മാക്രോമീഡിയ
 1997 മാർച്ച് മുതൽ 2005 ഡിസംബർ വരെയുള്ള അവസാന ലോഗോ | |
| Public | |
| Traded as | NASDAQ: MACR |
| വ്യവസായം | Computer software |
| Fate | Acquired by Adobe Systems[1] |
| പിൻഗാമി | Adobe Systems, Inc. |
| സ്ഥാപിതം | ഫെബ്രുവരി 25, 1992[2] |
| നിഷ്‌ക്രിയമായത് | ഡിസംബർ 3, 2005 |
| ആസ്ഥാനം | San Francisco, California (incorporated under DGCL) United States |
പ്രധാന വ്യക്തി | Michael Nielsen, Co-Founder, MacroMind Marc Canter, Founder, MacroMind, Michael W. Allen Founder, Authorware Bud Colligan and Tim Mott, Co-Founders, Macromedia |
| ഉത്പന്നങ്ങൾ | Macromedia ColdFusion Macromedia Flash Macromedia Fireworks Macromedia Freehand Macromedia Dreamweaver Macromedia Director Macromedia Authorware Macromedia Fontographer Macromedia Sitespring |
ജീവനക്കാരുടെ എണ്ണം | 1,445 (2004) |
| വെബ്സൈറ്റ് | www.macromedia.com (archived Dec 31, 2005) |
കാലിഫോർണിയയിലെ സാൻ ഫ്രാൻസിസ്കോ ആസ്ഥാനമായി പ്രവർത്തിക്കുന്ന ഒരു അമേരിക്കൻ ഗ്രാഫിക്സ്, മൾട്ടിമീഡിയ, വെബ് ഡവലപ്‍മെന്റ് സോഫ്റ്റ്വെയർ കമ്പനി (1992-2005) ആയിരുന്നു മാക്രോമീഡിയ, ഇങ്ക്., അത് ഫ്ലാഷ്, ഡ്രീംവീവർ തുടങ്ങിയ ഉൽപ്പന്നങ്ങൾ നിർമ്മിച്ചു. 2005 ഡിസംബർ 3-ന് അതിന്റെ എതിരാളിയായ അഡോബി സിസ്റ്റംസ് ഇത് വാങ്ങി.[3]
ചരിത്രം[തിരുത്തുക]
1992-ൽ ആതർവെയർ ഇൻക്. (ഓഥർവെയറിന്റെ നിർമ്മാതാക്കൾ), മാക്രോമൈൻഡ്-പാരാകോമ്പ് (മാക്രോമൈൻഡ് ഡയറക്ടറുടെ നിർമ്മാതാക്കൾ) എന്നിവയുടെ ലയനത്തിലൂടെയാണ് മാക്രോമീഡിയ ഉത്ഭവിച്ചത്.
പ്രസന്റേഷനുകൾ, ആനിമേഷനുകൾ, സിഡി-റോമുകൾ, ഇൻഫർമേഷൻ കിയോസ്‌ക്കുകൾ എന്നിവ നിർമ്മിക്കാൻ ഉപയോഗിക്കുന്ന ഒരു ഇന്ററാക്ടീവ് മൾട്ടിമീഡിയ-ഓതറിങ് ടൂളായ ഡയറക്ടർ, 1990-കളുടെ പകുതി വരെ മാക്രോമീഡിയയുടെ മുൻനിര ഉൽപ്പന്നമായി പ്രവർത്തിച്ചു. ഇന്ററാക്ടീവ് ലേണിംഗ് മാർക്കറ്റിലെ മാക്രോമീഡിയയുടെ പ്രധാന ഉൽപ്പന്നമായിരുന്നു ആഥോർവെയർ. ഇന്റർനെറ്റ് ഒരു യൂണിവേഴ്സിറ്റി ഗവേഷണ മാധ്യമത്തിൽ നിന്ന് ഒരു വാണിജ്യ ശൃംഖലയിലേക്ക് മാറിയപ്പോൾ, നിലവിലുള്ള ടൂളുകൾ വെബ് പ്രാപ്തമാക്കുന്നതിനും ഡ്രീംവീവർ പോലുള്ള പുതിയ ഉൽപ്പന്നങ്ങൾ വികസിപ്പിക്കുന്നതിനും വേണ്ടി മാക്രോമീഡിയ പ്രവർത്തിക്കാൻ തുടങ്ങി. വെബ് ബ്രൗസറുകൾക്കായുള്ള ഡയറക്ടർ-വ്യൂവർ പ്ലഗിനായ ഷോക്ക്‌വേവ് മാക്രോമീഡിയ സൃഷ്ടിച്ചു. നെറ്റ്‌സ്‌കേപ്പിന്റെ ബ്രൗസറിൽ ഉപയോഗിച്ചിരുന്നത് ആദ്യത്തെ മൾട്ടിമീഡിയ പ്ലേബാക്കായ ഡയറക്ടർ പ്ലഗ്-ഇൻ ആയിരുന്നു. 1995 ഒക്ടോബറിൽ മാക്രോമീഡിയ സൺസ് ജാവ പ്രോഗ്രാമിംഗ് ലാംഗ്വേജിന് ലൈസൻസ് നൽകി. 2002 ആയപ്പോഴേക്കും മാക്രോമീഡിയയ്ക്ക് 20-ലധികം ഉൽപ്പന്നങ്ങൾ നിർമ്മിക്കുകയും 13 രാജ്യങ്ങളിലായി 30 ഓഫീസുകൾ വരെ ഉണ്ടായിരുന്നു.[4]
ഏറ്റെടുക്കലുകൾ[തിരുത്തുക]
1995 ജനുവരിയിൽ, അഡോബ് സിസ്റ്റംസ് ഓൾട്ട്സിസിന്റെ (Altsys) ബിസിനസ്സ് പങ്കാളിയായ ആൽഡസ്(Aldus) കോർപ്പറേഷനുമായി ലയനം പ്രഖ്യാപിച്ചതിന് ശേഷം, മാക്രോമീഡിയ ഓൾട്ട്സിസ് കോർപ്പറേഷനെ ഏറ്റെടുത്തു.[5]വെക്റ്റർ ഡ്രോയിംഗ് പ്രോഗ്രാമായ ഫ്രീഹാൻഡിന്റെ ഡെവലപ്പറായിരുന്നു ഓൾട്ട്സിസ്, വിപണനത്തിനും വിൽപ്പനയ്ക്കുമായി അൽഡസ് ലൈസൻസ് നേടിയിരുന്നു. അഡോബ് ഇല്ലസ്‌ട്രേറ്ററുമായുള്ള സാമ്യം കാരണം, 1994 ഒക്ടോബറിൽ ഫെഡറൽ ട്രേഡ് കമ്മീഷൻ ഫ്രീഹാൻഡ് സോഫ്റ്റ്വെയർ ഓൾട്ട്സിസിന് തിരികെ നൽകാൻ ഉത്തരവിട്ടു.[6]മാക്രോമീഡിയ ഓൾട്ട്സിസിനെ ഏറ്റെടുത്തതോടെ, മാക്രോമീഡിയ്ക്ക് ഫ്രീഹാൻഡ് ലഭിച്ചു, അങ്ങനെ അതിന്റെ മൾട്ടിമീഡിയ ഗ്രാഫിക്സ് സോഫ്റ്റ്‌വെയറിന്റെ ഉൽപ്പന്ന ശ്രേണി വിപുലീകരിച്ച് ഇല്ല്യുസ്ട്രേഷനും, ഡിസൈൻ ഗ്രാഫിക്സ് സോഫ്റ്റ്‌വെയറും ഉൾപ്പെടുത്തി. ഫ്രീഹാൻഡിന്റെ വെക്റ്റർ ഗ്രാഫിക്സ് റെൻഡറിംഗ് എഞ്ചിനും പ്രോഗ്രാമിലെ മറ്റ് സോഫ്റ്റ്വെയർ ഘടകങ്ങളും അഡോബ് ഫയർവർക്ക് വികസിപ്പിക്കുന്നതിന് മാക്രോമീഡിയയ്ക്ക് ഉപയോഗപ്രദമാകും.
1996 മാർച്ചിൽ, ബാക്ക്‌സ്റ്റേജ് എച്ച്ടിഎംഎൽ ഓതറിംഗ് ടൂളിന്റെയും ആപ്ലിക്കേഷൻ സെർവറിന്റെയും നിർമ്മാതാക്കളായ ഐബാൻഡ് സോഫ്റ്റ്വെയർ മാക്രോമീഡിയ ഏറ്റെടുത്തു. ബാക്ക്‌സ്റ്റേജ് കോഡ്‌ബേസിന്റെ ഭാഗങ്ങളിൽ ഡ്രീംവീവർ എന്ന പുതിയ എച്ച്ടിഎംഎൽ-ഓതറിംഗ് ടൂൾ മാക്രോമീഡിയ വികസിപ്പിച്ചെടുക്കുകയും 1997-ൽ ആദ്യ പതിപ്പ് പുറത്തിറക്കുകയും ചെയ്തു. അക്കാലത്ത്, മിക്ക പ്രൊഫഷണൽ വെബ് രചയിതാക്കളും ടെക്‌സ്‌റ്റ് എഡിറ്ററുകൾ ഉപയോഗിച്ച് ടൈപ്പ് ചെയ്ത് എച്ച്ടിഎംഎൽ കോഡ് ചെയ്യാൻ ഇഷ്ടപ്പെട്ടു, കാരണം അവർക്ക് ഉറവിടത്തിന്റെ മേൽ പൂർണ്ണ നിയന്ത്രണം ആവശ്യമാണ്. ഡ്രീംവീവർ അതിന്റെ "റൗണ്ട്‌ട്രിപ്പ് എച്ച്ടിഎംഎൽ" സവിശേഷത ഉപയോഗിച്ച് അഡ്രസ്സ് ചെയ്തു, ഇത് മൂലം വിഷ്വൽ എഡിറ്റുകൾക്കിടയിൽ കൈകൊണ്ട് എഡിറ്റ് ചെയ്ത സോഴ്‌സ് കോഡിന്റെ വിശ്വാസ്യത കാത്ത് രക്ഷിക്കാനായി, വിഷ്വൽ, കോഡ് എഡിറ്റിംഗിന് ഇടയിൽ അങ്ങോട്ടും ഇങ്ങോട്ടും പ്രവർത്തിക്കാൻ ഉപയോക്താക്കളെ അനുവദിച്ചു. കുറച്ച് വർഷങ്ങൾകൊണ്ട്, പ്രൊഫഷണൽ വെബ് രചയിതാക്കൾക്കിടയിൽ ഡ്രീംവീവർ വ്യാപകമായി അംഗീകരിക്കപ്പെട്ടു, എന്നിരുന്നാലും പലരും ഹാൻഡ്-കോഡ് ചെയ്യാൻ ഇഷ്ടപ്പെടുന്നു, കൂടാതെ മൈക്രോസോഫ്റ്റിന്റെ ഫ്രണ്ട്പേജ് അമച്വർ, ബിസിനസ്സ് ഉപയോക്താക്കൾക്കിടയിൽ ശക്തനായ എതിരാളിയായി തുടർന്നു.
1996 നവംബറിൽ ഫ്യൂച്ചർസ്പ്ലാഷ് ആനിമേറ്റർ നിർമ്മാതാക്കളായ ഫ്യൂച്ചർ വേവ് സോഫ്റ്റ്വെയർ മാക്രോമീഡിയ ഏറ്റെടുത്തു. പെൻ അടിസ്ഥാനമാക്കിയുള്ള കമ്പ്യൂട്ടിംഗ് ഉപകരണങ്ങൾക്കായി ആദ്യം വികസിപ്പിച്ചെടുത്ത ഒരു ആനിമേഷൻ ഉപകരണമായിരുന്നു ഫ്യൂച്ചർസ്പ്ലാഷ് ആനിമേറ്റർ. ഫ്യൂച്ചർസ്പ്ലാഷ് വ്യൂവർ ആപ്ലിക്കേഷന്റെ ചെറിയ വലിപ്പം കാരണം, ഇന്റർനെറ്റിലൂടെ ഡൌൺലോഡ് ചെയ്യാൻ ഇത് വളരെ അനുയോജ്യമാണ്, അക്കാലത്ത് മിക്ക ഉപയോക്താക്കൾക്കും ലോ-ബാൻഡ്വിഡ്ത്ത് കണക്ഷനുകളാണ് ഉണ്ടായിരുന്നത്. മാക്രോമീഡിയ സ്പ്ലാഷിനെ മാക്രോമീഡിയ ഫ്ലാഷ് എന്ന് പുനർനാമകരണം ചെയ്തു, നെറ്റ്‌സ്‌കേപ്പിന്റെ ലീഡ് പിന്തുടർന്ന്, വിപണി വിഹിതം വേഗത്തിൽ നേടുന്നതിനായി ഫ്ലാഷ് പ്ലെയറിനെ ഒരു സൗജന്യ ബ്രൗസർ പ്ലഗിൻ ആയി വിതരണം ചെയ്തു. 2005-ലെ കണക്കനുസരിച്ച്, ജാവ, ക്വിക്‌ടൈം, റിയൽ നെറ്റ്‌വർക്കുകൾ, വിൻഡോസ് മീഡിയ പ്ലെയർ എന്നിവയുൾപ്പെടെയുള്ള മറ്റേതൊരു വെബ് മീഡിയ ഫോർമാറ്റിനെക്കാളും ലോകമെമ്പാടുമുള്ള കൂടുതൽ കമ്പ്യൂട്ടറുകളിൽ ഫ്ലാഷ് പ്ലേയർ ഇൻസ്റ്റാൾ ചെയ്തിട്ടുണ്ട്.[7]ഫ്ലാഷ് മച്ച്വറായപ്പോൾ, മാക്രോമീഡിയയുടെ ശ്രദ്ധ ഒരു ഗ്രാഫിക്സ്, മീഡിയ ടൂൾ ആയി വിപണനം ചെയ്യുന്നതിൽ നിന്ന് ഒരു വെബ് ആപ്ലിക്കേഷൻ പ്ലാറ്റ്‌ഫോമായി പ്രമോട്ട് ചെയ്യുന്നതിനും സ്‌ക്രിപ്റ്റിംഗും ഡാറ്റ ആക്‌സസ് കഴിവുകളും മറ്റും പ്ലേയറിലേക്ക് ചേർത്തു.
അവലംബം[തിരുത്തുക]
- ↑ "Adobe to acquire Macromedia". Archived from the original on April 20, 2005. Retrieved April 18, 2005.
- ↑ "ADOBE MACROMEDIA SOFTWARE LLC". OpenCorporates. 16 May 2021. Retrieved 1 December 2021.
- ↑ Flynn, Laurie J. (2005-04-19). "Adobe Buys Macromedia for $3.4 Billion". The New York Times (in അമേരിക്കൻ ഇംഗ്ലീഷ്). ISSN 0362-4331. Retrieved 2020-01-28.
- ↑ "Macromedia Company History". Retrieved February 17, 2011.
- ↑ Vadlamudi, Pardhu (November 7, 1994). Macromedia's purchase of Altsys raises questions. InfoWorld. Retrieved February 11, 2011.
- ↑ "Federal Trade Commission Decisions, Complaint 118 F." (PDF). Archived from the original (PDF) on May 24, 2010. Retrieved February 11, 2011.
- ↑ Festa, Paul (August 2, 2005). "Just a Flash in the Web video pan?". ZDNet. Archived from the original on January 9, 2009. Retrieved December 26, 2008 – via Internet Archive.