ബ്യാരി (ചലച്ചിത്രം)

ഇംഗ്ലീഷ് വിലാസം

https://ml.wikipedia.org/wiki/Byari_(film)

ബ്യാരി
സംവിധാനം	കെ.പി. സുവീരൻ
നിർമ്മാണം	അൽത്താഫ് ടി.എച്ച്.
രചന	ഖിർഫാൻ
അഭിനേതാക്കൾ	മാമുക്കോയ മല്ലിക അൽത്താഫ് ടി.എച്ച്.
സംഗീതം	വിശ്വജിത്ത്
ഛായാഗ്രഹണം	മുരളി കൃഷ്ണൻ
ചിത്രസംയോജനം	എസ്. മനോഹർ
സ്റ്റുഡിയോ	തണ്ണീർ ഫിലിംസ്
റിലീസിങ് തീയതി	2011
രാജ്യം	ഇന്ത്യ
ഭാഷ	ബ്യാരി
ബജറ്റ്	70 ലക്ഷം
സമയദൈർഘ്യം	100 മിനിറ്റ്

2011-ലെ ദേശീയ ചലച്ചിത്രപുരസ്കാരത്തിൽ മികച്ച ചലച്ചിത്രത്തിനുള്ള പുരസ്കാരം നേടിയ ചിത്രമാണ് ബ്യാരി ഭാഷയിലെ ആദ്യ ചലച്ചിത്രമായ ബ്യാരി. മലയാളിയായ കെ.പി. സുവീരനാണ് 2011-ൽ പുറത്തിറങ്ങിയ ചിത്രം സംവിധാനം ചെയ്തിരിക്കുന്നത്. ചിത്രത്തിന്റെ തിരക്കഥ മലയാളത്തിലാണ് തയ്യാറാക്കിയത്. ബ്യാരി ജനവിഭാഗത്തിലെ ഒരു പെൺകുട്ടി അഭിമുഖീകരിക്കുന്ന വിവാഹമോചന പ്രശ്നത്തെ ആസ്പദമാക്കിയാണ് ചിത്രം നിർമ്മിച്ചിരിക്കുന്നത്. തമിഴ്, മലയാള അഭിനേത്രി മല്ലികയാണ് ഇതിലെ പ്രധാന കഥാപാത്രമായ നാദിറയെ അവതരിപ്പിച്ചിരിക്കുന്നത്. നാദിറയുടെ ഭർത്താവിനെ നിർമ്മാതാവാ അൽത്താഫ് ടി.എച്ച്. അവതരിപ്പിച്ചിരിക്കുന്നു.

വിവാദം

പ്രശസ്ത കന്നട എഴുത്തുകാരിയായ സാറാ അബൂബക്കർ തന്റെ പ്രഥമ നോവലായ ചന്ദ്രഗിരി തീരദല്ലിയുടെ കഥാ ചോരണമാണ് ബ്യാരി എന്ന് ആരോപിച്ചിരുന്നു. ഈ ആരോപണം ശരിയാണ് എന്നു സുവീരൻ തുറന്നു സമ്മതിച്ചിട്ടുമുണ്ട്.