സജീവ് പാഴൂർ
സജീവ് പാഴൂർ | |
|---|---|
 | |
| ജനനം | |
| തൊഴിൽ | നോവലിസ്റ്റ്, തിരക്കഥാകൃത്ത് |
ഒരു മലയാള ചലച്ചിത്ര തിരക്കഥാകൃത്തും സംവിധായകനും നോവലിസ്റ്റുമാണ് സജീവ് പാഴൂർ (ജനനം: 8 ഏപ്രിൽ 1974). 2017-ൽ തൊണ്ടിമുതലും ദൃക്സാക്ഷിയും എന്ന ചലച്ചിത്രത്തിന് മികച്ച തിരക്കഥയ്ക്കുള്ള 2017-ലെ കേരളസംസ്ഥാന ചലച്ചിത്രപുരസ്കാരം, ദേശീയ ചലച്ചിത്ര പുരസ്കാരം എന്നിവ ലഭിച്ചു.
ദേശാഭിമാനി ദിനപത്രത്തിലെ സീനിയർ സബ് എഡിറ്ററായി പ്രവർത്തിച്ചിട്ടുണ്ട്. നിലവിൽ കേരള സർക്കാരിന്റെ ഇൻഫർമേഷൻ ആന്റ് പബ്ലിക് റിലേഷൻസ് വകുപ്പിന്റെ കീഴിലുള്ള തിരുവനന്തപുരം ടാഗോർ തിയേറ്ററിൽ അസിസ്റ്റന്റ് കൾച്ചറൽ ഓഫീസറായി പ്രവർത്തിക്കുന്നു.
2013-ൽ ഷാജി എൻ. കരുൺ സംവിധാനം ചെയ്ത് പുറത്തിറങ്ങിയ സ്വപാനം ആണ് തിരക്കഥ രചിച്ച ആദ്യ ചലച്ചിത്രം. ഹരികൃഷ്ണനോടൊപ്പമാണ് ഈ ചിത്രത്തിനായി തിരക്കഥ രചിച്ചത്. 2011-ൽ സജീവ് പാഴൂർ സംവിധാനം ചെയ്ത ചൂട് എന്ന ഹ്രസ്വചിത്രം ശ്രദ്ധിക്കപ്പെട്ടു. 2014-ൽ ഇന്ദ്രൻസ്, ഉർവ്വശി എന്നിവരെ കേന്ദ്ര കഥാപാത്രങ്ങളാക്കി പൊന്മുട്ടൈ എന്ന പേരിൽ ചലച്ചിത്രം സംവിധാനം ചെയ്യുമെന്ന് അറിയിച്ചിരുന്നു.[1] എന്നാൽ തുടർന്ന് ഈ പദ്ധതി നിർത്തിവയ്ക്കുകയുണ്ടായി. തുടർന്ന് ഫഹദ് ഫാസിൽ, സുരാജ് വെഞ്ഞാറമ്മൂട്, നിമിഷ സജയൻ എന്നിവരെ കേന്ദ്ര കഥാപാത്രങ്ങളാക്കി ദിലീഷ് പോത്തൻ സംവിധാനം ചെയ്ത തൊണ്ടിമുതലും ദൃക്സാക്ഷിയും എന്ന ചലച്ചിത്രത്തിന്റെ തിരക്കഥ രചിച്ചു. [2]
ചലച്ചിത്രങ്ങൾ[തിരുത്തുക]
സംവിധായകൻ[തിരുത്തുക]
- 2011 - അഗ്നിസാക്ഷിയുടെ സാക്ഷി, ലളിതാംബിക അന്തർജ്ജനം രചിച്ച അഗ്നിസാക്ഷി എന്ന നോവലിനെ ആസ്പദമാക്കിയുള്ള ഹ്രസ്വചിത്രം
- 2011 - ചൂട് - ഹ്രസ്വചിത്രം[3]
- 2015 - സംഗീതം എം.കെ. അർജുനൻ - ഡോക്യുമെന്ററി ചലച്ചിത്രം
- 2015 - പൊന്മുട്ടൈ (നിർത്തി വച്ചു)
തിരക്കഥാകൃത്ത്[തിരുത്തുക]
- 2013 - സ്വപാനം (ഹരികൃഷ്ണനോടൊപ്പം ചേർന്ന്)
- 2015 - പൊന്മുട്ടൈ (തിരക്കഥ/സംവിധാനം) (നിർത്തി വച്ചു)
- 2017 - തൊണ്ടിമുതലും ദൃക്സാക്ഷിയും (കഥ, തിരക്കഥ) - സംവിധാനം: ദിലീഷ് പോത്തൻ
- 2017 - സ്വയം (കഥ) (ആർ. ശരത്തിനോടൊപ്പം) - സംവിധാനം: ആർ. ശരത്ത്
- 2017 - കേശു ഈ വീടിന്റെ നാഥൻ - ദിലീപ് ചലച്ചിത്രം - സംവിധാനം: നാദിർഷാ
- 2018 - ബിജു മേനോൻ ചലച്ചിത്രം - സംവിധാനം: ജി. പ്രജിത്ത്[4]
- 2018 - സുരാജ് വെഞ്ഞാറമ്മൂട് ചലച്ചിത്രം - സംവിധാനം: ബി. ഉണ്ണിക്കൃഷ്ണൻ[5]
പുരസ്കാരങ്ങൾ[തിരുത്തുക]
- മികച്ച തിരക്കഥാകൃത്തിനുള്ള ദേശീയ ചലച്ചിത്ര പുരസ്കാരം - തൊണ്ടിമുതലും ദൃക്സാക്ഷിയും (2017)
- മികച്ച തിരക്കഥാകൃത്തിനുള്ള കേരളസംസ്ഥാന ചലച്ചിത്ര പുരസ്കാരം - തൊണ്ടിമുതലും ദൃക്സാക്ഷിയും (2017)
അവലംബം[തിരുത്തുക]
- ↑ http://www.filmibeat.com/malayalam/news/2014/urvashi-to-lead-opposite-indrans-153214.html Urvashi to Lead Opposite Indrans
- ↑ "ആർക്കൈവ് പകർപ്പ്". Archived from the original on 2017-08-26. Retrieved 2018-04-13.
- ↑ "ആർക്കൈവ് പകർപ്പ്". Archived from the original on 2018-04-15. Retrieved 2018-04-13.
- ↑ https://timesofindia.indiatimes.com/entertainment/malayalam/movies/news/biju-menons-signs-realistic-thriller-with-g-prajith/articleshow/61592263.cms
- ↑ http://teammediaproductions.com/director-b-unnikrishnans-prepping-next-venture-suraj-venjaramoodu-lead/
- http://www.kaumudi.com/innerpage1.php?newsid=80752 Archived 2018-04-14 at the Wayback Machine.