തൊട്ടാവാടി

ഇംഗ്ലീഷ് വിലാസം

https://ml.wikipedia.org/wiki/Mimosa_pudica

തൊട്ടാവാടി
(Mimosa pudica) Flower-head
ശാസ്ത്രീയ വർഗ്ഗീകരണം
Kingdom:	Plantae
(unranked):	Angiosperms
(unranked):	Eudicots
(unranked):	Rosids
Order:	Fabales
Family:	Fabaceae
Subfamily:	Mimosoideae
Genus:	Mimosa
Species:	M. pudica
Binomial name
Mimosa pudica L.
Synonyms
Mimosa hispidula Kunth

കേരളത്തിൽ സർവ്വസാധാരണമായി കാണപ്പെടുന്ന ഒരു ഔഷധ സസ്യമാണ് തൊട്ടാവാടി. (Mimosa Pudica Linn). Fabaceae എന്ന സസ്യകുടുംബത്തിൽപ്പെട്ട ഈ സസ്യം, ബ്രസീൽ ആണ് ജന്മദേശമെങ്കിലും ഇന്നു ഭൂമധ്യരേഖാപ്രദേശങ്ങളിൽ പരക്കെ കാണപ്പെടുന്നു. ഇല തണ്ടിനോട് ചേരുന്ന ഭാഗത്ത് സൂക്ഷിച്ചു നോക്കിയാൽ മുഴച്ചിരിക്കുന്നത് കാണാം. ഈ ഭാഗത്ത് കനം കുറഞ്ഞ കോശഭിത്തിയുള്ള ധാരാളം കോശങ്ങളുണ്ട്. അവ വെള്ളം സ്വീകരിച്ച് വീർത്തിരിക്കുന്നു. വെള്ളം വെളിയിൽ പോയാൽ അവ ചുരുങ്ങുന്നു. തൊട്ടാവാടിയുടെ ഇലകൾ സ്പർശനത്തിനു നേരെ പ്രതികരിക്കും. സ്പർശിക്കുമ്പോൾ ഭിത്തിക്ക് കനം കുറഞ്ഞ കോശങ്ങളിലെ ജലം തണ്ടിലേക്ക് കയറും. അതിന്റെ ഫലമായി കോശങ്ങൾ ചുരുങ്ങി ഉറപ്പുപോയി ചുരുളുന്നു. ഏത് വസ്തു തൊട്ടാലും ഇലകൾ അങ്ങനെ ചുരുളും. എന്തു വസ്തുവും ഈ പ്രവർത്തനത്തിനു കാരണമാകാം. ഈ ചുരുളൽ ഏതാനം സെക്കന്റുകൾ കൊണ്ട് പൂർണ്ണമാകും. പിന്നീട് അര മണിക്കൂറോളം കഴിഞ്ഞേ ഇലകൾ വിടർന്ന് പൂർണ്ണാവസ്ഥയിലാകൂ. ഒരു മീറ്ററോളം നീളത്തിൽ‍ പടർന്ന് കിടക്കുന്ന രീതിയിലാണ് തൊട്ടാവാടി കാണപ്പെടുന്നത്. നൈസർഗികമായ പരിതഃസ്ഥിതിയിൽ‍ ചതുപ്പ്, മൈതാനം, റോഡുകൾ‍ ‍എന്നിവിടങ്ങളിൽ‍ തൊട്ടാവാടി കണ്ടുവരുന്നു.

ബ്രസീലിൽ നിന്ന് പോർച്ചുഗീസ് ചരക്കുകപ്പലുകൾ ഫല സസ്യങ്ങൾ കൊണ്ടുവന്ന കൂട്ടത്തിൽ അബദ്ധത്തിൽ കയറിപ്പോന്നതാണ്‌ തൊട്ടാവാടി. ഒരു അധിനിവേശസസ്യം കൂടിയാണിത്.

രസാദി ഗുണങ്ങൾ

രസം	:	കഷായം, തിക്തം
ഗുണം	:	ലഘു, രൂക്ഷം
വീര്യം	:	ശീതം
വിപാകം	:	കടു

ഔഷധയോഗ്യ ഭാഗം

സമൂലം

ഔഷധഗുണം

തൊട്ടാവാടി വാടുന്നു

ബാഹ്യവസ്തുക്കളോടുള്ള പ്രതികരണത്തിന്റെ വേഗതയിൽ‍ നിന്നാണ് തൊട്ടാവാടിയിലെ ഔഷധമൂല്യം കണ്ടെത്തിയതെന്നു പറയപ്പെടുന്നു. ബാഹ്യ വസ്തുക്കളുടെ ഇടപെടൽ‍ മൂലമുണ്ടാകുന്ന മിക്ക അലർജികൾക്കും തൊട്ടാവാടി ഒരു ഔഷധമാണ്. ആയുർ വ്വേദ വിധി പ്രകാരം ശ്വാസ വൈഷമ്യം, വ്രണം, എന്നിവ ശമിപ്പിക്കുന്നതിനും. കഫം ഇല്ലാതാക്കുന്നതിനും, രക്തശുദ്ധി ഉണ്ടാക്കാനും ഇത് ഉപയോഗിക്കുന്നു. തൊട്ടാവാടിയുടെ നീര് കൈപ്പുള്ളതാണ്. ലഘു, രൂക്ഷം എന്നീ ഗുണങ്ങളോടു കൂടിയ ഈചെടിയുടെ വീര്യം ശീതമാണെന്നാണ് വിധി. ഇതിന്റെ വേരിൽ 10% ടാനിൻ അടങ്ങിയിരിക്കുന്നു. തൊട്ടാവാടിയുടെ വേരിൽ മൂലാർബുദങ്ങളും ഉണ്ട്. കുട്ടികളിലെ ശ്വാസം മുട്ടൽ മാറുവാൻ തൊട്ടാവാടിയുടെ നീരും കരിക്കിൻ വെള്ളവും ചേർത്ത് ദിവസത്തിൽ ഒരുനേരം വീതം ചേർത്ത് രണ്ടു ദിവസം കൊടുത്താൽ ശമനമുണ്ടാകും.തൊട്ട്ാവാടി സമൂലം പറിച്ചെടുത്ത കഴുകി വൃത്തിയാക്കി കൊത്തിയരിഞ്ഞ് നെല്ല് കുത്തിയ അരിക്കൊപ്പം ചേർത്ത് കഞ്ഞിവെച്ച് കുടിച്ചാൽ ഞരമ്പുകൾക്ക് ശക്തി വർധിക്കും. തൊട്ടാവാടി അരച്ചിട്ടാൽ മുറിവ് ഉണങ്ങും. കൂടാതെ, പ്രമേഹം, വിഷജന്തുക്കളുടെ കടിമൂലമുണ്ടാകുന്ന രക്ത സ്രാവം നിലക്കുന്നതിന്, തുടങ്ങിയവയ്ക്കെല്ലാം തൊട്ടാവാടി ഉപയോഗപ്രദമാണ്. 5 മില്ലി തൊട്ടാവാടി നീരും, 10 മില്ലി കരിക്കിൻ‍ വെള്ളവും ചേർത്ത് ദിവസത്തിൽ‍ ഒരു നേരം വീതം കഴിക്കുന്നത് ശരീരത്തിന് നല്ലതാണ്. അലർജിക്ക് തൊട്ടാവാടിയുടെ നീര് നല്ലതാണ്. ഇല ഇടിച്ചുപിഴിഞ്ഞ നീർ വെള്ളം ചേർക്കാതെ പുരട്ടിയാൽ‍ മുറിവ് ഉണങ്ങുന്നതാണ്. ചുരുക്കത്തിൽ പല രോഗങ്ങൾക്കും ഈ സസ്യം പരിഹാരം തരുന്നു.. ഭാവപ്രകാശത്തിൽ തൊട്ടാവാടിയെ ഇപ്രകാരം വിശേഷിപ്പിച്ചിരിക്കുന്നു:

'ലജ്ജാലു: ശീതളാ തിക്താ കഷായാ കഫ പിത്ത ജിത്

രക്തപിത്തമതിസാരം യോനിരോഗാൽ വിനാശയേതു.'

• ചതച്ചുനീരെടുത്തു എണ്ണ കാച്ചിതേക്കുകയും, കുടിക്കുകയും ചെയ്‌താൽ തൊലിപ്പുറത്തെ അലർജി മാറിക്കിട്ടുന്നതാണ്.
• കരിക്കിൻവെള്ളത്തിന്റെ കൂടെ എന്റെ നീരും ചേർത്ത് കുട്ടികൾക്ക് കൊടുത്താൽ ശ്വാസംമുട്ട് മാറുന്നതാണ്.
• സമൂലം ഇടിച്ചു പിഴിഞ്ഞ ചാർ കുടിക്കുന്നത് പ്രമേഹത്തിനു വളരെ ഗുണം ചെയ്യും.
• വിഷജന്തുക്കൾ കടിച്ചാൽ അരച്ച് കടിച്ച സ്ഥലത്തു പുരട്ടിയിടുന്നത് നല്ലതാണ്.
• സമൂലം ഇടിച്ചുപിഴിഞ്ഞ നീര്, തേനുംകൂട്ടി സേവിച്ചാൽ ആർത്തവസമയത്തെ രക്തസ്രാവത്തിനു കുറവുണ്ടാക്കുന്നതാണ്.

ചിത്രസഞ്ചയം

• തൊട്ടാവാടിയുടെ ചിത്രങ്ങൾ
• 

  തൊട്ടാവാടിപ്പൂവ്

• 

  തൊട്ടാവാടിയുടെ പൂവുകൾ

• 

  തൊട്ടാവാടി

• 

  തൊട്ടാവാടി പൂക്കൾ

• 

  തൊട്ടാവാടി വിത്തുകൾ

• 

  രണ്ടു തരം തൊട്ടാവാടികൾ ചിത്രത്തിൽ കാണാം

• 

  തൊട്ടാവാടി ഇലകൾ വിടർന്ന അവസ്ഥയിൽ

• 

  തൊട്ടാവാടി ഇലകൾ കൂമ്പിയ അവസ്ഥയിൽ

• 

  വിത്തുകൾ

• 

  പൂവും മൊട്ടും ഇലയും കാണാവുന്ന ഒരു ചിത്രം

• 

  റ്റതൃശ്ശൂരിൽ

• 

  തൊട്ടാവാടിപ്പൂവ്

• 

  തൊട്ടാവാടി പൂവ്

അവലംബം

• ഔഷധ സസ്യങ്ങളുടെ അത്ഭുത പ്രപഞ്ചം - മാത്യു മടുക്കക്കുഴി, കറന്റ്‌ ബുക്സ്‌