പാറൊ അന്താരാഷ്ട്ര വിമാനത്താവളം

വിക്കിപീഡിയ, ഒരു സ്വതന്ത്ര വിജ്ഞാനകോശം.
പാറൊ അന്താരാഷ്ട്ര വിമാനത്താവളം
སྤ་རོ་གནམ་ཐང༌།
Paro Airport.jpg
Summary
എയർപോർട്ട് തരംPublic
പ്രവർത്തിപ്പിക്കുന്നവർസിവിൽ ഏവിയേഷൻ ഡിപ്പാർട്ട്മെന്റ്
Servesതിംഫു, പാറൊ ജില്ല
സ്ഥലംപാറൊ ജില്ല
Hub for
സമുദ്രോന്നതി2,235 m / 7,332 ft
Map
PBH is located in Bhutan
PBH
PBH
Location within Bhutan
റൺവേകൾ
ദിശ Length Surface
m ft
15/33 1,964 6,445 Asphalt
മീറ്റർ അടി

ഭൂട്ടാൻ രാജ്യത്തെ ഏക അന്താരാഷ്ട്ര വിമാനത്താവളമാണ് പാറൊ അന്താരാഷ്ട്ര വിമാനത്താവളം (Dzongkha: སྤ་རོ་གནམ་ཐང༌ paro kanam thang) (IATA: PBHICAO: VQPR) ഭൂട്ടാനിലെ നാല് വിമാനത്താവളങ്ങളിൽ ഒന്നാണിത്. പാറൊ നഗരത്തിൽ നിന്ന് 6 കിലോമീറ്റർ ദൂരെയായി പാറൊ ചൂ എന്ന നദിയുടെ തീരത്തായാണ് ഈ വിമാനത്താവളം സ്ഥിതി ചെയ്യുന്നത്. 5500 മീറ്റർ ഉയരമുള്ള കുന്നുകളാൽ ചുറ്റപ്പെട്ട ഈ വിമാനത്താവളത്തിൽ വിമാനമിറക്കുന്നത് വളരെ വിദഗ്ദ്ധരായ വൈമാനികർക്കേ സാധിക്കുകയുള്ളൂ.[2] വളരെക്കുറച്ച് പൈലറ്റുമാർക്കേ ഇതിനുള്ള സർട്ടിഫിക്കേഷൻ ലഭിച്ചിട്ടുള്ളൂ.[3][4]

പകൽ സമയത്ത് നേരിട്ട് കാഴ്ചയുള്ള സാഹചര്യങ്ങളിൽ മാത്രമേ പാറൊ വിമാനത്താവളത്തിൽ വിമാനമിറക്കാൻ അനുവദിക്കുന്നുള്ളൂ.[5] 2011 വരെ ഭൂട്ടാനിലെ ഏക വിമാനത്താവളം ഇതായിരുന്നു.[6] റോഡുവഴി ഈ വിമാനത്താവളം തിംഫുവിൽ നിന്ന് 54 കിലോമീറ്റർ ദൂരെയാണ്.

ചരിത്രം[തിരുത്തുക]

2011 വിമാനത്താവലത്തിന്റെ അകം
ഡ്രൂക് എയറിന്റെ എയർബസ് എ319-115 എയർപോർട്ട് ടെർമിനലിൽ പാർക്ക് ചെയ്തിരിക്കുന്നു. 2006.

1968-ൽ ഇന്ത്യൻ ബോർഡർ റോഡ്സ് ഓർഗനൈസേഷൻ പാറോ താഴ്വരയിൽ വിമാനമിറങ്ങുവാനുള്ള ഒരു സ്ട്രിപ് നിർമിച്ചു. ഇന്ത്യൻ സൈന്യത്തിന്റെ ഹെലിക്കോപ്റ്ററുകൾ ഭൂട്ടാൻ ഗവണ്മെന്റിനുവേണ്ടി ഉപയോഗിക്കുവാനായിരുന്ന് ഈ എയർ സ്ട്രിപ് ആദ്യം ഉപയോഗിച്ചിരുന്നത്. ഭൂട്ടാന്റെ ആദ്യത്തെ വിമാനക്കമ്പനിയായ ഡ്രൂക് എയർ 1981 ഏപ്രിൽ 5-ന് ആരംഭിച്ചു.

വളരെ 'ആഴമുള്ള' ഒരു താഴ്വരയിൽ സമുദ്രനിരപ്പിൽ നിന്ന് 7332 അടി ഉയരത്തിലാണ് ഈ വിമാനത്താവലം സ്ഥിതി ചെയ്യുന്നത്. ചുറ്റും 18000 അടി വരെ ഉയരമുള്ള പർവ്വതങ്ങളാണുള്ളത്.[7] വിമാനത്താവളത്തിന്റെ റൺവേയ്ക്ക് 3900 അടി നീളമാണുള്ളത്.[8] പാറൊ വിമാനത്താവളത്തിൽ നിന്ന് പറത്താനാവുന്ന വിമാനങ്ങൾ പരിമിതമാണ്. ഇന്ധനം നിറയ്ക്കാതെ കൽക്കട്ടയിലേയ്ക്കും തിരിച്ചും പറക്കാൻ സാധിക്കുന്നതും പെട്ടെന്ന് ഉയരാൻ സാധിക്കുന്നതും 18–20 സീറ്റ് ഉള്ളതുമായതും ചെറിയ റൺവേയിൽ നിന്ന് പറന്നുയരാനും ഇറങ്ങാനും സാധിക്കുന്നതുമായ വിമാനമായിരുന്നു 1978-80 കാലഘട്ടത്തിൽ ആവശ്യമായിരുന്നത്. പാറൊയിൽ ലഭ്യമായ അടിസ്ഥാനസൗകര്യങ്ങളും കുറവായിരുന്നു. മൂന്ന് തരം വിമാനങ്ങൾ പരീക്ഷണപ്പറക്കലുകൾക്ക് തിരഞ്ഞെടുത്തുവെങ്കിലും ഇവയൊന്നും അനുയോജ്യമായിരുന്നില്ല.[8]

1981-ൽ ഇന്ത്യൻ ഗവണ്മെന്റ് ഭാരം കുറഞ്ഞ വിമാനങ്ങൾക്കായി ഒരു കമ്മിറ്റി രൂപീകരിച്ചു. ഈ കമ്മിറ്റിയുടെ പഠനം അടിസ്ഥാനമാക്കി ഭൂട്ടാൻ ഗവണ്മെന്റ് ഒരു ഡോർണിയർ 228-200 വിമാനം വാങ്ങുവാൻ തീരുമാനിച്ചു. രണ്ടാമതൊരു വിമാനം കൂടി 1983-ൽ വാങ്ങുവാനുള്ള സാദ്ധ്യത നിലനിർത്തുന്നതായിരുന്നു കരാർ. ആദ്യ 18-സീറ്റ് ഡോർണിയർ 228-200 പാറൊ വിമാനത്താവളത്തിൽ 1983 ജനുവരി 14-ന് ഇറങ്ങി. പാറോ സോങ്ങിലെ ലാമയായിരുന്നു വിമാനമിറങ്ങേണ്ട സമയവും ആൾക്കാരുടെ എണ്ണവും വിമാനം പാർക്ക് ചെയ്യേണ്ട ദിശയും മറ്റും തീരുമാനിച്ചത്![8]

ഡ്രൂക് എയർ 1983 മുതൽ കൽക്കട്ടയിലേയ്ക്കും പിറ്റേദിവസം തിരികെയും വിമാന സർവ്വീസ് ആരംഭിച്ചു. റൺവേയും രണ്ട് മുറികളുള്ള ഒരു കെട്ടിടവുമാണ് അന്ന് ഇവിടെയുണ്ടായിരുന്നത്.[9] സിവിൽ ഏവിയേഷൻ വകുപ്പ് 1986 ജനുവരിയിൽ പ്രവർത്തനമാരംഭിക്കുന്നതിന് മുൻപ് വിമാനത്താവളത്തിന്റെ നടത്തിപ്പ് ചുമതല ഡ്രൂക് എയറിനായിരുന്നു.[10]

1990-ൽ റൺവേയുടെ നീളം 6445 അടിയായി വർദ്ധിപ്പിച്ചു. കൂടുതൽ ഭാരമുള്ള വിമാനങ്ങൾക്ക് ഇറങ്ങാനായി ബലവത്താക്കുകയും ചെയ്തു.[11] വിമാനങ്ങൾ സംരക്ഷിക്കുവാൻ ഒരു ഹാങറും നിർമ്മിക്കപ്പെട്ടു. ഇതിനായുള്ള പണം ഭാഗികമായി മുടക്കിയത് ഇന്ത്യൻ ഗവണ്മെന്റായിരുന്നു.[12]

1988 നവംബർ 21-ന് ഡ്രൂക് എയറിന്റെ ആദ്യ ജെറ്റ് (ബിഎഇ 146-100 പാറൊ വിമാനത്താവളത്തിലെത്തി. 2003-ൽ ആദ്യ എയർബസ് എ319-100 ഇവിടെയെത്തി.[13]

2010 ഓഗസ്റ്റ് മുതൽ ബുദ്ധ എയർ പാറോയിലേയ്ക്ക് ചാർട്ടർ ചെയ്ത വിമാനങ്ങൾ അയയ്ക്കാൻ ആരംഭിച്ചു.[14] ഭൂട്ടാനിലെ ആദ്യ സ്വകാര്യ വിമാനക്കമ്പനിയായ ടാഷി എയർ 2011 ഡിസംബറിൽ സർവ്വീസ് ആരംഭിച്ചു.[15]

അവലംബം[തിരുത്തുക]

  1. "Paro – Vqpr". World Aero Data. ശേഖരിച്ചത് 29 December 2012.
  2. Cruz, Magaly; Wilson,James; Nelson, Buzz (July 2003). "737-700 Technical Demonstration Flights in Bhutan" (PDF). Aero Magazine (3): 1, 2. ശേഖരിച്ചത് 12 February 2011.CS1 maint: multiple names: authors list (link)
  3. Farhad Heydari (October 2009). "The World's Scariest Runways". Travel & Leisure. ശേഖരിച്ചത് 12 February 2011.
  4. "The Himalayan airport so dangerous only eight pilots are qualified to land there - Daily Mail Online". Mail Online. ശേഖരിച്ചത് 12 December 2014.
  5. "Paro Bhutan". Air Transport Intelligence. Reed Business Information. 2011. മൂലതാളിൽ നിന്നും 2011-08-07-ന് ആർക്കൈവ് ചെയ്തത്. ശേഖരിച്ചത് 12 February 2011.
  6. [1]
  7. Airbus (8 February 2005). The A319 excels in operations from high-altitude airports. Press release. ശേഖരിച്ച തീയതി: 15 June 2014. Archived 2014-12-13 at the Wayback Machine.
  8. 8.0 8.1 8.2 Christ, Rolf F. (June 1983). "Bhutan puts its flag on the world's air map". ICAO Journal. Montreal, Canada: International Civil Aviation Organization. 38 (6): 11–13. മൂലതാളിൽ നിന്നും 2016-03-04-ന് ആർക്കൈവ് ചെയ്തത്. ശേഖരിച്ചത് 15 June 2014.
  9. Chattopadhyay, Suhrid Sankar (9 May 2008). "Aiming high". Frontline. Chennai, India: The Hindu Group. 25 (9): 122. ISSN 0970-1710. മൂലതാളിൽ നിന്നും 2014-06-14-ന് ആർക്കൈവ് ചെയ്തത്. ശേഖരിച്ചത് 15 June 2014.
  10. "Department of Civil Aviation". Ministry of Information and Communication (Bhutan). മൂലതാളിൽ നിന്നും 6 July 2011-ന് ആർക്കൈവ് ചെയ്തത്. ശേഖരിച്ചത് 25 April 2010.
  11. Brunet, Sandra (2001). "Tourism Development in Bhutan: Tensions between Tradition and Modernity" (PDF). Journal of Sustainable Tourism. 9 (3): 243. doi:10.1080/09669580108667401. ശേഖരിച്ചത് 25 April 2010. Unknown parameter |coauthors= ignored (|author= suggested) (help)
  12. Zimba, Dasho Yeshey (1996). "Bhutan Towards Modernization". എന്നതിൽ Ramakant and Misra, Ramesh Chandra (സംശോധാവ്.). Bhutan: Society and Polity (2nd പതിപ്പ്.). Indus Publishing. പുറം. 144. ISBN 81-7387-044-6. ശേഖരിച്ചത് 30 July 2008. Unknown parameter |chapterurl= ignored (|chapter-url= suggested) (help)
  13. "Drukair's first Airbus lands in Paro". Paro: Kuensel. 20 October 2004. മൂലതാളിൽ നിന്നും 10 June 2011-ന് ആർക്കൈവ് ചെയ്തത്. ശേഖരിച്ചത് 26 April 2010.
  14. Buddha Air in service Archived 2012-04-15 at the Wayback Machine. Bhutan Broadcasting Service, 24 August 2010.
  15. "Tashi Group - TASHI AIR LAUNCHED ON 4TH DEC. 2011". tashigroup.bt. മൂലതാളിൽ നിന്നും 2012-12-06-ന് ആർക്കൈവ് ചെയ്തത്. ശേഖരിച്ചത് 12 December 2014.