ടെക്നിക്കൽ ക്രൂ മെമ്പർ

• ചൈനാ ടൗൺ 2011
• ഹീറോ 2012
• കാസനോവ 2012

സ്വകാര്യ ജീവിതം

2004-ൽ 19മത്തെ വയസിൽ അഷാബിനെ വിവാഹം ചെയ്തെങ്കിലും 2014-ൽ വിവാഹ മോചനം നേടി. അർഹാൻ ഏക മകനാണ്. പിന്നീട് 2018-ൽ സിജു എസ്. ബാവയെ പുനർവിവാഹം ചെയ്തു.

ചലച്ചിത്രങ്ങൾ

വർഷം	സിനിമ	കഥാപാത്രം	Notes
2010	ഫോർ ഫ്രണ്ട്സ്	ആമിറിന്റെ സഹോദരി
2012	22 ഫീമെയിൽ കോട്ടയം	ജിൻസി
	തട്ടത്തിൻ മറയത്ത്	സന്ദ്യ
	101 വെഡ്ഢിഗ്	ഇന്ദിര
2013	അന്നയും റസൂലും	ഫാസില
	ആർടിസ്റ്റ്	രുചി
	നോർത്ത് 24 കാതം	പ്രിയ
2014	1983	സുശീല
	ഹാപ്പി ജേർണി	അപർണ്ണ
	മസാല റിപ്പബ്ലിക്ക്	AGS ഓഫീസർ
	മംഗ്ലിഷ്	മുംതാസ്
	ഹോംലി മീൽസ്	നന്ദിത
	ഠമാർ പടാർ	വത്സമ്മ
	വെണ്ണിലാ വീട്	ഇലവരാശി	തമിഴ്
2015	ആട് ഒരു ഭീകരജീവിയാണ്	മേരി
	ചിറകൊടിഞ്ഞ കിനാവുകൾ
	റാസ്പുട്ടിൻ
2016	പിന്നെയും
	മറുപടി
	പോപ്കോൺ
	മോഹവലയം
2017	ഞണ്ടുകളുടെ നാട്ടിൽ ഒരിടവേള
	ഷെർലക് ഹോംസ്
	പറവ
	മണ്ണാങ്കട്ടയും കരിയിലയും
	ക്രോസ് റോഡ്
	കടങ്കഥ
	ആട് 2
	റോൾ മോഡൽസ്
	അഡ്വഞ്ചേഴ്സ് ഓഫ് ഓമനക്കുട്ടൻ
	ചിപ്പി
	മുന്തിരിവള്ളികൾ തളിർക്കുമ്പോൾ
2018	കുട്ടൻപിള്ളയുടെ ശിവരാത്രി
	ട്രാൻസ്
2020	പാപം ചെയ്യാത്തവർ കല്ലെറിയട്ടെ
2021	സാറാസ്
	കുരുതി
2022	കുറ്റവും ശിക്ഷയും
	ഭീഷ്മപർവ്വം
	ഫ്രീഡം ഫൈറ്റ്
	പന്ത്രണ്ട്
	മേ ഹൂം മൂസ
2023	ഇരട്ട
	നീരജ
	പാപ്പച്ചൻ ഒളിവിലാണ്
2024	ബൊഗയിൻവില്ല

അവാർഡുകൾ

വനിത ഫിലിം അവാർഡുകൾ

• 2015: മികച്ച സഹനടി - 1983

ഏഷ്യാനെറ്റ് ഫിലിം അവാർഡുകൾ

• 2017: മികച്ച സഹനടി - ഞണ്ടുകളുടെ നാട്ടിൽ ഒരിടവേള, മുന്തിരിവള്ളികൾ തളിർക്കുമ്പോൾ
• നാമനിർദ്ദേശം - മികച്ച സഹനടിക്കുള്ള ഫിലിംഫെയർ അവാർഡ്-ഷെർലൊക്ക് ടോംസ്

പുറം കണ്ണികൾ

• ഇന്റർനെറ്റ് മൂവി ഡാറ്റാബേസിൽ നിന്ന് സൃന്ദ