പെർസിവറൻസ് (റോവർ)

വിക്കിപീഡിയ, ഒരു സ്വതന്ത്ര വിജ്ഞാനകോശം.
Perseverance
PIA23499-Mars2020Rover-FirstTestDrive-20191217a.jpg
പെർസിവെറൻസ് ജെറ്റ് പ്രൊപൽഷൻ ലബോറട്ടറിയിൽ"
സ്പേസ്ക്രാഫ്റ്റിന്റെ സവിശേഷതകൾ
നിർമ്മാതാവ്Jet Propulsion Laboratory
വിക്ഷേപണസമയത്തെ പിണ്ഡം1,025 കിലോഗ്രാം (36,200 oz)
അളവുകൾ3 × 2.7 × 2.2 മീറ്റർ (9.8 × 8.9 × 7.2 അടി)
ഊർജ്ജം110 watt (0.15 hp)
ദൗത്യത്തിന്റെ തുടക്കം
Entered service18 February 2021 (planned)

നാസയുടെ ചൊവ്വ 2020 ദൗത്യത്തിന്റെ ഭാഗമായി ജെറ്റ് പ്രൊപൽഷൻ ലബോറട്ടറി നിർമ്മിച്ച പേടകമാണ് പെർസിവറൻസ്. പെർസി എന്ന ഒരു ഓമനപ്പേരു കൂടി നൽകിയിട്ടുണ്ട് ഇതിന്.[1][2] ക്യൂരിയോസിറ്റി റോവറിന്റെ മാതൃകയിലാണ് ഒരു കാറിന്റെ വലിപ്പമുള്ള പെർസിവറൻസ് നിർമ്മിച്ചിരിക്കുന്നത്. ചൊവ്വാതലത്തിലെ ജെസെറോ ഗർത്തത്തെ കുറിച്ചു പഠിക്കുന്നതിനു വേണ്ടി ഏഴ് ശാസ്ത്രീയ ഉപകരണങ്ങളും 19 ക്യാമറകളും രണ്ട് മൈക്രോഫോണുകളും ഇതിലുണ്ട്.[3] ഇൻജെനൂയിറ്റി എന്ന ചൊവ്വാ ഹെലികോപ്റ്ററും ഇതിനോടൊപ്പമുണ്ട്. റോവർ 2020 ജൂലൈ 30 ന് വിക്ഷേപിച്ചു.[4] 2021 ഫെബ്രുവരി 18ന് വിജയകരമായി ചൊവ്വയിൽ ഇറങ്ങി.[5][6]

ദൗത്യം[തിരുത്തുക]

ശാസ്ത്രലക്ഷ്യങ്ങൾ[തിരുത്തുക]

ചൊവ്വ പര്യവേക്ഷണ പരിപാടിയിലെ ലക്ഷ്യങ്ങളെ പിന്തുണക്കുന്ന നാലു ശാസ്ത്രലക്ഷ്യങ്ങൾ പെർസിവറൻസ് റോവറിനുണ്ട്.[7]

  1. ചൊവ്വയെ വാസയോഗ്യമാക്കാൻ എത്രത്തോളം സാദ്ധ്യതയുണ്ട് എന്ന അന്വേഷണം: ഇതിനായി സൂക്ഷ്മജീവികളുടെ നിലനിൽപിനെ സഹായിച്ചിരുന്ന മുൻകാല അന്തരീക്ഷ സാഹചര്യങ്ങളെ കുറിച്ചു പഠിക്കുന്നു.
  2. ജീവനുണ്ടായിരുന്നതിന്റെ അടയാളങ്ങൾ തേടൽ: വാസയോഗ്യമായ ചുറ്റുപാടുകളിൽ, പ്രത്യേകിച്ചും കാലക്രമേണ അടയാളങ്ങൾ സംരക്ഷിക്കാൻ കഴിയുന്ന പ്രത്യേക തരം പാറകളിൽ, സൂക്ഷ്മജീവികൾ ഉണ്ടായിരുന്നതിനന്റെ തെളിവുകൾ ശേഖരിക്കുക.
  3. സാമ്പിളുകൾ ശേഖരിച്ച് സൂക്ഷിക്കൽ: പാറ, മണ്ണ് എന്നിവയുടെ സാമ്പിളുകൾ ശേഖരിച്ച് ചൊവ്വയുടെ ഉപരിതലത്തിൽ സൂക്ഷിക്കുക
  4. മനുഷ്യവാസത്തിനുള്ള തയ്യാറെടുപ്പ്: ചൊവ്വയിലെ അന്തരീക്ഷത്തിൽ നിന്നും ഓക്സിജൻ ഉത്പാദിപ്പിക്കാൻ കഴിയുമോ എന്നു പരീക്ഷിക്കുക.

ചരിത്രം[തിരുത്തുക]

പെർസിവറൻസ് ചൊവ്വയിൽ ഇറങ്ങിയതിനു ശേഷം ആദ്യം ഭൂമിയിലേക്കയച്ച ചിത്രം

2012 ഓഗസ്റ്റിൽ ക്യൂരിയോസിറ്റി റോവർ ലാൻഡിംഗിന്റെ ഉയർന്ന വിജയം ഉണ്ടായിരുന്നിട്ടും നാസയുടെ ചൊവ്വ പര്യവേക്ഷണ പരിപാടി 2010 കളുടെ തുടക്കത്തിൽ അനിശ്ചിതത്വത്തിലായിരുന്നു. ബജറ്റിലുണ്ടായ വെട്ടിക്കുറക്കൽ റോവർ ദൗത്യം ഉൾപ്പെടെ യൂറോപ്യൻ ബഹിരാകാശ ഏജൻസിയുമായി സഹകരിച്ച് നടപ്പാക്കാൻ ഉദ്ദേശിച്ചിരുന്ന പല ദൗത്യങ്ങളിൽ നിന്നും പിന്മാറാൻ നാസയെ നിർബന്ധിതരാക്കി.[8] 2013നു ശേഷം ഒരു ദൗത്യത്തിനും അംഗീകാരം ലഭിച്ചിരുന്നില്ലെങ്കിലും 2012 വേനൽക്കാലത്ത്, രണ്ട് വർഷത്തിലൊരിക്കൽ ചൊവ്വയിലേക്ക് ഒരു ദൗത്യം എന്ന രീതിയിൽ ചൊവ്വ പര്യവേക്ഷണം നടത്തുന്നതിനുള്ള ഒരു പദ്ധതി നാസ ആവിഷ്കരിച്ചു.[9]

പ്ലാനറ്ററി സയൻസ് ഡിക്കേഡൽ സർവ്വെ, നാഷണൽ അക്കാദമി ഓഫ് സയൻസസ്, എഞ്ചിനീയറിംഗ്, മെഡിസിന്റെ റിപ്പോർട്ട് എന്നിവയുടെ അടിസ്ഥാനത്തിൽ 2011ൽ പ്ലാനറ്ററി സയൻസ് കമ്യൂണിറ്റി ചില നിർദ്ദേശങ്ങൾ സമർപ്പിക്കുകയുണ്ടായി. അതിൽ പ്രധാനപ്പെട്ട ഒന്നായിരുന്നു 2013 മുതൽ 2022 വരെയുള്ള ദശകത്തിൽ ചൊവ്വ പര്യവേക്ഷണം വളരെ പ്രാധാന്യത്തേടെ തന്നെ നടത്തണം എന്നുള്ളത്. മാർസ് സാമ്പിൾ റിട്ടേൺ കാമ്പെയ്ൻ 2022 ആരംഭിക്കണം എന്ന നിർദ്ദേശവും ഇതിലുണ്ട്. ഇതനുസരിച്ച് ചൊവ്വയുടെ ഉപരിതലത്തിൽ പേടകങ്ങളിറക്കുക, സാമ്പിളുകൾ ശേഖരിക്കുക, ശേഖരിച്ച സാമ്പിളുകൾ ഭൂമിയിലേക്കെത്തിക്കുക എന്നീ പ്രവർത്തനങ്ങൾ ചെയ്യേണ്ടതുണ്ട്. ഇതിന്റെ ആദ്യപടിയായി നാസ ഒരു സാമ്പിൾ കാഷിംഗ് റോവർ വിക്ഷേപിക്കണമെന്നും ഇതിനു വരുന്ന ചെലവ് 2.5 ബില്യൺ യുഎസ് ഡോളറിൽ താഴെയായിരിക്കണം എന്നും നിർദ്ദേശിക്കുന്നുണ്ട്.[10]

ചൊവ്വയിലെ റോവറുകളുടെ കുടുംബചിത്രം

ക്യൂരിയോസിറ്റി റോവറിന്റെ വിജയം നൽകിയ ആത്മവിശ്വാസത്തിന്റേയും ഡെക്കാഡൽ സർവേയുടെ ശുപാർശകളുടെയും അടിസ്ഥാനത്തിൽ 2012 ഡിസംബറിൽ നടന്ന അമേരിക്കൻ ജിയോഫിസിക്കൽ യൂണിയൻ കോൺഫറൻസിൽ വെച്ച് 2020 ഓടെ പുതിയ മാർസ് റോവർ ദൗത്യം ആരംഭിക്കാനുള്ള ഉദ്ദേശ്യം നാസ പ്രഖ്യാപിച്ചു.[11] 2013 ജൂലൈ മാസത്തിൽ ഇതിന്റെ വിശദമായ റിപ്പോർട്ട് സമർപ്പിച്ചു.[12]

രൂപകല്പന[തിരുത്തുക]

ക്യൂരിയോസിറ്റി എഞ്ചിനീയറിംഗ് ടീം തന്നെയാണ് ഈ റോവറിന്റെയും രൂപകല്പന ചെയ്തത്. ക്യൂരിയോസിറ്റിയോട് ഏറെ സമാനതകളുണ്ടെങ്കിലും അതിനേക്കാൾ ഏറെ വികസിതമായാണ് പെർസിവറൻസ് ഡിസൈൻ ചെയ്തിരിക്കുന്നത്. എൻജിനീയർമാർ ക്യൂരിയോസിറ്റിയുടെതിനേക്കാൾ കൂടുതൽ ശക്തമായ ചക്രങ്ങളാണ് ഇതിനായി രൂപകല്പന ചെയ്തിരിക്കുന്നത്.[13] റോവറിന് കട്ടിയുള്ളതും കൂടുതൽ കാലം നിലനിൽക്കുന്നതുമായ അലുമിനിയം ചക്രങ്ങളാണുള്ളത്. ഇവക്ക് ക്യൂരിയോസിറ്റിയുടെതിനേക്കാൾ വ്യാസവും വീതിയും കൂടുതലായിരിക്കും.[14] [15] അലുമിനിയം ചക്രങ്ങളിൽ ക്ലീറ്റുകളും ടൈറ്റാനിയം സ്പോക്കുകളും ഉപയോഗിക്കും. [16] വലിയ ഇൻസ്ട്രുമെന്റ് സ്യൂട്ട്, പുതിയ സാംപ്ലിംഗ്, കാഷിംഗ് സിസ്റ്റം, പരിഷ്കരിച്ച ചക്രങ്ങൾ എന്നിവ കാരണം അതിന്റെ മുൻഗാമിയായ ക്യൂരിയോസിറ്റിയേക്കാൾ 14 ശതമാനം ഭാരക്കൂടുതലുണ്ട് (1,025 kg) പെർസിവറൻസിന്.[17] ഇതിലെ റോബോട്ടിക് ഭുജങ്ങൾ കൂടുതൽ നീളമുള്ളവയും കൂടുതൽ ശക്തി ഉള്ളവയുമാണ്. അഞ്ച് റോബോട്ടിക് സംയുക്തഭുജങ്ങൾ ഉപയോഗിച്ച് 2.1 മീറ്റർ വരെ പരിശോധിക്കാൻ കഴിയും. ഒരു പാത്തിയുടെ സഹായത്താൽ ഈ ഭുജങ്ങൾ ഉപയോഗിച്ച് ചൊവ്വയുടെ ഉപരിതലത്തിൽ നിന്നുള്ള സാമ്പിളുകൾ ശേഖരിക്കും.[18]

റോവറിന്റെ ജനറേറ്ററിന് (MMRTG) 45കി.ഗ്രാം ഭാരമുണ്ട്. കൂടാതെ 4.8 കി.ഗ്രാം പ്ലൂട്ടോണിയം-238 ഓക്സൈഡ് തുടർച്ചയായ വൈദ്യുതി ലഭ്യതക്കു വേണ്ടി ഉപയോഗിക്കുന്നു.[19] ഇതിന്റെ അർദ്ധായുസ് 87.7 വർഷമാണ്. ഇത് ക്ഷയിച്ചുകൊണ്ടിരിക്കുമ്പോൾ പുറത്തു വിടുന്ന താപമാണ് വൈദ്യുതിയാക്കി മാറ്റുന്നത്. വിക്ഷേപണ സമയത്ത് ഏകദേശം 110 വാട്ട് ആണ് വൈദ്യുതിയാണ് ഉപയോഗിക്കുന്നത്. ദൗത്യകാലത്ത് ഇതിനേക്കാൾ കുറവായിരിക്കും. കൂടുതൽ ഉയർന്ന വൈദ്യുതി ആവശ്യങ്ങൾ വേണ്ടി വരികയാണെങ്കിൽ അത് നിറവേറ്റുന്നതിനായി റീചാർജ് ചെയ്യാവുന്ന രണ്ട് ലിഥിയം അയൺ ബാറ്ററികൾ കൂടി ഉൾപ്പെടുത്തിയിട്ടുണ്ട്. MMRTG ഉപയോഗിച്ച് ഇവ ഇടക്കിടെ ചാർജ്ജു ചെയ്യും. ജനറേറ്ററിന് 14 വർഷത്തെ പ്രവർത്തന ആയുസ്സാണ് കണക്കാക്കിയിട്ടുള്ളത്. ഇത് യു‌എസ് ഊർജ്ജ വകുപ്പാണ് നാസയ്ക്ക് നൽകിയത്. സോളാർ പാനലുകളിൽ നിന്ന് വ്യത്യസ്തമായി, രാത്രിയിലും പൊടിക്കാറ്റിലും ശൈത്യകാലത്തും റോവറിന്റെ ഉപകരണങ്ങൾ പ്രവർത്തിപ്പിക്കുന്നതിന് എംഎംആർടിജിയുടെയും ബാറ്ററികളുടെയും സഹായത്തോടെ സാധിക്കും.[19]

പവ്വർ പിസി ജി3 മൈക്രോപ്രോസസർ ഉപയോഗിച്ചു പ്രവർത്തിക്കുന്ന ബി എ ഇ സിസ്റ്റംസിന്റെ റാഡ് 750 സിംഗിൾ ബോർഡ് കമ്പ്യൂട്ടറുകളാണ് പെർസിവറൻസിൽ ഉപയോഗിച്ചിരിക്കുന്നത്. കമ്പ്യൂട്ടറിൽ 128 മെഗാബൈറ്റ് അസ്ഥിര ഡി റാം ആണുള്ളത്. ഇതിന്റെ പ്രവർത്തന വേഗത 133 മെഗാഹെർട്സ് ആണ്.

ഹെലികോപ്റ്റർ ഇൻജെനുവിറ്റി[തിരുത്തുക]

ഇൻജെനുവിറ്റി

പെർസിവറൻസിനൊപ്പം ചൊവ്വയിൽ പരീക്ഷണപറത്തൽ നടത്തുന്നതിനു വേണ്ടി ഇൻജെനുവിറ്റി എന്ന ഒരു ഹെലികോപ്റ്ററുമുണ്ട്. സൗരോർജ്ജത്തിൽ പ്രവർത്തിക്കുന്ന ഈ ഹെലികോപ്റ്റർ ഡ്രോണിന് 1.8 കിലോഗ്രാം പിണ്ഡമുണ്ട്. താപനില -90 ° C വരെ താഴുന്ന ആദ്യത്തെ തണുത്ത ചൊവ്വാ രാത്രികളെ ഇൻജെനുവിറ്റി അതിജീവിക്കുകയാണെങ്കിൽ മറ്റൊരു ഗ്രഹത്തിലെ ഒരു വിമാനത്തിന്റെ ആദ്യത്തെ പറക്കലുമായി ടീം മുന്നോട്ട് പോകും.[20][21] ക്യാമറയല്ലാതെ ശാസ്ത്രീയ ഉപകരണങ്ങളൊന്നും ഇതിലില്ല. [22][23][24]

പേര്[തിരുത്തുക]

നാസയുടെ സയൻസ് മിഷൻ ഡയറക്ടറേറ്റിന്റെ അസോസിയേറ്റ് അഡ്മിനിസ്ട്രേറ്റർ തോമസ് സുർ‌ബുചെൻ അമേരിക്കയിലെ കിന്റർഗാർട്ടൻ മുതൽ +2 വരെയുള്ള വിദ്യാർത്ഥികൾക്കിടയിൽ നടത്തിയ "നെയിം ദി റോവർ" മത്സരത്തിലൂടെയാണ് പെർസിവറൻസ് എന്ന പേര് തെരഞ്ഞെടുത്തത്. വിർജീനിയയിലെ ബർക്കിലെ ലേക് ബ്രാഡോക്ക് സെക്കൻഡറി സ്കൂളിലെ അലക്സാണ്ടർ മാത്തർ എന്ന ഏഴാം ക്ലാസ് വിദ്യാർത്ഥിയാണ് ഈ പേര് നിർദ്ദേശിച്ചത്. ഇതിന്റെ ആദരസൂചകമായി മേത്തറിനേയും കുടുമ്പത്തേയും 2020 ജൂലൈയിൽ വിക്ഷേപണം നടക്കുന്നതു കാണുന്നതിനു വേണ്ടി നാസയുടെ കെന്നഡി ബഹിരാകാശ കേന്ദ്രത്തിലേക്കു ക്ഷണിച്ചു.[25]

മാത്തർ പേരു നീർദ്ദേശിച്ചു കൊണ്ടുള്ള കുറിപ്പിൽ ഇങ്ങനെ എഴുതി :

ജിജ്ഞാസ (Curiosity), ഉൾക്കാഴ്പ (InSight), ചൈതന്യം (Spirit), അവസരം (Opportunity). ചിന്തിച്ചു നോക്കിയാൽ, കഴിഞ്ഞ ചൊവ്വ റോവറുകളുടെ പേരുകളെല്ലാം മനുഷ്യരെന്ന നിലയിൽ നമുക്കുള്ള ഓരോരോ ഗുണങ്ങളാണ്. നമ്മൾ എല്ലായ്പ്പോഴും ജിജ്ഞാസുക്കളും അവസരങ്ങൾ തേടുന്നവരുമാണ്. ചന്ദ്രനെയും ചൊവ്വയെയും അതിനപ്പുറവും പര്യവേക്ഷണം ചെയ്യാനുള്ള ആവേശവും ഉൾക്കാഴ്ചയും നമുക്കുണ്ട്. പക്ഷേ, റോവറുളെ ഒരു മത്സരമെന്ന രീതിയിൽ കാണുകയാണെങ്കിൽ ഏറ്റവും പ്രധാനമായി വേണ്ട കാര്യം നമുക്കു നഷ്ടമായി. സ്ഥിരോത്സാഹം (Perseverance). എത്ര കഠിനമായാലും ഏത് സാഹചര്യത്തിലും പൊരുത്തപ്പെടാൻ കഴിയുന്ന സൃഷ്ടികളായി പരിണമിച്ച മനുഷ്യരാണ് നാം. നമ്മുടെ സ്പീഷീസ് പര്യവേക്ഷകരുടേതാണ്. ചൊവ്വയിലേക്കുള്ള വഴിയിൽ നിരവധി തിരിച്ചടികൾ നമുക്കു നേരിടേണ്ടി വരും. എന്നിരുന്നാലും, ഉത്സാഹികളായിരിക്കാൻ നമുക്ക് കഴിയും. ഒരു രാജ്യമെന്ന നിലയിലല്ല, മനുഷ്യരെന്ന നിലയിൽ നമുക്കിത് ഉപേക്ഷിക്കാൻ കഴിയില്ല. മനുഷ്യവംശം ഭാവിയിലും സ്ഥിരോത്സാഹികളായി തന്നെ തുടരും.[25]

ഉപകരണങ്ങൾ[തിരുത്തുക]

പെർസിവറൻസിലെ ശാസ്ത്രീയ ഉപകരണങ്ങളുടെ സ്ഥാനം വ്യക്തമാക്കുന്ന രേഖാചിത്രം.

നേടേണ്ട ശാസ്ത്രീയ ലക്ഷ്യങ്ങളെ അടിസ്ഥാനമാക്കി, 60 ഓളം നിർദ്ദേശങ്ങൾ [26] പരിഗണിച്ച്, 2014 ജൂലൈ 31 ന് നാസ റോവറിനുള്ള പേലോഡുകളെ കുറിച്ചുള്ള വിവരങ്ങൾ പുറത്തു വിട്ടു.[27] [28]

  • പ്ലാനറ്ററി ഇൻസ്ട്രുമെന്റ് ഫോർ എക്സ്-റേ ലിത്തോകെമിസ്ട്രി (PIXL) : ചൊവ്വയിലെ ഉപരിതല വസ്തുക്കളുടെ അളവ് നിർണ്ണയിക്കുന്നതിനുള്ള എക്സ്-റേ ഫ്ലൂറസെൻസ് സ്പെക്ട്രോമീറ്റർ[29][30]
  • റഡാർ ഇമേജർ ഫോർ മാർസ് സബ്സഫെയ്സ് എക്സ്പിരിമെന്റ് (RIMFAX) : ഉപരിതലം തുളച്ചു പരിശോധിക്കാൻ കഴിയുന്ന ഒരു റഡാർ ആണിത്. ഉപരിതലത്തിന്റെ സാന്ദ്രതാ വ്യത്യാസങ്ങൾ, ഓരോ അടുക്കുകളുടെയും ഘടന, പാറകൾ, ഉൽക്കാശിലകൾ, ഉപോപരിതലത്തിലെ ജലഹിമം, മണ്ണിനടിയിലെ 10 മീറ്റർ വരെ ആഴത്തിലുള്ള ലവണജലം എന്നിവയെ കുറിച്ചു പഠിക്കുന്നതിന് ഈ ഉപകരണം ഉപയോഗിക്കും. നോർവീജിയൻ ഡിഫെൻസ് റിസർച്ച് എസ്റ്റാബ്ലിഷ്‍മെന്റ് ആണ് ആണ് ഇത് നൽകുന്നത്.[31][32]
  • മാർസ് എൻവയോൺമെന്റൽ ഡൈനാമിക്സ് അനലൈസർ (MEDA) : താപനില, കാറ്റിന്റെ വേഗത, ദിശ, മർദ്ദം, ആപേക്ഷിക ആർദ്രത, വികിരണം, പൊടിപടലങ്ങളുടെ വലുപ്പം, ആകൃതി എന്നിവ അളക്കുന്ന സെൻസറുകളുടെ ഒരു കൂട്ടമാണിത്. ഇത് സ്പെയിനിന്റെ സെൻട്രോ ഡി ആസ്ട്രോബയോളജിയാണ് നൽകുന്നത്.[33]
  • മാർസ് ഓക്സിജൻ ISRU എക്സ്പിരിമെന്റ് (MOXIE): ചൊവ്വയിലെ അന്തരീക്ഷ കാർബൺ ഡൈ ഓക്സൈഡിൽ നിന്ന് ചെറിയ അളവിൽ ഓക്സിജൻ ഉൽപാദിപ്പിക്കുന്നതിനുള്ള പരീക്ഷണോപകരണം.[34] ഈ സാങ്കേതികവിദ്യ വരുംകാലത്ത് ചൊവ്വയിൽ മനുഷ്യജീവിതം സാദ്ധ്യമാക്കുന്നതിനോ മടക്ക ദൗത്യങ്ങൾക്കായി റോക്കറ്റ് ഇന്ധനം നിർമ്മിക്കാനോ ഉദ്ദേശിച്ചുള്ളതാണ്.
റോവറിലെ ഓൺബോർഡ് കാമറകൾ
  • സൂപ്പർകാം : ഇമേജിംഗ്, കെമിക്കൽ കോമ്പോസിഷൻ വിശകലനം, പാറകളെ കുറിച്ചുള്ള പഠനം എന്നിവക്കു വേണ്ടിയുള്ള ഉപകരണം. ക്യൂരിയോസിറ്റി റോവറിലെ ചെംകാമിന്റെ നവീകരിച്ച പതിപ്പാണ് ഇത്, എന്നാൽ രണ്ട് ലേസറുകളും നാല് സ്പെക്ട്രോമീറ്ററുകളും ഉപയോഗിച്ച് ഇത് ബയോസിഗ്നേച്ചറുകളെ വിദൂരമായി തിരിച്ചറിയാനും മുൻകാല ആവാസ വ്യവസ്ഥ വിലയിരുത്താനും സഹായിക്കുന്നു. ലോസ് അലാമോസ് നാഷണൽ ലബോറട്ടറി, ഫ്രാൻസിലെ റിസർച്ച് ഇൻസ്റ്റിറ്റ്യൂട്ട് ഇൻ ആസ്ട്രോഫിസിക്സ് ആൻഡ് പ്ലാനറ്റോളജി (IRAP), ഫ്രഞ്ച് ബഹിരാകാശ ഏജൻസി (CNES), ഹവായ് സർവകലാശാല, സ്പെയിനിലെ വല്ലാഡോളിഡ് സർവകലാശാല എന്നിവ സൂപ്പർകാമിന്റെ വികസനത്തിലും നിർമ്മാണത്തിലും സഹകരിച്ചു.[35]
  • മാസ്‌റ്റ്കാം-ഇസഡ് : സൂം ചെയ്യാനുള്ള കഴിവുള്ള സ്റ്റീരിയോസ്കോപ്പിക് ഇമേജിംഗ് സംവിധാനം
  • സ്കാനിങ് ഹാബിറ്റബിൾ എൻവയോൺമെന്റ് വിത്ത് രാമൻ ആന്റ് ലൂമിനസെൻസ് ഫോർ ഓർഗാനിക് ആന്റ് കെമിക്കൽസ് (SHERLOC): മികച്ച ഇമേജുകൾ ലഭിക്കുന്നതിനും അൾട്രാവയലറ്റ് ലേസർ ഉപയോഗിച്ച് ഖനിജങ്ങളെ കുറിച്ച് പഠിക്കുന്നതിനും ജൈവസംയുക്തങ്ങളെ കണ്ടെത്തുന്നതിനും ഈ ഉപകരണം ഉപയോഗിക്കുന്നു.[36][37]
  • ഇൻജെനൂയിറ്റി എന്ന ചൊവ്വ ഹെലികോപ്റ്റർ : 1.8 കി.ഗ്രാം ഭാരമുള്ളതും സൗരോർജ്ജത്തിൽ പ്രവർത്തിക്കുന്നതുമായ ഹെലികോപ്റ്റർ ഡ്രോൺ ആണ് ചൊവ്വ ഹെലികോപ്റ്റർ ഇൻജെനൂയിറ്റി. റോവറിന്റെ റൂട്ട് നിർണ്ണയിക്കുന്നതിനു സഹായിക്കുക എന്നതാണ് ഇതിന്റെ ഒരു ജോലി.[21] ക്യാമറകൾ ഒഴികെ മറ്റ് ശാസ്ത്രീയ ഉപകരണങ്ങളൊന്നുമില്ല. ചൊവ്വയിലെ വിമാനയാത്രയുടെ പ്രായോഗികത മനസ്സിലാക്കുക എന്നതും ഈ ഹെലികോപ്റ്ററിന്റെ ദൗത്യമാണ്.[38] ഇതിന്റെ 30 ദിവസത്തെ ദൗത്യത്തിൽ അഞ്ച് തവണ പറക്കുമെന്ന് പ്രതീക്ഷിക്കുന്നു. പ്രതിദിനം 3 മിനിറ്റിൽ കൂടുതൽ പറക്കില്ല. ചൊവ്വയെ പോലെ അന്തരീക്ഷമുള്ള മറ്റ് ഗ്രഹങ്ങളിലേയും വ്യോമ പര്യവേഷണത്തിനായി കൂടുതൽ ശേഷിയുള്ള ഹെലികോപ്റ്ററുകൾ വികസിപ്പിക്കുന്നതിനുള്ള തുടക്കവുമാണിത്. [24]
  • മൈക്രോഫോൺ : ചൊവ്വയിൽ ഇറങ്ങുമ്പോഴും സഞ്ചരിക്കുമ്പോഴും സാമ്പിളുകൾ ശേഖരിക്കുമ്പോഴും ഉണ്ടാകുന്ന ശബ്ദങ്ങൾ ഇതുപയോഗിച്ച് ശേഖരിക്കും.
  • മൊത്തം 23 ക്യാമറകൾ പെർസെവെറൻസ് റോവറിൽ ഉൾപ്പെടുത്തിയിട്ടുണ്ട്.

ലാന്റിങ്[തിരുത്തുക]

പെർസിവറൻസും അതിറങ്ങിയ സ്ഥലവും ഉപേക്ഷിച്ച വസ്തുക്കളും(satellite image, February 2021)

2021 ഫെബ്രുവരി 18ന് ചൊവ്വയിലെ ജസീറോ ക്രേറ്ററിൽ പെർസിവറൻസ് സുരക്ഷിതമായി ഇറങ്ങി.[5]

പെർസിവറൻസ് സ്കൈ ക്രെയിൻ ഉപയോഗിച്ച് ഇറങ്ങുന്നതിന്റെ ദൃശ്യം

11-ാമത്തെ മിനിറ്റിൽ ചൊവ്വയിൽ നിന്നുള്ള പെർസിവറൻസിന്റെ ആദ്യത്തെ സിഗ്നൽ ഭൂമിയിലെത്തി. പാരച്യൂട്ട്, ഹീറ്റ് ഷീൽഡ് എന്നിവ റോവറിൽ നിന്ന് ഏകദേശം 1.5കി.മീറ്റർ അകലെയായി വീണു. കൂടുതൽ മെച്ചപ്പെട്ട സാങ്കേതികവിദ്യ ഉപയോഗിച്ചതു കൊണ്ട് മുൻപിറങ്ങിയവയേക്കാൾ കൃത്യമായ ലാന്റിങിന് പെർസിവറൻസിനായി.[39]

ഈ പുതിയ സാങ്കേതികവിദ്യയെ ടെറൈൻ റിലേറ്റീവ് നാവിഗേഷൻ (TRN) എന്നാണ് അറിയപ്പെടുന്നത്. ഇതുപയോഗിക്കുമ്പോൾ റോവറിന് ഇറങ്ങുമ്പോൾ എടുക്കുന്ന ഉപരിതലത്തിന്റെ ചിത്രങ്ങളെ റഫറൻസ് മാപ്പുകളുമായി താരതമ്യപ്പെടുത്തുന്നതിനും അതിന്റെ ഗതിയിൽ അവസാന നിമിഷങ്ങളിൽ പോലും മാറ്റങ്ങൾ വരുത്തുന്നതിനും കഴിയുന്നു. അങ്ങനെ അവസാന നിമിഷത്തിൽ ഏറ്റവും സുരക്ഷിതമായ ലാൻഡിംഗ് സൈറ്റ് തിരഞ്ഞെടുക്കുന്നതിനും സാദ്ധിക്കുന്നു. അതിനാൽ മുമ്പത്തെ ദൗത്യങ്ങളേക്കാൾ അതിന്റെ ലക്ഷ്യത്തിനോട് കൂടുതൽ അടുത്ത് എത്താൻ ഇത് പെർസിവറസിനെ പ്രാപ്തമാക്കുന്നു.[39]

പെർസെവെറൻസ് റോവർ പാരച്യൂട്ടിൽ ഇറങ്ങുന്നത് മാർസ് റെക്കണൈസൻസ് ഓർബിറ്ററിലെ ഹൈറൈസ് ഹൈ റെസല്യൂഷൻ ക്യാമറ പകർത്തുകയുണ്ടായി.[40]

പാരച്യൂട്ട് വിന്യാസനത്തിന്റെയും നിലത്തിറങ്ങുന്നതിന്റേയും വീഡിയോ
പാരച്യൂട്ടിൽ ജസിറോ ഗർത്തത്തിൽ ഇറങ്ങുന്നത്. മാർസ് റക്കനൈസൻസ് ഓർബിറ്റർ പകർത്തിയ ചിത്രം

സഞ്ചാരം[തിരുത്തുക]

340 മുതൽ 380 വരെ കോടി വർഷം പഴക്കമുള്ള നെരേത്വ വാലിസ് ഡെൽറ്റയുടെ താഴെയും മുകളിലുമുള്ള ഭാഗങ്ങൾ സന്ദർശിക്കാൻ പെർസിവറൻസ് ആസൂത്രണം ചെയ്തിട്ടുണ്ട്. ജെസെറോ ഗർത്തത്തിന്റെ തറയിലുള്ള മിനുസമാർന്നതും അടയാളങ്ങളുള്ളതുമായ ഭാഗങ്ങൾ അഗ്നിപർവ്വത ചാരം അല്ലെങ്കിൽ അയോലിയൻ എയർഫാൾ നിക്ഷേപമായി കരുതപ്പെടുന്നു. ഒടുവിൽ ഗർത്തത്തിന്റെ വരമ്പിലൂടെ സഞ്ചരിക്കാനും പദ്ധതിയിട്ടിട്ടുണ്ട്.


ചെലവ്[തിരുത്തുക]

ഹാർഡ്‌വെയർ വികസിപ്പിക്കുന്നതിനും നിർമ്മിക്കുന്നതിനുമായി 2.22 ബില്യൻ യുഎസ് ഡോളറും വിക്ഷേപണ സേവനങ്ങൾക്കായി 243 മില്യൻ യുഎസ് ഡോളറും 2.5 വർഷത്തെ മിഷൻ പ്രവർത്തനങ്ങൾക്കായി 291 മില്യൻ യുഎസ് ഡോളറും അടക്കം 11 വർഷത്തെ പ്രവർത്തനത്തിന് ഏകദേശം 275 ബില്യൺ യുഎസ് ഡോളർ ഇതിന്റെ ആകെ ചെലവായി കണക്കാക്കിയിട്ടുള്ളത്.[3][41]

നാസയുടെ ഏറ്റവും ചെലവേറിയ റോബോട്ടിക് ഗ്രഹ ദൗത്യങ്ങളിൽ ആറാമത്തെതാണ് പെർസിവറൻസ്. എന്നാൽ അതിന്റെ മുൻഗാമിയായ ക്യൂരിയോസിറ്റിയേക്കാൾ ചെലവു കുറഞ്ഞതുമാണ്.[42] ക്യൂരിയോസിറ്റി മിഷനിലെ സ്പെയർ ഹാർഡ്‌വെയറുകൾ "ബിൽഡ്-ടു പ്രിന്റ്" ഡിസൈനുകൾ എന്നിവ ഇതിൽ പ്രയോജനപ്പെടുത്തി. ഇത് വികസനച്ചെലവ് വളരെയേറെ കുറയ്ക്കാൻ സഹായിച്ചു.[43]

ചൊവ്വയിലേക്ക് നിങ്ങളുടെ പേര് അയക്കുക[തിരുത്തുക]

നാസയുടെ "ചൊവ്വയിലേക്ക് നിങ്ങളുടെ പേര് അയയ്ക്കുക" കാമ്പെയനിൽ ലോകമെമ്പാടുമുള്ള നിരവധി ആളുകൾ പങ്കെടുത്തു 10,932,295 പേരുകൾ സമർപ്പിച്ചു. നാസയുടെ "നെയിം ദി റോവർ" മത്സരത്തിലെ 155 ഫൈനലിസ്റ്റുകളുടെ ഉപന്യാസങ്ങൾക്കൊപ്പം മൂന്ന് നഖത്തിന്റെ വലിപ്പത്തിലുള്ള സിലിക്കൺ ചിപ്പുകളിലേക്ക് ഒരു ഇലക്ട്രോൺ ബീം ഉപയോഗിച്ച് പേരുകൾ പതിച്ചിട്ടുണ്ട്. മൂന്ന് ചിപ്പുകളും ഭൂമി, ചൊവ്വ, സൂര്യൻ എന്നിവയെ പ്രതിനിധീകരിക്കുന്ന വിധത്തിൽ ലേസർ ഉപയോഗിച്ച് എൻഗ്രേവ് ചെയ്ത ആനോഡൈസ്ഡ് പ്ലേറ്റിൽ പിടിപ്പിച്ചിരിക്കുന്നു. ഈ ചിത്രീകരണത്തിൽ സൂര്യനിൽ നിന്ന് പുറപ്പെടുന്ന കിരണങ്ങളിൽ മോഴ്‌സ് കോഡിൽ എഴുതിയ "പര്യവേക്ഷണം ചെയ്യുക" എന്ന വാചകവും ചേർത്തിട്ടുണ്ട്.[44] 2020 മാർച്ച് 26നാണ് പ്ലേറ്റ് റോവറിൽ സ്ഥാപിച്ചത്.[45]

"Send Your Name to Mars" campaign of Mars 2020
"ചൊവ്വയിലേക്ക് നിങ്ങളുടെ പേര് അയക്കുക" ചിപ്പ് പെർസിവറൻസിൽ ഉറപ്പിച്ചിരിക്കുന്നു.
ചൊവ്വയിലേക്ക് പേര് അയക്കാൻ രജിസ്റ്റർ ചെയ്തവർക്കു ലഭിച്ച ബോർഡിംഗ് പാസ്സിന്റെ മാതൃക.

ഇതും കാണുക[തിരുത്തുക]

അവലംബം[തിരുത്തുക]

  1. ↑ "NASA EDGE: Mars 2020 Rollout". nasa.gov. NASA. ശേഖരിച്ചത് 19 February 2021.  This article incorporates text from this source, which is in the public domain.
  2. ↑ Landers, Rob (17 February 2021). "It's landing day! What you need to know about Perseverance Rover's landing on Mars". Florida Today. മൂലതാളിൽ നിന്നും 19 February 2021-ന് ആർക്കൈവ് ചെയ്തത്. ശേഖരിച്ചത് 19 February 2021.
  3. ↑ 3.0 3.1 "Mars Perseverance Landing Press Kit" (PDF). Jet Propulsion Laboratory. NASA. ശേഖരിച്ചത് 17 February 2021.  This article incorporates text from this source, which is in the public domain.
  4. ↑ "Launch Windows". mars.nasa.gov. NASA. ശേഖരിച്ചത് 28 July 2020.  This article incorporates text from this source, which is in the public domain.
  5. ↑ 5.0 5.1 mars.nasa.gov. "Touchdown! NASA's Mars Perseverance Rover Safely Lands on Red Planet". NASA. ശേഖരിച്ചത് 18 February 2021.  This article incorporates text from this source, which is in the public domain.
  6. ↑ Overbye, Dennis (19 February 2021). "Perseverance's Pictures From Mars Show NASA Rover's New Home - Scientists working on the mission are eagerly scrutinizing the first images sent back to Earth by the robotic explorer". The New York Times. മൂലതാളിൽ നിന്നും 19 February 2021-ന് ആർക്കൈവ് ചെയ്തത്. ശേഖരിച്ചത് 19 February 2021.
  7. ↑ "Overview". mars.nasa.gov. NASA. ശേഖരിച്ചത് 6 October 2020.  This article incorporates text from this source, which is in the public domain.
  8. ↑ "Europe To Press Ahead with ExoMars Plans Without NASA". SpaceNews. 13 February 2012.
  9. ↑ Kremer, Ken (11 February 2012). "Budget Axe to Gore America's Future Exploration of Mars and Search for Martian Life". Universe Today. മൂലതാളിൽ നിന്നും 29 November 2020-ന് ആർക്കൈവ് ചെയ്തത്. ശേഖരിച്ചത് 17 February 2021.
  10. ↑ "Vision and Voyages for Planetary Science in the Decade 2013–2022". National Research Council. 7 March 2011.  This article incorporates text from this source, which is in the public domain.
  11. ↑ Wall, Mike (4 December 2012). "NASA to Launch New Mars Rover in 2020". Space.com. മൂലതാളിൽ നിന്നും 11 November 2017-ന് ആർക്കൈവ് ചെയ്തത്. ശേഖരിച്ചത് 5 December 2012.
  12. ↑ Mustard, J.F.; Adler, M.; Allwood, A.; മുതലായവർ (1 July 2013). "Report of the Mars 2020 Science Definition Team" (PDF). Mars Exploration Program Anal. Gr. NASA. മൂലതാളിൽ നിന്നും 20 October 2020-ന് ആർക്കൈവ് ചെയ്തത് (PDF). ശേഖരിച്ചത് 17 February 2021.  This article incorporates text from this source, which is in the public domain.
  13. ↑ Lakdawalla, Emily (August 19, 2014). "Curiosity wheel damage: The problem and solutions". Planetary.org/Blogs. The Planetary Society. ശേഖരിച്ചത് August 22, 2014.
  14. ↑ Gebhardt, Chris. "Mars 2020 rover receives upgraded eyesight for tricky skycrane landing". NASASpaceFlight.com. ശേഖരിച്ചത് 11 October 2016.
  15. ↑ "Mars 2020 – Body: New Wheels for Mars 2020". NASA/JPL. ശേഖരിച്ചത് 6 July 2018.  This article incorporates text from this source, which is in the public domain.
  16. ↑ "Mars 2020 Rover – Wheels". NASA. ശേഖരിച്ചത് 9 July 2018.  This article incorporates text from this source, which is in the public domain.
  17. ↑ "NASAfacts: Mars 2020/Perseverance" (PDF). 26 July 2020. മൂലതാളിൽ (PDF) നിന്നും 26 July 2020-ന് ആർക്കൈവ് ചെയ്തത്. ശേഖരിച്ചത് 13 August 2020.  This article incorporates text from this source, which is in the public domain.
  18. ↑ "Mars 2020 Rover's 7-Foot-Long Robotic Arm Installed". mars.nasa.gov. 28 June 2019. ശേഖരിച്ചത് 1 July 2019. The main arm includes five electrical motors and five joints (known as the shoulder azimuth joint, shoulder elevation joint, elbow joint, wrist joint and turret joint). Measuring 7 feet (2.1 meters) long, the arm will allow the rover to work as a human geologist would: by holding and using science tools with its turret, which is essentially its "hand".  This article incorporates text from this source, which is in the public domain.
  19. ↑ 19.0 19.1 "Mars 2020 Rover Tech Specs". JPL/NASA. ശേഖരിച്ചത് 6 July 2018.  This article incorporates text from this source, which is in the public domain.
  20. ↑ "NASA's Mars Helicopter Reports In". NASA. 19 February 2021. ശേഖരിച്ചത് 22 February 2021.
  21. ↑ 21.0 21.1 "Mars Helicopter to Fly on NASA's Next Red Planet Rover Mission". NASA. ശേഖരിച്ചത് 11 May 2018.  This article incorporates text from this source, which is in the public domain.
  22. ↑ "Mars mission readies tiny chopper for Red Planet flight". BBC News. 29 August 2019.
  23. ↑ Chang, Kenneth. "A Helicopter on Mars? NASA Wants to Try". The New York Times. മൂലതാളിൽ നിന്നും 17 December 2020-ന് ആർക്കൈവ് ചെയ്തത്. ശേഖരിച്ചത് 12 May 2018.
  24. ↑ 24.0 24.1 Gush, Loren (11 May 2018). "NASA is sending a helicopter to Mars to get a bird's-eye view of the planet – The Mars Helicopter is happening, y'all". The Verge. ശേഖരിച്ചത് 11 May 2018.
  25. ↑ 25.0 25.1 "Name the Rover". mars.nasa.gov. NASA. ശേഖരിച്ചത് 2020-10-20.  This article incorporates text from this source, which is in the public domain.
  26. ↑ Webster, Guy; Brown, Dwayne (21 January 2014). "NASA Receives Mars 2020 Rover Instrument Proposals for Evaluation". NASA. ശേഖരിച്ചത് 21 January 2014.
  27. ↑ Brown, Dwayne (31 July 2014). "Release 14-208 – NASA Announces Mars 2020 Rover Payload to Explore the Red Planet as Never Before". NASA. ശേഖരിച്ചത് 31 July 2014.
  28. ↑ Brown, Dwayne (31 July 2014). "NASA Announces Mars 2020 Rover Payload to Explore the Red Planet as Never Before". NASA. ശേഖരിച്ചത് 31 July 2014.
  29. ↑ Webster, Guy (31 July 2014). "Mars 2020 Rover's PIXL to Focus X-Rays on Tiny Targets". NASA. ശേഖരിച്ചത് 31 July 2014.  This article incorporates text from this source, which is in the public domain.
  30. ↑ "Adaptive sampling for rover x-ray lithochemistry" (PDF). മൂലതാളിൽ (PDF) നിന്നും 8 August 2014-ന് ആർക്കൈവ് ചെയ്തത്.
  31. ↑ "RIMFAX, The Radar Imager for Mars' Subsurface Experiment". NASA. July 2016. ശേഖരിച്ചത് 19 July 2016.  This article incorporates text from this source, which is in the public domain.
  32. ↑ U of T scientist to play key role on Mars 2020 Rover Mission
  33. ↑ In-Situ Resource Utilization (ISRU) Archived 2015-04-02 at the Wayback Machine. ആർക്കൈവ് കോപ്പി വേ ബാക്ക് യന്ത്രത്തിൽ നിന്നും  This article incorporates text from this source, which is in the public domain.
  34. ↑ Jet Propulsion Laboratory (JPL). "Mars Oxygen In-Situ Resource Utilization Experiment (MOXIE)". NASA TechPort. NASA. ശേഖരിച്ചത് 28 December 2019.  This article incorporates text from this source, which is in the public domain.
  35. ↑ "NASA Administrator Signs Agreements to Advance Agency's Journey to Mars". NASA. 16 June 2015.  This article incorporates text from this source, which is in the public domain.
  36. ↑ Webster, Guy (31 July 2014). "SHERLOC to Micro-Map Mars Minerals and Carbon Rings". NASA. ശേഖരിച്ചത് 31 July 2014.  This article incorporates text from this source, which is in the public domain.
  37. ↑ "SHERLOC: Scanning Habitable Environments with Raman and Luminescence for Organics and Chemicals, an Investigation for 2020" (PDF).
  38. ↑ "Mars mission readies tiny chopper for Red Planet flight". BBC News. 29 August 2019.
  39. ↑ 39.0 39.1 Mehta, Jatan (February 17, 2021). "How NASA Aims to Achieve Perseverance’s High-Stakes Mars Landing". Scientific American (ഭാഷ: ഇംഗ്ലീഷ്). ശേഖരിച്ചത് 2021-02-25.{{cite web}}: CS1 maint: url-status (link)
  40. ↑ "HiRISE Captured Perseverance During Descent to Mars". NASA. 19 February 2021. ശേഖരിച്ചത് 25 February 2021.
  41. ↑ "Cost of Perseverance". The Planetary Society.
  42. ↑ "The Cost of Perseverance, in Context". The Planetary Society.
  43. ↑ "Answering Your (Mars 2020) Questions: Perseverance vs. Curiosity Rover Hardware". TechBriefs. ശേഖരിച്ചത് 17 February 2021.
  44. ↑ NASA's Perseverance Mars Rover (official account) [NASAPersevere] (2020-03-30). "Some of you spotted the special message I'm carrying to Mars along with the 10.9+ million names you all sent in. "Explore As One" is written in Morse code in the Sun's rays, which connect our home planet with the one I'll explore. Together, we persevere" (Tweet) – via Twitter. {{cite web}}: Cite has empty unknown parameter: |dead-url= (help)
  45. ↑ "10.9 Million Names Now Aboard NASA's Perseverance Mars Rover". Mars Exploration Program. NASA. March 26, 2020. മൂലതാളിൽ നിന്നും 9 December 2020-ന് ആർക്കൈവ് ചെയ്തത്. ശേഖരിച്ചത് 30 July 2020.  This article incorporates text from this source, which is in the public domain.

പുറത്തേക്കുള്ള കണ്ണികൾ[തിരുത്തുക]

"https://ml.wikipedia.org/w/index.php?title=പെർസിവറൻസ്_(റോവർ)&oldid=3637736" എന്ന താളിൽനിന്ന് ശേഖരിച്ചത്