കഴഞ്ചി

വിക്കിപീഡിയ, ഒരു സ്വതന്ത്ര വിജ്ഞാനകോശം.
കഴഞ്ചി
Caesalpinia bonduc inflo.jpg
ശാസ്ത്രീയ വർഗ്ഗീകരണം
സാമ്രാജ്യം: Plantae
(unranked): Angiosperms
(unranked): Eudicots
(unranked): Rosids
കുടുംബം: Caesalpiniaceae
ജനുസ്സ്: Caesalpinia
വർഗ്ഗം: C. bonduc
ശാസ്ത്രീയ നാമം
Caesalpinia bonduc
(L.) Roxb.
പര്യായങ്ങൾ

ഔഷധഗുണങ്ങളുള്ളതും കൂർത്ത മുള്ളുകളുള്ളതുമായ ഒരു വള്ളിച്ചെടിയാണ് കഴഞ്ചി. (ശാസ്ത്രീയനാമം: Caesalpinia bonduc). പര്യായം ( (ശാസ്ത്രീയനാമം: Caesalpinia crista), ഇംഗ്ലീഷ്- ബോൻഡൂക് മരം.വളരെ കാലം കടൽവെള്ളത്തിൽ കിടന്നാൽപ്പോലും നശിക്കാത്ത ഇതിന്റെ മനോഹരമായ വിത്ത്‌ മിക്കതിനും ഒരേ വലിപ്പമായിരിക്കും. കേരളത്തിലെ പഴയകാല അളവ്‌ ആയ കഴഞ്ച്‌ ഈ കുരുവിന്റെ ഭാരമായിരുന്നു.

പേരിനു പിന്നിൽ[തിരുത്തുക]

വിത്തുകൾക്ക് ഒരേ വലിപ്പവും ഭാരവുമായിരുന്നതിനാൽ ദക്ഷിണേന്ത്യയിൽ അളവിനായി ഇവ ഉപയോഗിച്ചിരുന്നു.

മറ്റു ഭാഷകളിൽ[തിരുത്തുക]

  • ഹിന്ദി - കരജ്ജാ
  • ബംഗാളി - നാട്ടാകരാമഞ്ജാ
  • മറാഠി - ഗജഗ, സാഗർഗട്ട
  • തെലുങ്ക് - ഗചേന
  • തമിഴ് - കഴഞ്ചി, കഴർച്ചി
  • ഇംഗ്ലീഷ്- ബോൻഡൂക് മരം

വിതരണം[തിരുത്തുക]

ചൂടുള്ള രാജ്യങ്ങളിലെ കാടുകളിലും സമതലമായ നാട്ടിൻപ്രദേശങ്ങളിലും വന്യമായി വളരുന്നു. ഇന്ത്യ, ശ്രീലങ്ക, ബംഗ്ലാദേശ് മ്യാന്മർ എന്നീ ദേശങ്ങളിൽ പ്രധാനമായും കണ്ടുവരുന്നു. കടലോരങ്ങളിലും ഇവ വളരുന്നു. 750 മീറ്റർ ഉയരം വരെയുള്ള വനപ്രദേശങ്ങളിലും ഇവ കാണപ്പെടുന്നു.

വിവരണം[തിരുത്തുക]

കുറ്റിച്ചെടിയായോ പടപ്പൻ ആരോഹിയായോ വളരുന്നു. കൂർത്ത് ബലമുള്ള മുള്ളുകൾ ആസകലം കാണപ്പെടുന്നു. ഇവയ്ക്ക് ഇളം മഞ്ഞനിറമാണ്. പുറം തൊലിക്ക് ഇളം തവിട്ടു നിറമുണ്ട്. ഇലകൾ 30 സെ.മീ. അധികം നീളം ഉണ്ടാകാം. ഏകാന്തരമായാണ് ഇലകളുടെ വിന്യാസം. ദ്വിപിച്ഛക സംയുക്തപത്രമാണ്. 6-8 ജോടി പിച്ഛകങ്ങളും ഒരോ പിച്ഛത്തിലും 12-16 ജോടി പത്രകങ്ങളും സമ്മുഖമായി വിടരുന്നു.

പൂങ്കുല അഗ്രസ്ഥാനത്തായും കക്ഷത്തിലും ഉണ്ടാകാം. പൂക്കൾക്ക് മഞ്ഞനിറമാണ്. 5 ഇതളുകൾ സംയുക്തമാണ്. കേസരങ്ങൾ 10 എണ്ണം. ഫലങ്ങൾ 2 വേർതിരിവുള്ള കായ് രൂപം. ഫലകവചത്തിന്റെ പുറം രോമം നിറഞ്ഞതാണ്. മുള്ളുകളുമുണ്ടാകാം. ഒരു ഫലത്തിൽ 1-3 ഉരുണ്ട ചാര നിറമുള്ള വിത്തുകൾ കാണും. ജൂലൈ-സെപ്തംബർ മാസത്തിൽ പൂക്കുന്ന കഴഞ്ചിമരത്തിന്റെ ഫലങ്ങൾ ജനുവരിക്കുള്ളിൽ പാകമാകുന്നു.

രസാദി ഗുണങ്ങൾ[തിരുത്തുക]

രസം :കടു, തിക്തം

ഗുണം :ലഘു, രൂക്ഷം, തീക്ഷ്ണം

വീര്യം :ഉഷ്ണം

വിപാകം :കടു [1]

ഔഷധയോഗ്യ ഭാഗം[തിരുത്തുക]

വേരു്, ഫലം, വിത്ത്, വിത്തിൽ നിന്നെടുക്കുന്ന എണ്ണ, ഇല [1]

അവലംബം[തിരുത്തുക]

  1. 1.0 1.1 ഔഷധ സസ്യങ്ങൾ-2, ഡോ. നേശമണി, കേരള ഭാഷ ഇൻസ്റ്റിറ്റ്യൂട്ട്

പുറത്തേക്കുള്ള കണ്ണികൾ[തിരുത്തുക]


"https://ml.wikipedia.org/w/index.php?title=കഴഞ്ചി&oldid=2481716" എന്ന താളിൽനിന്നു ശേഖരിച്ചത്