പന്തളം സുധാകരൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
പന്തളം സുധാകരൻ
സംസ്ഥാന എക്സൈസ് വകുപ്പ് മന്ത്രി
ഓഫീസിൽ
1995-1996
സംസ്ഥാന പിന്നോക്കക്ഷേമ വകുപ്പ് മന്ത്രി
ഓഫീസിൽ
1991-1995
നിയമസഭാംഗം
ഓഫീസിൽ
1991, 1987, 1982
മുൻഗാമിഎം.എ.കുട്ടപ്പൻ
പിൻഗാമിഎൻ.കണ്ണൻ
മണ്ഡലംവണ്ടൂർ
വ്യക്തിഗത വിവരങ്ങൾ
ജനനം (1955-11-20) 20 നവംബർ 1955  (68 വയസ്സ്)
പന്തളം, അടൂർ താലൂക്ക്, പത്തനംതിട്ട ജില്ല
രാഷ്ട്രീയ കക്ഷികോൺഗ്രസ് (ഐ)
പങ്കാളിഅജിത
കുട്ടികൾ2
As of ജൂലൈ 5, 2022
ഉറവിടം: കേരള നിയമസഭ

കവിയും ഗാനരചയിതാവുമായ കേരളത്തിൽ നിന്നുള്ള മുതിർന്ന കോൺഗ്രസ് (ഐ) നേതാവും മുൻ മന്ത്രിയുമാണ് പന്തളം സുധാകരൻ. (ജനനം : 20 നവംബർ 1955) 1991 മുതൽ 1995 വരെ കെ. കരുണാകരൻ മന്ത്രിസഭയിലും 1995-1996 വരെ എ.കെ. ആൻ്റണി മന്ത്രിസഭയിലെയും പിന്നോക്ക ക്ഷേമം, എക്സൈസ് എന്നീ വകുപ്പുകളുടെ ചുമതലയുള്ള മന്ത്രിയായും പ്രവർത്തിച്ചു. 1982 മുതൽ 1996 വരെ വണ്ടൂരിൽ നിന്നുള്ള നിയമസഭാംഗമായിരുന്നു.[1]

ജീവിതരേഖ[തിരുത്തുക]

പത്തനംതിട്ട ജില്ലയിലെ അടൂർ താലൂക്കിലെ പന്തളത്ത് കൊച്ചാദിച്ചൻ്റെയും കാർത്യായനിയുടേയും മകനായി 1955 നവംബർ 20ന് ജനിച്ചു. ബി.എ ആണ് വിദ്യാഭ്യാസ യോഗ്യത. ടി.കെ.സുധാകരൻ എന്നതാണ് ശരിയായ പേര്. പിന്നീട് സ്ഥലപ്പേര് കൂട്ടിച്ചേർത്ത് പന്തളം സുധാകരൻ എന്നറിയപ്പെട്ടു.

രാഷ്ട്രീയ ജീവിതം[തിരുത്തുക]

കോൺഗ്രസിൻ്റെ വിദ്യാർത്ഥി സംഘടനയായ കെ.എസ്.യു വഴിയാണ് പൊതുരംഗപ്രവേശനം. കെ.എസ്.യുവിൻ്റെ സംസ്ഥാന വൈസ് പ്രസിഡൻറും ജനറൽ സെക്രട്ടറി എന്നീ നിലകളിൽ പ്രവർത്തിച്ച സുധാകരൻ 1990 മുതൽ 1992 വരെ യൂത്ത് കോൺഗ്രസിൻ്റെ സംസ്ഥാന പ്രസിഡൻറായിരുന്നു.[2]

പ്രധാന പദവികളിൽ

  • 1978-1982 : കെ.എസ്.യു, സംസ്ഥാന വൈസ് പ്രസിഡൻ്റ്, ജനറൽ സെക്രട്ടറി
  • 1982-1989 : യൂത്ത് കോൺഗ്രസ്, സംസ്ഥാന വൈസ് പ്രസിഡൻറ്, ജനറൽ സെക്രട്ടറി
  • 1982 : നിയമസഭാംഗം, വണ്ടൂർ (1)
  • 1987 : നിയമസഭാംഗം, വണ്ടൂർ (2)
  • 1990-1992 : യൂത്ത് കോൺഗ്രസ്, സംസ്ഥാന പ്രസിഡൻറ്
  • 1991 : നിയമസഭാംഗം, വണ്ടൂർ (3)
  • 1991-1995 : സംസ്ഥാന യുവജനകാര്യ, പിന്നോക്കക്ഷേമ വകുപ്പ് മന്ത്രി
  • 1995-1996 : സംസ്ഥാന എക്സൈസ് വകുപ്പ് മന്ത്രി[3]
  • 1996-ലെ നിയമസഭ തിരഞ്ഞെടുപ്പിൽ വണ്ടൂരിൽ നിന്ന് വീണ്ടും മത്സരിച്ചെങ്കിലും സി.പി.എമ്മിലെ എൻ.കണ്ണനോട് പരാജയപ്പെട്ടു.
  • 1999-ലെ ലോക്സഭ തിരഞ്ഞെടുപ്പിൽ ഒറ്റപ്പാലത്ത് നിന്ന് മത്സരിച്ചെങ്കിലും സി.പി.എമ്മിലെ എസ്.അജയകുമാറിനോട് പരാജയപ്പെട്ടു.
  • 2001-ലെ നിയമസഭ തിരഞ്ഞെടുപ്പിൽ കുന്നത്തൂരിൽ നിന്ന് മത്സരിച്ചെങ്കിലും ആർ.എസ്.പിയിലെ കോവൂർ കുഞ്ഞുമോനോട് പരാജയപ്പെട്ടു.
  • 2011-ലെ നിയമസഭ തിരഞ്ഞെടുപ്പിൽ അടൂരിൽ നിന്ന് മത്സരിച്ചെങ്കിലും സി.പി.ഐയിലെ ചിറ്റയം ഗോപകുമാറിനോട് പരാജയപ്പെട്ടു.
  • 2016-ലെ നിയമസഭ തിരഞ്ഞെടുപ്പിൽ കോങ്ങാട് നിന്ന് മത്സരിച്ചെങ്കിലും സി.പി.എമ്മിലെ കെ.വി.വിജയദാസിനോട് പരാജയപ്പെട്ടു.

മറ്റ് പദവികളിൽ

  • എം.ജി. യൂണിവേഴ്സിറ്റി, സിൻഡിക്കേറ്റ് മെമ്പർ
  • സെനറ്റ് മെമ്പർ, കാലിക്കറ്റ് യൂണിവേഴ്സിറ്റി
  • കെ.പി.സി.സി ജനറൽ സെക്രട്ടറി, എക്സിക്യൂട്ടീവ് കമ്മറ്റി അംഗം
  • എ.ഐ.സി.സി അംഗം
  • തിരുവനന്തപുരം ദൂരദർശൻ കേന്ദ്ര അഡ്വൈസറി ബോർഡംഗം
  • ജൂറി മെമ്പർ, കേരള സ്റ്റേറ്റ് ഫിലിം അവാർഡ് കമ്മറ്റി
  • ഡയറക്ടർ, കേരള ചലച്ചിത്ര വികസന കോർപ്പറേഷൻ, ജയ്ഹിന്ദ് ടിവി
  • കെ.ടി.ഡി.സി ചെയർമാൻ
  • വൈസ് ചെയർമാൻ, മലയാള സിനിമ ടെക്നിഷ്യൻ അസോ. (മാക്ട)
  • കേരള കലാമണ്ഡലം എക്സിക്യൂട്ടീവ് ബോർഡംഗം
  • കെ.പി.സി.സി വക്താവ്

ഗാനരചയിതാവ്[തിരുത്തുക]

പന്തളം സുധാകരൻ എഴുതിയ ഗാനങ്ങൾ

  • എൻ്റെ മൗനരാഗമിന്ന് നീയറിഞ്ഞുവോ...
  • (ചിത്രം : കൊട്ടാരം വീട്ടിൽ അപ്പൂട്ടൻ 1998)
  • വാരിളം തിങ്കൾ...
  • (പാളയം 1994)
  • മുകിലിൻ്റെ പൊൻ തേരിൽ...
  • കുമ്മാട്ടിപ്പാട്ടിൻ്റെ...
  • (ആകാശത്തിനു കീഴെ 1992)
  • നീഹാരമായ്.. നീഹാരമായ് പ്രിയ രാധികെ...
  • (കൊട്ടും കുരവയും 1987)
  • ധനുമാസക്കുളിരല ചൂടി...
  • തുമ്പി മഞ്ചലേറി വാ...
  • (മഴ പെയ്യുന്നു മദ്ദളം കൊട്ടുന്നു 1986)
  • കൊഞ്ചും നിൻ ഇമ്പം...
  • (താളവട്ടം 1986)
  • യാമങ്ങൾ ചിലങ്ക കെട്ടി...
  • (കാര്യം കാണാനൊരു കള്ളച്ചിരി 1986)
  • അമൃതം ചൊരിയും പ്രിയഗീതം...
  • (കട്ടുറുമ്പിന് കാതുകുത്ത് 1986)[4][5]

തിരഞ്ഞെടുപ്പുകൾ[തിരുത്തുക]

തിരഞ്ഞെടുപ്പുകൾ [6]
വർഷം മണ്ഡലം വിജയിച്ച സ്ഥാനാർത്ഥി പാർട്ടിയും മുന്നണിയും പരാജയപ്പെട്ട മുഖ്യസ്ഥാനാർത്ഥി പാർട്ടിയും മുന്നണിയും
2011 (എസ്.സി.) അടൂർ നിയമസഭാമണ്ഡലം ചിറ്റയം ഗോപകുമാർ സി.പി.ഐ., എൽ.ഡി.എഫ്. പന്തളം സുധാകരൻ കോൺഗ്രസ് (ഐ.), യു.ഡി.എഫ്.

അവലംബം[തിരുത്തുക]

  1. "യൗവനസുരഭിലം ഓർമകൾ; 25 വയസ്സിലെ എംഎൽഎമാർ | Pandalam Sudhakaran | Ramesh Chennithala | Manorama Online" https://www.manoramaonline.com/news/only-in-manorama-online/2021/01/09/flashback-congress-pandalam-sudhakaran-ramesh-chennithala-youth-in-politics.html
  2. "KERALA NIYAMASABHA :: PANDALAM SUDHAKARAN :: STATE OF KERALA" http://www.stateofkerala.in/niyamasabha/pandalam_sudhakaran.php Archived 2023-05-28 at the Wayback Machine.
  3. "ആർക്കൈവ് പകർപ്പ്". Archived from the original on 2011-12-06. Retrieved 2011-10-09.
  4. "ഈ ഖദർ കുപ്പായത്തിനുള്ളിൽ ഒരു കവി ഹൃദയമുണ്ട്‌, പാട്ടെഴുത്തുകാരനുണ്ട്‌; പന്തളം സുധാകരന്റെ പാട്ടുവഴികൾ​|Pandalam Sudhakaran" https://www.manoramaonline.com/music/music-news/2020/06/08/list-of-movie-songs-written-by-pandalam-sudhakaran.html
  5. "പന്തളം സുധാകരൻ - Panthalam Sudhakaran | M3DB.COM" https://m3db.com/panthalam-sudhakaran
  6. "ആർക്കൈവ് പകർപ്പ്". Archived from the original on 2021-11-11. Retrieved 2016-04-06.
"https://ml.wikipedia.org/w/index.php?title=പന്തളം_സുധാകരൻ&oldid=4070990" എന്ന താളിൽനിന്ന് ശേഖരിച്ചത്