സന്തോഷ് പണ്ഡിറ്റ്
സന്തോഷ് പണ്ഡിറ്റ് | |
|---|---|
 | |
| ജനനം | സന്തോഷ് പണ്ഡിറ്റ് ഏപ്രിൽ 8, 1973 |
| തൊഴിൽ | നടൻ, സംവിധായകൻ, സംഗീതസംവിധായകൻ, ഗാനരചയിതാവ് |
| സജീവം | 2011 - |
| മാതാപിതാക്കൾ(s) | അപ്പുണ്ണി സരോജിനിയമ്മ [1] |
ഇന്റർനെറ്റിലെ യൂട്യൂബ് വഴി പ്രചരിച്ച ഏതാനും ഗാനങ്ങളിലൂടെ 2011-ൽ മലയാളികൾക്കിടയിൽ അഭൂതപൂർവ്വവും വ്യത്യസ്തവുമായ പ്രസിദ്ധി സമ്പാദിച്ച ഒരു വ്യക്തിയാണ് സന്തോഷ് പണ്ഡിറ്റ്.
ധാരാളം വിമർശനങ്ങൾക്കും പരിഹാസത്തിനും പാത്രമായ അദ്ദേഹത്തിന്റെ ഈ ഗാനരംഗങ്ങൾ ഉൾപ്പെട്ട കൃഷ്ണനും രാധയും എന്ന മുഴുനീള ചലച്ചിത്രം 2011 ഒക്ടോബർ 21-നു് കേരളത്തിലെ മൂന്നു സിനിമാതീയറ്ററുകളിൽ പണ്ഡിറ്റ് തന്നെ പ്രദർശനത്തിനെത്തിക്കുകയുണ്ടായി[2]. സിനിമ ആദ്യ ഒരാഴ്ച തിയറ്ററിൽ നിറഞ്ഞ സദസ്സിൽ പ്രദർശിപ്പിച്ചതോടുകൂടി ഒരു മലയാളചലച്ചിത്ര അഭിനേതാവും സംവിധായകനും എന്ന നിലയിൽക്കൂടി സന്തോഷ് പണ്ഡിറ്റ്[3][4] പ്രശസ്തനായി[5]. ഈ ചിത്രത്തിൽ ഉൾപ്പെടുത്തിയ പാട്ടുകളുടെ വീഡിയോകൾ, സിനിമ ഇറങ്ങുന്നതിനു മാസങ്ങൾക്കു മുൻപ് തന്നെ യുട്യൂബിലൂടെയും സോഷ്യൽ നെറ്റ്‌വർക്കിംഗ് സൈറ്റുകളിലൂടെയും പ്രചരിക്കുകയും, ആ സമയത്തു് തന്നെ അവയുടെ നിലവാരമില്ലായ്മ ഏറെ ചർച്ച ചെയ്യപ്പെടുകയും ചെയ്തിരു.ന്നു[4][6]. ഗൂഗിളിന്റെ 2011 നവംബറിലെ കണക്കുപ്രകാരം സന്തോഷ് പണ്ഡിറ്റ് പത്താമതായുള്ള ജനപ്രിയ സെർച്ച് വാക്കാണ് എന്നു രേഖപ്പെടുത്തിയിരിക്കുന്നു [7]
ഉയർന്ന കലാമൂല്യങ്ങൾ ഉണ്ടെന്നവകാശപ്പെടുന്ന മുഖ്യധാരാ സിനിമകളെ വിമർശനാത്മകമായി വീക്ഷിക്കാനും, അത്തരത്തിലുള്ള നിരവധി വായനയ്ക്കും, ചർച്ചകൾക്കും സന്തോഷ് പണ്ഡിറ്റിന്റെ സിനിമ വഴി മരുന്നിട്ടു.[8]
കൃഷ്ണനും രാധയും എന്ന ചിത്രത്തിന്റെ ഛായാഗ്രഹണം ഒഴികെയുള്ള ഒട്ടു മിക്ക പ്രധാന കാര്യങ്ങളും ചെയ്തിരിക്കുന്നത് സന്തോഷ് പണ്ഡിറ്റ് തന്നെയാണ്[3].
വ്യക്തിജീവിതം[തിരുത്തുക]
കോഴിക്കോട് ജില്ലയിലെ പെരുവണ്ണാമൂഴിയിലാണ് സന്തോഷ് ജനിച്ചത് [9]. ചേലന്നൂർ എ.കെ.കെ.ആർ ഹൈസ്ക്കൂളിലും , ഗവൺമെന്റ് ആർട്ട്സ് കോളേജിലുമായാണ് സന്തോഷ് വിദ്യാഭ്യാസം പൂർത്തിയാക്കിയത്. നവജ്യോത് ഏക മകൻ ആണ്
ചലച്ചിത്രങ്ങൾ[തിരുത്തുക]
| ക്രമം | വർഷം | ചിത്രം | സംവിധായകൻ | വേഷം | കുറിപ്പ് |
|---|---|---|---|---|---|
| 1 | 2011 | കൃഷ്ണനും രാധയും | സന്തോഷ് പണ്ഡിറ്റ് | ജോൺ | ഒക്ടോബർ 21-ന് പ്രദർശനത്തിനെത്തി |
| 2 | 2012 | സൂപ്പർസ്റ്റാർ സന്തോഷ് പണ്ഡിറ്റ് | സന്തോഷ് പണ്ഡിറ്റ് | ജിത്തുഭായ് | ഓഗസ്റ്റ് 3-ന് പ്രദർശനത്തിനെത്തി |
| 3 | 2012 | മിനിമോളുടെ അച്ഛൻ | സന്തോഷ് പണ്ഡിറ്റ് | ഫെബ്രുവരി 28-ന് പ്രദർശനത്തിനെത്തി[10] |
ടെലിഫിലിം[തിരുത്തുക]
- പ്രേമസ്വരൂപനും കൂട്ടുകാരും (സംവിധാനം).
- കല്യാണിയുടെ കല്യാണം (സംവിധാനം)
പുരസ്കാരങ്ങൾ[തിരുത്തുക]
- 2011 കർമ്മശ്രേഷ്ഠ പുരസ്കാരം - ഏകലവ്യ ചാരിറ്റബിൾ ട്രസ്റ്റ്[11] - ഒരു ചലച്ചിത്രത്തിലെ 8 പ്രധാന ജോലികൾ നിർവ്വഹിച്ചതിനു്.
അവലംബം[തിരുത്തുക]
- ↑ 1.0 1.1 "മനോരമ ഓൺലൈൻ". അഭിമുഖം. ശേഖരിച്ചത് 2011 നവംബർ 16.
- ↑ "മാതൃഭൂമി: കൃഷ്ണനും രാധയും". മാതൃഭൂമി. ശേഖരിച്ചത് 2011 ഒക്ടോബർ 26.
- ↑ 3.0 3.1 "Santhosh Pandit's success stuns critics". Deccan Chronicle. 2011 ഒക്ടോബർ 24. ശേഖരിച്ചത് 2011 ഒക്ടോബർ 24.
- ↑ 4.0 4.1 "Audience cheer for Santhosh". ടൈംസ് ഓഫ് ഇന്ത്യ. 2011 ഒക്ടോബർ 24. ശേഖരിച്ചത് 2011 ഒക്ടോബർ 24.
- ↑ "ഇന്ത്യാ വിഷൻ". ശേഖരിച്ചത് October 24, 2011.
- ↑ "മലയാള മനോരമ". ശേഖരിച്ചത് 2011 ഒക്ടോബർ 24.
- ↑ "Google Trends Nov 10,2011". Google Inc. ശേഖരിച്ചത് 2011 നവംബർ 16.
- ↑ "പണ്ഡിറ്റ് ചെയ്‌ത പുണ്യങ്ങൾ".
- ↑ "Santhosh Pandit interview in ManoramaOnline.com".
- ↑ http://www.mathrubhumi.com/movies/malayalam/432955/
- ↑ "Asianet News Network :: ഒടുവിൽ സന്തോഷ് പണ്ഡിറ്റിന്‌ അവാർഡും". ശേഖരിച്ചത് 2011 November 10.
പുറത്തേക്കുള്ള കണ്ണികൾ[തിരുത്തുക]
- ഇന്റർനെറ്റ് മൂവി ഡാറ്റാബേസിൽ നിന്ന് സന്തോഷ് പണ്ഡിറ്റ്
- http://santhoshpandit.blogspot.com സന്തോഷ് പണ്ഡിറ്റിന്റെ ബ്ലോഗ്
|
അഭിനേതാക്കളുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |