കേരള സ്റ്റുഡന്റ്സ് യൂണിയൻ

വിക്കിപീഡിയ, ഒരു സ്വതന്ത്ര വിജ്ഞാനകോശം.
(കെ.എസ്.യു എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search
കേരള സ്റ്റുഡന്റ്സ് യൂണിയൻ

(നാഷണൽ സ്റ്റുഡൻറ്സ് യൂണിയൻ ഓഫ് ഇന്ത്യയുടെ കേരളവിഭാഗം)
ചുരുക്കപ്പേര്KSU
പ്രസിഡന്റ്കെ.എം അഭിജിത്ത്
രൂപീകരിക്കപ്പെട്ടത്മേയ് 30, 1957 (1957-05-30)
SloganProgressive Thought, Secular Vision and Democratic Action

കെ.എസ്.യു.(KSU) അഥവാ കേരളാ സ്റ്റുഡന്റ്സ് യൂണിയൻ കേരളത്തിൽ സജീവമായ വിദ്യാർത്ഥി രാഷ്ട്രീയ പ്രസ്ഥാനമാണ്. 1957 നവംബർ മാസം രൂപീകൃതമായ ഈ സംഘടന ഇന്ത്യൻ നാഷണൽ കോൺഗ്രസ് കേരളാ ഘടകത്തിന്റെ പോഷകസംഘടന എന്ന നിലയിലാണു പ്രവർത്തിക്കുന്നത്. എം.എ. ജോൺ, വയലാർ രവി, എ.കെ. ആന്റണി, കേരളത്തിൽ മുൻ‌മുഖ്യമന്ത്രിയായിരുന്ന ഉമ്മൻ ചാണ്ടി,പ്രതിപക്ഷ നേതാവ് രമേശ് ചെന്നിത്തല തുടങ്ങി ഒട്ടേറെപ്പേർ കെ.എസ്.യുവിൽ പ്രവർത്തിച്ച് കോൺഗ്രസ് പാർട്ടിയുടെ നേതൃസ്ഥാനങ്ങളിലെത്തിയവരാണ്.ആദർശവും'സത്യസന്തതയും സംഘടനയുടെ മുഖവരയാകുന്നു

ചരിത്രം[തിരുത്തുക]

രൂപവത്കരണം[തിരുത്തുക]

കേരളത്തിലെ ആദ്യത്തെ വിദ്യാർത്ഥിസംഘടനയാണ് KSU.ശേഷം രൂപപ്പെട്ടതാണ് മറ്റു ഇതരസംഘടനകൾ. എം.എ. ജോൺ, വയലാർ രവി, ജോർജ് തരകൻ എന്നിവരാണു ഇതിനു നേതൃത്വം കൊടുത്തത്. 1957 ൽ ആലപ്പുഴയുടെ മണ്ണിൽ പിറവിയെടുത്ത പ്രസ്ഥാനമാണ് KSU. 6 പതിറ്റാണ്ടും 61 വർഷത്തെ രാഷ്ട്രീയ പാരമ്പര്യം അവകാശപ്പെടുന്ന മഹത്തായ മതേതര സംഘടനയാണ് KSU. 1957-ൽ എറണാകുളം ലോ കോളജ് വിദ്യാർത്ഥികളായ ജോർജ് തരകൻ, എ.എ. സമദ് എന്നിവരുടെ നേതൃത്വത്തിൽ സ്വതന്ത്ര വിദ്യാർത്ഥി സംഘടന എന്നൊരു പ്രസ്ഥാനം രൂപീകൃതമായിരുന്നു. ഇതേകാ‍ലത്താണ് എം.കെ. രവീന്ദ്രന്റെ നേതൃത്വത്തിൽ ആലപ്പുഴ എസ്.ഡി. കോളജ് കേന്ദ്രമായി മറ്റൊരു വിദ്യാർത്ഥി കൂട്ടായ്മ പ്രവർത്തിച്ചു തുടങ്ങിയത്. ഈ രണ്ടു കൂട്ടായ്മകളും യോജിച്ചു പ്രവർത്തിക്കുവാൻ ഐ.എൻ.ടി.യു.സി. നേതാവായ കെ.സി. ഈപ്പൻ നൽകിയ നിർദ്ദേശം കെ.എസ്.യു. രൂപവത്കരണത്തിനു വഴിതെളിച്ചു[1]. 1957 മെയ് 30 ആലപ്പുഴ മുല്ലയ്ക്കൽ താണുവയ്യർ ബിൽഡിങ്സിൽ ഈ രണ്ടു വിദ്യാർത്ഥി കൂട്ടായ്മകളുടെയും പ്രതിനിധികൾ യോഗം ചേരുകയും പുതിയൊരു സംഘടന രൂപവത്കരിച്ച് ഒരുമിച്ചു പ്രവർത്തിക്കാൻ തീരുമാനിക്കുകയും ചെയ്തു. അന്നു മുതിർന്ന കോൺഗ്രസ്സ് നേതാക്കൾ ഇതിനു എതിരായിരുന്നു. എന്നാൽ ആലപ്പുഴ ഡി സി സി പ്രസിഡണ്ട് ആയിരുന്ന സി എം സ്റ്റീഫൻ അനുകൂലമായ നിലപാടെടുത്തു.  ഈ കാരണത്താൽ ആണു വയലാർ രവിയെ ആദ്യത്തെ പ്രസിഡണ്ട് ആയി തിരഞ്ഞെടുത്തത്. പുതിയ സംഘടനയുടെ പ്രസിഡന്റായി ജോർജ് തരകനെയും ജനറൽ സെക്രട്ടറിയായി വയലാർ രവിയെയും ഖജാൻ‌ജിയായി എ.എ. സമദിനെയും പ്രസ്തുത യോഗം തിരഞ്ഞെടുത്തു[2].

ഒരണസമരം[തിരുത്തുക]

കെ.എസ്.യുവിന്റെ വളർച്ചയിൽ നിർണ്ണായക പങ്കുവഹിച്ച സമരപരിപാടിയായിരുന്നു 1959ലെ ഒരണസമരം[1]. കുട്ടനാട്ടിലെ ബോട്ട് സർവീസ് സ്വകാര്യമേഖലയിൽ നിന്ന് സർക്കാർ ഏറ്റെടുത്തപ്പോൾ അന്നേവരെയുണ്ടായിരുന്ന യാത്രാചാർജ് ഒരണയിൽ നിന്ന് പത്തൂ പൈസയാക്കി ഉയർത്തി.ഇതിനെതിരെ കെ.എസ്.യു വിന്റെ നേതൃത്വത്തിൽ നടന്ന സമരമാണ് ഒരണസമരം എന്ന പേരിൽ അറിയപ്പെടുന്നത്.

1968- ൽ എടുത്ത  ചരിത്രമായ  ഒരു പടത്തിൽ എം എ ജോൺ, ആന്റണി, ഉമ്മൻ ചാണ്ടി അടക്കം  പിന്നീട് പ്രസിദ്ധരായ മിക്കവാറും എല്ലാ കെ എസ്സ് യു, യൂത്ത് കോൺഗ്രസ്സ് നേതാക്കളെയും കാണാം.

എം എം ഹസനായിരുന്നു(1968-69) കേരള സർവ്വകലാശാലാ സെനറ്റിലെ ആദ്യത്തെ കെ.എസ്.യു. പ്രതിനിധി. പിറവിക്കു ശേഷം ഏതാണ്ട് ഇരുപതു വർഷത്തോളം കേരളത്തിലെ വിദ്യാഭ്യാസ രംഗത്തെ ഏറ്റവും ശക്തമായ വിദ്യാർത്ഥി സംഘടനകളിലൊന്നായിരുന്നു കെ.എസ്.യു.ഇന്ന് കോൺഗ്രസ് നേത്രത്വത്തിൽ ഉളള എ.കെ. ആന്റണി, വയലാർ രവി , രമേശ് ചെന്നിത്തല , എം എം ഹസ്സൻ, ഉൾപ്പെടെ മിക്കവരും കെ.എസ്.യു വിന്റെ സമരരംഗത്തു നിന്നും ഉയർന്നു വന്നിട്ടുളളവർ ആണു. ഹൈബി ഈഡനായിരുന്നു കെ.എസ്.യു സംസ്ഥാന പ്രസിഡന്റ്. ഹൈബി ഈഡൻ മുൻ എറണാകുളം എം.പി പരേതനായ ജോർജ് ഈഡന്റെ മകനാണ്. ഹൈബി എൻ.എസ്.യു പ്രസിഡന്റായി 2008 ഡിസംബറിൽ തിരഞ്ഞെടുക്കപ്പെടുകയും ചെയ്തു. കെ.എം. അഭിജിത്ത് ആണ് ഇപ്പൊൾ സംസ്ഥാന പ്രസിഡന്റ്

സംസ്ഥാന കമ്മിറ്റി[തിരുത്തുക]

കെ എസ് യു തിരഞ്ഞെടുപ്പ് 2017 ഇൽ നടന്നു. കെ.എം അഭിജിത്ത് സംസ്ഥാന പ്രസിഡന്റ് അയിട്ടും ദേശിയ സെക്രട്ടറിമാരായി അബിൻ വർക്കി കോടിയാട്ട്, രാഹുൽ മാംകൂട്ടത്തിൽ എന്നിവരെയും തിരഞ്ഞെടുത്തു. വി.പി അബ്ദുൽ റഷീദ്, റിങ്കു പടിപ്പുരയിൽ, സ്നേഹ ആർ വി ഹരിപ്പാട്,ശ്രീലാൽ ശ്രീധർ, ജഷീർ പള്ളിവയൽ ,നിഖിൽ ദാമോദരൻ എന്നിവരെ വൈസ് പ്രസിഡന്റുമാരായും തിരഞ്ഞെടുത്തു.

കലാശാല മാസിക[തിരുത്തുക]

കെ എസ് യു വിന്റെ മുഖപത്രമാണു കലാശാല മാസിക. കെ എസ് യു സംസ്ഥാന കമ്മിറ്റിയുടെ കീഴിലുള്ള എഡിറ്റോറിയൽ ബോർഡാണു കലാശാല മാസിക പ്രസിധീകരിക്കുന്നത്.

അവലംബം[തിരുത്തുക]

  1. 1.0 1.1 ജോർജ് തരകൻ (2006-05-30). "ഊർജ്ജം തിരിച്ചെടുക്കാൻ വഴി തിരഞ്ഞെടുപ്പ്". മലയാള മനോരമ. p. 8. |access-date= requires |url= (help)
  2. ജോൺ മുണ്ടക്കയം (2006-05-30). "ഒരണയിൽ ജ്വലിച്ച് അരശതകം". മലയാള മനോരമ. p. 8. |access-date= requires |url= (help)

പുറത്തേയ്ക്കുള്ള കണ്ണികൾ[തിരുത്തുക]