വദനസുരതം

വിക്കിപീഡിയ, ഒരു സ്വതന്ത്ര വിജ്ഞാനകോശം.
Jump to navigation Jump to search
Wiki-fellatio.svg

പങ്കാളിയുടെ ലൈംഗികാവയവങ്ങളെ ചുണ്ടുകളോ, നാവോ, തൊണ്ടയോ ഉപയോഗിച്ച് ഉത്തേജിപ്പിക്കുന്ന ലൈംഗിക പ്രക്രിയയെയാണ് വദനസുരതം (oral sex) എന്നു വിളിക്കുന്നത്.[1] സ്‍ത്രീ പുരുഷബന്ധങ്ങളിലും സ്വവർഗരതിയിലും ലൈംഗികസുഖം നേടുന്നതിനായി ഈ രീതി ഉപയോഗപ്പെടുത്തുന്നു. സ്‍ത്രീയോനിയിൽ നടത്തുന്ന വദനസുരതത്തെ യോനീപാനമെന്നും (cunnilingus) പുരുഷലിംഗത്തിൽ നടത്തുന്ന വദനസുരതത്തെ ലിംഗപാനമെന്നും (fellatio)വിളിക്കുന്നു. രതിപൂർവലീലയുടെ ഭാഗമായോ (foreplay), ലൈംഗികബന്ധത്തിന്റെ ഇടയിലോ, അതിനുശേഷമോ അല്ലെങ്കിൽ അതിനായിത്തന്നെയോ ഇണകൾ വദനസുരതത്തില് ഏർ‍പ്പെടാറുണ്ട്.[2] ഗർഭധാരണം ഒഴിവാക്കിക്കൊണ്ട് ലൈംഗികസുഖം ആസ്വദിക്കാന്നതിനാൽ ലിംഗ-യോനീ ബന്ധത്തിനു പകരമായുള്ള ഒരു രീതിയായി വദനസുരതം പരിഗണിക്കപ്പെടുന്നു. സ്ത്രീയിൽ ഏറെ സംവേദന ക്ഷമമായ നാഡീതന്തുക്കളുള്ള ഭഗശിശ്നിക അഥവാ കൃസരി (clitoris) ഇത്തരത്തിൽ മൃദുവായി ഉത്തേജിപ്പിക്കുന്നത് എളുപ്പം രതിമൂർച്ഛ ലഭിക്കാൻ കാരണമാകുമെന്ന് പഠനങ്ങൾ തെളിയിക്കുന്നു. വദനസുരതം പല സ്ത്രീകൾക്കും യോനിയിൽ ശരിയായ നനവ് (ലൂബ്രിക്കേഷൻ) ലഭിക്കാനും സഹായിക്കുന്നതായി വിലയിരുത്തപ്പെടുന്നു. സമാനമായി പുരുഷന്മാരിൽ ലിംഗമുകുളത്തെ ഉത്തേജിപ്പിക്കുന്നത് സ്കലനത്തിനും കാരണമാകാം. എന്നാൽ ലൈംഗിക ബന്ധത്തിലൂടെ പകരുന്ന രോഗങ്ങൾ തടയാൻ വദനസുരതത്തിൽ സാധിക്കില്ല. അതിനാൽ സുരക്ഷിത മാർഗങ്ങളായ ഗർഭനിരോധന ഉറകൾ (condom), റബ്ബർ നിർമിതമായ ദന്തമൂടികൾ തുടങ്ങിയവ ഉപയോഗിക്കുന്നത് ഇത്തരം രോഗാണുബാധകളെ തടയുവാൻ സഹായിക്കുന്നു. എന്നാൽ ചില വ്യക്തികൾക്ക് വദനസുരതത്തോട് താല്പര്യമുണ്ടാവില്ല; അത്തരം ആളുകളെ ഇതിൽ പങ്കാളിയാകാൻ നിർബന്ധിക്കുന്നത് വിരക്തിക്കും അകൽച്ചക്കും കാരണമാകാം. മറ്റേതൊരു ലൈംഗിക പ്രവർത്തിയും പോലെ സമ്മതം (consent) ഇവിടെയും പ്രധാനമാണ്. ഇക്കാര്യം ഇണകൾ തമ്മിൽ സംസാരിച്ചു തീരുമാനിക്കേണ്ടതാണ്.[3]

വിവിധ നിലകൾ[തിരുത്തുക]

Wiki-dthroat02.png

ലൈംഗികബന്ധത്തിലെന്നതുപോലെ വദനസുരതത്തിലും വ്യത്യസ്തതയ്ക്കായി വിവിധ നിലകൾ ഉപയോഗപ്പെടുത്താറുണ്ട്. അറുപത്തിയൊമ്പത് (69) എന്നത് പരക്കെ അറിയപ്പെടുന്ന ഒരു നിലയാണ‍്. കാകിലം എന്നും ഈ നിലയ്ക്ക് പേരുണ്ട്[അവലംബം ആവശ്യമാണ്]. ഈ നിലയിൽ രണ്ടുപങ്കാളുകൾക്കും ഒരേ സമയം തന്നെ ലൈംഗിക ഉത്തേജനം നല്കുവാനും നേടുവാനും സാധിക്കും. കൂടാതെ പങ്കാളിയുടെ മുഖത്തോട് ചേര്ന്നിരുന്ന് ലൈംഗികാവയവങ്ങളെ വായോടടുപ്പിച്ചും (Facesitting) തൊണ്ടയിലേയ്ക്കു കടത്തിവയ്‍ച്ചും (Deep throat) വദനസുരതത്തിലേർ‍പ്പെടാറുണ്ട്. ഇതിന് മുൻപും ശേഷവും ലൈംഗികാവയവങ്ങൾ ശുദ്ധജലത്താൽ കഴുകുന്നത് ശുചിത്വം പാലിക്കുന്നതിന് ആവശ്യമാണ്.[4][5]

അവലംബം[തിരുത്തുക]

  1. "Oral Sex". BBC Advice. BBC. മൂലതാളിൽ നിന്നും 2010-09-20-ന് ആർക്കൈവ് ചെയ്തത്.
  2. "What is oral sex?". NHS Choices. NHS. 2009-01-15. മൂലതാളിൽ നിന്നും 2010-09-20-ന് ആർക്കൈവ് ചെയ്തത്.
  3. University Health Center | Sexual Health | Oral Sex
  4. Wright, Anne (2009). Grandma's Sex Handbook. Intimate Press, USA. p. 161. ISBN 978-0-578-02075-4. ശേഖരിച്ചത് January 7, 2012.
  5. Freud, Sigmund (1916). Leonardo da Vinci: A PSYCHOSEXUAL STUDY OF AN INFANTILE REMINISCENCE. New York: MOFFAT YARD & COMPANY. p. 39. ശേഖരിച്ചത് January 7, 2012. The situation contained in the phantasy, that a vulture opened the mouth of the child and forcefully belabored it with its tail, corresponds to the idea of fellatio, a sexual act in which the member is placed into the mouth of the other person.
"https://ml.wikipedia.org/w/index.php?title=വദനസുരതം&oldid=3128090" എന്ന താളിൽനിന്ന് ശേഖരിച്ചത്